ساعدونا في البوش كايين ياجماعة الخير

[عاشق البورش2012]

سلام عليكم
اخواني انا رحت لسماكو من يومين واستفسرت عن بورش كايين 2012 التيربو وثالو لي تقريبا ب550 الف ريال بس طلب مني ادخل اسوي اوردر بالمواصفات واجيبها لهم وخشيت على المواصفات لكن والله ابتلشت لان الخيارات كثيره .
ابي منكم فزعتكم وتشوفون لي احسن المواصفات الي ممكن اختارها

[porsche fan]

والله يا الغالي المواصفات تعتمد بالمقام الاول عليك وطلبك بأختيار شخص اخر لك بالمواصفات ممكن تعض اصابع الندم عليه :bigggrin:

فمثلاً ممكن شخص يحط مواصفات لك هو يراها مثاليّة وممتازة بينما انت من الممكن انك ما راح تستفيد منها وتكون دفعت مبلغ فيها بدون فايدة وبنفس الوقت فيه تقنيّة معيّنه هالشخص ما حطها لك وانت كنت تبغاها وهكذا :bigggrin: ، مثل النقطة العمياء تقنية ممتازة لكن فيه ناس واجد ما يستعملونها ، والرؤية الليلة اعرف شخص عنده هالتقنية بسيارته ولا قد استعملها الا مرة او مرتين على كلامه ..


شوف اللي يعجبك من رأيي واختارة بعنايّة ولا فضيت اقعد واقرى المواصفات وحدة وحدة وركز وقرر :bigggrin:

[عاشق البورش2012]

مشكور اخوي على ردك السريع
لكن اخوي ابي تشوف لي افضل المواصفات مع شرحها اذاامكن
وشكرا

[done]

افضل المواصافات اللي اعرفها انا لاني طالب اس
جنوط التيربو مقاس 21
بانوراما
التبريد والتدفئه للمراتب
الداخليه لونين اسبرسو
سماعات بيرمستر تحس انك في دسكو لوول
عكس الاضائه لو احد كبس
الاقزوزت سستم
تانكي 100 لتر
اضائه التيربو
الفايبر
واصلا كذا كذا خلك عنده يفصل موترك وتشوفه قدامك وتوقع على العقد وتعطي عربون مية الف وخمس شهور ويجي الموتر وانتهيان لاتتوه نفسك بالموقع وسلامتك

[motasem cls]

افضل المواصافات اللي اعرفها انا لاني طالب اس
جنوط التيربو مقاس 21
بانوراما
التبريد والتدفئه للمراتب
الداخليه لونين اسبرسو
سماعات بيرمستر تحس انك في دسكو لوول
عكس الاضائه لو احد كبس
الاقزوزت سستم
تانكي 100 لتر
اضائه التيربو
الفايبر
واصلا كذا كذا خلك عنده يفصل موترك وتشوفه قدامك وتوقع على العقد وتعطي عربون مية الف وخمس شهور ويجي الموتر وانتهيان لاتتوه نفسك بالموقع وسلامتك
كم سعرها ستاندر ؟؟؟ وكم كلفتك بعد هدا الاضافات؟؟؟

[done]

ستاندر ثلاث ميه وسته كلفتني ياخوي الاضافات حدود خمسين الف بس انا ماركبت داخليه سبريسو ولا تبريد وتدفئه يعني الموتر حدود ثلاث ميه وخمس وخمسين وست شهور يلطعونك وتستلمه

[done]

السماعات البيرمستر والداخليه سبريسو والتبريد والتدفئه هذي لحالها فوق اربعين الف لوول

[motasem cls]

ما فهمت عليك انت ركبت تبريد وتسخين المقاعد والداخلية سبريسو ؟؟؟؟
اعتقد يجي معاها هايدرولك ولا لا

[هزبر]

السلام عليكم
اخوي ادخل على موقع الشركة وتلقى كل مواصفات السيارة كل مواصفة قدامها سعرها وجنب السعر علامة استفهام اضغط عليها يطلع لك شرح وفي اغلب الاحيان صور واذا كنت ما عندك لغه انسخ الشرح وترجمه بقوقل واختر اللي يعجبك وفي حدود ميزانيتك واغلب المواصفات هذي ما لها داعي ركز على اختيار الالوان الداخليه والخارجية والجنوط والبانوراما ولاتنسى ان المعارض يبيعون السيارة بزياده 50 الف اقل شيء يعني فصل على كيفك وانتظر كم شهر احسن لك *واذا بغيت اي استفسار اذا كنت جاد حاضرين

[ابومحمدالرياض1]

ارجو زيارة الرابط واي استفسار انا جاهز علمآ بانني سبق ان طلبت ووصلت في رمضان وعارضها للبيع وطلبت وحده اخرى توصل في شهر 10 واذا لك نظر راسلني .
http://www.assayyarat.com/forums/thread233226.html

[done]

هلا ابو محمد المبلغ اللي وقغت عليه العقد حق الشراء هو المبلغ اللي دفعته لما استلمت السياره او زاد او نقص

[ابومحمدالرياض1]

نفس المبلغ لازار ولانقص

[one_bp]

السلام عليكم بعد غيبه
اخوي صاحب الموضوع
روح سماكو ومعك شيك ب خمسين الف ريال وقول مندوب المبيعات اطلب لي السيارة وشاهد المواصفات على شاشة الكمبيوتر عنده , غريبه قالك سوي انت الطلب لانهذا عمله , صحيح بعض الناس وانا منهم اسوي الطلب بنفسي واجيبه لهم .
اما اللي يقولك مافيه زيادة على قيمة الطلبيه غلطان القيمة تضاف لها من 7 الي 10 الاف ريال قيمة جمرك وشحن وهذي سياسة سماكو الان والسبب مافيه سيارات متوفرة عندهم اضافوا المبلغ اما تدفع والااااااااااا فيه الف زبون يشتري سيارتك اللي طلبتها , انا سبق وطلبت كايين 2005 و كايين اس 2008 الشحن والجمرك من فيمة الطلب , اما الان طلبت سيارتين اس و V6 كلها دفعت عليها القيمة المذكورة .
واذا رغبت بشراء كايين V6 موجود ابيض بانوراما موقفه عند صالة يلاتينيوم يشارع التحلية بالرياض .

نصيحة مجرب لبعض المواصفات :
الكاميرا الخلفية ضرورررررررررررريه جدا
جنط 21 التيربو والستاندر متعب بالمطبات وثقيل شةي على الدركسون ويتعرض للتحبيل في مطبات الرياض انا جربت ال 22 وال 21 شكل حلو بس مو عملي حتي باوروبا مايستخدمونه ولا يرغبونه
الجنط العملي والشكل الجديد نزل على موديل 2011 اسمه سبايدر مقاسه 20 لونه مائل للسواد برونزي احلي جنط
البانوراما شكل فقط مو عملي مرغوبه للبيع فقط
السبورت اقزوز حلو وصوته احلي يكلف بين 8 و 9 الاف
الان نزل 4 اقزوز بدون صوت شكل فقط زي البانميرا يكلفك بيت 3 و 4 الاف
الان نزل كت جديد للكايين بحدود 13 الف
هذا ما عندي ودمتوا بخير

[motasem cls]

صراحة ما فهمت هدا الاوبشن:
Porsche Torque Vectoring Plus
وتركيبه له فايدة ولا لا ؟؟؟
والنسبة للهايدرولك له فااايدة ولا لا ؟؟؟

[CLS 350]

صراحة ما فهمت هدا الاوبشن:
Porsche Torque Vectoring Plus
وتركيبه له فايدة ولا لا ؟؟؟
والنسبة للهايدرولك له فااايدة ولا لا ؟؟؟

هلا أخوي بالنسبة لل
Porsche Torque Vectoring Plus
هذا نظام يوزعلك العزم على الكفر الي يحتاج قوة وعزم أكبر من الكفر الثاني
مثال: عند النعطفات الحادة أو في الطرق الغير معبدة مثل الرمل
وهذا رابط فيه شرح للنظام هذا وأنظمة غيرها مع فيديو
http://www.porsche.com/microsite/technology/default.aspx?pool=uk&ShowSingleTechterm=PTPTVP&Category=&Model=&SearchedString=Porsche%20Torque%20Vectoring%20Plus&SelectedVariant=

[motasem cls]

وبالنسبة لهدا النظااام تعتقد ان مهم ....سعره 10000 ر يال
Porsche Dynamic Chassis Control (http://www.porsche.com/microsite/technology/default.aspx?pool=uk&ShowSingleTechterm=PTPDCC&Category=&Model=&SearchedString=&SelectedVariant=)