عروض رمضان الكويت (( bmw - audi - invinity )) وحيره اقتنا احداهما

[xtr-offroad]

سلام عليكم

مبروك عليكم الشهر وعساكم تعودونه

اخواني انا هالاسبوع بعربن موتر من الثلاث

1- bmw 528i 2012 السعر 17900 (( كفالة خمس سنوات وصيانة مجانيه اربع سنوات مع ايفون 4 هديه ))

2- audi a6 2.8 2012 السعر 16000 (( كفالة ثلاث سنوات وصيانه مجانيه لدة خمس سنوات مع ايباد بالك بيري هديه ))

3- invinity m37 lexary 2011 السعر 15500 (( كفالة خمس سنوات وصيانه مجانيه خمس سنوات مع ايباد ابل هديه ))


ملاحظه :- الاسعار بالدينار الكويتي



طبعا الحيره وصلت حدها ,,, يبيلي من يقنعني ودزه عشان اتوكل على الله .... العروض ما تتفوت اعتقد فقط بشهر رمضان

----------------------------------

ناوي على البي ام ,,, اكثر وحده جازتلي ,, اجلت الموضوع لين بعد رمضان عساس تنزل موديلات 2012

لكن اليوم مريت الغانم ولا يقولي الموظف نزلت موديلات 2012

فقلت اتوكل على الله لكن الي خلاني احتار اكثر السيارتين المنافستين

لاني اليوم شفت الاودي وانبهرت منها على الحقيقه (( جميله جدا ,,, وفاتنه ))

مكينتها ضغيره تقريبا 220 حصان لكن قالي بخليك تسوي تيست درايف عشاان تعرف الالماني مو بعدد الاحصنه ,,, الالماني دايما تقيس قوته بالــ سي سي ... الي هو اعتقد حجم المكينه

سعرها حلو موصافاتها رايعه المراتب جدا ممتازه اضاءة الانوار فل led

لاحظت انها بدون كشافات ضباب اسفل الدعاميه .. تصميم الشاشه ما عجبني علامة اودي متخوف منها خصوصا 3 سنوات كفاله لحد الان ما سويت تيست درايف لها

الانفنتي رياضيه فخمه جميله مواصفاتها حلوه سعرها حلو لكن ما كانت متوفره بفئة السبورت الي تجي جنوط اكبر ومواصفات اخرى وموديلها 2011 يعني ما بقى شي لنزول 2012

------------

البي سحرتني حسيت انها لايقتلي اكثر ... مابي اذكر مميزاتها لنه اغلب المواضيع تكلمت عنها

لكن عيوبها انها بدون اسبير (( استبنه )) ... واغلاهم

اللحين مادري اتوكل واخذ البي ام ولا اجرب التيست درايف حق الاودي واخذها ولا انطر موديلات 2012 للانفنتي ويمكن يرتفع سعرها الا اكيد

علما اني استبعدت المرسيدس e300 مع كت amg 2012 ..... الفل اوبشن بـ 19500 دينار وللحين ما وصلت يبيلها شهر تقريبا

وسامحوني ان طولت كان ودي ادعم الموضوع بصور لكن المره الجايه :)

وشكرا ..

[Raeed | X]

انفينتي اكس كبيرررررررررررررررررررر

البي ام + الاودي افضل خيار لك بصراحه

والباقي على ذوقك الثنتين شكل جديد بتستانس عليه

وكلها مليانه تقنيات فخممممممممممه

انصحك بـ الاودي بصراحه شكلها ملفت اكثر من البي ام

[porsche fan]

والله يا الغالي انصحك طبعاً تركب الأودي A6 وتجربها وكلام الموظف صحيح لا تقيس الالماني وخصوصا الأودي على عدد سلندراتها او عدد احصنتها لان فيها قوة عجيبة , خذ التيست درايف وانت احكم

شوف يا الغالي راح اتكلم بحدود معرفتي , الـ A6 الأوسع في فئتها خلفياً وهذي نقطة متأكد منها , ايضاً مساحة الشنطة الأكبر وهذي النقطة شبة متأكد :bigggrin: , ايضاً مقاعد الـ A6 انعم من مقاعد البي ام الفئة الخامسة , لأن مقاعد الفئة الخامسة قاسية شوي

طبعاً موضوع الشكل ما راح اتكلم فيه لأن هالشئ يفرق من شخص لأخر , الأودي افضل من ناحية السعر من البي ام وهذي اشوفها نقطة مهمة جداً لصالح الأودي

نصيحتي لك بالـ A6

بالتوفيق

[وضح النقاء]

.
.
.
اخوي
بالارقام
محرك السيارات الثلاث اقواها الام الجديدة
بالله عليك محرك 2.8 كم بيعطيك حصان ؟؟؟؟
220
وتبيه اقوى من محرك احصنته 330
يعني
الموظف بيقنعك ان الاحصنة القليلة هي اقوى من الكثيرة

اذا كان لديك نقاط معينة فهذا يرجع لك
لكن ان السيارة الاقل احصنة هي اقوى من الاكثر هذي غريبة جدا

اتوقع الانفنتي تقدر تطلبها بالكت الرياضي فئة اس التي جنطها عشرين

وموديل 2011 هو نفس 2012 لانه لم يتغير في امريكا لانه توه مطروح

عن نفسي افضل الانفنتي خصوصا ان محركات السيارات الاخرى ضعيفه وايضا مثل ما تفضلت ناقصة منها مواصفات اساسية هذا غير ان ضمان الانفنتي اقوى وسعرها افضل ومواصفاتها اكثر

[q8aziz]

انا اعطيك كل النقاط الي تتفوق فيها كل سياره
الاودي > الاخف وزناا + تصميم مميز
البي ام > اقل استهلاك للوقود + (بالنسبه لي الاجمل شكلا من الخارج ومن الداخل ) + عرض الصانه المجانيه
الانفني > السعر المناسب + المكينه الاقوى + الموصفات الاعلى ( مثلا الردار ) + تكلفت الصيانه الاقل
ونصيحتي لك اذا سعر البي ام يناسبك لاتطوفها ولكن اذا تبي تحصل السياره الافضل قيمه خذ الانفنتي

[q8aziz]

ايضاً مقاعد الـ A6 انعم من مقاعد البي ام الفئة الخامسة , لأن مقاعد الفئة الخامسة قاسية شوي


غلطان اخوي انا عمري بحياتي كلها ما جفت انعم واريح من مقاعد البي ام !!!!!!!!
لكن كلمت حق بقولها المقاعد الخلفيه شوي صغيره لكن المقاعد ما عليها كلااااااام مريييييييحه

[q8aziz]

تفضل الرابط
http://www.assayyarat.com/forums/thread244897.html

[Energy]

.
.
.
اخوي
بالارقام
محرك السيارات الثلاث اقواها الام الجديدة
بالله عليك محرك 2.8 كم بيعطيك حصان ؟؟؟؟
220
وتبيه اقوى من محرك احصنته 330
يعني
الموظف بيقنعك ان الاحصنة القليلة هي اقوى من الكثيرة

اذا كان لديك نقاط معينة فهذا يرجع لك
لكن ان السيارة الاقل احصنة هي اقوى من الاكثر هذي غريبة جدا

اتوقع الانفنتي تقدر تطلبها بالكت الرياضي فئة اس التي جنطها عشرين

وموديل 2011 هو نفس 2012 لانه لم يتغير في امريكا لانه توه مطروح

عن نفسي افضل الانفنتي خصوصا ان محركات السيارات الاخرى ضعيفه وايضا مثل ما تفضلت ناقصة منها مواصفات اساسية هذا غير ان ضمان الانفنتي اقوى وسعرها افضل ومواصفاتها اكثر

+1

ما اقدر ازيد على كلام اخوي وضح النقاء .

[ابو زايد العنزي]

انا عن نفسي لو ابي اخذ اخذت الانفنتي
وانت حسب اهتمامك اذا تبي سيارة قوية ورياضية الانفنتي
اما الكشخة والرزة عندك البي ام والاودي

[ماهرالحربي]

وعليكم السلام ورحمة الله وبركاته ....

أول شيء جرب الأودي وبعدها حاول تجرب البقية
واختار اللي يناسبك ويلبي احتياجاتك ....

ولاتنسى الإستخارة .....

بالتوفيق أخوي .....

[SUPERCHARGED]

ارشح الـBMW اذا تبيها رسميها فهي رسميه واذا شبابيه تجي شبابيه

يعني تصلح تسوقها وانت مكجول وانت متكشخ بشماغ والثوب :D

اضافه الى ذالك ومن وجهة نظري أجملهم سواً تصميم خارجي أو داخلي

في كل الاحوال جربهم كلهم عشان تختار صح , وعلى مااظن تقدر تجدد عقد الصيانه مع بي ام اذا انتهى

موفق اخوي

[Raeed | X]

اذا تبي بي ام

خذ البي ام

بتاخذها عن قناعه وسياره رائعه بمعنى الكلمه

لان المساله ذوق بالنهايه لان الاودي والبي ام متقاربين

[xtr-offroad]

هذا هو مابي اتحسف على اتخاذي لقرار شراء سياره معينه

الانفنتي رووعه خصوصا انها فخمه رياضيه لكن الي صدمني بالموظف قال فئة m37 s مافيه

قلت له وشلون مافيه قال الاس ما تجي الا على m56 s قلت له انا شايف بموقعكم على الانترنت قال لا يمكن للسوق الامريكي او الاوربي اما عندنا 4 انواع

m37 الممتاز والفاخره
m56 الفاخره والرياضيه

وبالنسه للموديل يهمني ,,, تخيل بتدفع مبلغ وقدره وانته بنهاية السنه وبعد شهر ولا شهرين ينزل الموديل الجديد بغض النظر عن المواصفات او تغير في الشكل ,,,, انا اتكلم عن اسم الموديل سواء 2011 او 2012

مادري تمنيت اني اعرف اسعار المملكه عندكم للانفنتي m37 s وهل لها عرض صيانه مجانيه

[xtr-offroad]

بخصوص المقاعد ,,, ركبت البي ام وركبت الاودي لكني ما جربت سياقتها

بس للامانه حسيت مقعد الاودي افضل ,, وهذا ما يقلل من مقاعد البي ام بس نتكلم عن افضليه

الاودي احسها توها جديده ومانزلو المواصفات الكامله لها ,, لاني الي شفتها الفل بدون كشافات باسفل الدعاميه ونوع واحد من الرنقات

سعره جدا مغري مقارنه بالبي ام ,, واتساعها ملحووظ ,,, لحد الان ما جربت التست درايف ,, لكن ناوي باذن الله

انا مقتنع بالبي ام انها مناسبه لي ومافيه سياره كامله لكن فلان تناسبه البي ام اكثر وفلان تناسبه الاودي وفلان تناسبه الانفنتي ,,,, للحين ما راح اجزم بعد ما اجرب الاودي

[q8ty40]

هلا اخوي
انا عن نفسي
ما اركب الانفنتي ال 37
يا 56 يا فلا
والسعر منو يقول نازل وعرض
قبل شهر انا هناك
نفس السعر ولا علشان الاي باد بو 120 دينار يعني يسمونه عرض ؟
بعدين تذكر انها بدون جي بي اس ترى
مافيها خرايط لا يقص عليك
بس الكامله
وانا احس شكلها مو بجمال بالبي ام او الاودي

بالليل شفتها من الخلف
كأنها هيونداي
بايخه
ولا تنسى الخدمه
نيسان خدمتهم مو شي

كراجهم تعبان عالاخر ولا يجينيي واحد طاق الرصيف ويقول زين
تونا مطلعين انفنتي اف اكس بكراج البابطين
السمكرة تقول عند بابو مو وكاله
المهم
اانا اقول يا تاخذها 8 سلندر قريب سعرها من البي ام
يا تاخذ واحد من السيارتين ولو اني اميل الى البي ام
خدمتهم واسعار قطع غيارهم الميكانيكيه موفرة عن الاودي وشكرا

[xtr-offroad]

شي اكيد الالماني افضل من الياباني

بس انا باخذ السياره على قد احتياجاتي وميزانيتي

يعني الانفنتي لو انها متوفره عند الوكيل بفئة الاس ( السبورت ) جان صارت حسبة ثانيه

لكن فئة الليكسري الي هي الفخمه تاتي مثل مواصفات 56 لكن المكينه 6 سلندر فقط

واشوف انه ال 37 كافية 330 حصان اكثر من ممتاز لو نقارنها بالبي ام والاودي والمرسيدس

اما لا يينا نتكلم عن سيفتي وعزل وثبات اكيد الالماني بيتفوق

عالعموم انا نويت اخذ البي ام 528 2012 مع عرض الصيانه وتامين شامل

الله يبارك لي بالموتر ويكفيني شر الحساد

نصايحكم لاني اول مره اخذ سياره الماني

سبق كان عندي اوريون وبعته وشريت جيب نيسان واللحين الماني

وشكرا :)

[Raeed | X]

بتجرب نقله نوعيه :p

الالماني ممتع جدا والفئه الخامسه اختيار رائع

لان المساله بالاخير ذوق .. لو شريت الاودي على ذوق غيرك بتكرهها

لكن اخترت سياره كشخه + على ذوقك

بالتوفيق لك والله يحفظك يارب