وش الخدمات اللي تبيها عند غسيل سيارتك

[mymooon15]

السلام عليكم،،
أسعد الله أيامكم بكل خير

أخوكم عنده مشروع ( مغسلة سيارات ) وأبغى مساعدتكم في معرفة الاشياء اللي تجذب الزبائن وخصوصاً الشباب لأن المغسلة قريبه من سكن العزاب.
وفقني الله وإياكم لما يحب ويرضى

[مخاوي الباترول]

سلام عليكم ورحمة الله وبركاته..
اخووي الله يوفقك ويبارك لك ويتمم لك المشرووع على خير وموفق انشاء الله...وبنسبة للأشياء الي تجذب الزبااين وخاصه الشباب وتعرف الشباب يحبوو الحركات الجديدة....هي كالأتي:
1ـسررعه العامل وخبرتة في المجاال..لأن في اماكن مخصصه كثيرر بعض العمال يتجاهلونها.مثلاً خلف المراياات وحواف الاسطبات الخلفيه والامامية (تلميع جيد.) وخلف البيبان يعني عند المفاصل..
2 تكيس الدعاسات.والمقاعد ..(حسب الطلب للمقاعد.)
3.وتوفير روائح زكية داخل الموتر .(مثلاً التعليقة الي في المرايا الامامية..).
4 تلميع الديكور الداخلي جيداً
ويوجد مناديل خااصه لتلميع الديكور الداخلي للموتر ويوجد بها رائحة جدا جميلة ويلمع بها بعنايه خاصه في حواف مفاتيح المكيف والمسجل .
5 تلميع الكفرات ويوجد بخاخ خااص لها ...وهذي شي مهم جدا جدا عند الشباب....
هذا الي عندي لك ..واتمنا لك كل خير انشاء الله واول ماتفتح اعطينا خبر ..عشان نحضر الافتتاح..هع..
موفق انشاء الله .
تحياتي..

[ibrahim 66]

انا بالنسبه لي لما اروح مغسلة
احرض على ان شغله كويس ويخلص لي السياره بسرعه
يعني كثرة العمال يساعد على كسب الزبائن

[lumina ss 03]

ممم :c0214: 1- سرعة التنظيف
2- الخبرة في المجال والاهتمام بالتفاصيل
3- التلميع والتعطير مجانا
4- انك تسوي مثلا كروت والي يجمع خلنا نقول 5 كروت يحصل على تنظيف مجاني ( هدي الفكرة تطبقها احد مغاسل ديرتي )
وهدا ما عندي

[ahzzq]

والله يالغالي اهم شي عندي بالمغسله ثلاث نقاط :

- تكون الفوط المستخدمه ممتازه وموب مكروووفه ..

- ملابس العامل نظيفة لانه اذا ركب السياره يمسح يوصخ المراتب الجلد ..

- التمسيح الممتاز ..

انصحك تزور محطه العربة بشارع التحليه وتاخذ فكره .. وتشوف نظافه العمال وجودة المواد المستخدمه

بيني وبينك للاسف اغلب المغاسل اغسل السياره عنده ومع الوقت احصل المراتب صاير فيها سواد !! لان ملابس العامل اصلا وصخه واذا ركب يمسح يوصخ المراتب !!

[احمد 999]

1- سرعة التنظيف .
2- الماء حلو .
3- هواء ( لاخراج الماء من االمرايات والازياق والصدمات والانوار ) .
4- تكييس الوطايات .
5- الغسيل الجيد .

والله يوفقك على المشروع

[DENZEL]

الصراحه فيه شي تفتقده اغلب المغاسل لدينا وان توفرت لديك ثق تماماً ان مغسلتك راح تكون وجهـة اغلب الشباب .

طبعاً الشي هذا ماتقدر تشتريه او تطلبه لانه متعلق بالعامل نفسه .

الشيء هو : ((( الغسيل بضمير ))) .

كثير من العماله يغسلون بدون نفس ومايسوون الشي الا اذا انت طلبته وجلست فوق راسهم .

انا من رأيي تحاول تتابع العماله او تعين مشرف عليهم و تقولهم شهرياً بختار العامل المثالي وتعطيه مكافئه بسيطه .. بكذا بيصير تنافس والشغل بيكون فل الفل بأذن الله .


وفيه شيء اخر مهم لازم اذكره وهو : المناشف وادوات النظافه المستخدمه اثناء التنظيف . لابد ان تكون جودتها ممتازه ويجب غسلها بعد كل عملية تنظيف لـ تعطي افضل اداء لها .

وانصحك بأختيار افضل مواد التنظيف من شامبوهات وادوات تلميع .


صحيح بتخسر حبتين لكن صدقني الاحتراف في العمل و زيادة بسيطه في ميزانية الادوات الممتازه راح تكون من صالحك ويوم عن يوم بتشوف الزباين عندك يكثرون والكل يوصي اخوياه واهله على مغسلتك .


في الختام : اتمنى لك التوفيق في مشروعك .


و السلام عليكم ورحمة الله وبركاته

[ابو فايع]

غسيل ببخار او بمنظفات مخصصه للسيارات لان الفيري او المنظفات العايديه فيها مواد كيميائيه قويه تخلي لون السياره يبلح على المدى الطويل

[mymooon15]

أشكر للجميع ردودهم
وكل عام انتم بخير

[سامي القرشي]

حبيبي اهم شي بالمغسله انه يغسل تماااام ويلمع الاماكن المذكوره اول الموضوع

ويكوون عند كل غسيل علبة منديل هديه وتعليقة فواحه وتكييس الفرشاات والمقاعد عند الطلب

وكمااان عند بعض المغاسل يعطونك كرت اول ماتغسل عندهم يكتبون عليه رقم لوحة السياره ونوعها ولونها وكل ماتجي يحط عليه ختم واذا كملت خمس غسلات يعطيك غسيل مع التكييس مجانا وبعد كذا يعطيك كرت ثاني

واهم شي بخااخات تلميع الكفرات مو زي بعض المغاسل يحط تووت بسكر لو احطه يوومين في الشمس ضرب علي

هذا ماحبيت افيدك فيه

[H.M.W]

اهم شي يكون شغل العمال ممتاز يعني تجيبلك واحد متاكد انه يعرف يغسل موب سبكا ولا كهربائي ويوهقك

[عطل طارئ]

اخوي

لازم تعرف انه سرعة العمل يأتي معهاااااا تقصير في أداء المهمة الغسيل
وحتى تتغلب على تأخيرك ولا يمل من الزبوووووووووووون
جهز غرفة للاستراحه ومعهااااا تلفزيون بشتراك مع قنوات الجزيره الرياضيه وابو ظبي
\
نظافة العمال و المكان يعطي إنطباع على نظافة شغلهم
\
متابعة المغسله بنفسسسسك يحقق النجاح لمشروعك....بإذن الله



لاتنسي صلاة الاستخاره
والله يوفقك