المساعد الشخصي الرقمي

مشاهدة النسخة كاملة : اخواني بسألكم عن عداد الالكتروني للماركيز ال اس وجي اس وفزعتكم شكلي ورطت


madmad99
04-09-2011, 06:05 PM
يا اخوان عندي ماركيز ال اس فل كامل مراتب جلد ،ومتحركة موديل 2008 استخدام...
المهم يا اخواني عداد الطبلون في قراءة المسافات فقط .رغم وجود اربع ازرار الي تجي في الطبلون ......وشفت واحد زي الي معي فيه قراءة العداد الكتروني وابره فيا شباب هل يجي ال اس فل كامل عداده بس لقراءة المسافات فزعتكم .............
madmad99
04-09-2011, 11:49 PM
18 مشاركة ولا رد الظاهر الكل ورطان مثلي ...للرفع للرفع
LS 2008
05-09-2011, 12:48 AM
اضغط SETUP وأختر SPEEDO

بتكون الشاشة الافتراضية عندك السرعة بالأرقام الإلكترونية وعداد المسافات في الأعلى .

ومدام عندك شاشة معلومات فمافيه ورطة تحتاج إعدادات فقط .
madmad99
05-09-2011, 01:42 AM
وانا اخوك يا ال اس 2008 .الطبلون عندي فيه شاشة عداد المسافة فقط .بس الي شفته مع واحد يجي شاشة كبيرة الي فيها عداد السرعة والمسافة المقطوعة .....سؤالي هل فيه ال اس يجي فيه شاشة عداد المسافة فقط (الشاشة تجي مساحتها سنتيمتر في 5 سم)بينما الي شفته تجي شاشة مساحتها تقريبا 5سم في 5سم ........
madmad99
05-09-2011, 09:47 PM
معقولة مافيه احد يعرف. .....48مشاهدة على الاقل واحد يرد ويقول للرفع
fvhy
05-09-2011, 10:08 PM
للرفع :).......
LS 2008
06-09-2011, 03:15 AM
وانا اخوك يا ال اس 2008 .الطبلون عندي فيه شاشة عداد المسافة فقط .بس الي شفته مع واحد يجي شاشة كبيرة الي فيها عداد السرعة والمسافة المقطوعة .....سؤالي هل فيه ال اس يجي فيه شاشة عداد المسافة فقط (الشاشة تجي مساحتها سنتيمتر في 5 سم)بينما الي شفته تجي شاشة مساحتها تقريبا 5سم في 5سم ........

ماعتقد إن موجود LS بدون شاشة معلومات في الطبلون !

بالعكس من المواصفات القياسية على فئة الـ LS أن يكون المكيف إلكتروني وشاشة إلكترونية في الطبلون ومراية تعتيم ... وإلى آخره . حتى راح تلاحظ أزرار التحكم بالشاشة في الداش بورد فوق المكيف متوفر 4 أزرار .

أما إذا جاك مستطيل صغير وعليه عدادات المسافات يعني السيارة GS ستاندرد .

* لكن هناك إحتمال ضعيف وهو أتوقع إذا السيارة استيراد أمريكي كما ذكرت فإن الشخص الذي قام ببنائها لم يضف ميزة شاشة المعلومات على الطلب حسب رغبته طبعاً , لكن أستبعد هذا الشيء لأنها ميزة قياسية في فئة الـ LS .وبحثت كثير في مواقع السيارات المستعملة الأمريكية وكل السيارات من فئة LS تمتلك شاشة معلومات على الطبلون .

شيك على رقم الشاصية وتأكد من سيارتك
madmad99
06-09-2011, 05:45 AM
أنا شاك ان العداد مغير...وحسبي الله ونعم الوكيل. .كيف اشيك من خلاال رقم الشاص.....طيب لو ركبت عداد ابو شاشة هل يركب لاني اضغط على الازرار الاربع ولا برطم.....
LS 2008
06-09-2011, 10:27 AM
أنا شاك ان العداد مغير...وحسبي الله ونعم الوكيل. .كيف اشيك من خلاال رقم الشاص.....طيب لو ركبت عداد ابو شاشة هل يركب لاني اضغط على الازرار الاربع ولا برطم.....

رقم الهيكل هو رقم الشاص تقدر تشوفه عندك من فوق الطبلون على القزاز وتقدر من استكر باب السائق وأعتقد كذلك في الإستمارة

أدخل رقم الشاصية هنا : http://www.carfax.com/

وبيعطيك معلومات مبدئية عن سيارتك وفي خانة : Vehicle بيعرض لك اسم السيارة وموديلها وفئتها .


وبالنسبة هل يركب العداد حق الشاشة أكيد يركب مدام أنه ركب حق الستاندرد أتوقع الظفاير متشابهة أبحث عن شاشة في التشليح مثلاً وجرب .
madmad99
06-09-2011, 12:53 PM
جزاك الله خير يا ال اس 2008 الحمد لله ادخلت رقم الهيكل وطلع ال اس ...
حصلت في التشليح عداد الكتروني لموديل 2006 ب700 ريال .والسيارة عندي ماشية 75000 ميل فمدري هل استطيع ابرمج العداد الجديد لاني خايف لايكون اكثر من 75الف ميل ...
LS 2008
06-09-2011, 01:29 PM
جزاك الله خير يا ال اس 2008 الحمد لله ادخلت رقم الهيكل وطلع ال اس ...
حصلت في التشليح عداد الكتروني لموديل 2006 ب700 ريال .والسيارة عندي ماشية 75000 ميل فمدري هل استطيع ابرمج العداد الجديد لاني خايف لايكون اكثر من 75الف ميل ...

أعتقد ماعندك مشكلة غير العداد لأن عداد الموديلات من 2006-2011 الكتروني مو مثل اللي قبل , فدايركت بيتغير معك لأنه شابك بحساس يعطي القراءة الصحيحة لمكينتك .

لكن حاول تتشتري العداد على الشرط ولازم يركب 100% اشترط عليه تحسباً لأي إجراء إحتياطي لا سمح الله ومانفع
ووافنا بالنتائج والله يسهل أمرك .

تحت امرك ياغالي
TAURUS LIMITED
06-09-2011, 01:35 PM
قسسم بالله انك كفو يآ اخي ls 2008 , سآعدت الرجآل
يعطيك الف عآفية
madmad99
06-09-2011, 02:10 PM
جزاك الله خير اليوم باروح اخذ العداد (علما بانه اعطاني الشاشة بدون اسلاك ولا الظفيرة لاني حاس انه ما يحتاج اسلاك وعسا الله يسهلها ) وراح اعطيك الخبر وان شاء الله يزبط ....دعواتك
madmad99
07-09-2011, 09:00 PM
ركبت العداد وطلع امبير القير ما يشتغل ....قلت يا صديق فك العداد خلني الحق على التشليح قبل ما يقفل ورجعته واخذت فلوسي .....والله بلشه
اذا احد يخبر لي عداد طبلون الكتروني يعطيني خبر وله حق تعبه
LS 2008
07-09-2011, 09:10 PM
قصدك عداد الآر بي إم ضغط المكينة اللي ماشتغل ؟

إذا هو فأكيد ما وصّل أسلاكها كاملة أو فيه سلك ناقص في العداد اللي شريته .
لازم تشوف بين الإثنين وتقارن .وبالنسبة للتشاليح حتى الآن أنا مالقيت ماركيز 2006-2011 خلقة .
شف العداد في الوكالة يمكن يكون سعره مهضوم .
madmad99
07-09-2011, 09:28 PM
اقصد مؤشر النمرة قاعدته مكسورة....اذا عشقت القير المؤشر ثابت على d
madmad99
07-09-2011, 09:31 PM
المشكلة تحصل السيارات بس العداد مباع..والسبب الشريطية عليهم من الله ما يستحقون يشترون العداد وكأن السيارة ماشية قليل.إذا ضاعت الامانة فانتظر الساعة