المساعد الشخصي الرقمي

مشاهدة النسخة كاملة : سؤال: أبيكا 2010 أصفار ب45000 ، وش رايكم بالسعر


Alzaeem1409
13-10-2011, 08:21 PM
السلام عليكم ورحمة الله وبركاته

إخواني أنا ناوي اشتري سيارة شيفرولية أبيكا

وحصلت في المعارض أبيكا 2010 ب45000 ريال

السيارة أصفاااااار ، يعني مامشت

السؤال = وش رايكم بالسعر + أنا خايف إنها تكون من السيارات اللي تضررت من سيول جدة + وش رايكم بالأبيكا بشكل عام

ورحم الله والديكم اجمعين
abutaleb
13-10-2011, 10:22 PM
وعليكم السلام
اخوي انا عندي ابيكا 2007
طلعاتها من الوكاله وعلى يدي
المهم السيارة راحت تحبها لراحتها ومكيفها وقيادتها
لكن عيبها جودتها
الصراحة مش ولا بد
عندنا بالحاره 3 ابيكا 2007
المهم واحد غير مكينه
وواحد وضبها
وانا الحين بالورشه ضربت معى بلوف المكينه
وعمر المكينه على وشك
لو لك رغبه بالابيكا
خذ وحدة مستعمله ولا تهتم بكم مااشيه
اهم شئ نظافه البودي
راح تلاقيها بين 19 الى 23
وخذ لك مكينه نظيفه تلاقيها ب4 الف
يعنى ما تعدي 25 الف
وتدوم لك 4 سنوات
لو مشاوريك كثيره
وما تخسر كثير
لنو الابيكا ما تعيش مكينتها
هذا الذى عندي واتمنى الشباب يفدوونك اكثر
..][ ح ــياة التــم ــيز ][..
15-10-2011, 02:17 PM
و الله السعر حلو , بس الابيكا ؟

انا مره جربتها و ماكانت حلوه , يمكن ما اعجبتني انا شخصيـا ً , لأن لكل شخص ذوقه

بس السعر حلو , :) مع ان الجديدة كانت بـ 54 الف اعتقد في 2010

,

و الله يوفقك
مناحي07
15-10-2011, 06:59 PM
السعر مناسب الصراحه وامكانيه انها تضررت من سيول جده رح اكشف عليها اول ما تاخذها فحص كامل ولا تاخذ من بالبيد نصيحه انا ابيكتي من بالبيد وربي ان الخدمه ابو كلب والصراحه الابيكا بشكل عام مي حقت دعس قومتها ضعيفه جدا حقت راحه داخليه بس قطع غيارها غاااااليه وبوديها ضعيف وتشرب بنزين بشكل غير طبيعي انا حولت ابيكتي لبنزين 91 وقلت الصرفيه بس مازالت تصرف بنزين بس من ناحيه راحه داخليه مرره حلوه من قطع الغيار اللي انا غيرتها صدام امامي ب 1000 ريال تجاري مرايه يمين ب 500 ريال بس باقي ما غيرتها مرايه وكاله طبعن و جربوكس ب 30 الف ريال وكمبيوتر جربوكس ب 2500 ريال و عضلات كامله يمين اماميه ب 4600 ريال وحساس مانع انزلاق ب 2300 ريال حساس امامي يمين وزي كذا باقي القطع
fvhy
15-10-2011, 07:42 PM
هالسياره الوحيده الي مالقيت احد يمدحها ابد

نصيحه ابعد عنها وترا 45 تجيب لك سيارات مستعمل كثيرررررره ونظيفه وتقدر تشتري سيارات وكاله وش الي يحدك عالابيكا
CLASSIC ¬»
18-10-2011, 07:57 PM
ما أنصحك فيها أبداً

هذة السيارة عار على عملاق تصنيع السيارات شيفرولية