تسجيل الدخول

مشاهدة النسخة كاملة : قير العادي للوحش وش رايكم ..؟؟


كدلك CTS-V
21-10-2011, 09:56 PM
السلام عليكم ورحمة الله وبركاته

شخباركم ..؟؟

الحمد لله كلمت الوالد عن كومارو 2012 وما قصر قال اول مما نزل الوحش نروح ندفع الله يطول بعمره صراحة انبسطت وفالها وهايط المهم عندي مشكلة بسيطة ان شاء الله ناوي على ال اس 3( قير عادي )

وانا ما عمري سقت قير عادي ابدا ابدا ولا مرة واحدة

هل ساوجه مشكلة بالسواقة بحكم الموتر سبورت والا عادي

وش رايكم ..؟؟

وبالاخير اقول ان شاء الله ال اس 3 يقصك يا سري للغاية ههههههههههههههههههههههههه
porsche fan
21-10-2011, 10:18 PM
ينقل للقسم الامريكي
trok
21-10-2011, 11:20 PM
وعليكم السلام ورحمة الله وبركاتة

مرحبا فيك أخوي:bigggrin:

أستغرب أنك ماسقت عادي في حياتك<متعلم على ددسن 85

اذا أنت تعرف تسوق يعني خلاص ماعليك خوف

يبيلك اسبوعين تتعود عشان ماتنتع عليك السيارة

أما كانك ماتعرف تسوق يبيلك أقل شي شهر

ووبس أتمنى أفدتك أي استفسار,,,:xyxwave:
SANTOOT
22-10-2011, 12:33 PM
ترى التوماتيك زين هههههههه

صح ان ls3 افضل من L99

بس صعبه مغامرتك بالقير العادي

مع ان السبورت احلى واونس واطلق العادي بس موضوعك يخوف :)
R/T `
22-10-2011, 12:45 PM
اجر لك سيارة قير عادي لمدة شهر لين ما تتعود عليها
SANTOOT
22-10-2011, 12:58 PM
اجر لك سيارة قير عادي لمدة شهر لين ما تتعود عليها

:xyxthumbs:
ملك السامبا
22-10-2011, 02:57 PM
اخوي انصحك انك تمسك تتدرب عادي من الحين

لاني كنت اسوق كامري عادي واي شيارة ثانية عادي كنت اسوقها ما اواجه مشاكل

بس كنت اخذ سيارة ولد خالتي "ميني كوبر" وكانت تطفي علي لانها تختلف 180 درجة في طريقة التعشيق
ونفس الشي واحد من العيال عنده موستنق عادي مررررررررة فرق السما عن الارض

هذا وانا كنت اسوق عادي قبل

صح ان العادي يحمسك في السواقه بس يبغالك تتدرب وعاد اذا استلمت السيارة ان شاء الله ببتعود

والله يعطيك خيرها ويكفيك شرها
كدلك CTS-V
23-10-2011, 07:56 PM
مشكوووووورين

الله يستر بسسس
OIIIIIIIO
24-10-2011, 12:54 PM
اذا انت بتستخدم السياره بشكل يومي و تعيش في مدن مزدحمه مثل جده او الرياض - انصحك اترك العادي لأنك بتكره السياره.
Sammy Mirza
24-10-2011, 01:38 PM
ما انصحك بالذات لو انك من اهل الرياض او جدة ممكن لو من اهل الشرقية عادي خذها قير عادي

بس من جدة او الرياض ابعد نصيحتي لك بتتعب انا حاليا امتلك قير عادي و اتمنى اني انتظرت و اخذت اوتو
-ksa
25-10-2011, 03:41 AM
والله شوف سياره الرياضيه قير عادي شي جبااااار ومر حلو ومره وناسه وفله واي شي
بس في حدود السباقات والاستخدام الذكي يعني حط في بالك انك اخت السياره للدعس والحماس لانه القير العادي يلبي الاحتياجات ذي وبقوه عشان لما تسوقها في الزحمه وايام المناسبات ماتندم يعني اذا انت تبغى السياره للسرعه والكشخه يعني تلفلف فيها كثير خذ اوتو احسن عشان ماتندم لاني انا معايا سياره رياضيه قير عادي والحمدلله ماندمت لانه قبل ماخذها كلهم نصحوني عكس بس ماسمعت كلامهم والحمدلله مره فله وتمام وبالعكس صار هم مايحركون سياراتهم الاوتو ويطلعوا معايا قي سيارتي وكمان لو رجع الزمان وباخذها والله ماخذها الا قير عادي لانه فرق سما راض بالمستوى وشي خرافي حماسي لدرجة بتصير تنزل مع سيارات اكبر منك كثير من قوة حماس القير العادي وتجاوبه وادائه اللي ماله مثيل
وفي النهايه ماقول الا الله يقدملنا وياك مافيه الخير... وخذ قير عادي بتتعود عليه
GT yellow 5.0
25-10-2011, 05:50 AM
القير العادي وورعه للسيارات الرياضيه ... وانا عندي ٥ لتر ( موستنج ) - نفس فئه الكومارو - والحمد لله سواقتها اروع من الاوتو بكثييير ، وكمان هنا الشوارع فاضيه ( وقت الذروه تمشي ١٠٠ او ١٢٠ ). بعكس جده والرياض اللي ما ينفع معها الا القير العادي ...

اما مسأله انك بتتعلم سواقه العادي في كومارو ، ما أنصحك ممكن تصدم في ثاني يوم ... تخيل فرق كبير بين سيارات ( المصل ) والسيدان في الاوتو ،، فما بالك في العادي .. نصيحتي تتعلم في اي سياره ثانيه ، وبعدين تسوقها ...

أنا انطفت علي اكثر من ١٠ مرات من شريتها ( عند الا شاره و اليو تيرن ) هذا وانا لي اكثر من ٤ سنوات وانا أسوق أوتو و عادي
لحن المشاعر
25-10-2011, 11:33 AM
اجل عز الله راح الكلتش

خذ لك سياره اجار وتعود عليها

مع انه سهل جدا القير العادي
Majedor
25-10-2011, 01:52 PM
اجل عز الله راح الكلتش

خذ لك سياره اجار وتعود عليها

مع انه سهل جدا القير العادي

+1

استاجر لك اكسنت قير عادي وتعلم عليها لين تعرف تسوق قير عادي

بعدين اشتري السيارة وطبعا ما راح تعرف تسوقها زين بس تتعود على وزنيتها ووزنية الكلتش

اما تتعلم على سيارة جديدة ومسل كار ما ينفع راح تعدم الكلتش
كدلك CTS-V
25-10-2011, 10:13 PM
لبى قلبكم


صعبه أخذ قير اوتو موتر سبووورت وقير اوتو :a120(115):

طيب وش رايكم ...؟؟

اروح واتدرب عند تعليم القيادة ( دلة )

هل ساصبح ممكن بالقير العادي والا نفس استاجر موتر قير عادي ...؟؟
عااشق التاهو
26-10-2011, 01:29 AM
مبروك مقدما والله شوف اذا تبي تأخذ قير عادي تعلم على القير العادي
قبل لا تأخذ السيارة وتعود عليه عشان لا تخبصها في السيارة الجديدة :bigggrin:
F_R
27-10-2011, 01:22 PM
لبى قلبكم


صعبه أخذ قير اوتو موتر سبووورت وقير اوتو :a120(115):

طيب وش رايكم ...؟؟

اروح واتدرب عند تعليم القيادة ( دلة )

هل ساصبح ممكن بالقير العادي والا نفس استاجر موتر قير عادي ...؟؟

لا مايحتاج تتعلم في دله اذا عندك رخصة ، لأنك رح تخسر وقت وفلوس عالفاضي

استأجر سيارة عادية واتعلم عليها افضلك

تحياتي