مشكلة: التأمين يريد التعويض و أنا أريد اصلاح السيارة

[shagra]

السلام عليكم و رحمة الله

مشكلتي مع تعويض التأمين

سيارتي اكسنت 2011 الشكل الجديد اشتريتها وكالة أول ما نزلت بــــ 39500 ألف ريال مواصفات سياحي أوتوماتيك.. و بعد ما اشتريتها ارتفع سعرها الى تقريباً 42 ألف ريال (حسب ما سمعت)

المهم بعد استهلاك السيارة سنة كاملة و عداد الكيلو فوق المتوسط... السواق صار له حادث انفرادي بسيط جداً مجرد مخش في الرفرف الخلفي و الجنط ضرب الرصيف

و السيارة تمشي زي العسل و لأن السواق (يمني) راح لأخوياه في الصناعية و قيموا له أضرار السيارة قالو السيارة تمام بس يحتاج تغيير الرمان الجنط من باب الاحتياط..

طيب رحنا شركة التأمين (تأمين شامل) و قيموها عند لورشة و اصدروا تقرير السيارة تالف

و التعويض 34500 ريال و أنا الآن معترض أبي السيارة يصلحونها

وش رايكم أنا كسبان و لا خسران؟

[وضح النقاء]

.
.
.
اذا كان شيكهم جاهز ، استلم الفلوس وزود عليه واشتر 2012

اصفار + جديدة + نظيفة + اول مالك + سليمة من العيوب لو بغيت تبيعها

افضل من سيارة تصلحها ثم بعد ذلك تكون مسمكرة وفيه ضربة حادث

قارن بين السيارتين

[أبو ماجد البشري]

شوف كم يكلف تصليحها لوكان الفرق حتى 3000 عن قيمتها اول ماشريتها وانت كادها سنه وماضي على صنعها كذلك سنه وإذا فيه اي سمكره راح تنزل قيمتها الأفضل ان ياخذونها وتطلع جديده,,

[shagra]

علشان أكون صريح معاكم... السياره للسواق ماهي لي...و أنا اشتريتها له تقسيط من باب المساعده علشان في المقابل يودي عيالي المدرسه و يخدمي في مشاوير الأهل.... و السواق حر يسترزق بالسيارة

و هو اللي دفع قيمة التأمين لكن السياره باسمي فالتأمين باسمي

لذلك أنا محتار ما ودي أدفع زياده سيارة جديدة و السواق بعد يزيد اقساطه.. يعني سالفه

[عاشق الـruze]

اذا كانت للسوالق اطلب انهم يصلحوها

اما اذا كاانت لك انصحك تاخذ٣٤٥٠٠ فرصة ما تتعوض

لانك لو صلحتها وبعتها بعدين ماراح تجيب لك٢٥ الف بالكثير ولا تنسى انها رااح تكوون متسمكرة

[shagra]

^^^
السيارة ما تحتاج سمكره

فقط تغيير الرفرف الصدام الخلفي........... و تغيير رمان الجنط

و السياره مفحوصه في الورش قبل لا يدويها السواق للتأمين... و قالو فقط غير الرمان.. و السيارة ممشاها كويس ما يبين فيها شئ

و البودي ما فيه أي شئ

[altaboot]

غريبه كتبو تالف على حادثه بسيطه

قلهم يعوضوك قيمة التصاليح بس اصرف

خاصة ان سياره ماكملت سنه

صعبه تقعد تدفع فوق 5000 ريال وتشتري موتر اخر

ياشيخ لو تصلح سياره على حسابك خير من جيبك خير لك من انك تآخذ فلوس الشيك وتشتري موتر اخر وتزيد مبلغ فوق 5000 الاف ريال

حتى لو فكرت تشتري مستعمل يمكن تلاقي بسعر الشيك واقل بس ماتضمن انه نضيف

ربعنا يعدمون ام سياره اعدام من جوى وبرك تشوف مالها سنه تحسب استخدام 10 سنين

[shagra]

خلاص بستلم الشيخ اليوم... أو يوم السبت (جاري اصدار الشيك)

بس الى الآن ما فهمت ليه اعتبروها خسارة كلية... يمكن حركة علشان يصلحونها و يبيعونها بأعلى من قيمة التعويض و يستفيدون الفارق

[mr.3do0ol]

^

مستحيل راح تجيب لهم اقل من الشيك اللي عطوك ياه ...
بالتوفيق .

[مجروح المشاعر]

خير لك ان شاء الله استلمت الشيك يعني سيارة 2011 واستخدمتها وصدمة عليها وفرق عن المبلغ المدفوع 5.000 ريال اتوقع انك ربحان 100%