أبغى سيارة ألمانية جديدة بحوالي 200 ألف

[راعي التندة]

السلام عليكم،

أول شيء أبعطيكم نبذة مختصرة عني.. أنا انسان كل سياراتي الماضية كان مستواها عادي.. يعني أكثر سيارة سقتها كانت كامري موديل 1998 لمدة 10 سنوات، وسقت هيونداي موديل 1998 لمدة 3 سنوات، وسقت هوندا أكورد موديل 2001 لمدة سنة.. يعني بالعربي.. كل المميزات اللي بالسيارات الجديدة ما قد جربتها (مثل البصمة، تشغيل السيارة بدون مفتاح، الكاميرات، الشاشات... إلخ)..

بالتالي أنا جديد على عالم السيارات الفخمة.. ولا أبغى أطخ سيارة بأكثر من 300 أو 400 ..

أكثر السيارات اللي لفتت انتباهي حالياً هي: أودي A6، و BMW الخامسة، و ميرسيدس فئة E

وأكثر سيارة حمستني هي أودي A6 لأن الستنادرد حقتها فيه كل الكماليات الأساسية ما عدا النافيقيشن بزيادة 12 ألف ريال تقريباً، فتطلع قيمتها حوالي ميتين وشوي.. لكني متخوف من الأودي لأني ما أحسها مرغوبة كثير في السعودية، ومتخوف من ساماكو لأن ما أعرف شيء عنهم ولا صيانتهم .. ومتخوف من نظرة الناس للأودي (بيطلع لي مليون واحد يقول لي ليش ما شريت كذا وليش ما سويت كذا).. غير الأشياء هذي أنا مقتنع بالسيارة ..

وبالنسبة لل BMW الفئة الخامسة، فاللي محمسني فيها هو اسمها ونظرة الناس لها بالإضافة لشكلها الخارجي الجذاب. مشكلتها ان سعرها مرتفع نسبيا، والستاندرد حقتها ما فيه أي كماليات تسوى (صح والا لا؟)... يا ليت أحد يأيدني والا يخالفني ويتذكر ان ميزانيتي ممكن تزود عن الميتين بخمسة آلاف كحد أقصى تقريبا..

وبالنسبة للمرسيدس الفئة E، فاللي محمسني اسمها الكبير ومن المؤكد إنها مريحة بالسواقة، ولكن تبقى فئة E أقل بكثير من S ولا تحس انك تسوق سيارة فخمة مرة.. بالإضافة إلى إنه تصميمها من الخارج غريب..

واضح من موضوعي إني أميل للأودي A6 بالفئة حقت 200 ألف ريال.. وش رأيكم؟ وش تنصحوني؟

[Majed GT]

مرحبا أخوي
أرشح لك الأودي A6 ، سيارة رائعة بكل المقاييس ، و شكل جديد مابيغيروه الا بعد سنين..
و دامك مقتنع فيها توكل على الله و فكر في شرائها ، لأنك حتى و إن شريت غيرها ، بتفكر فيها..
و زي ما قالو : إكرام النفس هواها..
:smile:

[porsche fan]

وبالنسبة للمرسيدس الفئة E، فاللي محمسني اسمها الكبير ومن المؤكد إنها مريحة بالسواقة، ولكن تبقى فئة E أقل بكثير من S ولا تحس انك تسوق سيارة فخمة مرة.. بالإضافة إلى إنه تصميمها من الخارج غريب..



كنت افكر بنفس الشئ , هو ان المرسيدس E ممكن تكون اريحهم بالقيادة لكن طلع العكس
طلعت اسوئهم من هالناحية ! , واذا تقدر تاخذ تيست درايف عليها يكون احسن , وتقدر تسأل اصحابها وراح تشوف , ما اقول انها سيئة بالقيادة ولكن اقول انها الأسوء بفئتها من هالناحية والـ A6 والفئة الخامسة افضل منها من هالناحية , الـ E كلاس اتفق معك على انها جميلة بصراحة لكن مشكلتها انها غير مريحة جداً بالقيادة مثل ما كنت اتوقع انا : ( !

شخصياً هالفئة ( مرسيدس E - أودي A6 - بي ام دبليو الفئة الخامسة - انفنتي M - لكزس GS ) تستهويني كثير واعشق كل السيارات من هالفئة وشخصياً اتابع جميع سيارات هالفئة وقريت عنها كلها واعرف معظم عيوبها ومزاياها من كلام مجربينها ومن كلام المجلات العالمية والمتخصصه بعالم السيارات

شخصياً انصحك بالأودي A6 , مثل ما قلت اول نقطة وهي نقطة قوية جداً بصالح الأودي وهي ان الستاندر منه مليئ بالمواصفات , بالاضافة ان الأودي A6 هي الأوسع بفئتها , نزلت قبل فترة بسيطة الجديدة لكزس GS لكن للآن ما بدأت بالبيع وما أدري من الأوسع بالخلف الأودي A6 ام اللكزس GS الجديدة , على كلٍ اللكزس ما بدأت تنباع فلهذا الأودي A6 هي الاوسع بفئتها من الخلف , بالاضافة وهي اهم نقطة مقاعدها الأريح بفئتها لأن الأودي تستخدم جلد ناعم جداً وفخم على الأودي A6 بالاضافة للمرسيدس E , لكن شخصياً عن تجربه اشوف ان الأودي A6 اريح من المرسيدس نوعاً ما وما أنكر راحة المرسيدس

بالنسبة للبي ام دبليو الفئة الخامسة , بما ان ميزانيتك فوق الـ 200 الف بشئ بسيط يعني ما راح تقدر تشتري فئة عالية من الفئة الخامسة وهذي مشكلة الفئة الخامسة من بي ام دبليو , لازم تشتريها بكامل المواصفات او لا تشتريها لسبب مهم جداً وهي المقاعد

البي ام دبليو عندها نوعين من المقاعد بسياراتها , واحد كمفورت وواحد عادي , الكمفورت يجي مريح جداً وممتاز ولكن مبلغه عالي نوعاً ما , انا ركبت بي ام دبليو الفئة السابعة ( 730Li ) وكانت المقاعد عادية وليست كمفورت ( اي المريحة ) وانصدمت من المقاعد , راحتها عادية جداً جداً للأسف , شخصياً اشوف سيارات البي ام دبليو اما تشتريها بمقاعد الكمفورت او شوف غيرها لأن حرام مقاعد مثل اللي ركبتها انا موجودة بسيارة سعرها فوق الـ 300 الف , فأذا المقاعد العادية للفئة السابعة حسيت راحتها عادية فما بالك بمقاعد الفئة الخامسة العادية وش بتكون !! بالاضافة البي ام دبليو الستاندر مافيها مواصفات كثيرة للأسف ! , البي ام دبليو الفئة الخامسة سيارة فخمة وناجحة اذا بتاخذها فل ومليئة بالمواصفات وبمقاعد الكمفورت , وقتها تصير كذا :xyxthumbs:


شخصياً انصحك بالأودي A6 , اشوفها جداً جميلة وفخمة ومريحة ووسيعة , وشخصياً اشوفها الافضل بفئتها ويوافقوني معظم المجلات العالمية ومعظم خبراء السيارات العالميين , وانا جاهز يا الغالي اجيب لك مقارنات بين الـ A6 ومنافسينها من هالفئة من الشركات الثانية لأكبر المجلات العالمية للسيارات وشوف انت كل مجلة تقول ايهم الافضل بهالفئة :wink:


بالتوفيق وعذراً على الاطالة

[SUPERCHARGED]

اذا بتستخدم 5 سنوات وبتبيع توكل على الله وخذ الاودي

اما اذا لا خلك على البي ام دبليو حتى لو تزيد شوي وبتنزل فئه جديد ووصلت عند ناغي الان

هي 520 لكن مدري عن الاوبشن حقها

انا ارشح لك البي ام لان لاخلص الضمان وعقد الصيانه بتلاقي ورشات كثر التراب تسوي لها الصيانه وتبديل قطع

عكس الاودي بيقص ظهرك سماكو , وسمعت سماكو مايحتاج اشرح لك

المرسيدس شكله سيئ بدون كت وغير مريح مثل منافساته الالمانيات

ارشح البي ام هي الافخم والاجمل شكل وعلى عقد صيانه مجاني لمدة 5 سنوات

[q8aziz]

^^^^^^^^
+1
bmw

[absba2010]

طيب اذا انت محتار فيه خيارات اخرى

مثل انفنتي او لكزس سيارات رائعة جدا

[trok]

هاذي الفئة من السيارات بتتعقد عشان تختار منها ههههه

بقولك مزايا وعيوب كل منها

infiniti m:مواصفات كثير بالنسبة للسعر وشكل جيد جدا بفئة الـS

BMW 5:اجملهن الأقوى أسم من جهتي مواصفاتها ماتستاهل سعرها غالي جدا لاكن هيبة

MERCEDES E:قاسية شوي لاكن من جهتي أعتبرها أجمل داخلية لاكن من الخارج معوقة

AUDI A6: الأريح بسبب كواترو تستاهل كل ريال بمواصفاتها وشكلها مقبول لسعرها

[عشق هوندا]

إذا ماتمانع في خيارات غير الالمــاني

ارشــح لك اللينكون mks " تجمع بين اعتمـاديه السيارات اليابانيــه وترقى لأداء وفخامه وتقنيـات الالمانيــه "

[mc-pro]

السلام عليكم،

أول شيء أبعطيكم نبذة مختصرة عني.. أنا انسان كل سياراتي الماضية كان مستواها عادي.. يعني أكثر سيارة سقتها كانت كامري موديل 1998 لمدة 10 سنوات، وسقت هيونداي موديل 1998 لمدة 3 سنوات، وسقت هوندا أكورد موديل 2001 لمدة سنة.. يعني بالعربي.. كل المميزات اللي بالسيارات الجديدة ما قد جربتها (مثل البصمة، تشغيل السيارة بدون مفتاح، الكاميرات، الشاشات... إلخ)..

بالتالي أنا جديد على عالم السيارات الفخمة.. ولا أبغى أطخ سيارة بأكثر من 300 أو 400 ..

أكثر السيارات اللي لفتت انتباهي حالياً هي: أودي A6، و BMW الخامسة، و ميرسيدس فئة E

وأكثر سيارة حمستني هي أودي A6 لأن الستنادرد حقتها فيه كل الكماليات الأساسية ما عدا النافيقيشن بزيادة 12 ألف ريال تقريباً، فتطلع قيمتها حوالي ميتين وشوي.. لكني متخوف من الأودي لأني ما أحسها مرغوبة كثير في السعودية، ومتخوف من ساماكو لأن ما أعرف شيء عنهم ولا صيانتهم .. ومتخوف من نظرة الناس للأودي (بيطلع لي مليون واحد يقول لي ليش ما شريت كذا وليش ما سويت كذا).. غير الأشياء هذي أنا مقتنع بالسيارة ..

وبالنسبة لل BMW الفئة الخامسة، فاللي محمسني فيها هو اسمها ونظرة الناس لها بالإضافة لشكلها الخارجي الجذاب. مشكلتها ان سعرها مرتفع نسبيا، والستاندرد حقتها ما فيه أي كماليات تسوى (صح والا لا؟)... يا ليت أحد يأيدني والا يخالفني ويتذكر ان ميزانيتي ممكن تزود عن الميتين بخمسة آلاف كحد أقصى تقريبا..

وبالنسبة للمرسيدس الفئة E، فاللي محمسني اسمها الكبير ومن المؤكد إنها مريحة بالسواقة، ولكن تبقى فئة E أقل بكثير من S ولا تحس انك تسوق سيارة فخمة مرة.. بالإضافة إلى إنه تصميمها من الخارج غريب..

واضح من موضوعي إني أميل للأودي A6 بالفئة حقت 200 ألف ريال.. وش رأيكم؟ وش تنصحوني؟

يالغالي في اودي Q5
سعرها 190000 ريال سعودي
سيارة رائعة
انصحك تمر تشوفها عند ساماكو
بالنسبة للوكي والله ما قيد اتعاملة معاه
لكن حسب قرائتي عنه الكثير من الناس عندهم تحفظ عنه
تحياتي
تقبل مروري

[صاين الذكرى]

يالغلا سعر e كلاس المرسيدس 200 الف
اذا انت تبغاها بجيبها لك بسعر 160 الف راسلني عللى الخاص وانا بقلك الطريقة
تحيااتي

[MY VW]

والله نصيحة ابعد عن سماكو النذل
وابعد عن الناغي الحرامي
ومرسيدس ابرك وتمسك اكثر وعملية اكثر
والله يوفقك

[فيصل911]

تقريبا أنا مثلك. ومحتار جداً ..
الله يسهل أمري وأمرك والجميع ان شالله.

[salah t]

أنا بنصحك بسيارات مرسيدس E350 أو E-class 280 وبتوقع 280 يكون سعرها ارخص من 200 الف في السعودية ... بالنسبة للخيار الثاني انا شخصيا لو نويت اشتري سيارة اشتري Volkswagen Passat CC >> ,وبالتوفيق انشالله!

[السلطآآآن حسن]

أنا أنصحك بمرسيدس
بصراحه شكلها عكس الي يقولو
في ناس تقول مو حلو و الي يقول معوق
أشوفه شي جميل و فخم
شوفه في الوكالهو تتغير نظرتك له

[techmate]

السلام عليكم ورحمة الله وبركاته.


أودي وإنفينيتي وباسات لم أجربها ولاأقدر أفتي فيها, لكن سمعة ساماكو والحمراني فيها القول الفصل, بالإضافة للسعر المتدني عند البيع.

لكزس جربتها رائعة, وسعر البيع معقول لسيارة رفاهية, لكن أبوجميل مايمزح معة في الصيانة وقطع الغيار.

الـ BMW بالنسبة لي الأفضل على الإطلاق في متعة القيادة (ولا مؤاخذة كنها مصممة للسيدات) ماتحس أنك تسوق, لو تمسك طريق الدمام - الطائف ماتمل بالمقارنة مع السيارات الأخري (قد تنافسها الكاديلاك لكن لم أجربها).

المرسيدس بغض النظر عن مظهرها الخارجي والداخلي, لكن فيها موثوقية وديمومه عجيبة بالإضافة لكثرة مراكز الصيانة المتخصصة وتوفر قطع الغيار ومنطقية سعرها مقارنة بغيرها.

[kaz]

bmw الفئه الخامسه

ونصيحتي سو تست درايف

[Meshal.M.Y]

بي ام دبليو اجملهم واريحهم

ولكن الستاندرد تقدر تقول فاضي

انصحك بالاودي اي 6

واذا كان لك نظر بالامريكي كاديلاك DTS V8 PLATINUM سعرها 218 الف ومواصفاتها عاليه جداً والسيارة ملفته

وبالتوفيق :smile:

[amersa2001]

بي ام دبليو اجملهم واريحهم

ولكن الستاندرد تقدر تقول فاضي

انصحك بالاودي اي 6

واذا كان لك نظر بالامريكي كاديلاك DTS V8 PLATINUM سعرها 218 الف ومواصفاتها عاليه جداً والسيارة ملفته

وبالتوفيق :smile:


DTS عااااد , يارجل هالسياره معوقه من جد :bigggrin:
لو CTS افضل بواجد من ناحية الشكل والمواصفات وبإعتقادي كاديلاك ككل تتميز بالراحه

[شي ثاني]

الاودي a6 سياره فخمه وتصميمها قوي...ويكفي انها اوودي..لكن ترى وكيلها سيئ جدا ...بحسب ما اشوف من شكاووي عليه
ويقولون صيانتها غاليه ...

المرسيدس جميله جدا...من جوا ومن برا ...لكن يقولو مراتبها مو مريحه نوعا ما..

البي ام ...سياره رااائعه وشكل جديد لكن سعرها جداا مرتفع لانك يا تاخذ الفل ولا لا..

فيه انفينتي M37 صرااااحة سياره جداا رائعه ....وفيها مواصفااات كثيره ومحركها قوي وشكلها جديد وفخم ...انصحك فيها

او ليكزس ES 350 سياره حلووه وعمليه وفخمه ..

لكن أنا ارشح لك الانفينتي....

والله يوفقك..

تحيـــــــــ اااااته....

[Meshal.M.Y]

DTS عااااد , يارجل هالسياره معوقه من جد
لو CTS افضل بواجد من ناحية الشكل والمواصفات وبإعتقادي كاديلاك ككل تتميز بالراحه

بصراحة كلامي عن تجربة السيارة عندنا وماشاء الله مرررة كويسة

عيبها الوحيد دفع امامي والباقي 100%