توروس + تشارجر + كرايسلر = 150 الف ريال !!!!! معقولة ,, [الأرشيف]

ح ــسآس

04-09-2011, 02:19 AM

بسم الله الرحمن الرحيم

السلام عليكم ورحمة الله وبركآته ,,

لاهل الخبره ابي مشورتكم حاليآ أبي اشتري سياره ومعي تقريبآ حوالي 150 الف ريآل
ومحتار بين ثلاث سيارات :
- فورد توروس 2012 ليمتد
- دودج تشارجر 2012
- كرايسلر سي300 2012

أكثر ما يهمني بالسياره هو المواصفات التقنية و الشكل الداخلي للسياره و تصميم السياره الخارجي

و اداء وقوة الماكينة ( آخر اهتماماتي )
ما قد فكرت اقلع بالسياره :a1120(86):
يعني تسارع ومن 0 الى ميه بصفر طعش ثانية ما همني :bigggrin:
لاني بديره لو فكرت اسرع بالسياره ما يمديني اعشق الغيار الرابع الا اشاره وما بين كل اشاره واشاره مطبه :bigggrin:
عندنا شارع واحد واكثر سرعه تقدر تجيبها به 140 ولا وحاطين رادار
:bigggrin:
مسكت خط هههههههههههههه

وطبعا ملاحظين ان السيارات الي اخترتها امريكي .. وما فكرت بالياباني او الكوري ولا رآح أفكر :bigggrin:
واذا أحد قال فكر ما أفكر لاني ما فكرت بهن ههههههههههههههه :smilie16:

واذا فيه سيارات امريكيه بنفس المواصفات والفئه فـ ياليت تفيدوني

شآكر لكم

:xyxthumbs:

KlNG

04-09-2011, 02:33 AM

فورد تورس او تشارجر

الكلايسلر يا تاخذ فل او لا تاخذه

التورس عشان تكون مميز خذ SHO

التشارجر فل كامل RT قوي و فخم و سبورت بحت

تحياتي

الجوكار

04-09-2011, 02:45 AM

افضل لك عزيزي .. التوروس..
بسبب ..

1- افضل مواضفات -
2-وكيل افضل
3- توفر قطع ..وسعر اعادة بيع

لكن المنافسين افضل منها في الشكل الخارجي بالذات ..لكن انا افضلها ..

ح ــسآس

04-09-2011, 02:51 AM

فورد تورس او تشارجر

الكلايسلر يا تاخذ فل او لا تاخذه

التورس عشان تكون مميز خذ SHO

التشارجر فل كامل RT قوي و فخم و سبورت بحت

تحياتي

sho الى الان ما وصل السعودية وعلى حسب كلام الوكيل ( أمحق وكيل :bigggrin: ) يمكن يوصل ويمكن لأ
التشارجر فل كآمل اتوقع يتجاوز الـ 150 الف :blue:

شآكر لك تفاعلك أخوي ,,

ح ــسآس

04-09-2011, 02:53 AM

افضل لك عزيزي .. التوروس..
بسبب ..

1- افضل مواضفات -
2-وكيل افضل
3- توفر قطع ..وسعر اعادة بيع

لكن المنافسين افضل منها في الشكل الخارجي بالذات ..لكن انا افضلها ..

ما حيرني وذبحني الا اشكالهم الخارجية وتصاميمهن

:smilie20:

تشكرآتي أخوي

ااااالنت

04-09-2011, 03:38 AM

اخوي مافيه وجه مقارنه بين الكرايسلر والفورد التورس والتشارجر الكرايسلر من فئة السيارات الفخمه مثل الكاديلاك واللينوكلن اما الفورد التورس والتشارج اقل منها لا تشاور خذ لك كرايسلر فل كامل سته سلندر وعيش حياتك دامك ماتهتم في السرعه والمقاومات وعلى فكره حتى التورس والتشارجر قطعهم غاليه وغير متوفره وتقدر تسال بنفس روح وكالة فورد واسال عن قطع الغيار وتوفرها وراح تتاكد من كلامي وشكرا

tariq-lv

04-09-2011, 05:15 AM

يا تشارجر يا كرايسلر ... التوريس ما انصحك فيها ..:(

وعلى فكرة المتحدة للسيارات ليست بذلك السوء :)

abo suliman

04-09-2011, 05:30 AM

هلا أخوي ..

مدري احسك ساكن حولي خخخخخ

انا حالياً بديره .. وشكلك شاطفني كم مره < مافيه الا ديرتك انت :a1120(82):

الزبده ..

دامك وصلت هالقيمه .. فـ نصيحة مني لك ولا تشاور .. خذلك تشارجر R/T

تصميم جداً جميل , مُحرك جبآر ولا تقول انا ما احب السرعه بيجي اليوم اللي بتهايط بموترك و اخرتها يطلع موترك داج .. فـ دامك دافع دافع .. خذلك R/T

و انت طالع من الوكالة .. بترفع يدك وتدعي لي :a1120(86):

albazeuro

04-09-2011, 05:56 AM

انا انصح بالكرايسلر ٢٠١٢ . بس الوكيل مايمدحوه .
الفورد تورس ٢٠١٢ احس حرام تشتريها الحين عشان شكله حايتغير بشكل دراماتيكي في ٢٠١٣
بس توكيلات الجزيرة وكالة ممتازة

الله يعينك و ان شاء الله يخترلك الا فيه الخير لك و يعطيك خيرها و يكفيك شرها

معذووور

04-09-2011, 09:12 AM

خذلك تشارجر فل كامل 136 الف
وذا تبي سبورت 146 الف

Copra_x

04-09-2011, 09:59 AM

مآفكرت بالكابرس 2012 رويال أو ss ؟

TAURUS LIMITED

04-09-2011, 10:40 AM

1 . آلفورد توروس آكثر آلسيآرات هذي آعتمآدية
2 . اللي يقول آلفورد غير متوفرة قطعه غلطآن , جميع آلقطع متوفرة
3 . اللي يقول قطع غيآره غآلية هههههآي و الله ي القطع آلآستهلآكية
مقآربة للفكتوريآ بينمآ آلتشآرجر و الكرآيسلر حدث و لآ حرج " غآلية "
4 . بآلنسبة للرسآوة وزنهآ 2400 , + نظآم تعليق منفصل ذآتي لكل عجلة
وهذآ آلنظآم يستخدم في السيآرآت آلآلمآنية
5 . آفضَل سيآرة بَعد آلبيع بكثير من آلآخرى
6 . آفضل وكيل بفآرق كبير وآسآل مجرب
7 . سيآرة صنآعة امريكية 100% بينمآ شركة دآيملر كرآيسلر اللي تضم دودج و كرآيسلر و جيب هي آمريكية آوروبية .
8 . صرفية آلبنزين اكثر من معقولة
9 . صدقني تشتريهآ و لآ تحط فيهآ ريآل + السيآرة عليهآ من آلوكآلة عرض صيآنة
مجآنية إلى 64 الف كلم او 3 سنوآت ( ايهمآ آسبق ) يعني كلش على الوكآلة

الكلآم ليس من تعصب لكن آسآل خبير و مجرب

Road Lord

04-09-2011, 10:49 AM

افضلهم شارجر ار تي

ومبروك مقدما

jab22

04-09-2011, 11:25 AM

انا عندي R/T
اذا بتاخذ اخذ 6 سلندر فل اوبشن ارخص 135 الف
لان R/T قوة مفرطة ما احتاجها
يس
تأكد من المواصفات واشدد عليها
مثل
تنبيه الزاوية العمياء
نظام الخرائط فيه منها بشاشه كبيرة بس بدون خرائط
مثبت سرعة مع رادار وهذا مهم جدا لانه يخدمك كثير مثلا تثبت السرعة على 80 كم واذا خققت السيارة اللى قدامك خفف واذا اسرعت زاد السرعة بتدرج واذا توقفت يعطيك تحذير وذا قرب توقفت السيارة من كيفة الصراحه مفيد احسن من رادار اللكزس عن تجربة
جنوط 20 انش
هذة اهم مواصفات الباقي تجي اساسية

المشاكل صوت هوا مثل الصفير في الفتحة على سرعة 160 كم وفوق
صوت في الطبلون

Mr.lOoOl

04-09-2011, 11:42 AM

- فورد توروس 2012 ليمتد

وبالتوفيق

عاشق الاوبل

04-09-2011, 11:50 AM

التوريس و التشارجر فئة واحده

لاكن الكرايزلر فئه افخم

شوف الي تميل له اكثر اذا فخامه كرايزلر

اذا عمليه و فخامه متوسطه تشارجر او توريس

و عموما اذا الكرايزلر فل خذ الكرايزلر

اذا مو فل خذ التشارجر RT
افضل من التوريس لان التوريس بيتغير شكله خلال اقل من سنه

تحياتي

the black chevy

04-09-2011, 12:16 PM

اوافق اخوي عاشق الاوبل الرأي

الكرايسلر والتشارجر توهم نازلين وماراح تتغير اشكالهم الا بعد سنين

عكس التورس 2012 راح يتغير شكلها

نصيحه ولا تفكر ولا تشاور احد

خذ لك كرايسلر 6 سلندر <<<<<<<< وافضل لك خذ الجنط النيكل الكبير

ولا التشارجر rt

جميعهم اشادوا فيها المجلات العالميه وكانت الرقم الصعب لديهم

تحياتي

قناص الرياض

04-09-2011, 02:50 PM

نظآم تعليق منفصل ذآتي لكل عجلة
وهذآ آلنظآم يستخدم في السيآرآت آلآلمآنية

التعليق المستقل لكل عجلة موجود في الاكورد و الماليبو و الكابريس و الافالون
و كل سيارة سيدان تفكر فيها ما عدا الفكتوريا و الماركيز
و في كل سيارات الكروس اوفر ايضا

ح ــسآس

04-09-2011, 04:02 PM

مشكور على تفاعلكم ..
بس على حسب كلام موظف توكيلات الجزيرة أن الموديل 2012 للتورس بيكون هو الشكل الجديد تغير الاسطب الخلفي وشكل المسجل والدركسون والطابلون وفتحات العادم
ولكن اذا شكل 2012 نفس الموديل السابق ما راح أخذه ..

أحس ازددت حيره :blue:

خالد وبس 99

04-09-2011, 04:54 PM

.

أحس ازددت حيره :blue:
ياخي مايبيلها وسوسه ولا شي ..

.... الكرايسلر فخمه ( يعني ..شكل بس ..) ..... التشارجر .. رياضية شكلا ( اصطبها خرافي يا رجل .. ) .. ومحرك جبار .. تبي تقولي ما اهتم بالزرزره ومانيب راعي مقاومات ومدري كيف ... ابقولك ترى التشارجر وحش ... والدعسة معه بين فتره وفتره لها طعم ثاني معه .. :wink:... .. التوروس بتتغير .. طلعها من مخك ..
انت شف وش اللي انت تميل له .. ؟ ..

المشكله الوحيده يمكن .. اذا جزمت على التشارجر .. هي سالفة الانتظار ... ( الله يلعن المتحده :bigggrin: ) .. يمكن يمغطونك شهرين او شي زي كذا ... لكن تنتظر على موتر يستاهل .. تسوى .. :xyxthumbs:

شطحه .. انا ناوي ان شاء الله تشارجر SE .. 2012 .. وبالمبارك عليك مقدما اخوي .. :smile:

f150 ford

04-09-2011, 05:18 PM

لية ما تشوف فئة الsuv مثل الاكسبلور 2012 الجديدة

تعبكـ راحه

04-09-2011, 06:02 PM

A.S.D

04-09-2011, 07:22 PM

التوريس بدون تفكير

يكفيك انك تسوق وماتسمع لا صوت كفر ولا صوت هواء
عزل الصوت فيها شيء خرافي

وتقنيه وامان ويكفيك قوة حديدها , ووزنها ثقيل يعني راااسيه سالفة ان الهوا يلعب فيها انسى
و دفع رباعي و جوده عاااليه وراحه خياليه وشيء رسمي صدق

وقطع غيار رخيصه , التشارجر والكرايسلر معروفه بخراباتها وقطع غيارها الغاااليه
يعني يبغالك قرض عشان بس تغير الفحمات ههههه

التوريس موتر فعلاً اذا قالوا لك موتر

الله يكتب لك الي فيه الخير وقبل كل شيء , استخير

ياخي استغرب من بعض الناس يجيك ينبرش و يقولك معروفة بخراباتها ليش انت مجربها ؟؟؟؟؟؟؟؟

انا اتكلم الحين بحكم اني مالك سابق للتشارجر واستخدمتها لمدة 3 سنوات بدون ماتطلعلي بأي خراب

نرجع للموضوع

هو فعلا تحتار بالبداية بس التورس فيها تغيير في الشكل الخارجي والداخلي

هذا سبب اكثر من كافي انها تطلعها من المقارنه الا اذا ودك تنتظر الشكل الجديد

لكن حاليا أرشحلك الكرايزلر اذا تبيها رسمية اذا ودك بشي رياضي التشارجر

NOT HEMI

04-09-2011, 10:22 PM

اخ تعــبـك راحــه .. الــرجــال قــاعد يســتشـير عـن الـسيـارات و انــت قـاعـد تتكـلم و تعــطـي معلــومـات خــطأ عــن الــتشـارجـر !!؟
_______________
اخـي صــاحـب المــوضـوع ..
ســبق لـي و ان جــربـت كــرايســلر 6 سلــندر ( اخــت التـشارجر الـ 6 ســلندر ) .
مقــاومــات و درفــت و تفـحـيط و ســرعـه .. و الـســيارة مــادخلــتهـا ورشـة نهــائيـا بســبب الاسـعمــال . مــدة الاســعمـال 10 شــهور .
[ مــع الــعلم الــسيــارة شـاريـها مــستخدمـه وكــانـت مــاشيـة 100,000 ]

و الان معــي تشــارجر R/T .. و الحــمد الله مــافـي اي مشــاكل تــذكـر .

و مســتعد اجــيب لـك شــباب معــاهم تشــارجـرات و كـرايسلـرات .. و يعــرضـون تــجــاربـهم .
______________________

بـالنــسبـة للـمـوضـوع .. ارشـح لـك , الكــرايسلــر 6 سلــندر فــل كــامــل .
مــواصفــات و فخــامـة و شــكـل جــديــد و جــذاب .

لكــن .. بـالنســبة للـوكــيل , بــصراحـه مــادري عــنه .. لأن الحــمد الله مــافـي اي مشــاكـل غــير الـقطـع الاسـتـهــلاكــية مثـل الفــحمـات .. و شــاريـه مـن مــوزع لـقطع دودج وكـرايسلــر و مــركبـهـا فـي ورشــة .

أبو عقارب

05-09-2011, 01:27 AM

..

Chrysler C300 2012
V6 .. Full Options :xyxthumbs:

صدقني هذا افضل خيار بهالمبلغ ..
موفق حبيبي

:wavey:

ااااالنت

05-09-2011, 02:47 AM

من الي يقول قطع غيار التورس مو غاليه يااخوان انا قاري بنفسي موضوع في منتديات فورد حادث متوسط وحاطين صور له مايكلف اكثر من 20 الف اذا السياره جديده ومكلفته 60 الف ريال يقول الكبوت بس قيمته 4000 اربعه الاف ريال ركزوا 4000 ريال والله لو هي بي ام دبليو وازيدك من الشعر بيت روحوا خذوا لفه بمنتدى فورد اكثر القطع الخارجيه للبودي غير متوفره ولازم طلبيه هذا الي يقول لك توكيلات الجزيره صحيح الفيكتوريا والماركيز متوفره اما التورس اسمحوا لي غير متوفره والي يبي دليل يروح بنفسه ويتاكد وشكرا

trok

05-09-2011, 02:58 AM

انا كملت شهر اقارن بين كرايسلر وتورس
السبب استبعاد التشارجر انا جربت الشكل الجديد 2011 ليومين من الوكالة جاي ماحسيت انه موتر جديد يطفش بشكل كبير انا حاليا معي راف4 عندي متعة اكثر من التشارجر على انه فيه فرق مواصفات خيال
طبعا التورس فخمة جدا والكرايسلر اذا بتشتري لاتدور غير الــsrt8 لاكن سعره بياصل 190 :a1120(121):

بنضري لو بشري اللحين بوجهه على التورس على طول
والـsho نزل لاكن سعره 170:rolleyes1:

abo suliman

05-09-2011, 01:49 PM

أرجع للموضوع مره ثانية ..

و أقول لك يا صاحب الموضوع لا تحتار .. وخل مقارنتك مابين الكرايسلر و التشارجر

خصوصاً ان الشكل راح يتغير بالتورس , فـ أستخر و الله يكتب لك اللي فيه الخير

ونصحية مني خذلك تشارجر R/T

خالد وبس 99

05-09-2011, 02:16 PM

ونصحية مني خذلك تشارجر R/T

انا من راي اخوي ابو سليمان .. اجزم واطلبه .. والله يعينك على الانتظار بس ..

انت بطنك يعورني

05-09-2011, 03:38 PM

:smilie16:

صاحبي معاه تشارجر موديل 2008 كان يقولي السياراه فيها خرباات كتيررر وانها كل شويه تنطفيي وقدام عيني الحرارة كل شويه ترتفع عندو وفيه واحد من العيال في منتدى هوندا يستخدم موية للريديتر حق شركة تويوتا عشان يخفف حرارة التشارجر

انا من رائئي انك وصلت للـ 150 تطلع جيب ايدج الجديد

وانتا وشورك وربي يعينك

KlNG

05-09-2011, 07:52 PM

sho الى الان ما وصل السعودية وعلى حسب كلام الوكيل ( أمحق وكيل :bigggrin: ) يمكن يوصل ويمكن لأ
التشارجر فل كآمل اتوقع يتجاوز الـ 150 الف :blue:

شآكر لك تفاعلك أخوي ,,

التورس sho وصل و موجود

سعرها = 166 الف

التشارجر فل كامل RT الشكل الجديد = 147 الف ريال

و لا اذا تبي سيارة سبورت تحصل لك موستنق شلبي موديل 2010 مستعمل مشا 5 او 10 الاف بس .... ب 147 الف

و طبعا تعرف الاحصنه 500 حصان او 540 حصان << ناسي

abo suliman

06-09-2011, 04:11 AM

انا من راي اخوي ابو سليمان .. اجزم واطلبه .. والله يعينك على الانتظار بس ..

الموتر يستآهل الانتظار .. مع العلم انها ما تتأخر واجد

porsche fan

06-09-2011, 04:37 AM

وش طلع معك اخوي صاحب الموضوع ؟

بسدك

06-09-2011, 04:52 AM

trok

06-09-2011, 06:25 AM

اذا لسى ما شريت نصيحة خذ لك كامري فخم وعزم وساوة وقطع غيار رخيصه ومتوفر في كل مكان < ماحد قالك من هالكلام؟

المهم نرجع لموضوعنا
سلامات احط 150 الف في فورد توروس !!
تجيب لك ثلاث سيارات اكسنت
انت احين اشتري لك اكسنت واذا بغيت تغير دلع نفسك شوي وكل سنتين اشتري لك اكسنت موديل جديد ! ووفر فلوسك.
هههه اخوي مادامك كذا يرحم امك لاتدخل قسم الألماني ههههه
يااخي الرجال وده يشري موتر بهالسعر وحاط خيارات ارجوا ماتطلع برا الموضوع:rolleyes1:

omar_124

06-09-2011, 11:09 AM

اذا تبي الفخامه وداخليه وخارجيه

شف الايدج سبورت وادع لي :wink:

ر
رحابه داخليه مواصفات مجنونه وسعره 150 الف

اهلاوي جده

06-09-2011, 11:48 AM

خالد وبس 99

07-09-2011, 09:50 PM

والله ياخوي اذا تبي نصيحت مجرب خذلك ماليبو ltz v6 فل كامل موديل 2011
سعرها 100 الف والله انها سياره قويه وتستحمل وامريكيه 100%
انت روح الشركه وشوفها الفل الكامل خياااااال
وفر 50 الف بجيبك وادع لي

بيتغير شكلها خيو ..

الموتر يستآهل الانتظار .. مع العلم انها ما تتأخر واجد

الا والله تتاخر ... لأن الله بالينا.. بوكيل .. ينزل الدفعات بالسنة حسنة :blue:...

ح ــسآس

08-09-2011, 06:09 AM

التوروس شلته من تفكيري لان توكيلات الجزيرة بيصرفون الشكل القديم على انه موديل 2012

وجزاااااااكم الله خير وما قصرتوا
وقررت على التشارجر rt واللون برتقالي بعد >> من عشاق الأورنج :xyxthumbs:
ادعولي ان الله يطرح فيه البركه
والشكر موصول لكم مره ثانية

Road Lord

08-09-2011, 07:44 AM

ماشاء الله تبارك الله

ونعم الاختيار واللون :xyxthumbs:

على البركه أخوي

الله يعطيك خيرها ويكفيك شرها

The Enzo

08-09-2011, 10:00 AM

والله يا اخوي انا محتار نفس احتيارك

واختياراتي نفس اختياراتك

وفلوسي على قد فلوسك بالضبط

وراح اشتري الشهرين الجاية ان شاء الله

انصحك والله بالكلايسلر v6 فل كامل ليميتد .. ماتفرق عن الفل الا بالمكينه وانت زيي مالك بالسرعه والمقاومات اللي ما منها فايده

صدقني الشكل رزه لأبعد الحدود وماينطفش منه بسرعه مثل التشارجر

لما طلعت مع الاهل وشافوا الكرايسلر الجديدة بالشارع قالو تجنن .. ولما شافوا التشارجر قالو "تشبه الجالنت حق اخوي" ههههههه

طبعا تقصد الجالنت القديم .. وطبعا ما ناخذ بكلام الحريم بس من جد شكل التشارجر بعد كم شهر بيصير عادي لكن الكرايسلر اتوقع راح يكون فخم على مر السنين وشوف كل اصداراتها من يوم ما شفنا 300 وقوللي لما تشوف موديل قديم لها كيف تكزن نظرتك لها فما بالك بالجديده واللي ماراح تتغير الا بعد 5 سنوات

ان شاء الله انك لسا ما اشتريت ولا حجزت

ولاتنسى تستخير وتتابع الفيديوهات باليوتيوب .. ترى انا تعبت لين حددت اختياري