وش ابرز المواصفات الاختيارية في البي ام دبليو

[الكنق11]

السلام عليكم ورحمة الله وبركاته



شباب انا قررت اشتري بي ام دبليو ونفسي قبل ماشتريها اكون عارف وش المواصفات الاختيارايه والاستاندر في سيارات البي ام دبليوو



وبايش تنصحوني مواصفات ازيدها ووش المواصفات الي تكون استاندر غير الشاشة وايش الاشياء الي مالها داعي في السيارة


ابغاكم تفتحون عيوني يعني على النقاط المهمة واستفيد من خبرتكم


ويعطيكم الف عافيه :)

[porsche fan]

اهم اهم اهم اهم حاجة بسيارات البي ام دبليو والمفترض هالنقطة تركز عليها قبل الشاشة والنفقيشين واشياء كثير وهي مقاعد الكمفورت .. اذا ما تقدر على مقاعد الكمفورت من رأيي تشوف سيارة ثانية لأنها من جد مقاعد عادية جداً وما تستاهل سعرها

ركز على هالنقطة لأنها مهمة , انا ركبت بي ام دبليو الفئة السابعة وكانت المقاعد عادية , والله اللكزس ES افضل منها بالمقاعد وبدون اي مبالغه :) !!

[E.Mansour]

بخصوص مقاعد الكومفورت ..
هل هي متوفره في الـ 530i عند الناغي ؟؟؟

عذرا ً اخوي صاحب الموضوع على المداخله

[الكنق11]

بورش فان اشكرك على المشاركه

لكن اخوي كيف اعرف المقاعد الكمفورتبل من العاديه ؟ يعني كيف افرقها عن بعض

http://www.autocarideas.com/wp-content/uploads/2011/06/2012-BMW-650i-Convertible-Interior-04.jpg


الي بالصوره هذي كمفورتبل ولا لا يابورش ؟؟



وايش بعد يابورش غير المقاعد بالنسبة للانظمة السلامه اوالزيادات ؟؟

[trok]

bmw 730 ستاندر مفصخة ماتستاهل

اما الفل تفرق:
نافقيشن أبواب شفط
مدري يجي كومفرت سيت ولالا
وشاشات خلفية وكم حاجة بسيطة وتطلع عليك ممكن 340 ألف

أسف هاذا اللي أعرفة,,,:xyxwave:

[الكنق11]

حلو ذكرتني بالشفط

بس مادري خرباتها واججد والا ماعليه الشفط ؟؟

ومادري يجي في السبورت او لا لاني بطق كوبيه .

[trok]

لا ماأتوقع له ضرر لأنه ماتستفيد منه ألا أذا مادفيت الباب زين أحسن لو ماتعتمد عليه كليا

وأنت لو تقول أي فئة تتشري راح نفيدك

وانا من ردودك شكلك ناوي
BMW 6-SERIES

هاذي تفرق عن الفئة 7 بالمواصفات الستاندر والأضافات بأشياء كثيرة:rolleyes1:

[الكنق11]

اي ناوي عليها وش المواصفات الي برايك افضل شي ؟؟

مانستغني عن مشورتك يالغلا

[kaz]

الاستاندرد يفرق من فئه لأخرى مثلا

الفئه السابعه
فيه ال 730 ستاندرد .. هذي طال عمرك ما اصنفها بي ام :)
شاشة صغيره اماميه.. مقاعد عاديه .. لا شفط .. لانفيقيشن .. لاتبريد وتكييف بالمقاعد ..لابروجيكتر .. لا رادار .. عزم بايخ جدا المكينه 3.0 ؟ .. لا ديفيدي .. لا شاشات خلفيه .. ولاشي فيها غير شعار البي ام وحرام فيها .. جلد صناعي ..

ال 730 فل ..

كل اللي ذكر فوق موجود معاد الرادار والبروجيكتر ع حد علمي وسعرها يوصل ل 370


الفئه الخامسه

اقل نوع مثل ال730 اقل شي .. مافيه شي تماما


الفئه الخامسه مثلا ال 530 فيها كل شي معاد البروجيكتر والرادار والشفط
ومقاعد طبيعيه بس ماتجي كومفورت

تجي كومفورت الخليجيه وشاشات خلفيه بعكس الموجود هنا

ال x6

نوعين 6 و 8
ال6 فيه نفيقيشن شاشه كبيره 6 ديفيدي مقاعد رياضيه بجلد طبيعي

ال 8 كلشي مع بروجيكتر ورادار ومقاعد كومفورت

المقاعد الرياضيه ما انصح فيها مع سياره مثل الفئه ال 8 او ال5
بس مع الاكس 6 ممكن لانه رياضي والمقاعد تساعدك

للتفريق بين المقاعد الكمفورت والعاديه

العاديه مافيه القطعه المفصوله بين الرأس والتكايه .. مثل اللي بالصوره فوق
تلقى الرياضيه فيها زر اسود ع الجمب للتعديل اليدوي اما الكمفورت ف التعديل اوتو للتكايه حقت الراحه للرأس
بالتوفيق

[trok]

الــ BMW 6-SERIES توها جديدة وخبرتي محدودة فيها لاكن ماهي مثل الفئة الــ7

الأستاندر يجي فيه مواصفات محترمة والزيادة بين الفل والستاندر مااتتعدى الــ30-50

يجي من المواصفات الاختيارية:
سماعات بانق اند اوليفسن اللي تجي فالأودي والمرسيدس S63&S65 سعرها 10000 ممكن

وممكن ماتلقاها بالوكالة:smile:

أنا كل المقاطع اللي شفتها لل الفئة الــ6 يجي فيها تبريد وتسخين مراتب مما خلاني اتوقع

أن المقاعد الكمفورت تجي ستاندر

وأنصحك لاتاخذ الكشف يغبر وشمس وقلق بيلعب بحسبتك

وأعذرني لقلت خبرتي في هالفئة انا لي فالفئة الــ5&7 والوكالة ماعندنا في ديرتنا:blue:

[ماهرالحربي]

حياك الله أخوي ....

تفضل هذا كاتلوج الفئة السادسة :

إضغط هنا (http://www.bmw.com/com/en/newvehicles/6series/coupe/2011/_shared/pdf/6series_coupe_flyer.pdf)


فيه كل المواصفات الأساسية والإختيارية حيث ،

الميزة اللي أمامها مربع مظلل يعني أنها أساسية ....

الميزة اللي أمامها مربع غير مظلل يعني أنها إختيارية ....

بالتوفيق .....