معاي اودي خليجي طلبت مني الوكالة 4000 للملف معقولة ياناس

[manhoood]

اليوم رحت للوكالة ساماكو التخصصي وقالي الموظف سيارتك خليجية عليها ضمان اما الصيانة لازم نفتح للسيارة ملف وقيمة الملف 4000 ريال ياليت اللي عند تجربة مع الوكالة هذي تكفى يعلمني قهر والله استغلال وش الحل معهم

[تاهو 71]

غريبة ! قد رحت وكالة BMW و قلت لهم عن الموضوع هذا و قال ما يكلفك ولا ريال :)

[manhoood]

والله اني محتار ادفع لهم والا هم يبون العين الحمرا او مراسلة الشركة الام

[تاهو 71]

اتوقع و انا اخوك ان عندهم ضمان دولي ساري على جميع دول العالم لمدة 3 سنوات !!

اذا كان مخلص الضمان فـ الحق معهم اما اذا العكس فـ الحق معاك و عليك بالشكوى و الله يعينك :)

[one_bp]

4000 فقط فتح ملف
او
ملف و قيمة صيانة
موديل السيارة ؟؟؟؟

[brosis]

انا اخوي صار معه نفس المشكله وكلم مكتب الشرق الاوسط بعدين دخلو السيارة من غير مايدفع ولا ريال مع العلم ان السيارة طالعه من الضمان وكان يبي يسوي صيانه

[الخالدي عبدالله]

خاطب الشركة الام

[manhoood]

الضمان الدولي الى شهر 4 /2013 لكن ياليت اخوي

brosis (http://www.assayyarat.com/forums/member129552.html)


تقولي عن تجربة اخوك واذا امكن تعطيني معلومات عن كيفية الاتصال بمكتب الشرق الاوسط اذا تقدر او اي احد من الاخوان يساعدني ومشكور
http://www.assayyarat.com/forums/image.php?type=sigpic&userid=129552&dateline=1226106274

[brosis]

الضمان الدولي الى شهر 4 /2013 لكن ياليت اخوي

brosis (http://www.assayyarat.com/forums/member129552.html)



تقولي عن تجربة اخوك واذا امكن تعطيني معلومات عن كيفية الاتصال بمكتب الشرق الاوسط اذا تقدر او اي احد من الاخوان يساعدني ومشكور
http://www.assayyarat.com/forums/image.php?type=sigpic&userid=129552&dateline=1226106274


اهو كلم الوكيل في ابو ظبي اهو ماخذ السيارة من عندهم وقالهم انهم طلبو منه 4000 فتح ملف في الرياض بعد كذا كلموه الوكاله في الرياض وقالوله جب سيارة من غير ماتدفع واعتذرو منه انت كلم الوكيل الي تابع لسيارة واذا مانفع دور رقم مكتبهم في الشرق الاوسط

[manhoood]

الله يعطيك العافية prosis بدور على ارقامهم الله يكتب اللي فيه الخير

[هونداي للأبد]

أخوي الأودي عليها ضمان دولي، يعني لو تجيب وحدة من أمريكا ودخلها الوكالة يطلعون ليك معلوماتها كلها ومتى اخر صيانة سوتها والقطع اللي ركبو عليها وحتى اسم الميكانيكي اللي اشتغل عليها

[حمودي الجداوي]

الله يعينك

[وضح النقاء]

الله يعينك اخوي

[YaseeR]

اخوي ياليت تدخل على الموضوع وتراسل اخونا وتعرف كيف راسل الشركة الام وكيف تواصل معاها

الموضوع هنا (http://www.assayyarat.com/forums/thread244403-3.html#post2659914)

[manhoood]

جزاك الله خير اخوي YaseeR وان شاءالله حمودي الجداوي يعطيني ايميلات المراسلة للشركة الام والشرق الاوسط يارب

[حمودي الجداوي]

اخوي عبدالملك حاولت ارسلك مسج مو راضي مدري ماني عارف المشكله ايه بس خدي هادا ردي

------------------------------------------------------------------------

اهلين حبيبي
والله مشكلتي لم تنتهي الا الآن وانا ع مدار السنه والنصف وعلى ماا اعقتد انها مراح تنتهي .. فكل الأحوال انا خسران خسران لكن جالس بصارع معاهم ماني خسران شيء

لاتعطيهم ولا زفت ( سوري ع الكلمه ) من قهر بقولها ليك
للأمانه وربك سيئين بمعنى الكلمه ولا تتعامل معاهم نهائيا خلي تعاملك مع الشرق الأوسط وخليك جرئ معاهم والشيء اللي راسك سويه وهدد واتكلم لانهم ماينفع معاهم غير كدا وحقكك لا تسكت عليه .

نصيحه اخ للأمانه اودي ماتنعاب وشيء يفتح النفس وانا من عشاقها لكن الأن عرفت معنى الوكيل كانو يقولولي لايغرك شكل السياره وجمالها انظر لمرجعك الأول وهوا الوكيل والان عرفت المعنى هذا

عموما هذه كل اللي عندي والله يعينك ويقويك وينصرك عليهم
والله على كل ظالم يارب في الشهر الفضيل هذا

هذا الايميل اللي راسلت فيه المانيا
هذا كل ما يخص ألمانيا

AUDI AG
> International Customer Services
> 85045 Ingolstadt
> Fax +49 (0) 800 329 26 2834
> +49 841 89 38889
> mailto:service@audi.de
> http://www.audi.com
>


وهادا كل شيء يخص الشرق الأوسط


> Audi Middle East
> Dubai Airport Free Zone
> P.O. Box 27758
> Dubai, U.A.E.
> Tel. +971-4 2045 888
> Fax +971-4 2045 894
> customer.care@avme.ae
>


الله يعنيك يا اخوي ويقويك وبالتوفيق انشاء الله

[manhoood]

الله يخليك ويجزاك خير ويوفقك على مساعدتك لي حمودي الجداوي يارب ينصرك عليهم امين

[YaseeR]

^ ^ ^ ^ ^ ^ ^ ^ ^

ياليت تبلغنا في موضوعك وش يصير معاك علشان نعرف هل بيكون فيه نتيجة والا ماراح يكون فيه نتيجة ,, ولعل الاخوه الا عندهم مشاكل مع شركة سماكو وعلشن يعرفون كيف يتعاملون مع مثل هالمواقف مثلك :xyxthumbs:

[manhoood]

اخيرا الوكالة فتحت الملف مجانا ولكن بعد ايش انا اعلمكم القصة بالضبط علشان يستفيد منها الناس اللي يصدقون قصة فتح ملفات الصيانة بفلوس عند اي وكالة سيارت بالسعودية مثل ماقلت لكم قالولي بكل برود ادفع 4000 ريال لفتح ملف صيانة للسيارة المهم قلت لهم بالحرف الواحد انا اتصلت على الوكالة بالامارات وقالولي ياحبيبي ملف الصيانه مو من عندنا هذه سياسة الشركة الام وهو مجاني قلهم الكلام باذن الله مايصير عندهم مشكلة فلما شافوني فاهم قالوا ولايهمك نرسل ايميل للاداره نشرح وضع سيارتك الخليجية وخلال يوم واحد جاء الرد بالقبول وفتحوا الملف مجانا ولكن اذا صار معكم هذه المشكلة وشفت انهم مصرين على فتح ملف صيانة السيارة بفلوس فلابد من مراسلة الشركة الام التابعة لها السيارة بالبحث عن ارقام وايميلات تلك الشركة وتحياتي لكم جميعا
والشكرموصول لاخي حمودي الجداوي الذي له معاناة مع وكالة اودي

[YaseeR]

تمام :xyxthumbs:

يعلم الله فرحت لحل مشكلته والله ييسرلك امورك ويبارك لك في سيارتك وانا من زمان وانا اقول مشكلة المواطن السعودي جهله في الانظمة والقوانين او انه مافيه حيل يراسل ويطالب !!
الف مبرووووك

بعدين وين شارع الضباب ذا !! الحجاز كلة مافيه عندنا الضباب !! :bigggrin:

[manhoood]

تمام :xyxthumbs:



يعلم الله فرحت لحل مشكلته والله ييسرلك امورك ويبارك لك في سيارتك وانا من زمان وانا اقول مشكلة المواطن السعودي جهله في الانظمة والقوانين او انه مافيه حيل يراسل ويطالب !!
الف مبرووووك


بعدين وين شارع الضباب ذا !! الحجاز كلة مافيه عندنا الضباب !! :bigggrin:

الله يبارك فيك اخوي ياسر شارع الضباب في الرياض عند نهاية شارع التحلية شرقا

[S K Y]

اخيرا الوكالة فتحت الملف مجانا ولكن بعد ايش انا اعلمكم القصة بالضبط علشان يستفيد منها الناس اللي يصدقون قصة فتح ملفات الصيانة بفلوس عند اي وكالة سيارت بالسعودية مثل ماقلت لكم قالولي بكل برود ادفع 4000 ريال لفتح ملف صيانة للسيارة المهم قلت لهم بالحرف الواحد انا اتصلت على الوكالة بالامارات وقالولي ياحبيبي ملف الصيانه مو من عندنا هذه سياسة الشركة الام وهو مجاني قلهم الكلام باذن الله مايصير عندهم مشكلة فلما شافوني فاهم قالوا ولايهمك نرسل ايميل للاداره نشرح وضع سيارتك الخليجية وخلال يوم واحد جاء الرد بالقبول وفتحوا الملف مجانا ولكن اذا صار معكم هذه المشكلة وشفت انهم مصرين على فتح ملف صيانة السيارة بفلوس فلابد من مراسلة الشركة الام التابعة لها السيارة بالبحث عن ارقام وايميلات تلك الشركة وتحياتي لكم جميعا
والشكرموصول لاخي حمودي الجداوي الذي له معاناة مع وكالة اودي



الكفار مايعملون بشعبهم ...واحنا ربعنا المسلمين حراميه ونصابين ومحتالين

استغفر الله العظيم

والله جشعين التجاااااااار حسبي الله ونعم الوكيل فيهم

انا مدري ليش الطمع الزائد لدى التجار