.. طلب مساعدة من اخواني ..

[عدوااني]

الله يمسيكم ويصبحكم بالخير

عسى ايامكم سعاده يارب

جيت وانا والله محتاج لشوركم بحكم خبرتكم في السيارات واخص بالذكر المرسيدس وحتى هذي اول مشاركه لي بالموقع لاني بجد محتاج مساعدتكم

انا من فتره وانا ابحث عن مرسيدس e class وابحث عن مستعمل كنت وما زلت ابحث عن طريق الصالات ومواقع النت والمشكله ان اسعارها هنا نار يعني انا الموديل الي ابيه من 2007 - 2008 هالحدود يعني واسعارها من 100 الف وانت رايح << اقصد النظيف

كثير نصحوني وقالو اشتر سياره من برا ويقصد عن طريق النت ويقولون انظف وارخص بس المشكله اخوكم غشيم ولا اعرف اغامر بهالامور يعني كأنك تشتري سمكة بالبحر لا انت الي شفت السياره بعينك ولا انت الي فحصتها ولا ادري وش الضمانات الي يضمنونها لك هالمواقع

ياليت الي عنده خلفيه عن هالموضوع يساعدني وحبيت اسأل عن السياره بالله كيف تشوفونها من ناحيه المشاكل والخدمه وكيف قطع غيارها

ولكم مني كل الشكر

[عدوااني]

29 مشاهده .. نو كومنت ! :blue:

اقلها دعوه تطيب الخاطر

[porsche fan]

اذا قصدك من امريكا مثلاً , اول شئ حاول تدور على موقع موثوق ومشهور جداً جداً ولا تبدى تتعامل معاه الا وانت متأكد من مصادقيته , وابحث عنه بالنت وهكذا
بالاضافة يفضل انك تكون تعرف شخص من الدولة اللي بتطلب منها السيارة من امريكا مثلاُ , يروح يشوف السيارة ويفصحها ويقولك رأيه لأن لو جتك وفيها بلوه لا سمح الله توهقت !

[وضح النقاء]

.
.
.
من خبرة زميل لي يقول ان سيارات امريكا نفس اسعار عندنا الا اذا كانت مصدومة

فهم يغيرون محل الصدمة ويرسلها لبقية دول العالم بسبب ان النظام الامريكي يحدد انواع الصدمات و الاعطال حيث يمنع تصليحها في امريكا نهائيا فلذلك تصدر الينا بسعر رخيص
مثل الغرق وهي كثيرة
والحوادث التي تلمس الشاصي
وسيارات التاجير هناك
ومعها البوليس ايضا

لهذا ينصح زميلي بعدم شراء سيارة من النت وخصوصا من امريكا لانه راح هناك ورجع بهذه القناعة

تحياتي

[عدوااني]

porsche fan

والله يا غالي لو تعرف مواقع موثوقه سواءا من امريكا ولا المانيا والله تسوي خير

وضح النقاء

من الي اسمعه من الناس فيه ناس جربو سيارات امريكا ومدحوها بس انا اتكلم عن السيارات الامريكيه يعني فرود وجموس .. الخ بس الماني مواصفات امريكيه ما قد سمعت لا بزين ولا بشين وبالنسبه للاسعار اشوف السيارات الامريكيه ارخص بنسبه بسيطه عننا بالسعوديه غير الاستخدام النظيف عكس السيارات الي عندنا بالسعوديه نادر ما تلقى النظيف مع هالشوارع

طيب مو شرط امريكي كمان فيه مواقع المانيه بس انا ودي اعرف شلون اوصل للموقع الي اضمن فيه حقي .. ؟

واعذروني لقلة دخولي بس دوام شفتات وخلوها على الله

[مليّت]

والله يالغالي ودي افيدك لكن للاسف ماعندي خلفية عن الموتر اللي تبيه ولا عن طريقة الشراء


والله يكتب لك اللي فيه الخير :)

[عدوااني]

وياك يا رب

جدا مشكور على ردك يالغالي