الموضوع يخص أصحــاب الكرايسلر .. مع أحترامي للجميـع

[العيطموس]

السلام عليكم ورحمة الله وبركاته


أسعد الله جميع أوقاتكم بكل خير .. وبمناسبة قروب عيد الفطر المبارك .. أقولكم كل عام وانتم بخير وعيدكم مبارك . وتقبل الله منا ومنكم الصيام والقيام وصالح الأعمال . سائلاً المولى عز وجل ان يعيد علينا شهر رمضان بالخير والصحة والامن والامان ..


حبايبي أصحاب الكرايسلر المحترمين ..


أبي منكم التكرم وإفادتي من باب خبرتكم وتجربتكم .. عندي استفسارات كثيرة عن ( الكرايسلر ) ..
وتكفون ثم تكفون تكون إجاباتكم من دون أي مجاملة أو مبالغة سواء سلبيه أو إجابيه للـ ( كرايسلر ) .. لأني والله أنسان بستخدم يمكن مايقل عن 3 سنوات .. ووضعي المادي شبه المتوسط علشان تكونون في الصورة فقط ..


الأستفسارات على النحو التـــــالـــي :


ابي بصفة عامة .. كأستخدام .. أسعار قطع الغيار الأستهلاكيه مثل .. البواجي .. الفحمات . الهوبات .. الاذرعة .. فلتر الزيت .. فلتر القير .. الميكانيكا على وجه العموم والكهرباء على وجه العموم .. وين الافضل الـ 6 سلندر أو الـ 8 سلندر .. وين الافضل الامريكي ولا السعودي .. هل العازل الصوتي للسيارة ممتاز او متوسط او رديئ .. السيارة على الطرق الطويلة هل مستوى الثبات ممتازة ولا متوسطه ولا رديئه .. هل السيارة تصرف بانزين بشكل مبالغ فيه ولا متوسطه .. هل المطب واضح في السيارة ولا لا .. هل السيارة مريحه للسفر ولا متعبه ..


ياليت التوضيح في الاجابات .. بالامور السلبيه والاجابيه ..


شاكر ومقدر جهودكم .. واسئل الله العلي القدير لكم التوفيق والسداد وان يحفظكم من كل مكروه وجميع الاخوة دون استثناء ..


دمتم سالمين ..


والسلام ختـــــام ,,,

[Night]

تم نقل الموضوع من قسم ارشيف الاستفسارات الى نادي السيارات الامريكية

[سدير20]

اللحين انا ماقد ركبت كرايسلر لاكن عشان نفيد اللي بيجاوبونك انت بتشتريها وكالة يعني الشكل الجديد

ولا مستعمل وموديل كم لأن الشكل الجديد فيه تغيرات بكل شي بالراحة بالقيادة بالقوة ماراح احد يقدر بيفيدك حتى اللي معهم كرايسلر بيكونون زي معرفتي فيها
لأنها قريب بتنزل دفعة كاملة

:xyxwave:

[Magical]

الكرايسلر سيارة عملية و فخمة و رزة و هيبة

الاسعار تقدر تقول متوسطة و غالية

استخدام راح تخدمك ان شاء الله 5 سنين و اكثر اذا بتحافظ عليها

الوكيل سيء بس اشوفه محسن نفسه

[3bd]

نصيحة اخو
الموتر لايقربك وكيل زفففففففت وقطع غيار نار نار نار نار بشكل مو طبيعي

بس الموتر راسي ونشاط ورزه بس غيره ماينفع
سعره ينزل بسرعه وقطع غيار غاليه بالحيل وصيانه غاليه
ولا هي سيارة تخليه معك 3 سنوات
بالكثير سنه ونص وتمل منه
لانه داخلي كلاكسيكي وشبه ممل

[مالك*]

والله السي مشيتها مرررة جيدة , وخصوصاً ارضيتها مرة ما تحس بالشارع :) لانها مدمج بين الامريكي والالماني

وقوية هذا اللي اعرفه

وكلام صاحبها :

راسية - قوية - مكيفها بارد وممتاز - قطع الغيار من المتوسط الى الغالي - هيبة وفخامة - المقاعد قاسية شوي

والحين باعها ويبي يطلع سيارة, ومافي سيارة داخله مزاجة غير السي .