طلبت سيارة من مصرف الراجحي (انظر ماحدث)

[تويوتاا]

السلام عليكم


طلبت سيارة من مندوب الراجحي وأرسلني للمعرض ..رحت المعرض وطلبت سعر السيارة
قال بـ 127000ريال .... قلت عطني تسعيرة بوديها للراجحي وأعطاني تسعيرة مكتوب
فيها السعر 123000ريال

قال هذي التسعيرة بس عند استلام السيارة لازم تدفع كاش للمعرض مبلغ 4000ريال
قلت ليش؟
قال لأن سعرها 127000ريال
قلت طيب اكتب بالتسعيرة المبلغ اللي تبي وتفاهم مع الراجحي
قال لا المهم عند استلام السيارة تدفع لي 4000ريال
قلت ان شاء الله يصير خير


سألت مندوب الراجحي (مصري) عن السالفة
قال ماأدري والله يمكن يطلبون منك كذا ؟؟

أنا للآن أنتظر السيارة بس مدري وش سالفة الـ4000ريال ؟؟؟
أرجو إفادتي ؟

[الفاروق]

لا يكون الموظف عنده صلاحية التخفيض ل 123000 و ياخذ هو الاربعة الاف لنفسه
كذا الشركة اللي هو شغال فيها يوصلها حقها و محد بيسأله عن الباقي
حاول تستفسر عن طريقة دفع الاربعة الاف
اذا فيها لف و دوران روح للمدير مباشرة

[ابو لندا]

لا اخذت السياره
قله لا وابغاء المدير الاقليمي
وكبر الموضوع علي اي اساس تأخذ
وبااخر شي قله با اكتب الشيك با اسم الوكاله

[أبو ديـــــالا]

شكل الموظف ناوي له على نيه

إذا أخذت السيارة خله يراجع البنك وياخذها منهم

[رايق وفايق]

خذ السياره واسحب عليييييييييييييييييه

والله مايقدر يفتح افمه

[ABU LANA]

انت معك تسعيرة بـ 123000

وخلص امورك ولا عليك من احد

هذا نصاب ولا يقدر يسوي لك شيء

[porsche fan]

مثل ما قالوا الشباب ، اذا قعد يتفلسف عليك كثير قوله ابغى اشوف مديرك :) !

[black coffee]

التسعيرة تدينو عند استلام السيارة فما عليك منو

[آبو فـهـد]

هههههههه حلوه تعال وعطني 4000 الاف ، قله ابشر بسس ،

ما اتوقع انها لها دخل فالمعرض اصلا ، بيحطها فجيبه ،

بدون ايصال وبدون شي ! ،

[مخربها]

السلام عليكم

ياشباب ياجماعة الخير السيارات التأجير المنتهي بالتمليك فيها مبالغ تختلف عن قيمة السياره

انا ما ادري وش موضوع الـ4000 ريال بالضبط بس لا تشيشون الرجال وبعدها يروح يكذب الموظف لان في هالحاله لو طلع الموظف على حق ماراح يقدر يحط عينه بعين الموظف من الخجل

انا رأيي تروح بكل هداوه وقت استلام السياره وتستفسر بكل ثقه عن موضوع الـ4000 ريال بدون هواش وحوسه لان احتمال الـ4000 ريال تكون رسوم اداريه او احتمال تكون لغرض معين

احتمال راتبك مايسمح الا بقيمة 123 الف والموظف حب يساعدك وعطاك عرض بقيمة 123 عشان البنك مايرفض الطلب وبيسجل باقي المبلغ كاش
ماتدري وش الظروف بالضبط بس قبل تدفع تأكد من الموضوع بكل هدوء عشان لو كان معاه حق تصير ما كذبته ولا غلطت عليه

دائماً الضن السء مقدم على الحسن
المهم لا تنفعل ولا شي اذا جيت تستلم استفسر بشكل عادي
واذا دفعتها اطلب ايصال
عموماً الموظف ماراح ياخذها منك لانه اكيد راح يحولك على الصندوق اللي في الوكاله تدفع المبلغ لهم وتاخذ وصل فيه

الا في حالة ان الموظف دفع المبلغ مسبقاً من مخباه على اساس انت راح تعوضه وهذا احتمال ضعيف ويصل الى المستحيل

تحياتي

[mr.3do0ol]

^

لو فيه منك اثنين بالحياه كآنت الحياه اجمل واحلى واكمل . > برا

يا اخي والله الناس اللي مثلك يعجبوني ما شاء الله >> برا كمان

[FAISAL M]

يا خي والله ماهيب لقافه بس لو تاخذ قرض أحسن وتشتري كاش . مايفرق معك إلا التأمين وعمولة القروض وصلت في بعض البنوك 1,99 ونظام الأيجار 7،00 أو 5،00 % والخيار الأول والأخير لك.

[Road Lord]

انت من الاساس الله يهديك كان المفروض تستفسر من رئيس الموظف المباشر عن موضوع

الاربعه الاف لكن اللي راح راح

انت حاليا لا جاء وقت الاستلام استفسر من الموظف واطلب رئيسه المباشر < عادي حقك لاتستحي مافيها شيء

وشوف اش الغرض من المبلغ وطريقه السداد

وياخوان رجاء هذي حقوق لاحد يرمي كلمه ويمشي

ماتدرون لو ان المبلغ فعلا له غرض وفي سياسه له بالشركه

وقتها تصير مشاكل لاسمح الله

[-ksa]

طيب ممكن 4000 تكون لامور التسليم وتسجيل السياره واللوحات لازم تتاكد من الفلوس هذي ليش؟
والله يوفقك انشالله