200 الف ريال وش احسن شي ينشرى بها؟؟

[seeker]

السلام عليكم

ماودي اقولكم ياشباب وش افكر فيه او محتار بينه عشان ما أأثر عليكم ...بس رجاء لا تنقلون الموضوع من القسم الاوروبي :bigggrin: << مايلمح ابد

حاط ميزانية الى 200 الف لشراء سيارة ( جديده ) ان كثرت مره 210 الاف ...

عطوني مافي جعبتكم وش احسن سياره ممكن اشتريها بهالميزانية ( مهوب شرط أوروبي ) وياليت تذكرون السعر والمواصفات؟؟ :c0214:

يعطيكم العافيه

[N-M-3]

اهلين اخوي تبي جديد ولا مستعمل

[wolfy]

انت ******* كاتبلك سيارة جديدة

[N-M-3]

اوووه معليش اخوي تو اقرا جديده:xyxwave:العذر والسموحه اذا جديد اشوف المرسيدس e-class 195000ريال وعند الاودي a6 بحدود هالسعر على ماتوقع

[N-M-3]

اخوي wolfy مشكور على ردك الراقي عموما مابرد عليك:smile:

[ابو محمد 2011]

خذلك اودي a6

[Meteb123]

اودي او مرسيدس بس
تبي نصيحتي مرسيدس احلى شكل واوسع وافخم من ال اودي
ال اودي تحس انها فولفو مدري وشي كذا غريبه
فـ شوف لك مرسيدس رزه وتعيش معاك
وو اتوقع عندهم عرض الي ادفع القيمه نصها الحين والباقي بعد سنتين :)
يعني شي حلو والله :)

[α3ž εℓ ηαss]

المرسيدس الفئه الصغيره اللي هي C-Class و4 سلندر كاملة المواصفات سعرها يتعدى الـ 200 الف ريآل .. فانا اشوفها فوق ميزانيتك بشوي ..

اذا قدرت تزيد الميزانيه و تاخذها انا اشوفها الافضل في هالفئه ..

الاودي رائعه جدا و ارخص من المرسيدس ..

حاليا مافيه خيارات ثانيه في بالي اذا حصلت شي برجع للموضوع ..

موفق

[onrz]

المرسيدس الفئه الصغيره اللي هي C-Class و4 سلندر كاملة المواصفات سعرها يتعدى الـ 200 الف ريآل .. فانا اشوفها فوق ميزانيتك بشوي ..

اذا قدرت تزيد الميزانيه و تاخذها انا اشوفها الافضل في هالفئه ..

الاودي رائعه جدا و ارخص من المرسيدس ..

حاليا مافيه خيارات ثانيه في بالي اذا حصلت شي برجع للموضوع ..

موفق

على طاري الـc class عندك ال c250

واحد من الشباب شاريها ماشاء الله تبارك الله سياره روعه

اخذها بـ 190 وشي ماتزيد عن ال 200

http://3.bp.blogspot.com/-UZL7sYAe6Mg/TeaynYm9xAI/AAAAAAAAIpE/JO7hMZbMrHU/s1600/2012%2BMercedes-Benz%2BC-Class%2BCoupe%2B02.jpg

[B A N D A R]

زودها شوي وخذلك رنج روفر إيفوك .
جيب شبابي ومواصفاته روعة وتصميمها جبار و ملفت .
والأهم أنه يصلح لشوارعنا المكسرة أفضل من السيدان .

http://carview-img01.bmcdn.jp/cvmaterials/road_impression/2011/rangerover_evoque/21_l.jpg

http://carview-img01.bmcdn.jp/cvmaterials/road_impression/2011/rangerover_evoque/06_l.jpg

http://carview-img01.bmcdn.jp/cvmaterials/road_impression/2011/rangerover_evoque/13_l.jpg

هذا راييء الشخصي وبالتوفيق لك

[omar_124]

شف الجي اس :)

[Cayman]

طوارق 2012 شكل جديد+مواصفات خياليه

[المحتار2009]

أنا أرشح لك انفينتي M37 وسعرها تقريبا بــ 210 آلاف
أو G37 كوبيه

وإذا تبي ألماني عندك أودي A6 2012 بس الله يعينك على الوكيل
أو مرسيدس E-CLASS

وإذا تبي أمريكي ارشح لك جيب لينكون MKX 2011

http://www.blogcdn.com/www.autoblog.com/media/2010/01/lincolnmkxdet003.jpg

بالتوفيق إن شاء الله

[NMS_5]

Audi A6
--------

[ابو زايد العنزي]

على ذا الميزانيه انا افضل الانفنتي G37
http://t1.gstatic.com/images?q=tbn:ANd9GcTeQImCiOdvR3GA1qUK_SH8ANNT-FrEJZGnHvw3xw2v_lSMYulx

مع العلم ان الالماني افضل بمراحل بس انا اشوف ان الالماني يبي له من 300 وفوق .

وتقبل مروري

[0:00]

عندك اودي A5 بس سعرها مرتفع شوي يعني ممكن توصل 215 الف تقريبا ً لكنها حلوه و جودة عاليه يكفي انها اودي و المانيه و عزل ..


اذا كنت تبي سيارة شبابيه و ما تندم عليها ان شاء الله .. عندك كومارو SS كشف سعرها الجديده 206 الف تقريبا و السياره عجيبه و انا لو مكانك خذيتها علطول . .


اما اذا كنت ما تحب الرياضيه عندك اللكزس ES350 فل اوبشن مع سقف بانورامي و كشخه ..

[seeker]

:wavey: ياحبيلكم ياشباب مشكورين على ردودكم وتفاعلكم .....ترى الميزانية الى 215 مهنا مجال زياده .. اللي مستغرب منه محد رشح البي ام 523i :c0214:

[0:00]

البي ام الفئة الخامسه غاااليه سعر الفل منها اتوقع حدود 310 الف يعني كم تتوقع تبدأ من 240 الف تقريبا

[مخربها]

السلام عليكم

محد شار عليك بـ523 لأني مابعد رديت عليك ههههه

حبيبي شوف
الفئه الخامسه الجديده سياره جباره وممتازه وعلميه والجيل الجديد منها تفوق على الفئة السابعه في عدة أشياء منها المساعدات أو خلنا نقول الثبات بشكل عام والرساوه افضل من الفئه السابعه الجديده غير ان معروف من ناحية العمليه والاستخدام اليومي هي الأفضل

بالنسبه لقطع الغيار اسعاراها جداً رائعه واذا راح تاخذها وكاله فراح يكون عليها صيانه مجانيه لمدة خمس سنوات أو 100 ألف كلم


نجي للمهم وهو الأسعار

بالفئه الخامسه عباره عن عدة فئات هي 523 و 528 و 535 و 550 و M5
طبعاً حسب الميزانيه وحتى لو كانت الميزانيه مفتوحه أشوف أفضلها هو الـ523 الف لأن مواصفاتها ماراح تفرق عن الـ550 الا في الكومفورت سيتس والبصمه والرؤية الليله وتدفئة وتبريد المراتب والألوان الداخليه لأن الـ523 ماتجي الا بيج من الداخل أما الفئات من 528 وفوق ففيه خيارات غيرها مثل البني المحروق والأبيض
اما الأشياء الأساسيه فهي موجوده في الـ523 الف وحط خطين تحت كلمة فل
لأن الـ523 منها فئتين
الفرق بينهم ان في الفئه الأولى منها CD واحد فقط والفئه الثانيه 7 CDs واحد في نفس المقصوره وسته في الدرج
الفئه الأولى بدون نافيقيشن وبدون كاميرا خلفيه بينما الثانيه فيها هالمواصفات

بما يخص البصمه

ترا البي ام الجديد صار الفرق بين البصمه واللي مو بصمه في فتح وقفل الأبواب فقط أما في التشغيل ففي كل الحالات بصمه

نجي للأسعار

الـ523 السياحي بـ215 ألف
أما الفل بـ230 ألف

أمس كنت في الناغي قسم المستعمل في الضباب عند الغرفه التجاريه

لقيت عندهم 523 فل موديل 2011 ماشي 25000 الضمان المتبقي سنتين لكن ما عليها صيانه مجانيه وهي من الدفعه الأولى يعني مافيها لغه عربية، اللون أبيض بقيمة 180 ألف

اذا مصمل على الجديد ولا تبي مستعمل فهي أفضل الخيارات مقارنه بين المرسيدس والأودي من ناحية الأداء والعمليه والشكل الخارجي والتصميم الداخلي <-- رأي شخصي

وأي استفسار عن البي ام انا في الخدمه

الله يكتب لك الصالح واللي فيه الخير لك

واذا بتسأل كثير راح تتوه وكل واحد بيقول لك الشي اللي هو مقتنع فيه
الشكل الخارجي والتصميم الداخلي انت اللي تحدده فحاول تكون أسألتك عن الصيانه وقطع الغيار أسعارها وتوفرها، واعادة البيع اذا كنت من النوع الملول وماتطول معاه السياره

[seeker]

مخربها ارفع العقال تحية لك على ردك وتفاعلك الجميل....

انا لو بشتري من البي ام 523 بشتري السياحي ابو 210 << بيكاسرهم

هذا النوع مخوفني فيه شي انه يكون ماصخ بزود مافيه اي ملح

اللي فهمته من كلامك ياطويل العمر انها تفرق عن النوع الفل من 523 في عدم وجود كاميرا ونفيقشن والسي دي .. فقط لا غير ؟

الشي الثاني اللي مرددني في هالنوع هو انه يمكن بنفس القيمة 210 الاف احصل لي مرسيدس فئة E أو أودي A6 تفرق كثير بمواصفاتها عن البي ام 523 السياحي... وش رايك؟؟

[trok]

انت ******* كاتبلك سيارة جديدة
قهرني رد الطفل هاذا وحبيت اقتبسه


نجي للمهم من قراءة الردود صفينا على:
رينج ايفوك اول سنة له وحلو

بي أم 523i غالية ومواصفاتها قليلة والفل سعره 380 والألبانيا اكيد فوق 400

مرسيدس c&E
أفضل C عشان تاخذ فل كامل

AUDI A4 حلوة وتستاهل سعرها

عندك BMW الفئة الثالثة تو نزلها شكل جديد أرى أنها الأفضل لك

وبس أتمنى أفدتك,,,:xyxwave:

[ibrahim 66]

الماني :
1- مرسيدس E
2- اودي A6
3- جيب طوارق
4-رنج ايفوك

امريكي : فيه خيرات حلوه واسعار حلوه

1-كرايسر C300 سعرها تقريبا 175
2- لينكون MKS سعرها تقريبا 180
3-لينكون MKZ سعرها تقريبا 180

وبالتوفيق ان شاء الله :xyxthumbs:

[tac]

رينج ايفوك .. شكل جديد و جميل

[مخربها]

مخربها ارفع العقال تحية لك على ردك وتفاعلك الجميل....

انا لو بشتري من البي ام 523 بشتري السياحي ابو 210 << بيكاسرهم

هذا النوع مخوفني فيه شي انه يكون ماصخ بزود مافيه اي ملح

اللي فهمته من كلامك ياطويل العمر انها تفرق عن النوع الفل من 523 في عدم وجود كاميرا ونفيقشن والسي دي .. فقط لا غير ؟

الشي الثاني اللي مرددني في هالنوع هو انه يمكن بنفس القيمة 210 الاف احصل لي مرسيدس فئة E أو أودي A6 تفرق كثير بمواصفاتها عن البي ام 523 السياحي... وش رايك؟؟

هلا وغلا

ربي يسلمك

اوكي اذا تبي نتكلم عن الـ523 السياحي
اللي ينقصه مثل ما قلت النافيقيشن والكاميرا الخلفيه والـCD Box اللي بالدرج
لانه يكون CD واحد بس
عموماً بوجود الـIPOD والمشغلات الصوتيه حتى الـCD اليتيم اللي بالسياره ماراح تشغله

بالنسبه للكاميرا الخلفيه فيه عندك الحساسات ممكن تعوض عنها وعلى قولة واحد من الشباب حياتنا كلها بدون كاميرا خلفيه ماراح تفرق الحين ههههه

نجي لموضوع النافيقيشن
في الأساس دائماً البي ام عنده نوعين من الشاشات الاولى صغيره والثانيه كبيره او بالأصح عريضه
الشاشه العريضه هي اللي يكون فيها النافيقيشن والصغيره مافيها نافيقيشن
لكن المساحه المحدده للمعلومات وحده والزياده في العرض للشاشات النافيقيشن هي مساحه بسيطه او زياده بسيطه لعرض المعلومات اذا كنت مخلي الشاشه في وضع الملاحه

شخصياً ماتفرق معاي ميزة النافيثيشن ولا تستاهل قيمة 15000 ريال لان 3000 ريال اقدر آخذ فيها Iphone و 300 ريال اشتري برنامج tom tom الإصدار الخاص بالشرق الأوسط وقضينا
بالمجمل ومن الشكل الخارجي مافيه اي فرق بين السياحي والفل عدا الكاميرا الخلفيه للي بيدقق
من الداخل بيفرق حجم الشاشه
شاشة الفل

http://www.autofans.us/images/BMW/2010%20BMW%205%20Series%20Gran%20Turismo%206.jpg

اما بالنسبه للشاشه الصغيره
http://i.dbzstatic.com/images/user_images/2011/06/13/1908303_CP_photo.jpeg

لكن تراها بالصوره اصغر من الواقع ولا تنسى ان الصوره اللي فوق للشاشه الكبيره عباره عن صوره احترافيه دعائيه
والصوره الثانيه للشاشه الصغيره صوره عادي جداً لسياره مستعمله بغرض البيع

لكن شوفها على الطبيعه افضل لك
لان الفرق بينها لو تلاحظ هي الزياده اللي فيها جزئية النافيقيشن في الصوره الأولى
يعني لو تعدل الصوره الاولى وتشيل الجزء اللي معروض فيها النافيقيشن راح تلاقيها صارت نفس الصغيره

طبعاً مع الإعتذار لأصحاب الصور لاني ماخذها من مواقع

اذا تبي تتكلم عن المرسيدس E300 انا رحت الوكاله من كم يوم ولقيت انه اذا الواحد يبي مرسيدس E300 بمواصفات ممتازه راح تكون قيمته 247 الف طبعاً هذا النافيقيشن والكاميرا الخلفيه وكت الـAMG لكن في هذي الحاله أفضل ادفع 230 في الـ523 فل <---- رأي شخصي

اما ما يخص الأودي انا والله مادري عنها من ناحية المواصفات والأسعار لكن اللي اعرفه ان صيانتها صعبه شوي


اتمنى اكون افدتك ...

[مخربها]

قهرني رد الطفل هاذا وحبيت اقتبسه


نجي للمهم من قراءة الردود صفينا على:
رينج ايفوك اول سنة له وحلو

بي أم 523i غالية ومواصفاتها قليلة والفل سعره 380 والألبانيا اكيد فوق 400

مرسيدس c&E
أفضل C عشان تاخذ فل كامل

AUDI A4 حلوة وتستاهل سعرها

عندك BMW الفئة الثالثة تو نزلها شكل جديد أرى أنها الأفضل لك

وبس أتمنى أفدتك,,,:xyxwave:


أخوي
بالنسبه للسعر اللي تتكلم عنه 380 ألف هذا سعر الـ740 السياحي بعد الخصم :smilie16:
الفئه الخامسه تبدأ من 215 للـ523 السياحي وتنتهي بقيمة 330 للـ550 الفل اما الـM5 لين الحين ما نزل بشكل رسمي ولا بعد بين سعره

بالنسبه لكت الألبينا

في الفئة السابعه تزيد مبلغ 29000 ريال يركبون لك كت البينا اصلي مع الجنوط

اما الفئه الخامسه مو متأكد من السعر بالضبط لكن مستحيل يتجاوز 25000 ريال

يعني اختيار اي سياره في العرض بالمواصفات اللي تبي ويضيفون لك كت البينا كامل بالجنوط.

الـC سياره حلوه ممتازه لكن حجمها جداً صغير وخيار جداً ممتاز لو كنت خارج المملكه يعن في اوروبا او غيرها من الدول اللي تقدر الصناعات الألمانيه بكل أنواعها

لكن في انت في بلد اكثر الناس يشتري 740 موديل 2008 مستعمل ومنكرف لين اذن ولا يشتري الـC وكاله فأول شي راح يواجهك بعد ما تتطلعها من الوكاله تحطيم اللي حولك لك حتى لو كنت مقتنع ترا كثر الطق يفك اللحام بعد شهر شهرين او ثلاثه من تحطيم العالم لك بتقول وش خلاني اشتريها :a1120(82):وتبدا تكرهها وتدخل في دوامه نفسيه هههههههه

ترا اتكلم والله جد

احنا احياناً ندعي المثاليه في الإختيار وسياره امان والماني وكل شي فيها حتى لو حجمها صغير انا مقتنع فيها ولكن بعد ما تشتريها يجيك الاول يحطمك ماتفكر في كلامه ويجيك الثاني وتطنش والثالث بتبدا تغلي السالفه داخلك شوي شوي الا انت مهمل السياره لانك كرهتها وتبدا مشاكلها وحوستها

كثرت الحكي بس جالس احاول اشرح لك نقطه مهمه ما ننتبه لها الا بعد ماتصير السياره لنا


تحياتي

[seeker]

اييييه ....شكل المرسدس بيطلع من الحسبه نوعا ما

الان تقريبا بين البي ام 523 السياحي وبين الأودي A6 اللي سعرها 200 الف

يبيلنا ( مخربها ) حق أودي يجي ويدلو بدلوه :)

الرنج روفر شكله خاقوقي بس مشكلته الاعتماديه دمار

في انتظار المزيد ياشباب

[قاقا]

اخوي حرام تدفع 200 وسياره مو فل
انصحك تشوف انفنتي ام37 فل
او لكزس RX
او شف النكون بكل انواعها حلوه وفخمه وصيانه مجانيه والله يوفقك

[trok]

أخوي
بالنسبه للسعر اللي تتكلم عنه 380 ألف هذا سعر الـ740 السياحي بعد الخصم :smilie16:
الفئه الخامسه تبدأ من 215 للـ523 السياحي وتنتهي بقيمة 330 للـ550 الفل اما الـM5 لين الحين ما نزل بشكل رسمي ولا بعد بين سعره

بالنسبه لكت الألبينا

في الفئة السابعه تزيد مبلغ 29000 ريال يركبون لك كت البينا اصلي مع الجنوط

اما الفئه الخامسه مو متأكد من السعر بالضبط لكن مستحيل يتجاوز 25000 ريال

يعني اختيار اي سياره في العرض بالمواصفات اللي تبي ويضيفون لك كت البينا كامل بالجنوط.

الـC سياره حلوه ممتازه لكن حجمها جداً صغير وخيار جداً ممتاز لو كنت خارج المملكه يعن في اوروبا او غيرها من الدول اللي تقدر الصناعات الألمانيه بكل أنواعها

لكن في انت في بلد اكثر الناس يشتري 740 موديل 2008 مستعمل ومنكرف لين اذن ولا يشتري الـC وكاله فأول شي راح يواجهك بعد ما تتطلعها من الوكاله تحطيم اللي حولك لك حتى لو كنت مقتنع ترا كثر الطق يفك اللحام بعد شهر شهرين او ثلاثه من تحطيم العالم لك بتقول وش خلاني اشتريها :a1120(82):وتبدا تكرهها وتدخل في دوامه نفسيه هههههههه

ترا اتكلم والله جد

احنا احياناً ندعي المثاليه في الإختيار وسياره امان والماني وكل شي فيها حتى لو حجمها صغير انا مقتنع فيها ولكن بعد ما تشتريها يجيك الاول يحطمك ماتفكر في كلامه ويجيك الثاني وتطنش والثالث بتبدا تغلي السالفه داخلك شوي شوي الا انت مهمل السياره لانك كرهتها وتبدا مشاكلها وحوستها

كثرت الحكي بس جالس احاول اشرح لك نقطه مهمه ما ننتبه لها الا بعد ماتصير السياره لنا


تحياتي

الكلام هاذا قريته في موضوع واحد من الشباب قبل شرا 535i فل مواصفات 550I يقول بسعر 330 وسعر الـ550 380 ماادري عنه والله

صحيح كلامك لاكن والله حرام 210 بسيارة مفصخة لانفقيشن لا مكينة لا شي

أنا لو |اني بمكان صاحب الموضوع أطلع من الالماني لانك تدفع 300 ولا لا تشتري

وصراحة أفضل fx35 على كل الخيارات واذا يبي سيدان m37

ليس تعصب لأنفنتي لاكن هي الشركة الوحيدة اللي تنافس الألمان بالجودة

ولمعلوماتك للحين قريت ردين اصحب bmw الفئة الخامسة
حولوا لــM56S ويقول أرسى وأريح


وبالنسبة للناس اللي تحطم:

لازم أفتح له قسم لأنها ناس ماتحترم رأي الطرف الأخر انا مااحب الأشكال والعقليات هاذي يااخي لو شرى ددسن 80 مخزن بــ 200 قناعته مالك دخل والله فتحت علي بيبان مسكرة

أنا لي أخترت خيار لو تتكلم سيارتي تقول ترا الثانية أحسن مني ماأتحطم وبنفس الوقت مااحب امدح موتري لو معي مايباخ مااحب اقارن بسيارتي بواحد ثاني لأن اللي يقارن يكون فيه نقص ويبغى يسلك لنفسه

مااأحب التعصب طيب شريت موتر خلاص أحسن موتر فالعالم أنت اخوي معك BMW فئة 5 واشوفك مره ملزم الرجال يشتريها هل جربت كل السيارات ولا بس قناعة ان البي أم افضل,,,؟

[seeker]

تحديث

امس رحت للناغي وقالوا خلاص الغوا 523 واستبدلوه ب520 ابو اربعه سلندر ..يعني البي ام معادها خيار بالنسبه لي ...

حاليا افكر بالأودي آي 6 لكن مشكلتها مهيب واصله الا بالطلب شهر 2 وانا رجالن مستعجل

[the-ghost]

آرآئي : -
كوبيه - موستنج شيلبي وارد من أمريكا لأن هنا نصابييييين (( 275 الف - كشف ))
(( 255 الف - كوبيه )) هذه الأسعار في السعودية في أمريكا كوبيه بـ 190 الف وكشف بـ 202 الف ................... :xyxthumbs:


http://www.wallpaperdose.com/wp-content/uploads/2011/07/2010-ford-mustang-shelby-gt500-auto-shows-featured-item-1024x768.jpg

سيدان - مرسيدس E-class (( إختيار حلو موديل e 350 بـ 200.000 تقريباً )) ( لون بني محروق ) ......... :smile:

http://www.blogcdn.com/www.autoblog.com/media/2011/05/01-2012-mercedes-benz-e350-fd.jpg


جيب شبابي - فورد إيدج سبورت لون احمر كاندي (( 165.000 )) ............... :ch19:

http://2.bp.blogspot.com/-FlftwhylOM8/Tc1xG_3RsLI/AAAAAAAAAVI/YHz3wLExOHY/s1600/Ford-Edge-Sport-2011.jpg

وإنت اللي يريحكـ

تقبل مروري

[يوسف اليوسف]

زودها شوي وخذلك رنج روفر إيفوك .
جيب شبابي ومواصفاته روعة وتصميمها جبار و ملفت .
والأهم أنه يصلح لشوارعنا المكسرة أفضل من السيدان .

هذا راييء الشخصي وبالتوفيق لك
بعد اذن صاحب الموضوع استفسار .
حبيبنا قريت انها 4 سلندر فقط .. مع خالص شكري ..

[مخربها]

تحديث

امس رحت للناغي وقالوا خلاص الغوا 523 واستبدلوه ب520 ابو اربعه سلندر ..يعني البي ام معادها خيار بالنسبه لي ...

حاليا افكر بالأودي آي 6 لكن مشكلتها مهيب واصله الا بالطلب شهر 2 وانا رجالن مستعجل


السلام عليكم

معليش اخوي ما يمنع انك تجربها

لان الـ520 الاصدار القديم من موديل 2008 الى 2010 اثبت جدارته
من ناحية العزم وعزل الصوت واقتصادية الوقود

وعلى فكره
فرق العزم بين الـ520 و 523 مايذكر

فمايمنع انك تطلب من الوكاله تجربة السياره

تجربتي الشخصيه للـ4 سلندر

اول ما رحت للوكاله وشفت السياره وصملت عليها ماكنت ادري انها 4 سلندر
واول ماقال لي الموظف ان السياره 4 سلندر طلبت منه نكنسل الموضوع لان هالمكينه ماتناسبني

لكن الموظف جزاه الله خير قال مو مشكله نكنس الموضوع لكن اطلب منك تجربها
وعطاني موعد اليوم الثاني عشان اجرب الـ520 4 سلندر

وفعلاُ لما جربتها تفاجأه من ادائها لكن كنت مازلت مو مقتنع 100%
لما رجعنا الوكاله جاب لي الموظف 523 وقال جربها

جربتها مالقيت فرق ملحوظ بالشكل اللي يخليني افرق بينهم
مع اني ماخذ معاي اثنين من خيرة الشباب وزناً :smilie16: بالإضافة للموظف

الحين اسافر واروح واجي ويكون معاي ناس مايدرون ان سيارتي 4 سلندر ولما اقول ل
اهم انها اربعه سلندر يحسبوني اطقطق عليهم :smilie16:

عموماً ابيك تسوي مقارنه بسيطه في بالك بين الـ520 و الـ730 راح تلاقيهم متقاربين بحكم عدد السلندرات و حجم السياره
لان منطقياً 530 افضل واقوى من الـ730

عموماً ما اطول عليك الكلام كل اللي ابيه منك انك تجرب قبل تقول ايه او لا
لان الـ4 سلندر في الألماني لا تتوقعه نفس الاكسنت والإلنترا وكذا

ربي يكتب لك اللي فيه الخير

[Majed GT]

AUDI A6
...
بالتوفيق

[the best one]

lexus gs 2012

[R/T `]

300C 2012
175 SR

[خليك كووول]

كان افضل خيار لك هو ٥٢٣ .. لكن دامها توقفت انصحك بالاودي A6
سياره شكلها جديد و اكثر من رائع وسعر الستاندرد منها ١٩٤ ،، طبعا للمكينه الصغيره اللي قوتها ٢٠٤ حصان وطبعا ٦ سلندر.. يبيلك بس تضيفلها بعض المواصفات مثل الشمعات الاماميه الفللل ليد وجنوط ١٩ وتطلع على كيف كيفك والسعر بيكون وقتها تقريبا ٢١٠ الف بس الله يعينك يبيلك تنتظر ٣ شهور لان هذا نظام السيارات اللي بطلبيه وعلى فكره عليها عرض صيانه مجانيه خمس سنوات وضمان ٣ سنوات والاودي تتميز عن باقي السيارات اللي في فئتها بحجمها الكبير.

على فكره مافكرت في الجاكور XF ؟ صار عليها فيس لفت لموديل ٢٠١٢ وصار شكلها احلى والناغي الان صار هو وكيلها.

وكانك تحب الجيوب عندك الطوارق الجديد مواصفاته رهيييييبه وشكله حلو وعليه عرض صيانه مجانيه لثلاث سنوات او ٤٥ الف كيلو.

[0:00]

خذلك انفينيتي g37 كوبيه ..

طيااااااااره و فخااامة .. يكفي انها افضل شركة يابانيه ( ياباني فخم ) و من افضل ما يكون ..

[nissan A]

اللكزس جي اس 300 جداا رائعة .....

[مخربها]

السلام عليكم

وعلى فكره
ترا اللي قال لك ان الـ520 أربعه سلندر أعطاك نصف الحقيقه

انا مريت الوكاله ولقيت الكلام صحيح انهم وقفوا الـ523 و 528 ونزلوا بداليها الـ520 و 530
بالنسبه للـ530 طبعاً اقوى من الـ528 وبنفس السعر 250 ألف ريال

اما بالنسبه للـ520 وهو اساس الموضوع
فلما قلت لك ان اللي قال لك اربعه سلندر وفي روايه سرندل :D اعطاك نصف الحقيقه الأنه ماقال لك انها توين تيربو يعني توازي الـ523 ويمكن تتفوق عليها
وقيمتها أقل من الـ523
الـ523 وصلت في بداية نزول موديل 2012 الى 235 ألف بينما الـ520 فقيمتها تتراوح بين 190 الى 200
وفرقها عن الـ523 في النافيقيشن والكاميرا الخلفيه فقط لا غير وبالنسبه للقوه الـ523 عباره عن سته سلندر 2.3 اما الـ520 فهي اربعه سلندر 2.0 توين تيربوووووو

تحياتي