رد: أخواني أستشيركم ثانية في هاتين الوردتين ومحتار جدا بينهم رأيكم سريعا ما في وقت

[سيف الرحمن]

اخواني الأحبة لقيت سيارتين معروضة للبيع وابغ استشيركم فيها جزاكم الله كل خير ..
الأولى BMW 740Li موديل 2006 اللون أسود ومن الداخل بيج وماشية 81 ألف كيلو وسعرها 123 ألف ريال.
الثانية BMW 745Li موديل 2005 واللون أبيض ومن الداخل بيج وماشية 116 ألف وسعرها حدود 88 ألف ريال.
والسيارتين نظيفة جدا جدا وما عليهم كلام ما شاء الله تبارك الله.

سؤالي :
1- ما هو الفرق بين 745 و 740 ؟
2- هل تستاهل الأولى أن أدفع فرق حوالي 35 ألف ريال لفارق الموديل والممشى ؟؟؟

أفتوني الله يجزاكم كل خير مثل ما أفدتوني المرة الماضية في ال760 والي صرفت نظر عنها بعد مشاورتكم

[porsche fan]

1- ما هو الفرق بين 745 و 740 ؟



يفيدونك بهذي خبراء البي ام



2- هل تستاهل الأولى أن أدفع فرق حوالي 35 ألف ريال لفارق الموديل والممشى ؟؟؟



من رأيي الشخصي ايه تفرق كثير , من اهم الاشياء الي انظر لها انا شخصياً اذا صرت بشتري السيارة المستعملة الموديل والممشى وبالطبع مع اشياء مهمة ثانية ..
البي ام دبليو الثانية الي ذكرتها وهي الـ 745Li موديل 2005 من رأيي الشخصي تغض النضر عنها كونها قديمة بالاضافة ان ممشاها اشوفه كثير وما تدري عن نوعيّة الاستعمال كويس ولالا , وحتى لو كان كويس اشوف الممشى كثير وعندنا السيارات الي ممشاها فوق الميه تقريباً اقتربت من نهاية عمرها بسبب الضروف الي مرت فيها خلال هالفترة من حر وحفر ومطبات واكلت انواع المصايب بعمرها ...!!


من رأيي الـ 740Li 2006 افضل , استخر والله يوفقك

[سيف الرحمن]

مشكور اخوي بس بالنسبة للسيارات الألمانية المية ألف يعتبروها تمرين .. يعني ما يعتبر الممشى كثير فضلا عن انها تكون قربت من نهاية عمرها !
انا حاليا عندي شبح ٥٠٠ موديل ٩٢ وماشي ٢٨٠ الف تقريبا والسيارة ممكن تخدم كمان خمس سنوات بوضعها الحالي.
فيه نقطة ثانية كفرق بين السيارتين نسيت اقولها وهي ان شكل ٢٠٠٦ تغير في الانوار الخلفية عن شكل ٢٠٠٥ وهذي النقطة نسيت اذكرها

[Meshal.M.Y]

2006 يفرق عن 2005 فيس لفت اسطبات خلفية وامامية تفرق والصدامات

اما بخصوص الداخلية من الداخل نفس الشيء

745 :blue: سيارتي اول :smilie20:

انصحك بال 2006 تغيير في الشكل +اجدد + اقل ممشى

توكل على الله وخذ ال 740

والفرق مافيه فرق مجرد تغيير اسم من 745 الى 740

مثل ال 730 كانت 735

[e7sas1991]

انا عن نفسي ارشح ال 745 لان الممشى مايفرق كثير مره وفارق السعر كثير صراحه

35 الف تقدر تخليها تكاليف صيانة على مدى 3 سنوات او ارربع (بما ان السيارة جديدة

ومليانة تقنية فراح تطلب بين فترة واخرى)

[سيف الرحمن]

مشكورين
لكن ما في ردود ثانية ؟؟؟؟؟!!!!!
رمضان كريم يا اخوان !!!!

[Meshal.M.Y]

الله يسلمك

اسألني وانا اجاوبك بحكم اني كنت املك 745 2005 وعندي معرفة كبيرة بالبي ام دبليو

المشكلة كلنا جاوبنا على اسألتك واشوف الاجوبة فيها البركة !

الا ان كان مااعجبتك الردود :confused1:

[M I X I S]

الفروقات في الشكل

موديل 2006

http://carswallpapers.tk/images/wallpapers/bmw-7-series-wallpapers.jpeg

http://img146.imageshack.us/img146/1851/20091010055.jpg

اما شكل 2005

http://terravali.com/testimonials/2005bmw745litest.jpg

http://www.classyauto.com/image_large.php?image_id=296248

اما بالنسبه للفروقات التقنيه

الفئة السابعه موديل 2005 ( 745 ال اي )
تجي بمحرك 8 سلندر
سعة 4.4 لتر ..

بينما الفئة السابعه 2006 ( 740 ال اي )
تحتوي محرك 8 سلندر
سعة 4.0 لتر

و محرك الـ745 اقوى من ال740 ..


اذا بغيت مني النصيحه
740 افضل :
- شكل احدث
- تصميم اجمل ( في نظري )
- ممشى اقل

و مبروك مقدما ...

[IbRoOo]

حرام عليك فرق كبير بعد .. يكفي الفيس لفت الي جا عليها بموديل ٢٠٠٦ أعطاها شكل جذااب ..

ويستاهل ونص بعد إذا كل هالفرق " فيس لفت - أقل ممشى بواجد " ومع ذلك فرق السعر ٣٥ الف..

[(فيزا)]

لا تنسى ايضا جميع الاخطاء تم تلافيها في موديلات 2006

[سيف الرحمن]

جزاكم الله خير اخواني .. صراحة استقريت على BMW 745Li 2005 والحمدلله ..
شفت فرق السعر كبير وال٢٠٠٥ نظيفة جدا ما شاء الله والحمدلله ..
بس كان عندي سؤال مهم .. ما هي الفروقات التقنية بين السيارتين ؟
وهل يمكن تغيير شكل الخرائط وطريقتها في النافيجيشن ؟ لأنه شكله بايخ صراحة ..
وايش هي العيوب اللي تم تلافيها في موديلات ٢٠٠٦ مثل ما قال الأخ ؟