ايش رايكم في المرسيدس 2012 C180 ؟؟

[محتار 18]

السلام عليكم ورحمة الله وبركاته

كيفكم شباب ؟؟
ان شاء الله تمام ؟

انا بقولكم قصتي اول عشان توضح عندكم الصورة

انا كنت مقرر ماكسيما 2012 فل اوبشن (والفلوس جاهزة والحمدلله) طبعا سعرها 131 الف واكيد بما انه بيتغير الفيس لفت بتزيد يعني اتوقع بتكون 135 الف وكنت موافق عليها

قبل يومين وانا اكلم صاحبي كلمني على السي وقلي انو كان يفكر يشتريها وزي كذا
وقلي سعرها بعدين قلي ليه ما تشتري والله انا ذاك الوقت جت في بالي ليه ما اشتريها خصوصا انو السعر قريب من سعر الماكسيما (صح اغلى بس بشوية .. طبعا اقصد السعر مع العرض الجديد حق الجفالي)

وبعدين بدأت حيرتي بين الماكسيما والسي

وانا جاي يا شباب عشان اسالكم عن بعض الحاجات عن السي

بعضها يقدر الكل يجاوب عليها وبعضها الي مجربينا بس (يا ريت الي يعتقد يقولي انو يعتقد ومو متأكد من كلامه)

السؤال الاول : ايش ارسى الماكسيما ولا السي ؟؟
السؤال الثاني : السي قاسية في المطبات ولا لا ؟؟
السؤال الثالث: كيف عزمها وكيف مكينتها ؟؟
السؤال الرابع : الي معاه السي ما تعبه صغر حجمها ؟
السؤال الخامس : كيف قوة البودي من الخارج ؟؟(تعرفوا السيارة صغيرة وتخوف . اقصد في الحوادث لا سمح الله )
السؤال السادس: كيف احترام الناس لك في الشارع(سؤالي بسبب حجمها) ؟؟ (لأني انا كان معاي كيا ريو الناس كانت تمشي قريب مني مرررررا ويحكوا المراية ويسقطوا عليا ولا يهمهم شيء)
لكن لما جربت الاكورد حسيت الناس تحترمني شوية والسيارات الي جنبي ما يلصقوا فيا يكونوا بعيدين عني) يعني تعامل الناس حيكون زي تعامل الكيا ريو ولا زي الاكورد ؟ وايش الي حيكون تعامله افضل واحد معاه ماكسيما ولا واحد معاه سي ؟ (للعلم انا احترم الناس كلها زي البعض صاحب البانوراما احترمه زي صاحب الكرسيدا)
السؤال السابع : كيف العزل فيها ؟؟

معلومة انا طولي حدود 164
ووزني 53 تنفعلي ولا صغيرة عليا ؟؟


والسؤال الاخير بأيش تنصحوني ماكسيما ولا السي ؟ مع ذكر الاسباب


معليه اسالتي كثير بس والله جننتني من كثر ما افكر فيها قلت اسوي موضوع يمكن تفيدوني شوية

وشكرا :)

[YaseeR]

المرسيدس سيارة لا يعلى عليها وعملية وقوية لاكن الصراحة عليك اسألة غريبة ماادري كيف نجاوب عليه لاكن الي يفيدك فيها الي مجرب السيارة او انك تراجع الشركة وشوف السيار وتقدر تعمل عليها قيادة تجريبية !! وانتة شوف عزمها وشوف كل شي !! عموماً جرب هالموضوعين

مرسيدس c200 cgi نظييفه جدا (2010 ) (http://www.assayyarat.com/forums/thread248790.html)

مرسيدس E 350 AMG كوبـيه 2010 بانوراما ( الابداع في التصميم ) (http://www.assayyarat.com/forums/thread248541.html)

اختيارك للألماني انا اقولك اختيار موفق :xyxthumbs:

[Meshal.M.Y]

c180 سيئة جداً بالنسبة لي ومواصفات الازيرا اعلى منها !!!

[the best one]

c180 لاتقارن المكسيما

المكسيما اكبر واقوى وارسى

[Meshal.M.Y]

اكبر واقوى لكن مو ارسى من المرسيدس !!

[the best one]

انا من مجربيها c سياره جميله ولكن ليست مميزه و محركها 1800 والمكسيما 3500 شي واضح

[Meshal.M.Y]

عارف انا اقصد من ناحية الثبات والراحة بالقيادة المرسيدس تتفوق على الماكسيما من هذي الناحية ولا الباقي كله لصالح الماكسيما

[محتار 18]

المرسيدس سيارة لا يعلى عليها وعملية وقوية لاكن الصراحة عليك اسألة غريبة ماادري كيف نجاوب عليه لاكن الي يفيدك فيها الي مجرب السيارة او انك تراجع الشركة وشوف السيار وتقدر تعمل عليها قيادة تجريبية !! وانتة شوف عزمها وشوف كل شي !! عموماً جرب هالموضوعين

مرسيدس c200 cgi نظييفه جدا (2010 ) (http://www.assayyarat.com/forums/thread248790.html)

مرسيدس E 350 AMG كوبـيه 2010 بانوراما ( الابداع في التصميم ) (http://www.assayyarat.com/forums/thread248541.html)

اختيارك للألماني انا اقولك اختيار موفق :xyxthumbs:



مشكوور اخوي
انا دوبني جيت من الوكالة
استفسرت عنها وشفت حجمها
واستفسرت اذا اقدر طلبية ,, جربت وطلبت المواصفات الي ابغاها ببعض الزيادات
الطلبات كانت تخزين مقاعد ومفتاح ذكي ستارة خلفية ونفقيشن وكاميرا خلفية تعتيم الي للمرايا منافذ للايفون ويو اس بي (حتى الجنط طلبت الصغير والجلد طلبت الصناعي وبديفيدي واحد وبدون بانوراما)
(وهنا كانت الصاعقة)
سعرها طلع من 148 الى182 بعد الخصم 166 !!!!!!!!!!!!!!!! سعر خرافي والله
المشكلة الطلبات الي طلبتها مهمة جدا بالنسبة ليا وما اقدر استغني

[VIP 111]

اخوي محتار .. اذا كنت موظف بالدولة لك خصم 9% من سعر السيارة

وترى يمديك تجرب السيارة اذا كنت بجدة او الدمام او الرياض


وعلى فكرة ترى التصميم الامامي بعد التجديد مرة رهيب

[porsche fan]

ما أدري اذا راح تاخذها او لا !
لكن اذا تراجعت عنها بسبب السعر , من رأيي تشوف الهونداي ازيرا , سيارة فخمة ومريحة داخلياً وشكلها شبابي جداً وممتاز , السيارة تقريباً خاليه من العيوب , مواصفاتها ممتازة وشكلها ممتاز وحجمها ممتاز جداً ومريحة داخلياً , عيبها الوحيد ممكن يكون عزمها مقارنة بمنافسينها , ولا الباقي توووب :xyxthumbs:

[محتار 18]

c180 سيئة جداً بالنسبة لي ومواصفات الازيرا اعلى منها !!!
لو بنتكلم على المواصفات مواصفات الازيرا اكثر من الماكسيما لكن يكفيك في المرسيدس العلامة متعة القيادة ,, وانا اعتقد العلامة الي في الكبوت تكفي !!



c180 لاتقارن المكسيما

المكسيما اكبر واقوى وارسى
الماكسيما اكبر من الخارج فقط
من الداخل كلها زي بعض كلها صغيرة من الداخل (انا دوبني راجع من الوكالتين)
تقارن قوة المرسيدس بقوة نيسان ؟؟ (لو قصدك المكينه كلامك صحيح) اما البودي مافي مقارنة
لو تشوف سمك باب المرسيدس وسمك باب الماكسيما يكفيك والله ما شاء الله المرسيدس تقول مدرعة مو سيارة صغيرة
بالنسبة للرساوة اخوي جربت السيارتين ؟؟


انا من مجربيها c سياره جميله ولكن ليست مميزه و محركها 1800 والمكسيما 3500 شي واضح
كيف مو مميزة وهيا مرسيدس !!
معروف المرسيدس فيه متعة القيااااادة
صراحة لما شفت اليوم اقتعنت فيها تماما بس صدمني السعر !!
بالنسبة لقوة المكينة انا ما يهمني مرا بس يهمني العزم وما تكون ثقيلة


عارف انا اقصد من ناحية الثبات والراحة بالقيادة المرسيدس تتفوق على الماكسيما من هذي الناحية ولا الباقي كله لصالح الماكسيما
الباقي كله لصالح الماكسيما زي ايش ؟؟ يا ريت توضح


اشكركم على ردودكم :)

[YaseeR]

طيب ليش تاخذ جديد وعلى الزيروو !!

فيه عندهم قسم مستعمل سيارة جديدة مستعملة وعلى الضمان باقي !! ولو تاروح المعارض بتشوف بعد سيارات شبه جديدة واستخدامها جداً جداً بسيط وبسعر جدا معقول !! وبتلاقي كل المواصفات الي تبغاها ان شاء الله فيها :xyxthumbs:

[محتار 18]

اخوي محتار .. اذا كنت موظف بالدولة لك خصم 9% من سعر السيارة

وترى يمديك تجرب السيارة اذا كنت بجدة او الدمام او الرياض


وعلى فكرة ترى التصميم الامامي بعد التجديد مرة رهيب

اصلا السعر 166 بعد العرض
وانا فكرة فكرة بجرب سواقة السيارتين
لو حسيت بفرق كبير جدا بين الماكسيما والمرسيدس (الفرق لو كان كبير جدا وحسيت اني استمتع وانا اسوق المرسيدس اما الماكسيما قاسية ومتعبة) ححذف بعض الاشياء من المرسيدس ووحترخص وحاخذها لاني انا صراحة زي ما قلت اول اهم شيء عندي متعة القيادة بعدين المواصفات بعدين الشكل
بالنسبة للتصميم انا اصلا التصميم القديم ما عجبني وانا عجبني فيها التصميم الجديد الي فيله من e وs



ما أدري اذا راح تاخذها او لا !
لكن اذا تراجعت عنها بسبب السعر , من رأيي تشوف الهونداي ازيرا , سيارة فخمة ومريحة داخلياً وشكلها شبابي جداً وممتاز , السيارة تقريباً خاليه من العيوب , مواصفاتها ممتازة وشكلها ممتاز وحجمها ممتاز جداً ومريحة داخلياً , عيبها الوحيد ممكن يكون عزمها مقارنة بمنافسينها , ولا الباقي توووب :xyxthumbs:

صراحة انا مو مقتنع في الكوري
صح الازيرا وحش ما شاء الله
لكن للأسف قلبي مو مرتاح لها



طيب ليش تاخذ جديد وعلى الزيروو !!

فيه عندهم قسم مستعمل سيارة جديدة مستعملة وعلى الضمان باقي !! ولو تاروح المعارض بتشوف بعد سيارات شبه جديدة واستخدامها جداً جداً بسيط وبسعر جدا معقول !! وبتلاقي كل المواصفات الي تبغاها ان شاء الله فيها :xyxthumbs:


الوالد الله يحفظه ضد المستعمل تماما مو تعالي على الناس لا,ولكن صراحة الجديييد جدييد


مشكورييين على مروركم العطر :)