وش مشورتكم يا الأجواد

[ياسر آل غطيش]

السلام عليكم ورحمة الله وبركاته
مساكم الله بالخير جميعاً
عُرض علي جراند ماركيز 2010 لون سمني داخليه هلوز
بطاقة جمركية لكن مركب لوحات لأن صاحبه شاريه من امريكا وماعنده معرض
فل كامل
ليميتيد
ماشي حوالي سبعة آلاف ميل (7000ميل)
نظيف جداً من جميع النواحي
جنط 18
طارة مخشبة
عداد الكتروني وعادي مدمج
مقاعد متحركة مع تسخين المقاعد

كم يسوى ؟

[ياسر آل غطيش]

لاهنتم اللي عنده علم يقوله

[قاقا]

اخوي بس الماركيز الامريكي عيبه مافيه تكيف خلفي
واعتقد سعره من 75 الى 80 واذا كان اقل فهو لقطه

[ياسر آل غطيش]

بيض الله وجهك
صحيح هو العيب الوحيد مافيه مكيف خلفي

سعره 75
اجل توكلنا على الله

[قاقا]

بس حاول معه الى 70 الف اذا وافق حلو ولا 75 حقها بالتمام والكمال

[مليّت]

^^^^


انا اتابع غالبية ردودك وانا اشهد انك عضو مميز ماشاء الله عليك :]

[سوناتا V6]

السيارة لقطه ما شاء الله

بس المكيف الخلفي ضروري وأنا أخوك واسأل مجرب

خصوصاً إذا كنت في منطقة حاره صيفاً

موفق للخير ،،،

[سليمان بن دايل]

اذا كانت السياره ما صارلها حادث دقه او رش او مشكله مكنيكيه فاعتقد ان 70 الف سعرها زين مره بالنسبه لك ومقبول بالنسبه له

[al7eran]

المكيف الخلفي مو شرط

مو فان او جمس وتحتاج مكيف خلفي

[سوناتا V6]

^^^
جرب تركب سيارة فورد أو ماركيز
أو أي سيارة أخرى من نفس الفئة في المقعد الخلفي الساعة 01:00 الظهر صيفاً في مدينة مثل مدينة الرياض
وسترى النتيجة

[ياسر آل غطيش]

طلع الخافي المستور
السيارة سويت لها فحص شامل
طلعت مصدومة صدمة قويه من الخلف
وملحم الشاص والبودي الخلفي مسمكر

أنصحكم لا أحد يشتري سيارة إلا بعد مايفحصها و يوديها محل مظبوط
أنصح لمن يريد أن يشتري سيارة مستعملة في مدينة جده
أن يفحصها بـ محل اسمة ( البركة ) في المعارض

[بو سااااره]

القيمة مبالغ فيها شوي ، القيمة الحقيقية هي إذا كان نظيف توب ما يتعدى 67000 ريال سعودي. أما 75 و 80 لا ينضحك عليك وموديلها له 3 سنوات بالسوق... وإذا عندك 75 ليه ماتشتري جديد نصيحة لا تقرب المستعمل ترى بتكون صديق للورشه.