ماخاب من استخار ولا ندم من استشار ... ادخلو تكفوون

[متعب بن فهد]

السلام عليكم ورحمه الله وبركاته ،،،
:e052:
يقال: اسالو أهل العلم ان كنتم لا تعلمون ...
الصراحة يا أخوان ان شاب على مشارف الزواج (يعني اقل من سنه وانا عريس:ch19:) المهم عندي حالياً سيارة هواند 2006 بس بين الحياة والموت يعني طلعت روحها وابي اشتري سيارة جديدة طبعاً اكتشفت مدى صعوبة الاختيار بين السيارات لكثرة الاختيارات وغير كذا المبلغ الغير معقولة اللى اشوفها بالسيارات :emot73: وابي رايكم في اي السيارات اشتري وراح اعطيكم نبذة عن تصوري الشخصي عن سيارة احلامي ...

اولاُ واهم شي المبلغ : نقول الميزانية 150 الف ريال.

ثانياً نوع السيارة : الصراحة انا اميل الى نوع الكروس اوفر يعني السيارات السيدان حلوه بس ياحبذا لو كان جيب

راح اعطيكم نوع السيارات الى خاشه مزاجي على رغم السعر
1- جيب مرسيدس ML 350 AMG
2- أودي A5 أو A6
3- لكزس E350
طبعاً رأي مبدائي وتلاحضون اني ما حطيت كروس اوفر الا واحد اللي هو عجبني بس بالنسبة للياباني حلو بس ما عجبني يعني التويوتا كل واحد معها هي اجابية وسلبية في نفس الوقت انا لما اشتري سيارة ابي وحده تجلس معي عمر 5 الى 8 سنوات وبرضو يكون لا زال نصبتها واسمها فيها


تكفووون ابي رايكم ولا تنسون قطع الغيار والسعر الله يوفقكم :c016::c016::c016::c016:

[0:00]

شوف يا طويل العمر و السلامه ..


اول شئ الله يوفقك في زواجك و الله ييسر عليك امورك و الله يهنيك بالزوجه الصالحه و عقبال الذريه السنعين و الصالحين ..

بالنسبه للسيارات اللي ذكرتها كلها حلوات و كل وحده لها مزايا و عيوب طبعا كل السيارات في العالم لها مزايا و عيوب ..

المرسيدس ml امانه ما جربتها و نادره بس شكلها من قدام هيبه و الزنون حقها خرافي و اسألني انا شايف وحده احسبه ليزر ما شاء الله .. و السياره يكفي انها من شكرة مرسيدس .. لكن اللي يعيبها شكلها .. و سعرها اذا كان فوق 150 الف مدري لكن ما اتوقع انها تستاهل .. لكن كجدوة ممتازه جدا ً و قطع الغيار راعين المرسيدس يقولون معقوله اسعارها بالنسبه لحجم هالشركه الكبيره و العريقه في عالم السيارات ..

الاودي ممتازه لا غبار عليها .. شركه كبيره و المانيه و انا كبرت في عيني يوم شفت لهم فيديو حق مصنع اودي في المانيا موجود في اليوتيوب و شفت الخطوات اللي تمر فيه السيارات و صراحه يهتمون بالسيارة لدرجة انهم يشيكون على كل نقطه فيها ما شاء الله .. يعني جودة و عزل و رساوة و قوية و المانيه و سرعه و كشخه و كل شئ تلقاها في الاودي A6 .. اودي A5 حلوه لكن اذا قدرت على A6 افضل .. لكن عيبها الوكيل في السعوديه سيئ جدا ً .. لكن اذا كنت من سكان الشرقيه انصحك تشتريه من البحرين و تداوم على الصيانه هناك ترا افضل بكثييير لان هنا بيتعبونك .. .. او انك اشتر الموتر من هنا و داوم على الصيانه في البحرين .. ( بس ترا سعر الاودي A6 الفل يوصل الى 216 الف يعني غالي شوي )

و اللكزس ما عليها كلام ممتازه من جميع النواحي .. اللهم انه التقنيه قليله بالنسبه للسيارات الالمانيه و ترا قطع غيارها معقوله جدا ً خاصة انها تويوتا يعني ارتاح .. مع ان سيارتي اكورد 2011 .. لكن انا عن نفسي لو كنت مكانك بشتري اف جي او دودج تشارجر 2012 الشكل الجديد كليا ً و قوة و تسارع خرااااااااااافي و سعرها RT اتوقع ما يتعدى 160 الف ..


و اي خدمه انا موجود

[متعب بن فهد]

الف شكر عل النصيحة بس التشارجر يقولون فيه مشكلة الحرارة ويطيح سعره بالحيل ...!!

المشكلة اني مقتنع ان الافضل الياباني بس طفشت منه ..ولد حارتنا اللى كنت اسطره كل ما راح وجاء طق اللكزس

وكل واحد تحصل معه اف جي اخوي معه الموتر قوي نشيط بس داخلي ما عندك احد قطع بلاستيك مجمعه

بيت القصيد اني ابي سيارة من الماركات الفاخرة ولا كل واحد ياخذها والامريكي ما ادري لكن عندي تخوف منه


شكرااااااا

[porsche fan]

اللكزس ممتاز , وعائلتنا لها تجربة مع اللكزس من فترة طويلة جداً , ولا عمرنا ندمنا اننا تعاملنا مع اللكزس , الوالد عنده لكزس الآن موديل 2006 ولا عطل واحد ما شاء الله تبارك الله , اخوي لكزس 2010 وايضاً نفس الكلام , اللكزس اللي مع اخوي هي اللكزس ES350 , جداً فخمة ومريحة داخلياً وممتازة , ومريحة وعزلها جداً ممتاز والنظام الصوتي فيها خطير , انصحك تركبها بالوكالة وتشوفها ، قطع غيارها ماعليها كلام وارخص من الألمانيين طبعاً , وشخصياً اشوف اذا بتحافظ على سيارتك وتبي سيارة تعيش 8 سنوات خذ اللكزس ولا تسأل :)


بالنسبة للأودي A5 , ايضاً جداً ممتازة وفخمة , لكن ما اعتقد تقدر تاخذ وحدة وكالة بـ 150 !

[onlay]

سلآم عليكم : ..

مبروك ، آلله يزرقك ب الذريه الصآلحه " ..


من نآحيتي قدآمك خيآرآتَ كثيره .. وآذآ كآن رآتبك آو مصروفك بشكل عآم .. فوق آلـ7 آلآف ..

1- لكزَس ls 460 .. 2007
2- بي ام 2007 730
3-لكزس جي اي 430 2009 او 08
4-جمس اسكاليد 2008 قصير
5-لو تزيدها 30 الف بتجيب لك بانوراما 2006 - 07 نضيف ..

ونصحيتي اللكزس 460 ،..

تحيآتيء ..

[قاقا]

اخوي وش رايك بالاف اكس زي الي بالرابط
http://www.saudisale.com/SS_a_car.aspx?carid=9300
او
اودي كيو 5
http://www.saudisale.com/SS_a_car.aspx?carid=10582

واذا تبي نصيحتي شفلك فورد ايدج جديد

[Majed GT]

أخوي متعب
أولا مبروك على قرب الزواج..
بالنسبة للسيارة ، الصراحة خياراتك روعة و يدل على ذوقك الحلو :smile:
الجيب ما أنصحك فيه الحين لأنك لاحق عليه ، صدقني إلا يجي يوم ( إن شاء الله ) و بتاخذ لك جيب..
اللكزس حلو و مثل ما ذكر الأخ بورش أنه حق كرف و هذي من أفضل ميزاته ، و صيانته أرخص بكثيـــــر من الألماني، لكنه مهوب مثل فخامة الأودي ، و فوق هذا منتشر فكل مكان تقول كأنه كامري !
الأودي روعة و فخامة و حتى الآن غير منتشره كثير و هذي ميزه ، صحيح الأودي غالية و صيانها بعد، لكن اللي يبي التميز يتحمل :smile: ، و يبيلك تحافظ عليها..
الأودي A6 حلوة لكن دامك وصلت للأودي فيبيلك تضيف بعض الخيارات الغير متوفرة في الفئة القياسية النافيقيشن و الرؤية الليلية و التلفزيون و كرسي المساج ووو.. ، فسعرها يمكن يوصل لفوق 250 ألف !!!

الأودي A5 Sportback شكلها شبابي أكثر و عصري ، و في المستقبل أتوقع كثير من شركات السيارات بتميل لهذا التصميم على حساب السيدان الكلاسيكي ، و هي أرخص من ال A6 ، و آخر مره شفت سعرها قبل يمكن شهر كان 189 ألف مع S-Line ، يعني مع تركيب الكاميرا الخلفية و النافيقيشن و التلفزيون ، بتزيد حوالي 20 ألف ! يعني بتطلع بحوالي 210 ألف !!

ملاحظة : الأودي A6 ، ستة سلندر 204 حصان
الأودي A5 ، أربعة سلندر 211 حصان !

أرشح لك الأودي A5 Sportback أبيض مع الفيس لفت لعام 2011 ، لأنه ( في نظري) أجمل و أكثر هيبة من 2012 ..

http://www.youtube.com/watch?v=rwfH7OyO0aU&feature=related

بالتوفيق

[كامري سبورت]

آسف يا أخي ودني اعرف السيارت الفخمه لكني وأدلك ما عرفت شيء عنها

[porsche fan]

أخوي متعب
أولا مبروك على قرب الزواج..
بالنسبة للسيارة ، الصراحة خياراتك روعة و يدل على ذوقك الحلو :smile:
الجيب ما أنصحك فيه الحين لأنك لاحق عليه ، صدقني إلا يجي يوم ( إن شاء الله ) و بتاخذ لك جيب..
اللكزس حلو و مثل ما ذكر الأخ بورش أنه حق كرف و هذي من أفضل ميزاته ، و صيانته أرخص بكثيـــــر من الألماني، لكنه مهوب مثل فخامة الأودي ، و فوق هذا منتشر فكل مكان تقول كأنه كامري !
الأودي روعة و فخامة و حتى الآن غير منتشره كثير و هذي ميزه ، صحيح الأودي غالية و صيانها بعد، لكن اللي يبي التميز يتحمل :smile: ، و يبيلك تحافظ عليها..
الأودي A6 حلوة لكن دامك وصلت للأودي فيبيلك تضيف بعض الخيارات الغير متوفرة في الفئة القياسية النافيقيشن و الرؤية الليلية و التلفزيون و كرسي المساج ووو.. ، فسعرها يمكن يوصل لفوق 250 ألف !!!

الأودي A5 Sportback شكلها شبابي أكثر و عصري ، و في المستقبل أتوقع كثير من شركات السيارات بتميل لهذا التصميم على حساب السيدان الكلاسيكي ، و هي أرخص من ال A6 ، و آخر مره شفت سعرها قبل يمكن شهر كان 189 ألف مع S-Line ، يعني مع تركيب الكاميرا الخلفية و النافيقيشن و التلفزيون ، بتزيد حوالي 20 ألف ! يعني بتطلع بحوالي 210 ألف !!

ملاحظة : الأودي A6 ، ستة سلندر 204 حصان
الأودي A5 ، أربعة سلندر 211 حصان !

أرشح لك الأودي A5 Sportback أبيض مع الفيس لفت لعام 2011 ، لأنه ( في نظري) أجمل و أكثر هيبة من 2012 ..

http://www.youtube.com/watch?v=rwfH7OyO0aU&feature=related

بالتوفيق


رد ممتاز جداً ما شاء الله وما ازيد على كلام اخوي شئ , وفيه نقطة قالها انا ما قلتها بعد ، ان اللكزس فخم جداً ويتحمل الكرف واسعار قطع غياره ممتازة , لكن طبعاً ما راح تلقى فيه فخامة وتقنية السيارات الألمانية , وما راح يكون بكشخة وهيبة السيارات الألمانية

بالنسبة للـ A5 والـ A6 , من رأيي انك تقعد على الـ A5 لعدة اسباب
اولاً اذا بتاخذ A6 راح تاخذ نوع متدني منها نوعاً ما وما راح تكون مليانة بالمواصفات والتقنية , صحيح انه يبقى أودي A6 وسيارة فخمة جداً ووسيعة , لكن انه يكون خالي من المواصفات ممكن يطفشك بالسيارة بعد فترة , الـ A5 Sportback سيارة جداً ممتازة وشخصياً اتمنى وحدة ولو كان معي مبلغها كان شريتها بدون اي تفكير , السيارة جداً فخمة وشبابية ومواصفات ممتازة وامان السيارة مستواه عالي وما يعيبها شئ ما شاء الله

طبعاً للمعلومية وعشان ما نضيعك , الـ A5 صار عليه فيس لفت , باقي ما وصل السعودية ولكن راح يوصل قريب بإذن الله , طبعاً بما ان الـ A5 Sportback راح ينزل منها شكل جديد الوكالة بيكون ودهم يصرفون الشكل القديم عشان يقدرون يحطون الشكل الجديد بالمعرض ويبدون يبيعونه , هالفترة من رأيي اشوف انك لازم تنتهزها وتشتري A5 بهالوقت , لأن الوكالة عشان تمشي الـ A5 الشكل الحالي من عندها عشان تحط الجديد , بتحط عروض قوية ومغرية على السيارة وبأسعار جداً ممتازة عشان يشترون الناس وتفضى الوكالة , من رايي تروح بهالفترة وتلحق تشتري A5 بمواصفات عالية جداً وبسعر ممتاز ومغري مقارنة بقبل التخفيض

بالنسبة ان الشكل القديم راح يفقد هيبته , ممكن الى حدٍ ما ايه , لكن لو ان السيارة مثل الـ A8 والبانرواما بوافقك الرأي , لكن فئة الـ A5 اشوف انك حتى لو شريت الشكل الحالي ونزل فيس لفت الـ A5 ما راح يفقد هيبته , لأن اصلاً الـ A5 ماله الأنتشار القوي والـ A5 بعد الفيس لفت ما اعتقد راح ينتشر بشكل قوي عشان الشكل اللي معاك يفقد هيبته , انا متأكد ان هالشكل راح يبقى هيبه بالشارع ولفترة طويلة , لأن شبابنا اذا صارو بيدفعون سعر الـ A5 بسيارة ( ما يقارب الـ 180 ) يدفعونها بسيارة رياضية مثل الكومارو والموستينغ , او بسيارة ضخمة مثل اليوكن والتاهو واللاندكروزر , عشان كذا اشوف الـ A5 هالشكل ما راح يفقد هيبته بالشارع ابداً فمن رأيي تتوكل وتشتري A5 Sportback بوقت ما ينزلون الوكالة عروض على اللي عندهم عشان يجهزون للشكل الجديد


وعذراً على الاطالة :a1120(86):

[عاشق الخالد]

الله يوفقك وييسر أمرك أخوي

شف ياغالي دامك عريس وبأول الدرب فبدري على الجيب

خذ لك مرسيدس E كشخة ووسيعة

وباختصار شف ميزانيتك كم وهي الي راح تحككم


وفقك الله