محتااااااااار في الكابرس 2012

[رحاااااال]

السلام عليكم ورحمة الله وبركاته
مساكم الله بالخير أخواني


في البداية اشكر القائمين على هذا المنتدى الأكثر من رااااائع


انا يا أخوان محتااااااااااار في الكابرس 2012 LS ، لأن في ناس يقولون ابعد عنه وفي ناس يمدحونه !!! فا انا أبغي همتكم يا جماعة في إعطائي رايكم وبالأخص أصحاب التجربة وملاك الكابرس لأني ناوي ولكن متردد !! يعني هل ينفع حق الخطوط لأني صاحب سفرات وكرف ورجلي ثقيييييييييلة على السيارة شوي


السموحة على الإطالة

[nemsis]

اخوي انا ما انصحك وش رايك بالماكس

[رحاااااال]

الماكس أخوي ما عليها كلام من ناحيت المشي والسواقه والثبات........ لكن المشكلة في قيرها ال CVT !!! ان ياخوي كان عندي التيما 2010 وعليها نفس قير المكسيما وكنت كارفها ورحت فيها مكة المدينة والرياض خلال 10 شهور الفترة إلي تمت السيارة عندي ، في آخر سفرة لي للمدينة المنورة بعد 250 كيلو تقريباً بدا القير يعلق وأدوس على البنزين كامل والسرعة جالسة تقل وأعشق على الشفتر عشان انزل النمرة مايعشق ، بعدين طفية السيارة ورجعت شغلتها صارت اوووكي ونفس المشكلة بعد تقريباً 400 كيلو ، بعدها حلفة ما أرجع البحرين إلا انا مرجها على الوكالة وماخذلي كراون فكتوريا 2011 حاليا عندي ماشاء الله موتر محترم وعن تجربة بين الربع والأنسباء ، بس انا بغيت الكابريس حق البيت وسفراتهم ....

اسمحلي يالغالي على الإطالة بس للتوضيح فقط

[رحاااااال]

يا أخواااااااان بغيت ناااااااااااس عن تجربة ويمتلكون السيارة جزاكم الله خير

[Night]

تم نقل الموضوع من قسم ارشيف الاستفسارات الى نادي السيارات الامريكية

[upload]

من باب التجربه

للاسف لا انصحك بالكابريس

هي فخامه ولكن قطع غيار ناااار ثانيا بعد خمس او ست سنوات يصعب عليك ايجاد قطع غيار للسياره الا بالتشليح

وجميع مواقع قطع الغيار في النت لا يوجد بها كابريس ولا اعرف السبب

الكابريس فقط في دول الخليج

[Cap- RoYaL]

من باب التجربه

للاسف لا انصحك بالكابريس

هي فخامه ولكن قطع غيار ناااار ثانيا بعد خمس او ست سنوات يصعب عليك ايجاد قطع غيار للسياره الا بالتشليح

وجميع مواقع قطع الغيار في النت لا يوجد بها كابريس ولا اعرف السبب

الكابريس فقط في دول الخليج


قطع الغيآر بالعكسس عآديه بالعكس احسهآ ارخص بعد

ومين قآلك انهآ بالخليج بسس !؟

ادخل موقع الهولدن وتلقى قطع الغيآر اللي تبيهآ

والكآبرس اذا معجبكك خذه لاتشآور

[احمد 999]

اخوي upload

سلامات مافي له قطع انا عندي لومينا 2007 خذت ست سنوات وماشفت منا الا القطع الاستهلاكيه والطقه اسفل السياره وصلحتها الوكاله والقطع متوفره وانا من سكان الاحساء اذا بغيت اشتري قطع الوكاله موجوده التوكيلات العالميه وفي شارع الملكي الجميح للقطع الغيار وفي محلات كثيره تبيع القطع

[sloo0]

من باب التجربه

للاسف لا انصحك بالكابريس

هي فخامه ولكن قطع غيار ناااار ثانيا بعد خمس او ست سنوات يصعب عليك ايجاد قطع غيار للسياره الا بالتشليح

وجميع مواقع قطع الغيار في النت لا يوجد بها كابريس ولا اعرف السبب

الكابريس فقط في دول الخليج

ياليل الفتي بسس ياخوي الي يقول مادري افتى ترا

تحسب الكابرس الجديد زي الكاببرس الي معاك 2002 ماففففي ولااا اي وجه مقارنه

تاكد من المعلومات ولاتعطي اراء ماهي صحيحه وتشكر

[-caprice]

اخوي الكابريس اذا تبغى تكرفه يحتاج الى صيانه اول باول

اما القطع الغيار موجود لين تقول بس

عيبه الكهرب بعد فترة تحصل مشاكل في الكهرب هذه شفتها في 3 كابريسات بس صدقني ان اخذتها ماراح تفكر في غيرها

اما بنسبه للخطوط هي افضل سيارة للخطوط رساوة سرعه ثبات خاصة في فئتها

استخير ثم اشتري

ومبروك مقدما

[boss~1]

حبيبي بالنسبة لقطع الغيار لا تخاااف موجودة القطع في اي محل قطع غيار ومتوفرة بكثرة وبالعكس فيه محلات تبيع قطع اصلي للكابريس باقل من سعر الوكالة بشكل واضح رغم ان القطعه هيه هيه .. والقطع تلاقي GM وتلاقي اي سي ديلكو يعني لا تخاااااف ابدا قطع متوفرة باي مكان وبأسعار حلوة
اما اوكالة اذا كانت موجودة بالمحلات العادية الوكالة 100% موفرتها وعندك اكثر من 4 وكالات توفر القطع اذا ما لقيت هنا تلاقي هنا ..

فيه سيارات ما تلاقي القطع الا بالوكالة لا وبالطلب بعد .. الكابريس عكس تماما تبغا في المحلات متوفر تبغا الوكالة متوفر في 4 وكالات واي سيد ديلكو بعد

بالنسبة للسيارة انا انصحك فيها توكل على الله والله انا معاي السيارة تمام التمام وصدقني لو تركب كابريس ما تبغى غيره ..

الكابريس 2011 متوفر ايجار في محلات ايجار السيارات بشكل كبير
روح استأجر وحدة يوم كامل واحكم على السيارة وحاول تلاقي سيارة ما شيه قليل
وانا متأكد انك بترجع السيارة المحل وتمشي على الوكالة وتطلع كابريس

[عابر القلوب]

إسئل مٌجرب ولا تسّئل خبير

خِذهآ منّي .. آبتعد قد مآتقّدر ... أو بالآصح خَلها آخر خيآراتكـ .. واللّه يوفقك

[جرح انسان]

انحش عن الكابرس وشفورليه كله

[احمد 999]

^^^^

ليه يناحش من الكابريس

[عملة نادرة]

اترك عنك الخروف الاسترالي أنا أخوي عنده لومينا 2005 مافيه قطعه بالسيارة الا غيرها من كثر الخرابات واذا تبي بديل عندك التورس - افلون - ماكسيما - كادينزا - ازيرا - كلايزلر

[almo6eery]

انا كان عندي كابرس 2000 صج انها كبيرة بس خراباتها واجد

[almo6eery]

وكانت تطلع صوت بالمكينه مزعج

[كابريس2005]

ممتازه بس مشكله مواصفاتها قليله وسعرها غالي !!

واللي يقول قطعها غير متوفره ياليت يكرمنا بسكوته لانه كلاامه غير صحيح نهائياً

[رحاااااال]

اشووووووف أختلااااااااااااااف كبييييييييييييييييير بين الأخوان في الكابريس ،، هذا حيرني أكثر وأكثر ،، شباب السيارة ما عليها كلام من ناحية المشي ومن ناحية الثبات والهدوء لكن كل هذا في جههه وعمر السيارة في جههه ثااااااااااااااانية ، مثال : شوف الفورد كراون فكتوريا ( الحمدلله انا أملك 2011 ) إذا سألت عنه في منتدى ولا في مجلس ولا في أي مكان تشوف إنه الراي المؤيد للسيارة أكبر بكثييييييير من الرأي المعارض !!! لكن للأسف هذا الشي ماشوفه مع الكابريس لأن تحس انه في تخوف عند الناس منه بسبب سمعته السيئة مع العلم إنه الكابريس أقوى من ناحية المحرك بكثير عن الكراون فكتوريا ، لكن ليييييش الكراون متفوقة أكثر ؟؟؟ لأن الفورد حق كررررررررررف وحق خطوط والناس مجربينة على فترة طويله وصار عند الناس طمئنينة من ناحيتة....

السموحة على الإطالة

[M.M.D]

ؤالله شوف اخوي انا عندي كابرس 2012 LS لونه اسود صبرة عليه شهر عشان ينزل 2012

السياره حلوه + سعرها رخيص بالمواصفات الي فيها

السياره الحين ماشيه معاي 5000 إلآف كيلو السياره مريحه مكينه جبارهـ +زي مكينة الـSS والرويال

صراحه انا يوم جيت اشتريها سائلت عن قطع الغيار وهذـآ شي طبيعي الواحد يسال عن قطع الغيار قبل لآ يشتري بالوكاله اشوف ان قطع الغيار رخيصه جدـآإ ( الاستهلاكية)
لآن الشكل خادمك من 2007+ لين 2012 يعني بكل مكان تلقاله قطع غيار
التشاليح مليانه روح يم الصناعية وتلقى بين كل محل ومحل علامة الـ GM ولآ شفروليت
معلقها بمحله

مواصفات السياره حلوه اول شي بلتوث ثاني شي منفذ USB وعن طريقه تشغل ايباد ايفون
سياره محركها V8 سته لتر بسعر معقول بـ 100،000 وكسور طالعه علي

والوكاله فيها شي حلو تدفع 1600 ريال لهم مره وحده تخلي الضمان 5 سنوات والكيلوات مفتوحه يعني لو تمشي بالسنه 100،000 إلآف ماعليهم منك ويصلحون اي شي غير استهلاكي على حسابهم واسمه هالشي (تمديد ضمان) وانا مسوي هالشي وانت ايش خسران
1600 لاسمح الله بعد الـ 100،000 إلآف طلع اصوات ولآ شي بيصلحونها وكاله وعلى حسابهم انت تغطيك الي دفعتها لهم 1600 ريال

والسياره صراحه كل يوم احبها اكثرٍ وانا السياره شريتها ماشورة احد لآن الموديل السابق كان سيئ جدا ولآ يتقارن بالموديل الجديد 2011+2012 اول شي كانو يشتكون من القير مايتحمل المكينه القويه الي هي V8 كان بـ 4 تعشيقات
الحين 2011+2012 6 تعشيقات يعني امشي 200 الضغط على 3 مريح المكينه جدـآإ
الوإن الداخليه تبع الـ LS كانت خضرا الحين قلبوها كلها ابيض ومعطيتها شكل افضل مع الشاشه الي فيها ،‘
وانا عني مجرب السياره والسياره ماعليها كلآم خلك من الي يقولك والله خويي معه ولآ اخوي معه السياره حتى لو كانت المانيه ماتحافظ عليها بتخرب عليك
اذا بتحافظ عليها صدقني اي سياره ممكن تصبر معاك وشوف الي معاهم كوابرس ولومينات
محافضين عليها قوله شنو غيرت فيها يقولك بس القطع الاستهلاكية

وبالاخير لآتنسى صلاة الاستخاره ووهالكلام الي نزلته لك من تجربتي لسيارة شخصيا
واتمنىىى إني إفدتكـٌ

[دايم على البال]

^^^^^^^^^^^^^^^^^^^^^^^^^^^^^^^^^^^^^^^^^^^^^^
كلام سليييم جدا

وياخوي من تجربة السيارة مافيها اي عييب الا عيب واحد في نظري اللي هو التركشن
ماهو ذاك الزود بالكابرس صح انه يمسك احيانا بس برضو مهو ذاك الزود
واقولك توكل على الله وخذها

[أبو مي]

ياخي ابعد عن الكابريس ... اذا تبي موتر حلو ومثل قوة الكابريس خذ لك توريس

وشكرا

[bigdam688]

انا مع الأخ أبو مي

انا زيك كنت محتار بين الكآبرس 2012 والتوريس والحمد لله اخذت التوريس

انصحك فيه موتر عز وفخامة وكلآسيك

[ماعندي أغلى منك]

الكابريس مثل البطيخة أنت و حظك و هذا الكلام عن تجربة 3 كوابرس من كابرس 2000
الى الموديل الاخير هذا .
تلاقي اللي يمدح و اللي يقول انحش و السبب كالاتي تطلع لك وحدة كل الخرابات اللي بالعالم فيها و وحدة ما تخرب الكلام هذا ليس علميا لكن واقعي و لا أعرف كيف ولا أحد يقول لي على الاستخدام لان واحد خويي شرى أطلق كابريس رويال جديد تعال تفرج من ثالث يوم بدأت مشاكل و ما كملت معه 6 شهور و تخلص منها .:confused1:

[رحاااااال]

مشكورين شباب على الرد الطيب على موضوعي ،، بس يا جماعة الخير مايصير نقارن سيارات دفع امامي مع دفع خلفي !!! انا ابغا سيارة دفع خلفي 8 سلندر من فئت الكابرس والكراون فكتوريا يعني السيارات الكبيرة شوي ، تسلم لي أخوي ابو مي على ردك الطيب بس يالحبيب التوريس دفع امامي وانا ابغا دفع خلفي ، يبين انه في تخوف كبييييييييييييييير كبييييييييييييييييير من الكابرس على الميزات الحلوة إلي فيه وبالذات المحرك الجبار ( السبب الرئيسي لميولي للكابرس ) ، بس يا أخواني لازم الواحد لما بيشتري السيارة يكون مطمئن لأنه بيدفع فيها دم قلبه

اسمحولي على الإطالة

[speeed1]

الماكس أخوي ما عليها كلام من ناحيت المشي والسواقه والثبات........ لكن المشكلة في قيرها ال CVT !!! ان ياخوي كان عندي التيما 2010 وعليها نفس قير المكسيما وكنت كارفها ورحت فيها مكة المدينة والرياض خلال 10 شهور الفترة إلي تمت السيارة عندي ، في آخر سفرة لي للمدينة المنورة بعد 250 كيلو تقريباً بدا القير يعلق وأدوس على البنزين كامل والسرعة جالسة تقل وأعشق على الشفتر عشان انزل النمرة مايعشق ، بعدين طفية السيارة ورجعت شغلتها صارت اوووكي ونفس المشكلة بعد تقريباً 400 كيلو ، بعدها حلفة ما أرجع البحرين إلا انا مرجها على الوكالة وماخذلي كراون فكتوريا 2011 حاليا عندي ماشاء الله موتر محترم وعن تجربة بين الربع والأنسباء ، بس انا بغيت الكابريس حق البيت وسفراتهم ....

اسمحلي يالغالي على الإطالة بس للتوضيح فقط

اللي ما يعرف الصقر يشويه:smilie16:
هذا النظام لحماية القير بعد فترة لما يسخن


بخصوص الكابريس
كيف نعيش بلا كابريس
موصفات+ رحااابة + 8 سلندر + سعر معقول مقارنة بالموجود حاليا
براي من افضل السيارات اللي تستحق سعرها
الجودة كل السيارات الان 5 سنوات بدون استثناء تفتح كرشها

القطع ما هي رخيصة و ما هي غالية بشدة بشكل عام مقدور عليها وموديلات 2007+ تحسنت بشدة واللي يقلك ما فيه قطع غيار ايش نقول على سوبارو ولا بيجو تحتاج تنقيب
الكابريس سيارة شعبية متوفر قطع غيارها في كل مكان

[Aston 77 Martin]

ما اقدر افيدك بشي لكن الي اعرفها انه الكابرس موتر ممتاز هذا الي سمعته

وربي يوفقك

[رحاااااال]

اللي ما يعرف الصقر يشويه:smilie16:
هذا النظام لحماية القير بعد فترة لما يسخن


بخصوص الكابريس
كيف نعيش بلا كابريس
موصفات+ رحااابة + 8 سلندر + سعر معقول مقارنة بالموجود حاليا
براي من افضل السيارات اللي تستحق سعرها
الجودة كل السيارات الان 5 سنوات بدون استثناء تفتح كرشها

القطع ما هي رخيصة و ما هي غالية بشدة بشكل عام مقدور عليها وموديلات 2007+ تحسنت بشدة واللي يقلك ما فيه قطع غيار ايش نقول على سوبارو ولا بيجو تحتاج تنقيب
الكابريس سيارة شعبية متوفر قطع غيارها في كل مكان





لا ابشرك عرفت الصقر وما شويتة يالغالي ،، بالنسبة لقير الألتيما إذا خذنا بكلامك جدلاً فأنه لاااااااااااااااااااااا ينفع للخطوط وهذا فشل كبيييييييييييير كبيييييييييييير جدا جدا لسيارة مثل الألتيما في الخليج لأن احنا أهل سفر عن طريق البرلأنه إلي صادني في التيما حقتي كانت السرعة تنزل من 160 إلى تحت ال 100 تقريباً مع العلم ( انه دااااااااايس على الريييييييييس كااااااااااامل ) بعدين انا وقفت السيارة وطفيتها وبعدين شغلتها ورجعت السيارة طبيعية !!!!! وبعد مسافة رجعت نفس المشكلة يالغالي ،، وانا أعرف ناس غيري صادتهم المشكلة نفسها في الخط فقط !!!!! والشي الثاني ايش هذي الجودة إلي تخلي القير يصخن ومايتحمل الحرارة بعد 250 كيلوووو !!!! غرييييييييييبة هذا النظام إلي تتكلم عنه يالغالي ( انا اقترح إذا يبغون يبينون حرارة القير مثل ما تفضلة يحطونه جنب طبلون البنزين أو الحرارة عشاااااان نعرف حراااااااااارة القير )



السموحة على الإطالة

[موفاضي]

مشكلة البزران هذه الايام
ياخذ كابرس
ويقعد من قومه الي الثانيه و تفحيط و حوادث وويفك البرمجه ويحط رجله يشخط لين تشوف غباره وعدام ام السياره وبالاخير يقول لك الكابرس ماتنفع وخربتها كثير
انا ما اعمم علي الكل بس هذا اللي صاير
انا عندي لومينا 2008 ماشاء الله عليها
زبدة الكلام الي قلته
ان تستخدمه زين وتبي تحافظ عليه بعيش معاك
بتلعن خامسه وبتلعب به لعب يقبلها ملاكمة معك وتحمل مايجيك

[Hussain ahmad]

ماعليك من كلامهم
اشتر وتوكل تراه حق كرف وراحه وقوه وشكل
واذا على القطع قطعه منتشره في كل مكان
ادخل البقاله وتشوف له قطع

[رحاااااال]

جزاكم الله خير يا شباب وما قصرتو ،، بإذن الله استخير واتوكل على الله

[DEAR]

طيب نسيتو شيئ مهم اللي هو>>>>>> >>>>الشكل متى بيتغير؟؟؟؟؟؟؟؟؟

[كابريس2005]

احتمال كبير الشكل بتغير في موديل 2014

[أبو مي]

ياجماعة الخير

انا اذا بدفع 150 الف ريال في سيارة ابيها تعيش عندي

مو اخذ لي قرنبع والحقيقة الكابريس الموديلات الجديدة قربع .... ماودي اقول ان الكوري تفوق على الشفر لكن هذا الواقع

لكن ليه ماخذ سيارة تعيش لي من 8 سنوات - 10 سنوات يكون ذاك الوقت حللت ام السيارة وحللت فلوسي

وعموما يارحال انا اتكلم بشكل عام عشان ماحد يقول ابو مي متحيز لرأيه انا احترم الجميع والكل على راسي

وشكرا لكل فرد شارك مع اخونا رحال

[رحاااااال]

جزاك الله خير أخوي بو مي على كلامك الطيب ،، فعلاً انا مو كل يوم باشتري سيارة !!! انا ابغي سيارة تكد معي 10 سنوات على الأقل

[عريفجان]

المشكله مافيه الا ثمانيه سرندل

ويستهلك بنزين غير طبيعي وكأنه يكبه بالارض

لله ...... دور غيره