مثبت السرعه

[صاحب CX9]

السلام عليكم ورحمة الله و بركاته
:xyxwave:

عندي استطلاع و سؤال و أرجو من الجميع سواء اصحاب التويوتا او غيرهم المشاركة فيه حتى نعلم و نستفيد

:c0214:
مع كثرة أعطال مثبت السرعه لبعض السيارات هل ستستخدمه بسفرك في المرات القادمة أم لا


ياليت الكل يشارك حتى نستفيد و ياليت تذكر لنا نوع المركبه حتى نعرف أكثر مدى راحتك وقناعتك بها بسفرك:smilie16:

لن يصيبنا إلا ماكتب الله لنا
و الله يستر علينا و عليكم

[ماجــد غير]

http://www.assayyarat.com/forums/thread254850.html

[آوتار الغلآ]

الحمد لله عندنا فان فورد ( فري ستار ) موديل 2004 و ممتاز جداً
أكثر من مرة أستعمل المثبت و الحمد لله ما عمره تعطل أو علق علي
و سبق و ثبت و أنا رايح للشرقية عليه و ممتاز ما شاء الله


بالتوفيق للجميع و بإنتظار البقية ..
شكراً صاحب الموضوع

[ابو ساير_sa]

لا انصح باستخدام مثبت السرعة خصوصا وانت معااااااااااااك عائلة في خط سفر

ياروح ما بعدك روح

[لحن المشاعر]

^

لتويوتا طبعا

عن نفسي اثبت وانام ( امريكي ) حتى الطاره بخليها ( عشان فيه ناس تقول مو راسي )

[samaction]

سيارتي تويوتا اف جي نعم استخدمه كثير جدااااااااا

[- النايف -]

سيارتي تويوتا اف جي نعم استخدمه كثير جدااااااااا

اجل نصيحة اخ انتبه لنفسك لاتصير عبره لغيرك


وكلامي هذا تبي تذكره باذن الله تعالى في يوم من الايام

[القلب يحزن]

لا والله معي دورانجو والحمد لله ماعمري سافرت وانا ماحطيته

وزي ماقال لحن المشاعر امريكي وبس ياحبيبي

[حبيب الملاييين]

انا استخدامي للمثبت يعتبر بشكل يومي !! واكثر من مرة ف اليوم .. وش عاد سفر

اكيد باستخدمه ..

[محمد الفارس88]

انا ما اضمن اي شيء اسمه كمبيوتر والمثبت يعتمد على حساسات .. وعندي هوندا بايلوت 2011 بس ما استخدمه .

[samaction]

اجل نصيحة اخ انتبه لنفسك لاتصير عبره لغيرك


وكلامي هذا تبي تذكره باذن الله تعالى في يوم من الايام
معاي اف جي
و ما بعلق مستحيل
ولو علق بحط القير على الN عادي مو مثل الزباله اللاند كروزر
ما نفع بطفي السياره بتطفي
وقبل ذا كله بفرمل قبل ماتوصل 100 اصلا

[XxTrooKxX]

عندي شيفروليه كروز.....

أثبت السرعة في الحواري والخطوط
وبالذات في الخطوط اتربع وانا مرتاح :)
^^^^
طبعا لابد من حزام الامان

[genes power]

وعليكم السلام ورحمة الله وبركاته ,,

ماشاء الله...طلع كثير يستخدمو المثبت

رغم انو كل السيارات اللي امتلكتها فيها مثبتت الا اني ما ادري وين مكانه بالضبط

اظن في الدكسون ! :D

واذكر مرة وحدة استخدمته اول ماطلعت الاوبل قبل 10 سنوات تقريبا

ما عرفت امشي نص كيلو بالمثبت...احس السيارة فيها شي غلط

ولاني من النوع اللي سرعته مو ثابتة وكل ما اشوف شبر فاضي ادعس اكثر ابدا ما استخدمه لافي سفر ولا غيره

تم التصويت لـ "لا وسيارتي غير تويوتا"

وشكرا ^^

[صاحب CX9]

و الله مروركم العطر هو اللي يزيد الموضوع حلاوة و منتظر مشاركة باقي الإخوة الكرام

و الله يحفظنا و إياكم

[vend]

معي CX-9 استخدم المثبت يومياً
مكان العمل يبعد 80 كم عن منطقتي

[MKNN]

باجيرو 2007 3.8 الشكل الجديد

كثير ما أستخدم مثبت السرعة إذا أمشي على رواقة

خاصة على خط الرياض الشرقية

تم التصويت : نعم وسيارتي غير تويوتا

على فكرة نحن عائلة كنا نقدس شيء اسمه تويوتا من أيام الهايلكس 83

وما زال الوالد ينتمي لهذه الشركة بهايكلس 2010

أما نحن الأبناء فقد خرجنا من عباءة تويوتا أخي الأكبر تاهو 2011 وأنا باجيرو 2007

وأخي الأصغر مني فيوجن 2012 والأصغر منه كابريس 2006 واللي بعده أكورد 2012

[Yasolbi]

السلام عليكم ل
من ناحية الاستخدام لا انصح باستخدام مثبت السرعه لانه من الوسائل اللي تقلل من تركيز السائق اثناء القيادة بعيد عن التعليق واغلب انظمة السلامه في الشركات العالمية تطبق هذا النظام فانصح الكل بعدم الاستخدام لانه يقلل من التركيز اثناء القيادة وبعد حوادث التعليق انصح الكل بتجنب الاستخدام

[samaction]

السلام عليكم ل
من ناحية الاستخدام لا انصح باستخدام مثبت السرعه لانه من الوسائل اللي تقلل من تركيز السائق اثناء القيادة بعيد عن التعليق واغلب انظمة السلامه في الشركات العالمية تطبق هذا النظام فانصح الكل بعدم الاستخدام لانه يقلل من التركيز اثناء القيادة وبعد حوادث التعليق انصح الكل بتجنب الاستخدام
ما عليك القياده بالسعوديه ما تمشي بدون تركيز ...تفقد التركيز ثانيه تروح في خبر :xyxwave:
حالة سواقة الشعب صعبه جدا

[MR.WALEED]

انا سيارتي كورلا 2009 مافيها مثبت
ولكن بحكم اني اسافر مع الاهل على موتر الوالد وهو لاندكروزر 2009 ودايم نثبت على 160
تم التصويت لنعم وسيارتي تويوتا

[super_safari]

و عليكم السلام و رحمة الله و بركاته

الحمد لله سيارتي ما فيها مثبت و الدعسة عادية مو إلكترونية
الله يستر من الموتر الجديد إذا جيت أشريه
الله يكفينا شر الحوداث , و يهدي هالشعب الذي ما زال يردد "شيك بالجيب"

بس لو تهورت و شريت تويوتا شرط يكون سلاح بالسيارة و متوجه جاهز على القزاز الخلفي هههههههههههههه بس أضغط الزناد

[رجل قانون]

سيارتى تاهو ولكزس ... ما اعتقد بستخدم المثبت بعد هالحوادث

[الوسم 2010]

استخدم المثبت في كل سفرياتي

ومعي باترول 2010 حبيب القلب ماعليه خوف باذن الله

[صاحب CX9]

تسلمون جميعا ياخوان عالردود العطره و التفاعل الحلو و الله يجعل لكم بكل خطوة سلامة:wavey:

[fawaz04]

لااستخدمه
حتى لو كان بغير تويوتا

[عملة نادرة]

معاي فرت (فورد) واستخدم المثبت وانا مرتاح

[absba2010]

معاي نيسان التيما 2010

و لكني لا استخدم المثبت لاني غير مستقر على سرعة معينة

[طوارئ]

سيارتي لا يوجد فيها مثبت

و اجابتي كانت ( لا و سيارتي غير تويوتا )

[SHAMI]

معاي كاديلاك ولنكون وجمس اشغل المثبت حتى داخل المدينة على 60 و80 (وفي السفر اكيد المثبت يكوون شغال)

الامريكي اماان بعد الله

[Night]

السلام عليكم ورحمة الله وبركاته

تم التصويت بـ نعم وسيارتي غير تويوتا ..

شكرا لك على الموضوع

وفي ترقب جديدك ومميزك

مع التحية

Night

[صاحب CX9]

منورين الموضوع و الله بطلتكم و مشاركتكم جميع على راسي

[FireBox]

كل السيارات الي كانت معاي استخدم فيها مثبت السرعة ...

التصويت بنعم ...

[بريق اللجين]

استخدمته عدة مرات بس لا اثق فية ابدا ولن استخدمة

[altaboot]

سيارتي مافيها مثبت سرعه ولو كان عندي استعملته

احنا بالسعودية وصدق من قال كآنها قاره ماشاء الله كبيره مره وخطوط طويلة في السفر

صعب انه واحد يستغني عنه


واذا علق مثبت سرعه ذيك ساعه لكل حادث حديث ههههههههه

[بوليسي]

انا استخدمه مرتين فقط من اول ماشريت سيارتي

[تركي11]

بعد الخبر حق التعليق استخدامي له قليل جدا
حتى قبل الخبر لكن بعد الخبر صار فيه شوية خوف ووسوسه :smile:
وممكن لو السيارة فيها نظام الرادار اللي يمشي على حسب مسافة السيارة اللي امامي
اكيد راح استخدمه كثير لان بيصير فيه متعه في القياده :smilie16:

[khalid ali]

لو صار لا سمح الله وعلق مثبت السرعه اهدأ وتذذكر انه قضاء وقدر حاول انت ترفع القير N واذا سمعت صوت كانه المكينه بتنفجر خلها تولي طز وخل السياره تهدا وتوقف لحالها ولو فيه امكانية تظغط بريك خفيف ثم توجه لاقرب فرع لوكالة عبد اللطيف وافقع وجه اول مصري تشوفه

هذي نصيحتي لكم + اناعندي تيوتا بعد الهرج توجبهت للوكالة وخليتهم يقلبون مثبت السرعه عندي مسمار مسمار حتى ياكدولي انه سليم 100% واستخدمه عادي جدا جدا

[علاء حبيب]

استخدمه على طول لان بصراحة مفيد جدا ومريح بنفس الوقت , للعلم انا ما اجني غير الكابرس 2000,2006,2009 والحمد لله ما عطل عندي ولا مره

[smart_guy]

وعليكم السلام ورحمة الله وبركاته،،،

نعم، يتم الإستخدام دائماً في طريق جدة مكة وللمركبتين المذكورتين في التوقيع.

[محمد م م]

استخدمته مره فقط للتجربه ولم اشعر بأرتياح تام لأني لم اشعر بأني
اسوق سياره ولم استخدمه بعدها