المساعد الشخصي الرقمي

مشاهدة النسخة كاملة : معاااااااااااانااااااااااااااااتي مع أبو هنوووووووووووووووود


SH sh
19-09-2011, 01:20 PM
سيارتي: ماركيز فول كامل 2004 جايبه طلبية من أمريكا وربي ماجتها الحكه :blue:
سيارة الهندي مايكروا باص موديل قديم مصدمه من الجهات الأربع
تأميني : التعاونية
تأمين الهندي : الشركة السعودية الهندية للتأمين .
تاريخ الحادث : 10 رمضان
الخطأ : 100% على الهندي
ضرر السيارة : الباب الأيمن الأمامي والباب الأيمن الخلفي
تقدير إصلاح السيارة : شغل إيديهم ( ثلاث ورش ) 1400 / 1600 / 1700 ريال
قطع ربل باب أيمن أمامي 900 ربل باب أيمن خلفي 900
قيمة التقدير لكل ورشه : 50 ريال المجموع 150 ريال


والله أتكلم من قهر في داخلي ..
الحين حنا مجبورين على التأمين
وأول مايصير معك حادث يقعدون هالشركات يسحبون فيك !!
طيب الي أجبرتونا على الدفع
ليه ماتجبرون الشركات على الدفع للمواطنين .
ليه المواطن ماياخذ حقه كامل من الشركه وهو مرتاح نفسياً
قسم بالله أنهم رفعوا ضغطي
تخيلوا الهندي يرفع صوته وينافخ علي

هذي معاناتي مع الشركة السعودية الهندية .
أول شيء : كل الارقام اللي حاطينها عند نجم كذب
وماهي لهم ولا أحد يرد عليها قعدت أسبوع
أدق على رقم الشرقية ورقم جدة ورقم الرياض
ولا فيه أي فايده .

بعدين .. حصلت الرقم عن طريق أحد المعارف
أرسلته لمكان الشركة الي بالرياض وأخذ رقمهم عشان أتصل عليهم

بعدين .. أتصلت عليهم وأنواع المعامله الزفت
يكلمك الواحد ونفسه بخشمه قسم بالله كأنك تشحذه من ماله
ومع كثرة الإتصالات رد علي واحد سعودي وقالي أرسل البيانات :
أوراق التقدير . أستمارة السيارة بما أنها بسمك
وقالي لازم تختم الأوراق من المرور وترسلها لنا .

رحت للمرور قالوا مالنا شغل نختم لك أوراق تأمين
رجعت كلمة الشركة وقالوا لازم تختم مانقبل الأوراق
رجعت لنجم وقالوا لي وش دخل المرور يختمون لك
وبعدين وليه تختم مايحتاج هالكلام وهذا بس تعقيد منهم
المهم ماقصروا معي وقالو حنا نبي نوقف معك
وماعمرنا ختمنا أوراق بس نبي نختم لك الأوراق والله يعينك !

أرسلت الأوراق ..
رجعت أتصلت عليهم كم يوم ما أحد يرد
ردوا علي هندي بعد فتره وقعد يسحب فيني
عطني رقم الأحاله ... ماهو صحيح
عطني رقم الوثيقه .. ماهو صحيح
ويومين على هالحال .. يقولون ماجانا شيء
رحت لنجم وعطوني تقرير إن الشركة إستلمت
رجعت كلمتهم بعد إسبوع تسحيب ويالله حصلو الحادث
لما حصلوه قالوا ليه ما أرسلت الأوراق !!
يا حبيبي .. قلت لهم أنا مرسل الأوراق من زمان
الهندي قام ينافخ علي ويقول مافيه شيء
سكرة السماعة وعلى طول على فيدكس وآخذ منهم
برنت لبوليصة الشحن وإنهم إستلموها في مقرهم
وأرجع أكلمهم واعطيهم رقم الإرسالية وقالو
إتصل علينا العصر ويومين بدون رد
ردو بعد يومين وطبعاً أعرف نفسي من جديد
ورقم الإحالة ورقم الوثيقه ومع الهندي
أيوه إنتظر .. وأخيراً حصل الأوراق
قال هذا كم فلوس تصليح
قلت له ثلاث شركات 1600 و 1400 و 1700
قال أوكيه هذا يجي 1400 ريال !! غريبه
الي أعرفه إنهم يخذون السعر الي في النص
ماهو أقل سعر .. قلت له طيب هذا سعر
التصليح الله يعين .. طيب مع سعر القطع
قال سعر القطع هذا أصلي ماهو تجاري
قلت لا هذا ماهو أصلي هذا موجود بالسوق
هذا سعره 900 ريال والأصلي سعره أكثر من 1600 ريال
والهندي معند ويقول سعر القطع ماهو مناسب !!
تخيلوا إنهم يكاسرون ويبون يطيحون قيمة التقدير
لأقل سعر ممكن ..
المهم وأنا آخذ وأعطي معاه في الكلام
قال أنا مافيه كلام سوى سوى أنت
أنت رقم جوال موجود بكره سعودي في إتصال
طبعاً قعد إسبوع بدون إتصال وكل ما أتصل يطلع لي هندي
بعد إسبوع رد علي واحد سعودي
وشرحت له مشكلتي وقال والله أنا ماعندي أوراق ولا شيء
والله العظيم إني طفشت منهم

وإلا الآن المعاناة مستمره معهم



وما أدري وش الحل ؟


حسبي الله ونعم الوكيل فيهم
هالشركات وين الدولة عنهم
ليه النصب والإحتيال على الناس كذا
الدولة لازم تصير أقوى من الشركات
ماهو العكس .. عشان ماينتشر الفساد في البلد
أبو عابــد
20-09-2011, 12:26 PM
الشكوى لله. في الدنيا يضيع حقك لاكن يوم الحساب الله مايضيع حقك.
GM_TAHOE
20-09-2011, 01:23 PM
ما زال سوق التأمين غامض لدى كثير من الناس
وفي حال رغبتك بالشكوى لا تعلم اين تشتكي مؤوسسة النقد ام ماذا ؟؟؟
salehhd
20-09-2011, 01:52 PM
الله يكون في عونك

اقترح عليك ترفع شكوتك الي مدير شركة نجم وخطاب الي ادارة المرور واخر الي احد الصحف المحلية
SH sh
20-09-2011, 02:36 PM
تخيلوووووو الحين مكلمهم
قسم بالله يقولون نبي نعطيك 1400 ريال
تبي حياك الله
ماتبي أقط أوراقك على جنبك وخلها تنااام
يقولي الظاهر هذا الي تبيه أنت
كأني أشحذه ...

حسبي الله ونعم الوكيل
salehhd
20-09-2011, 02:44 PM
تخيلوووووو الحين مكلمهم
قسم بالله يقولون نبي نعطيك 1400 ريال
تبي حياك الله
ماتبي أقط أوراقك على جنبك وخلها تنااام
يقولي الظاهر هذا الي تبيه أنت
كأني أشحذه ...

حسبي الله ونعم الوكيل


الله يعينك
تبي الشور خذها وتوكل على الله والعوض ولا القطيعه
DRcorolla587
20-09-2011, 05:05 PM
الله يكون في عونك ،،وش تسوي خلاص توكل وخذ ال1400 ومافرقت على 100 ريال ، والمسامح كريم سامحهم على اسلوبهم التعبان وربي يعوضك.
SH sh
20-09-2011, 05:40 PM
الله يكون في عونك ،،وش تسوي خلاص توكل وخذ ال1400 ومافرقت على 100 ريال ، والمسامح كريم سامحهم على اسلوبهم التعبان وربي يعوضك.

أخوي ليتها على 100 ريال
يبون يعطوني 1400 من غير حق القطع
حق القطع بس أكثر من 2500 ريال
بس الورش حطوا تسعيره 1800 والقطع ماهي عندهم

..

ليتها على هالإسلوب
أقسم بالله العظيم إن ما أتجنى عليهم
الحين طلعوا لي بشغله جديدة
قالو جب لنا تسعيره للقطع لحال بعد المطالبات
أنا قلت لهم يا أخي أنتم قلتولي عادي نقبل
ثلاث تسعيرات ورش ومايضر تكون حدى الورش تسعر
لك القطع في نفس ورقة التقدير
والحين تقولون لا جب لنا تسعيره لحال
شوي قام يرفع صوته قلت يا أخي حولني على المدير
والله العظيم هذا الي صار
قال طيب .. أبعد السماعه وشكله حط يده على السماعه
وأنا قاعد أسمعه يقول للهندي اللي بجنبه إسمع
قله أربع أوراق تسعيره غير كذا مافيه كلام
ويروح ويحولني على الهندي الي بجنبه
شف كيف الإستغفال ..
حسبي الله ونعم الوكيل بس ..

بعدين كلمت السنترال
قلت له أبي أكلم المدير
عطاني رقمه دقيت على تحويلته
إلا طلع إردني أول شيء إسلوبه حلو
ويمين بالله شرحت له موقفي
وقال موقفك سليم ومشلكتك بسيطه
قلت له أوكيه طيب أنا أبي حل
قال خلاص أنا أدق عليهم
وإن شاء الله تنحل مشكلتك
بعدها دق علي موضف سعودي
وقالي نفس الكلام الأول
قلت لاحول ولا قوة
الحين رحت للورشه
ويالله دفعت لهم فلوس تقدير جديد
وكتبولي تسعيره خاصه بالقطع بس
وأبي أرسلها ونبي نشوف نهايتها مع هالشركه الي ماتخاف الله
R/T `
21-09-2011, 12:04 AM
الله يعيينك
والله مشكلة عويصة
هذول يبيلهم من ينفضهم نفض
انا والله تأميني سند ممتاز جدا جدا
MHD LEXUS
21-09-2011, 12:28 AM
حسبي الله ونعم الوكيل انا لو اشوف هندي بيسقط والا قريب مني والله احرق البوري حرق واعطيه نظره قسم بالله ماهب مبالين غشمان السيارات امانه عندهم واشوف المطب ياخذونه على 80 90 تكسير سيارات وكل شي اخر شي يجي يقول انا مسلم وانا مسكين
حسبي الله ونعم الوكيل بس لو اني منك قصيت لسان الهندي

وبالنسبه لشركات التامين مماطله لابعد الحدود للاسف الدوله يبيلها نفظ
DRcorolla587
21-09-2011, 06:13 AM
آسف ماركزت في الموضوع تمام
يعني المجموع كله مع التسعيرة الوسطى وهي اللي المفروض يعطونك
1700 شغل يد+ 1800 قطع غيار = 2500

باذن الله تتيسر معاك وخبرنا اول باول.
black320
21-09-2011, 11:22 AM
الحل انك تنقز لهم في مكتبهم و تعطيهم العين الحمرا ......
أبو عيس
21-09-2011, 10:36 PM
يا شيخ توكل على الله وصلحها بنفسك وخليك طول حياتك إلين ما تموت أقعد تحسب على كل مسؤؤل عن شركات التأمين وفي شركات التأمين وسبب في المماطلات هذي وأكتب لك وصية من اليوم توصي فيها بالدعاء على السابق ذكرهم .

حسبي الله ونعم الوكيل في كبيرهم قبل صغيرهم وفي قويهم قبل ضعيفهم .

اللهم عليك بالظلمة يالله اللهم أرهم في أولادهم يوما أسودا وفي أهلهم يوما أسودا وفي أموالهم يوما أسودا وفي أنفسهم يوما أسودا .

الله وأكبر عليهم

وبالنسبة للهندي لو أنا مكانك لأضرب أبو جد أبوه ضرب إلين ما يصير أبكم عشان ما يرفع صوته . >> غريب ويتنفخ كمان .

حاس بمعاناتك صراحة . أعانك الله
SH sh
22-09-2011, 12:52 AM
الشكوى لله. في الدنيا يضيع حقك لاكن يوم الحساب الله مايضيع حقك.

إي والله الشكوى لله بس
وحسبي الله عليهم
SH sh
22-09-2011, 01:00 AM
ما زال سوق التأمين غامض لدى كثير من الناس
وفي حال رغبتك بالشكوى لا تعلم اين تشتكي مؤوسسة النقد ام ماذا ؟؟؟

أنا قاعد أراكض وراهم وأنا داري ماراح أحصل فلوس بأقل من 9 شهور سنه بالكثير
والله العظيم إن بعض الأقارب والزملاء الحين لهم سنتين ما أخذوا فلوسهم من التأمين
وصلحوا سياراتهم وبعضهم صلحوا سياراتهم بمبالغ كبيره فوق الـ 8 آلاف ريال .

مؤسسة النقد لازم تكون حازمه معهم ولازم تعاقبهم على التأخير
أكثر الناس ماعندهم إلا سيارة وحده ولما تتوقف هالسياره وتتعطل
يتعطل كل شغلم ويخسرون إيجار تاكسي وإيجار سياره ومرات
مافيه سيوله لتصليح السيارة في نفس الوقت ..

غير كذا بعض شركات التأمين يقولك ماتصلح السياره
إلين ماينزل تأمينك .. وإذا صلحتها وطالبت بالفلوس
ماراح نعطيك شيء لإن هذا من بنود العقد ..

مؤسسة النقد .. عطهم الضوء الأخضر يحطون البنود الي يبغونها
وما ألزمتهم ببنود في العقد تكون في صالح المأمن وتحفظ حقه !

والله وضع شركات التأمين عندنا متدهور لأبعد الحدود .
المشكلة إنهم يحصلون مليارات من ورى هالتأمين
لكن وش يملى بطون هالتجار . ..
TAURUS KING
22-09-2011, 02:25 AM
الحين طالما الهندي الغبي هو الغلطان
ليش انت الي تتعب وتتبهذل ورا شركات التأمين !!؟؟ وهو يطلع من السالفة بكل بساطة !!
المعروف إن الطرف المخطئ في الحادث هو الي يدفع للطرف المتضرر كل التكاليف كاش من جيبه ..
بالتالي (في حالة كان المخطئ عنده تأمين) المفروض هو الي يلاحق الشركة (الي مأمن عندهم) وياخذ منهم تكاليف الإصلاح ويجيك إلين حدك ويسلمك إياها
ويكون استفاد من تأمينه بأن وفّر عليه تكلفة اصلاح سيارة الطرف المتضرر .. أما سيارته فهو يصلحها من جيبه << إلا إذا كان تأمينه شامل , رح يغطي السيارتين

مو يضيعون حقوق الناس بهالطريقة

على كذا أي واحد عنده تأمين يقدر يصدم في خلق الله وبعدين يرسلهم على شركة تأمينه ويتركهم يتمرمطون مع الشركة وهو يطلع منها باردة مبردة !

والله قهر
SH sh
22-09-2011, 04:09 AM
الله يكون في عونك

اقترح عليك ترفع شكوتك الي مدير شركة نجم وخطاب الي ادارة المرور واخر الي احد الصحف المحلية

والله أنا برفع شكوتي لله أول شيء
يالغالي حنا شعب مسكين تلعب فينا الشركات زي ماتبي
وأنا المرور قالوا لي دام عندك تأمين لاتجينا نهائياً
وهم من طلعت سالفة التأمين وهم رجل على رجل ولا عندهم شيء
وشركة نجم جيتهم يقولون حنا مهمتنا
( نخطط الحادث ونعبي بيانات التأمين ونقرر الخطأ على مين
ونرسل صورة من الحادث والمعلومات كامله لشركات التأمين )
ومايخص المطالبات هذي بينك وبين شركة التأمين
شركة التأمين مين قادر يضبطها وخلفها هوامر وشخصيات
تقدر تخرق النظام وهذا الي حاصل .
بعدين أنا لو بطالب بخسر أكثر من الي بيدفعون لي بكثير
وحتى لو طالبت بينشب لي مسؤول وبيقول المبلغ ماهو مستاهل
خذ الي عطوك وتيسر ولاتصير عاد ماسك مره ومن هالكلام
وأنا ماقلت هالكلام إلا لما صار معي موقف سابق والله يشهد على كلامي
واحد عرض علي بالطريق والخطأ عليه وطلع له معارف في المرور
وحطوا علي الخطأ 100% وأنا أقسم بالله منصدم وماني مصدق
المهم جاني رقيب من المرور الله يوفقه والله مايعرفني لكن إنسان
يخاف الله وقالي ترى الخطأ ماهو عليك وعلى الطرف الثاني
بس إدخل على مدير الحوادث وقله أبي أعيد تخطيط الحادث من
مخطط ثاني وهذا الي صار والحمد لله صار تخطيط الحادث عند
نفس الشخص الي وجهني وحط الخطأ عليه مية بالميه
ورجح ملف الحادث للمخطط الأول بعد التعديل وعلى كل
الي سواه حسسوني إني ( أعفن إنسان على وجه الارض )
والعالم الله إني كنت أبي أتنازل عن الحادث لكن تصرفاتهم
خلتني أغير رأيي .. عاد وش لك والله ماتركوني إلين ماخلوني
أطيح نص القيمه عنه .. والله هم حقين المرور خلوها ماتسوى
علي في إدارتهم قدام الناس والمشكلة ضباطهم معهم وأنا طالب حق
تخيل .. إن يرسلي رسائل الطرف الثاني إن عنده ضروف وصايره
عنده حالة وفاة وأنا والله ما أعرف كذبهم من صدقهم والمرور معه
لما دفع لي الفلوس .. رجعتها بجيبه وقلت ( الله المستعاااان بس ) وتركتهم

ممكن شطحت برى الموضوع بس هي فرصه الواحد يفضض عن معاناته

أنا والله ما اتحسر على الفلوس كثر ما أتحسر على وضعنا
والله حنا في السعودية ما حنا في سوريا ولا مصر يوصل بنا هالحال
إلى هالدرجه , ودنا نتطور مانرجع ورى والمواطن ياخذ حقه بدون معاناة
ais212
22-09-2011, 10:47 AM
نصيحة للجميع يا شباب .. أذا صدمك واحد سواء هندي او باكستاني أو بنقالي أو اي واحد والخطأ عليه ونزل عليك ينافخ ويرفع صوته .. انتبه ترفع يدك علييه . انتببببه انتببه
لأنه يسوي كذا وهو عارف النظام اكثر منك خاصة سواقين الليموزين
تدري ليش ؟؟؟؟؟
لأن حقك راح يسقط بمجرد انك رفعت يدك عليه ، ونجم والمرور والدوريات راح يحطون الحق عليك وحقك راح يسقطونه ، بتقول لهم ليش ، يقولون انت اخذت حقك بيدك خلاص
والباكستاني والله لو تضرب فيه إلى بكرة ما عنده مشكلة بس مايدفع ريال واحد
انتبهوا يا شبااااب
hnno
23-09-2011, 09:34 AM
الله يعينك ويكتب لك العوض بخير منها

الواحد إذا صار له حادث صار يحسب حساب المرمطة والروحة والرجعة ، وهي إجراءات بسيطة يبيلها ترتيب وتنسيق وتخطيط من الإدارات العليا ، وبحكم أن أصحاب الإدارات العليا مايهمة موضوع التأمين والعوض لأنه لو جات له حكة بسيارته غيرها بسيارة جديدة ، ومبدأ أحب لغيرك ماتحبه لنفسك ضايع عندنا
فالحل أنك تحاول قدر المستطاع تبعد عن الحوادث ، وتأخذ بالأسباب
أخوي قبل ما تتحرك بسيارتك قل هذا الدعاء :
((دعاء ركوب الدابة أو مايحل محله كالسيارة))
بسم الله ، الحمد لله ، سبحان الذي سخر لنا هذا وماكنا له مقرنين وإنا إلى ربنا لمنقلبون ، الحمد لله ، الحمد لله ، الحمد لله ، الله اكبر ، الله أكبر ، الله أكبر ، سبحانك اللهم إني ظلمت نفسي فاغفر لي ، فإنه لايغفر الذنوب إلا أنت
الماركيز النادر
23-09-2011, 12:44 PM
تصدق ياخوي صارلي نفس موقفك بالضبط طبعا سيارتي كانت واقفه مسكينه مالها بالمشاكل ويجيك واحد مطفي النور ويخم لي الجنب الايسر كامل من الصدام للصدام للدرجة البيبان يبلهم تتغير مع الرفرف ماينفع سمكره رحت ثمنتها عند 3 ورش طلعت التلكفة مع القطع 9400 المتوسطه :mad1: وعطيت اوراقي التامين قالولي بنتصل عليك ولااحد اتصال :wavey: ورحت لهم وعطيتهم الساني وبعد اسبوعين اتصلو قالولي التسعيره مبالغ فيها ومالك الا4000 :confused1: ماتغطي قيمة القطع يمين يسار قال هذا الي عندنا وكلمته لي وعند ربي صادق قالي تبي المبلغ ولا نرجع اوراقك بدون شيك اذا بتشتكي عند المحكمة قلتله جب المبلغ حسبي الله عليك وعلى الي حطك لنا طبعا الي كلمني اردني قلت لنفسي العوض ولاالقطيعة ادفع الباقي من جيبي ولااتمرمط بهل المحاكم ولاسيارتي تتعطل اكثر من سنة :a1120(82):. اسم الشركة المتحدة للتامين
SH sh
25-09-2011, 10:41 AM
نصيحة للجميع يا شباب .. أذا صدمك واحد سواء هندي او باكستاني أو بنقالي أو اي واحد والخطأ عليه ونزل عليك ينافخ ويرفع صوته .. انتبه ترفع يدك علييه . انتببببه انتببه
لأنه يسوي كذا وهو عارف النظام اكثر منك خاصة سواقين الليموزين
تدري ليش ؟؟؟؟؟
لأن حقك راح يسقط بمجرد انك رفعت يدك عليه ، ونجم والمرور والدوريات راح يحطون الحق عليك وحقك راح يسقطونه ، بتقول لهم ليش ، يقولون انت اخذت حقك بيدك خلاص
والباكستاني والله لو تضرب فيه إلى بكرة ما عنده مشكلة بس مايدفع ريال واحد
انتبهوا يا شبااااب

والله هذي المشكلة
يارب إنك تستر على هالبد من هالناس الي ماتخاف الله
النظام هو المطلوب
لازم يكون فيه نظام واضح وعقاب رادع
وغير كذا البلد بتضيع ونرجع 100 سنة ورى
SH sh
25-09-2011, 10:43 AM
الحل انك تنقز لهم في مكتبهم و تعطيهم العين الحمرا ......

والله ياخوك الشركة عني 1300 كيلو
أنا بالشمال وهي بالرياض
SH sh
25-09-2011, 10:47 AM
حسبي الله ونعم الوكيل انا لو اشوف هندي بيسقط والا قريب مني والله احرق البوري حرق واعطيه نظره قسم بالله ماهب مبالين غشمان السيارات امانه عندهم واشوف المطب ياخذونه على 80 90 تكسير سيارات وكل شي اخر شي يجي يقول انا مسلم وانا مسكين
حسبي الله ونعم الوكيل بس لو اني منك قصيت لسان الهندي

وبالنسبه لشركات التامين مماطله لابعد الحدود للاسف الدوله يبيلها نفظ

يارجال يساقط ويسحب بريكات وياكل مطبات هو وش خسران
السيارة حقة الشركه والتأمين بالجيب .. ماهو دافع من جيبه ريال واحد
ولو يتوظف السعودي سواق تكسي كان التصليح عليه ويخصم من راتبه
ويبهدلون بأبوه معاه ..

وشركات التأمين من جد يبي لها نفظ لإن وضعها خطير ونهب فلوس الشعب بس
SH sh
25-09-2011, 10:57 AM
الحين طالما الهندي الغبي هو الغلطان
ليش انت الي تتعب وتتبهذل ورا شركات التأمين !!؟؟ وهو يطلع من السالفة بكل بساطة !!
المعروف إن الطرف المخطئ في الحادث هو الي يدفع للطرف المتضرر كل التكاليف كاش من جيبه ..
بالتالي (في حالة كان المخطئ عنده تأمين) المفروض هو الي يلاحق الشركة (الي مأمن عندهم) وياخذ منهم تكاليف الإصلاح ويجيك إلين حدك ويسلمك إياها
ويكون استفاد من تأمينه بأن وفّر عليه تكلفة اصلاح سيارة الطرف المتضرر .. أما سيارته فهو يصلحها من جيبه << إلا إذا كان تأمينه شامل , رح يغطي السيارتين

مو يضيعون حقوق الناس بهالطريقة

على كذا أي واحد عنده تأمين يقدر يصدم في خلق الله وبعدين يرسلهم على شركة تأمينه ويتركهم يتمرمطون مع الشركة وهو يطلع منها باردة مبردة !

والله قهر

إي والله قمة القهر
الهندي مبسوط ومرتاح البال ولا عمره راجع على كثر صدماته
يقط التأمين في وجهك ويقولك مافيه مشكلة
وأنت تتمرمط الحين معاهم لي كم شهر ولعبوا فيني هالشركه
لا إحترام لا تفاهم وفوق هذا كذابين ومايعطونك حقك كامل
وإذا أخذت فلوسك قالك سيارته ماهي موديل وكاله
رح خذ قطع تجاري درجة ثالثه حتى مو ثانية ولا أولى
لو إن سيارتك إخت الوكاله !!
مخاوي الباترول
27-09-2011, 10:14 AM
اه يا القهر اه .ما اقدر اقوول الى الله يعينك وينصرك عليهم قول اًمييييين...