مـــفـــاجـــأة //// كــــراون فـــكــتــوريا ( 2012 ) فــــي الـــســعـــوديـــة..!!

[أنـــــس]

بسم الله الرحمن الرحيم

قد يكون هذا الخبر مفاجأة للجميع والكل يعلم ان الفورد كراون فكتوريا سيكون اخر موديل لها هو 2011 وان المصنع اغلق قبل أيام قليلة ماضيه .

ولكن سيصل الى السعوديه كراون فكتوريا موديل 2012 وهي نفس الشكل والمواصفات فلازال هناك مخزون كبير من الفكتوريا .


وسعر الاستاندر / 98 ألف ريال
وتنتهي الفل كامل / 106 الاف ريال


تحياتي لكم

[aziz93]

كنت اتمنى ان اخر مديل يركز بصمة فارقة عن بقية المديلات فمثلا اضافات انوار العدسات او انوار ليد خلفية مع تغيير في الالوان مثل ك

[fvhy]

اففففففففففف مطووولين الي اعرفه انه المصنع وقف سنه 2010

[TAURUS KING]

الله يبشرك بالخير .. خبر مفرح من جد
أتمنى من فورد تعيد النظر في مسألة إيقاف الأسطورة كراون فيكتوريا وأن يعيدوها في 2015 بشكل جديد كلياً ولكن بنفس الروح الكلاسيكية :xyxthumbs:

[CAPRICE 4 LIFE]

كل اخبارهم كانت تشير ان الشرق الاوسط راح ينزل 2012

واخر ما اصنعه المصنعه كله ارسل للشرق الاوسط

لا شيئ جديد سوى السعر المبالغ فيه

[كاسبرينو]

والله تعجبني السيارة لكن كرهتها من كثر انتشارها الغير طبيعي

وانا ما أحب أشتري سيارة منتشرة حتى لو أريح سيارة بالعالم .!.

[أنـــــس]

شكرا لكم على زيارتكم

[..][ ح ــياة التــم ــيز ][..]

يـاسـلام

خبر جميل , سيارة عظيمة ولها شعبية كبيرة. :)

و انا من معجبيها

شكراً لك يا أنس على المجهود :)

[+KoRn]

مو الاسعار شويه مرتفعه؟
والصراحه خبر عدم توقفها الى الان جيد

[BRUICE LEE]

والله حاجة حلوة

بس ليش يزيدون سعرها وهي حبيبة الجميع انا شريت وحدة 2010 ستاندرد ب 84000 ريال

ليش 14000 ريال زيادة

واليهودي صاحب (فورد) يكذب دائما

قد قال بتنقطع من عام 2003

والحين موديل 2012 جاي

بس صراحة موتر جامد وحبوب ورايق

[أنـــــس]

هناك مخزون كبير قادم الى السعوديه فبالتالي لن تدخل من الجمارك الا كموديل 2012

واساسا انتاجها 2011

شكرا لكم

[المكي السلفي]

ذهبت الى فرع جدة ومكة اللون السمني او ما يسمى (فضي محير) غير متوفر حالياً المتوفر اسود فقط او ازرق حبري. ويومياً اشاهد عشرات الفكتيوريا محملة على ناقلات من جدة الى الرياض (طريق السيل) بلون سمني ما ادري هل هي حركة قذرة؟ من توكيلات الجزيرة لتعطيش السوق ورفع سعرها بالاتفاق مع اصحاب المعارض .

[الوجيه 10]

شكرا على الخبر
نكتة الموسم
100 ألف ريال تقريبا والمخزون كبير المشكلة الاستاندر بدون مانع إنزلاق ومكيف فرار
بالعقل أوفر 30 ألف وآخذ مركيز استخدام ls
قبل سنتين قيمة السيارة 79 ألف وزيادة عشرين ألف على إيييييييه على التكاية اللي أكبر من المقعدة .
لكن اللي يشتريها بالسعر هذا يستاهل مايجيه
إلى متى توكيلات الجزيرة تضحك علينا السيارة من 2010 ماهي موجودة على موقع الشركة ومن 2006 مبيعات أفراد صفر في أمريكا

[عالم مشاعر]

ما تستاهل هالسعر ، عشانها آخر الإنتاج يعني ؟؟

نفس حركة الكابريس الصابونة في آخر موديل ، و بالأخير صرفوها بخسارة لأن ما أحد يبيها

[The_king_of_road]

خبر مفرح للبعض.......!!

[أنـــــس]

ذهبت الى فرع جدة ومكة اللون السمني او ما يسمى (فضي محير) غير متوفر حالياً المتوفر اسود فقط او ازرق حبري. ويومياً اشاهد عشرات الفكتيوريا محملة على ناقلات من جدة الى الرياض (طريق السيل) بلون سمني ما ادري هل هي حركة قذرة؟ من توكيلات الجزيرة لتعطيش السوق ورفع سعرها بالاتفاق مع اصحاب المعارض .


أخي الكريم انا لا أتفق معك تماما فكل مافي الامر انه لايوجد حاليا سيارات لون ذهبي فكل التي تشاهدها مباعه ولكن كانت بالمستودعات الرئيسيه وحولت الان الى الفروع فعمليات التحويل تستغرق وقت

والان بدأت المعارض في شراء سيارات من الشركة وعرضت أسعارها لموديل 2011 بـ 93 ألف ريال .

لذلك هي عملية توفر الوان فقط .. اما السيارات فموجوده

[fsf00000]

وربي ما احط فيها حتى ٨٠ الف
سياره لا تقنيات ولا شئ فيها الا انها عمليه
بقيمتها اطلع تشارجر ستنادرد او تورس او دورانقو

[omar_124]

106

على ايش

الحمدالله بس :)

[Polat Alemdar]

خلوها تخيس في مستودع الرحمانية

[nwafboi]

بصراحة انا كنت مـأمل خير تنقص لو على الاقل خمس آلاف . اما انها تزيد سعرها فأشوف هالشي حرام . اتمنى ينزلون الاسعار

[كامري سبورت]

فورد كراون السياره المظلومه
اتمنى يفتحوا المصنع من جديد

[أنـــــس]

مرحبا

اشكر مروركم

[A.A.M]

اخوي ماسئلتهم متى بينزلون الموستنج والتوروس 2013

[أنـــــس]

تنزل في موديلها 2013
:)

[A.A.M]

تنزل في موديلها 2013
:)


شاكر لك :smile:

[mondeo_2006]

والله يا شباب اسطوره سيارات الراحه ..

[Road Lord]

98 ستاندر و106 فل !!

هذا استغلال واضح لان معروف عمليه السياره وشعبيتها واللي ماجات من فراغ

السياره اسطوره مايختلف عليها احد لكن بهذا السعر المبالغ فيه

يصير الموضوع نصب واحتيال وسرقه

على العموم يعطيك العافيه اخوي انس على الموضوع

وتحياتي للجميع ,,,

[فهد صالح]

ياشباب صلوا على النبي الي يقول مافيها مواصفات اولا دور لي سياره اقل من مية الف زي الفكتوريا اقسم بالله ماتلقى وش كامري مافيها ارباق ولا اكورد ولا حتى الكابرس lt معليش يا اصحاب الكوابرس بس الحق يقال السياره الازياق ماليتها من برا وبالاضافه الى ان المقعد وحق الظهر كلها كهرب مو مثل بعض السيارات بالاضافه الى الازرار الي
بالمقود وتقريب الدعاسات وغير ذلك الالوان الي تفتح النفس ولاحظوا كل هذا بالاستاندر
لو رحنا للفل نلقى الشاشه حقت الطبلون كلها ديجتال والكتروني وفيها شاشة معلومات
وازرار سريه على الباب ومكيف الكتروني وزيادة ازرار على المقود وجناح وشكل رزه
صراحه ياشباب انها سياره تستاهل وهذا والله مو علشانها عندي لكن السياره كل من دخل طاح فيها سب والفلكامل والنص فل فيها مانع انزلاق وانغلاق مكابح والكراسي كلها
كهرب وفيها على ما اعتقد تبريد للكرسي وتخشيب وابد السعر غالي لكن بتشوفون اذا مايصير الفل ب99 الف والاستاندر 86 الف والله يوفق الجميع لما يحبه ويرضاه...

[أنـــــس]

سنفتقد هذه السيارة كثيرا بعد انقطاعها

شكرا لكم

[rezr]

ياشباب صلوا على النبي الي يقول مافيها مواصفات اولا دور لي سياره اقل من مية الف زي الفكتوريا اقسم بالله ماتلقى وش كامري مافيها ارباق ولا اكورد ولا حتى الكابرس lt معليش يا اصحاب الكوابرس بس الحق يقال السياره الازياق ماليتها من برا وبالاضافه الى ان المقعد وحق الظهر كلها كهرب مو مثل بعض السيارات بالاضافه الى الازرار الي
بالمقود وتقريب الدعاسات وغير ذلك الالوان الي تفتح النفس ولاحظوا كل هذا بالاستاندر
لو رحنا للفل نلقى الشاشه حقت الطبلون كلها ديجتال والكتروني وفيها شاشة معلومات
وازرار سريه على الباب ومكيف الكتروني وزيادة ازرار على المقود وجناح وشكل رزه
صراحه ياشباب انها سياره تستاهل وهذا والله مو علشانها عندي لكن السياره كل من دخل طاح فيها سب والفلكامل والنص فل فيها مانع انزلاق وانغلاق مكابح والكراسي كلها
كهرب وفيها على ما اعتقد تبريد للكرسي وتخشيب وابد السعر غالي لكن بتشوفون اذا مايصير الفل ب99 الف والاستاندر 86 الف والله يوفق الجميع لما يحبه ويرضاه...
وانت الصادق السيارات الي ذكره كلها 4 سلندر ودفع امامي يعني زيها زي الاكسنت اوفر واخذ اكسنت
سياره ماهي دفع خلفي و8 سلندر وش اسوي فيها

[President1]

اخوي انس هل السياره متوفر منها الفل ؟؟ لون سمني او اسود ؟؟

[أنـــــس]

الالوان المطلوبة متوفرة


شكرا لكم

[Ibn Najd]

شفتها قبل كم يوم في الوكالة
فعلا سعرها ستاندرد حوالي 100ألف موديل 2012 أما 2011 يمكن 94ألف
بأمريكا توقف بيعها على عموم الناس من موديل 2008 فصارت تباع فقط كأساطيل على الشركات والجهات الحكومية (تكاسي/شرطة/إلخ) عشان كذا تلاحظون معد يجي أمريكي مؤخراً إلا جراند ماركيز
السيارة توقف انتاجها منتصف سبتمبر وبالتالي ماتوقع أنهم صنعو منها كميات كبيرة 2012 لان تصنيع موديل كل سنة مايبدا إلا في الربع الثالث من السنة السابقة
عموما تظل سيارة خطيرة يكفي انها من عام 98 إلى 2012 نفس الشكل تقريباً ومع كذا شكلها حلو ومقبول ومن ناحية اعتمادية محد يقدر يتكلم :)

[EPICA 219]

الله أكبر عليهم السيارة مافيها أي نو من التكنولوجيا والسعر واصل 106000 ريال إيش فيها هذا ولها سنين بنفس الإصدار وماتغيرت تكنولوجيتها حتى المحرك كبير 4.2 وماينتج إلا 260 حصان لا وبالدف كمان وصرف بنزين على الفاضي .:c0038:

[فهد صالح]

لا تصحيح لمعلومة اخوي الي فوق88888 السياره دفع خلفي و8 سلندر وصرفيتها للبنزين ممتازه ومحركها 4.6 وينتج 240 الى 260 حصان سياره لها محبينها وعاشقيها

[لواء العز]

مشكور على الخبر الأكثر من رائع

[أنـــــس]

اشكركم على مروركم

وكل عام وانتم بخير

[كابريس2005]

يبون يخدعون الناس موديلاتها 2011 ويقولون 2012 وبالنسبه لي سياره ماتستاهل ولاريال

[كابريس2005]

وانت الصادق السيارات الي ذكره كلها 4 سلندر ودفع امامي يعني زيها زي الاكسنت اوفر واخذ اكسنت
سياره ماهي دفع خلفي و8 سلندر وش اسوي فيها
ترى اداء فكتوريا مثل 4 سلندر بس الفرق انها تصرف بنزين اكثر منهم وحتى رساوة 4 سلندر والدفع الامامي افضل منها !! مدري ع اي اساس شايف ميزه انها 8 سلندر والدفع خلفي !! تورس افضل منها بكثييييير

[speeed1]

الانتاج توقف منذ سنة؟؟؟؟؟
واخر موديل مفروض 2011 وموديل 2011 صنع في 2010
تخرين فقط لا غير وياريت شفت تاريخ الصنع

[Cartier7]

106 الف ريال !!!!!
والشكل ماتغير من عام 1998 !!! 14 سنة نفس الشكل سلامات !!

لا ياقلبي اشتريلي موديل 98 ب 10 الاف ريال واوفر بجيبي 96 الف :smile:

يعطيك العافية على الموضوع

[صايد الشرايد]

اعتقد انه مجرد تصريف لبقايا موديل 2011