تسجيل الدخول

مشاهدة النسخة كاملة : لكي تعرف ماهي أسرع سيارات العالم وصول الى 100 واقواهن ادخل هنا


Shadow
18-08-2003, 11:10 PM
السلام عليكم

لاحظت كثرة المواضيع حول اسرع سيارة وصول الى 100 وماهي اقوى وغير ذلك

طبعا لاننكر ماذكر في جميع المواضيع وخاصه ان اغلب المواقع ذكرت هذا الشيء

لكن حبيت اذكر لكم ماهي حقا اسرع سيارات العالم

اولا اود ان اشير الى نقطه هامة جدا وهي ان هذه السيارات لاينبغي ان نقارنها بالسيارات المصنفه تجاريا خاصه وان السيارات المصنفه تجاريا لاتدخل ضمن هذه القائمة

بشكل سريع اسرع السيارات تجاريا
الماكلارين F1 لاتزال تتربع على مرتبة الاسرع ومن بعدها فيراري اينزو ومن ثم باغاني زوندا ولامبورغيني مورسيلاجو

وسيارة بوجاتي فيرون قادمة بقوة لانتزاع المرتبه من ماكلارين لانه مدعومة بمحرك جبار قوة 1001 حصان مع اربع توربو وتصل الى 100 في زمن لايزيد عن 3 ثواني وسرعتها النهائية 450 كم
وسرت شائعات ان لامبورغيني تطور مشروع سري حيث تقوم بتطوير سيارة بمحرك 24 سلندر

الان ناتي لقائمة السيارات الاسرع في العالم دون القائمة المصنفه تجاريا


1- 2000 HKS Racing 180SX
وتصل الى 100 خلال 1.2 فقط

ويصل 300 كم خلال اقل من 8 ثواني

http://www.uaeuae.com/upload/pic4/racing180sx.jpg

----

2- فورد موستانج Ford SVT 10.0L Boss موديل 94
وتصل 100 خلال 1,9 فقط

http://www.uaeuae.com/upload/pic4/boss.jpg

---

3- كورفيت Lingenfelter 427 Twin-Turbo موديل 2001
وتصل 100 خلال 1,9 فقط والفرق بينها وبين الموستانج جزء من اجزاء الثواني
والي مستغربه انهم اضافوا اليها توربو وليس سوبر تشارجر !!!

وعندي انا فيديو كامل عن هذه السيارة وقمت بقص مقطع بسيط
نزل هذا الملف القصير جدااااااا لكن صافي وشوف كيف راعي الكورفيت يوصل 300 خلال ثواني معدوده

http://www.geocities.com/majed_070_shadow/Movie.zip


وهناك العديد من السيارات الاخرى ساذكرها قريبا باذن الله |3|
فأي واحد يبغا معلومات او المزيد من السيارات الاسرع يطلب هنا وانا جاهز :)
nfsdriver
18-08-2003, 11:25 PM
مشكور على الموضوع الرائع معلومات قيمة مشكور مرة اخرى
B.M.S
19-08-2003, 01:54 AM
مشكور على المعلومات وحبيت اصحح لك يا اخوي ان

سرعة البوغاتي 406 كم/ساعه

وشكرا
KING BLACK
19-08-2003, 08:48 AM
بصراحه البوغاتي هي الوحش لما بلغت من تطور واندفاع صاحب هذي الافيهوبصراحه شكل اللمربجيني بتحضر المفاجئه
Shadow
19-08-2003, 11:35 AM
هلا اخوي nfsdriver
مشكووور على ردك وماقصرت :)

-----------------------
هلا اخوي B.M.S
تعجبني والله يعجبني الي يصحح معلوماتي
سرعة البوغاتي هذي تكون وصلتها خلال مسافة محدده في ميدان مفتوح كالهاي وي
لكن او اعطيت المسافه الكافية لوصلت الى اخر سرعتها كما هو في الماكلارين 1 عندما وصلت 391 كم
لكن طبلون البوغاتي 450 كم

مشكوور اخوي B.M.S على ردك ويعطيك العافية اخوي :)

--------------------------
هلا اخوي كينج بلاك
تسلم والله وماقصرت وزي ماذكرت البوغاتي راح تكون من اقوى السيارات واغلاهن كمان
أحمد مطر
19-08-2003, 01:14 PM
الأخ العزيز Shadow .
أسعد الله أوقاتك ..

شكراً لمشاركتك والمعلومات والصور ... حقاً كان الموضوع مستوفي الجوانب ... وقد أستفدت وسيستفيد غيري من هذه المعلومات ..

أجدد شكري ونريد المزيد ... تقبل خالص التحية ...
محمد
19-08-2003, 02:49 PM
Shadow

أهنئك على هذا الموضوع المميز. وأهنئ أعضاء منتدى السيارات بوجود قلم ملثك.
موضوع روعة وكما قال الأخ أحمد سوف يستفيد منه الجميع.

باانتظار المزيد من إبداعك.
|1|
ابو كاظم
19-08-2003, 03:10 PM
يعطيك العافيه اخوي وما تقصر بس ترا مهب ذيك السرعه
بي بهاذي الصور التاليه
http://www.uaeuae.com/upload/pic4/racing180sx.jpg
نلا حظ انها رفعة مع قوة العزم
بس مهوب الي رفعها العزم
الي رفعها الكفرات كبييره
والكفرات الاماميه صغيره عشان كذا رفعة
وانا ان شاء الله ابنزل موظوع اسرع سياره بالعالم
اسرع من الموستنج
وما تقصر
تحياتي
ابوكاظم
HONDA 4 EVER
19-08-2003, 03:37 PM
يا سلام عليك يا شادو

اللي لفت انتباهي وجود أخبار ان لامبورغيني تطور مشروع سري حيث تقوم بتطوير سيارة بمحرك 24 سلندر

كيف رايح تصير هذه السياره !!!

شكرا لك مره أخرى على موضوعك الجميل والمفيد
MR.COOL
19-08-2003, 04:52 PM
مشكوور أخوي على الموضوع الجميل


مع تحياتي
MR.COOL
Shadow
19-08-2003, 07:56 PM
اهلا باأخي احمد مطر

الرائع هو حضورك
تسلم يالغالي واشكرك على مرورك الكريم وتشريفك لموضوعي :)

------------------------------

ياهلا بـ محمد
يعطيك العافيه اخوي على ردك الجميل ومشكور على مرورك الكريم وتشريفك لموضوعي :)

-----------------------


ياهلا والله بابو كاظم

طبعا كماذكرت الكفرات لها دور كبير
حتى انها كفرات استعمال مرة وحده يعني بعد الانطلاقه لازم تتغير
شوف الفيديو حق الكورفيت هي كمان زي الكفرات حتى الموستانج واغلب السيارات السريعه الي في المراتب الي بعد الكورفيت كذا زي الدودج والبورش ماعدا الدودج فانتوم الي مركب فيها توربو واللامبورغيني SVTT
والانطلاقه هذي زي ماتفضلت من قوة الدفع وخاصه ان شركة HKS له خبرة بالمجال هذا وشفت لهم معدلين سيفيك وسكاي لاين وعدة سيارات وتنطلق بالسرعه هذي لكن عيبها التويجه صعب جدا يعني لايمكن قيادتها بالشكل المطلوب
الكورفيت هي السيارة الوحيده التي يمكن قيادتها في المدن وبشكل عادي

مشكور اخوي على ردك واضافتك الجميلة والمفيده وانتظر موضوعك بكل شوف ولهفه

ولك مني اطيب تحية :)

---------------------------------
هلا اخوي HONDA 4 EVER

حتى انا والله انشديت مع الخبر ومع الشائعات وسمعتها في كذا موقع ومنتدى امريكي ولا ادري عنهم لكن ماستبعد هذا
خاصه وان لامبورغيني سبق وانها صممت سوبر ديابلو وكانتو السيارات الي قوتها فوق 700 حصان

مشكور اخوي على ردك وماقصرت

-----------------------------
هلا اخوي مستر كول
الاجمل هو ردك
مشكور وماقصرت :cool:
Shadow
20-08-2003, 02:48 AM
عفوا اخوي ابو كاظم السيارة الي ذكرتها لك دودج فينوم مو فانتوم مادري ايش دخل الالف والتاء :D

شوف هذي صورتها وتوصل 100 خلال 2,4 وهي في المرتبة الرابعه

http://www.uaeuae.com/upload/pic4/80000tt.jpg


وهذي لامبورغيني SVTT توصل 100 خلال 2,9
وهي في المربتة العاشرة

http://www.uaeuae.com/upload/pic4/diablosvtt6.jpg

تحياتي |3|
love caprice ss
20-08-2003, 02:48 AM
اخوي Shadow ممكن اعرف كم حصان الفيراري الاينزو

اذا سمحت يعني

وشكرا اخوكم delpiero
فارس مكة
20-08-2003, 07:14 AM
مشكووووور اخوي على الموضوع الجميل
Shadow
20-08-2003, 02:53 PM
هلا اخوي love caprice ss

الفيراري ا ينزو قوتها 660 حصان

مشكوور على ردك وماقصرت :)

----------------------------------

هلا اخوي فارس مكة
مشكور على ردك وماقصرت
LEXUS.GS.430
20-08-2003, 03:00 PM
مشكور على الموضوع الرائع معلومات قيمة ;)
Shadow
21-08-2003, 08:01 PM
العفو اخوي LEXUS.GS.430
راعي الاوديTT
26-08-2003, 11:53 PM
عندي سؤال لكم ..... سمعت انا من وكالة المرسيديس .. حقت الجغالي اللي في الشرقية انه الاس 65 لما بتنزل في السعودية سعرها بيدق المليون ..

انتم تعرفون الاس 65 ... هي سيارة المرسيديس الفياقرا ( الحوت ) بس عليها محرك 12 سلندر و تيربوات ... السيارة سرعتها 380 كيلو متر

S 65 , CL65
عليهم نفس المحرك و هو تطوير و تجميع مهندسين الشركة العريقة ايه ام جي التابعة للمرسيديس

و الحين فيه في جميع انحاء المملكة سيارات المرسيديس بمحركات الايه ام جي

مثلا في حوت بس هي 8 سلندر و فيها تيربوات اسمها اس 55 قوتها 500 حصان

فتصوروا المحرك 12 سلندر و عليه التيربوات ...





السؤال هو هل سيسمح لهذه السيارة ان تمشي في الطرقات بسرعة 380

علما بان السيارة فيها العديد من الانظمة التي تساعد في الثبات .. ارجوا الرد لمن لديه معلومات او وجهة نظر لهذه السيارة
فواز
27-08-2003, 06:45 AM
الف شكر اخوي موضوع رائع فعلا
وين ممكن احصل مقطع الكورفت كامل ؟


بحفظ الله
Shadow
27-08-2003, 02:41 PM
هلا اخوي راعي الاودي TT

سيارة المرسيدس الجديده S65 , CL 65 كما ذكرت سيارة بالغه القوة
حتى انها اخذت اللقب من الاودي RS6 لقب اقوى سيارة سيدان

المرسيدس الجديده قوتها613 حصان وتوصل 100 بـ 4,4 فقط

لكن مع ذلك السيارة تتمتع بوسائل الراحه واحدث انظمة التحكم والتراكشين يعني مافيه خوف
وسرعتها 360
وسعرها مراح يتعدى 650 الف على اعلى تقدير

وكما ذكرت اخي السيارة سريعه لكن لاتنسى اانا ايضا نملك سيارات بالغة القوة والسرعه ولايمنع ذلك من طرح هذه الفئه

تحياتي لك اخوي :)

---------------------------------------------
هلا اخوي Dead

مقطع الكورفيت خذته من موقع ريسنج فليكس وفيه اشتراك مجاني وبقروش يفرق بينهم سرعة الرسيفر لكن من شهرين ماصاروا ينزلون يقولو الرسيفر عندهم خرب ويقولون لازم اشتراك ( يبونك تشترك غصب بفلوس )

و انا مستعد ارسله لك على سي دي افضل لك واسرع
وحجم الفيديو 55 ميجا

تحياتي لك اخوي Dead :)
read 94 cam
31-08-2003, 03:00 AM
مشطور اخوي
Shadow
بس ليش مستغرب انهم حطوا في الكورفيت تيربو مو سوبر شارجر
التيربو افضل حتى لوكان السوبر شارج معد للمسافات القصير
التيربو بشوية لعب تقدر تخليه يشتغل مع الدورات الأولى للمحرك
Shadow
31-08-2003, 03:23 AM
هلا اخوي ريد
معك حق اخوي والتيربو افضل طبعا

لكن استغربت لان كنت اتوقع انه لايستعمل مع محرك الكورفيت الا سوبر تشارجر

لكن تصححت معلومتي

مشكوور اخوي على مرورك :)
love caprice ss
31-08-2003, 03:52 AM
العفو اخوي Shadow

وان شاء الله المزيد

وشكرا اخوكم delpiero
Shadow
01-09-2003, 02:22 AM
هلا اخوي لوف كابريس

العفو ومشكور على مرورك :)
TSS
01-09-2003, 03:18 AM
حلو..............السيارات .....الخياليه......
السرعه و الغضب
02-09-2003, 05:55 PM
مشكور
LEGACY
02-09-2003, 10:25 PM
Shadow مشكور على هذا الموضوع الرائع ...

ولكن اصرارك على انك تدور اسرع سيارة في العالم شي ممتع ... ولكن اعرف ان الكثير من السيارات التجارية التي طالتها الأيدي العابثة تفوقات حتى على الطائرات .. وايظا على اسرع السيارات في العالم ....

بالمناسبة الصورة الأولى ... هنالك شقيق لهذه السيارة سكايلان 33 بس ما اعرف اسمه نفس الصبغة ومن نفس الشركة معدل ... اذا ما عليك كلافة صورته بس ....


وتحياتي لك ومشكور ...
راعي الكراون
04-09-2003, 12:08 PM
الكراون تجيب ال100 في 7,3 ثواني
Shadow
05-09-2003, 04:15 AM
هلا اخوي السرعه والغضب

مشكور على ردك


هلا اخوي ليجاسي
انا حصلت على هالمعلومات في اكثر من موقع وهذه النتجية نشرها موقع فاست اوتو اشهر موقع في سيارات السرعه
وبالنسبة للتعديل السيارات فهذا شي معروف ان اي سيارة تعدل تصبح بالغة السرعه
اما بالنسبة لسيارات السوبر كار اذا عدلت اصبحت اجرام يعين الحين سيارات السبور والجي تي تعدل وتصير طيارات وش ببالك بالسيارات الي اصلا طيارات ويعدلن والفايبر واللامبورغيني خير مثال

بالنسبة لسكاي لاين HKS هي زي السيارة الموجوده صورتها لكن مادخلوها القائمة ليش مادري زي السيفيك <---- هذي لو تنفخ عليها انقلبت مادري وش مسوين فيها
لكن فيه سيلفيا اقوى من السكاي لاين الي عدلت من HKS ومن تعديل نفس الشركة

على العموم هذا موقع Raw Horsepower's Top 50 راح تحصل فيه ضالتك من السيارات المعدله وفيها سكايلاين 33 من نعديل HKS لكن للأسف الموقع عيا يظهر معي احفظه عندك وانشالله يظهر
http://rawhp.netfirms.com/

تحياتي لك :)


هلا اخوي عاشق الكراون

ياخي لخطبت حسابتنا الحين لازم نزيح الكورفيت ونحطك مكانها هههههه

مشكور على مرورك :)


هلا اخوي ليجاسي
LEGACY
05-09-2003, 04:31 AM
Shadow
مشكور ثانية وعلى المعلومات المفيدة الي عطيتني اياها ....

بس انا ما ادري... سيارات السوبر كار ... هل هي قابلة للتلغيم ...؟؟؟

يعني فئة الجي تي على طول واعتقد ما صنوعها الا علشان يلغموها لكن السوبر كار ... هل جاهزة للتلغيم ....

مع ان بعض الأمريكان في السباقات المرخصة حاولوا يعدلون فايبر SRT-10 ولكنهم طلعوا بنتيجه نهائية بقوة 1027 حصان .... وهذا كاقصاى حد لتلغيمها وهي قوية لدرجة ان التواير الي وراء لو يدعس فيهم دعسة تبويشة وما يشيل رجله لى حد لي تمشي ... يقولون لك انه التاير يهتري لذالك نظام الـTSC حاطينه على 10 في هذي السيارة ... ولكن 8 سلندر بس طلعت 1027 حصان؟؟؟ السكايلان ((شكلي غيثتكم بالسكايلان )) السوبرا تطلع 1100 حصان بالراحة وهي 6 سلندر....

يا الله يا عيال الـ8 سلندر ((الومنيا )) ورونا همتكم ذيبكم الكبير انكسر راسه ... الفايبر


فيعني ودي اوصل لك معلومة بسيطة جدا .... وهي مو كل سيارة قابلة للتعديل ..حتى السوبر كار الي تشوفهم ... وسيارتنا هنا في الخليج للأسف طبعا .... معضمهم ولي كلهم...


وتحياتي لك ... وانا بادور في هذا الموقع الي عطيتني اياه ومشكور عزيزي ...
Shadow
05-09-2003, 01:53 PM
هلا اخوي ليجاسي

من ناحية السوبر كار ايوه قابله للتلغيم واي سيارة قابله للتلغيم لكن طبعا له تقنية خاصه وامور معينة وهذي ماخشت راسي ليه يلغمونها وهي اصلا قوية يعني ليه التعبيث هذا
لكن تكلفتها غالية مرة وهذا الي مخليها مو مشتهرة مرة
الفيراري تلغيمها صعب ونادرا ماتتلغم
اللامبورغيني االله يعين الي يلغمها لانها يبي ينفقع راسه من صوتها واذا لغمت صارت زي الوحش خاصه وانها متماسكه وهذي ميزتها انها ماتتمايل اثناء الانطلاق وكمان فيه انواع كثيرة ملغمه منها مايوصل في اقل من ثانيتين زي الي عدلت من بليتز وسوبر ديايبلو 2000 وSVTT و VTTT
والي ملاحظه ان اغلب الملغمات معدلتها نفس الشركة ( ماخذين راحتهم ببلاش ههه)
يعني تخيل محرك 12 ومضاف عليه تيربو والبدي والكفرات ماتتغير فقط في المحرك
وكمان عندك الفايبر والكورفيت واذكر شفت بقناة نوفلاري لقاء مع واحد امريكي عنده ورشة ويقولون انه ذو خبرة كبيرة لغم فايبر تتوقع ايش سوى ؟؟؟
حط فيها توربو مع سوبر تشاااارجر كيييييييف ماااااادري !!!!
تشوفه لاعب فيها مع ان شكلها لخارجي عادي
وحسب كلامه انها وصلت 1400 حصان واحتمال تتعدى هالرقم
وتلغيم السوبر كار قائم بس بين الشركات الكبيرة والناس المرفهين زي واحد كان معه مورسيلاجو سقط عليه ديابلو ملغمه قام ولغم المورسيلاجو وسقط عليه ( لو اني مكانه والله مالغمها يكفي صوتها اصلا )

بالنسبة لسيارات الجي تي انا معك والله خاصه من ناحية السكا لاين
السكاي لاين ميزتها بالتعديل زي السوبرا يعني يجي واحد ويشتريتها بدون مايلغمها صراحه غبي
خاصه وان السكاي لاين من افضل السيارات تقبلا للتعديل وكمان ارخص
وميزيتها بالدفع الرباعي الي مخليها متوازنه وامكانية رفع قوتها بسهولة الى 40 و800 او الف حصان حتى وبسعر منافس جدا
وطبعا وانت ابخص مني واكثر خبرة وعارفها

تحياتي لك اخوي ليجاسي واشكرك من قلبي على معلوماتك القيمة ونقاشك المفيد والرائع واتمنى ان الموقع يفتح لانه واللهبصراحه حلو مرة وفيه سيارات جي تي كثيرة بتعجبك |1|
LEGACY
05-09-2003, 05:06 PM
Shadow

تسلم تسلم على المعلومات ....

الله يستر من السوبر كار ..شكلهم يبفجرون الأرض ...

اعجبني الحديث والحوار معك يا عزيزي ... وتحياتي لك...
الحب الوحيد
05-09-2003, 05:42 PM
حلوووووووووة السيااارت ومشكور على الصور وعلى المووضوع المفيد للجميع
تحياتى
Shadow
05-09-2003, 07:33 PM
العفو اخوي ليجاسي وانا سررت اكثر بالنقاش معك وفي عالم السيارات كل شي متوقع وجايز

ولك مني اطيب تحية يالغالي :)
Shadow
05-09-2003, 07:34 PM
هلا باخوي المبدع الحب الوحيد
العفو اخوي واشكرك على مرورك الكريم :)
س و ب ا ر و
07-09-2003, 07:04 AM
موضوع جميل
يعطيك العافية
Shadow
15-09-2003, 12:03 AM
العفو اخوي سوبارو
Red_mission
09-10-2003, 01:52 AM
على العموم شكرا وماقصرررررررررت----
zr1farsi
09-10-2003, 04:20 AM
الموضوع حلو ومفيد ولي حلاه اكثر النقاش الى دار بينك وبين اخوي ليجاسي
Shadow
10-10-2003, 05:51 PM
هلا اخوي محمد ملائكه

مشكور على مرورك :)

-----------

هلا باخوي zr1farsi

ليجاسي معلمي وانا تلميذه :)
مشكور على مرورك وماقصرت :)
المســــــــــك
04-11-2003, 10:50 AM
مشاء الله موضوع جميل وشيق الله يبارك فيك اخوي شادو



تحياتي
King Bora
11-11-2003, 04:54 AM
يسلمو على كل مجهود تقوووم فيه
ملك البورا
Shadow
20-11-2003, 02:12 PM
هلا اخوي Musk

يعطيك العافيه على المرور :)

--------
حياك الله اخوي كينج بورا
اشكرك على ردك وماقصرت :)