استفسار بخصوص اودي A7

[الأنماء الأزرق]

:xyxwave:مبارك عليكم الشهر الفضيل
شباب انا حالياُ في امريكا وراجع ان شاءالله على عيد الفطر وبصراحة شفت هنا في سانديقو الأودي A7 وجربتها وعجبتني
سؤال كم سعرها في الوكالة في الرياض وكم سعرها لو باخذ مستعمل في المعارض
اللون المطلوب ابيض من الخارج او اسود ومن الداخل جملي او مثل مايسمونه توفي
كامل الماوصفات
وهل احصلها في المعارض اقل من الوكالة بسعر افضل

وياليت الي عنده خبر يفيدني الله يرضى عليكم

[B A N D A R]

الفئة الوسط سعرها تقريباً 295 ألف ريال ( نفقيشن - نظام mmi - سماعات boss - ... وغيرها ) , وهذهـ الفئة اللي شاهدتها بالوكالة .

لكنها كانت بدون رادار ولا رؤيا ليلية ولا كت S line وبدون نظام صوتي بانج آند أولفسون وبدون تهوية مراتب وبدون بروجكتر .
إذا حاب تزيد هذهـ الموصفات أعتقد راح تطلع عليك بـ 345 ألف ريال تقريباً .
هذا موقعهم الرسمي تقدر تختار المواصفات اللي تبغاها وراح يطلع لك سعر كل ميزهـ على حدهـ .
http://www.audi-me.com/me_partner/p_aeau000010/home/models/a7/a7_sb.html

أضغط على كلمة : Configurator .

[الأنماء الأزرق]

الفئة الوسط سعرها تقريباً 295 ألف ريال ( نفقيشن - نظام mmi - سماعات boss - ... وغيرها ) , وهذهـ الفئة اللي شاهدتها بالوكالة .

لكنها كانت بدون رادار ولا رؤيا ليلية ولا كت S line وبدون نظام صوتي بانج آند أولفسون وبدون تهوية مراتب وبدون بروجكتر .
إذا حاب تزيد هذهـ الموصفات أعتقد راح تطلع عليك بـ 345 ألف ريال تقريباً .
هذا موقعهم الرسمي تقدر تختار المواصفات اللي تبغاها وراح يطلع لك سعر كل ميزهـ على حدهـ .
http://www.audi-me.com/me_partner/p_aeau000010/home/models/a7/a7_sb.html

أضغط على كلمة : Configurator .
اخوي الف شكر وماقصرت بس هنا في امريكا الموجود فئة واحدة وكامل المواصفات
وهل في الرياض في الوكالة اكثر من فئة ولا فئة وحدة والمو اصفات انت تطلبها
في امريكا تطلع مع التاكس حاولي 300 الف ريال سعودي
ياليت لو عندك خبر عن سعهرها في معارض الرياض ونظيف تعطيني خبر

اعيد وكرر الف شكر على مشاركتك وردك لي الوافي

[B A N D A R]

أخوي في أمريكا سعرها أرخص من عندنا وهذا الشيء ما يقتصر فقط في سيارات أودي !! لكن في جميع السيارات الألمانية كانت أو غيرها .
الـ A7 بـ أمريكا سعرها كاملة المواصفات من رادار وكت S line ورؤيا ليلية .. ألخ بـ حدود 300 ألف ريال تقريباً .
مثل هذه مواصفاتها :

http://www.cars.com/go/search/detail/photos/multiPhotoPopup.jsp?paId=408215418&tracktype=newcc&aff=national#0

عندنا أسعار المعارض أقل من أسعار الوكالة بـ حدود 5 آلاف ريال ( لكن تأكد قبل لا تكون خليجية ) .

هذهـ A7 معروضه في أحد المعارض بالرياض A7 بـ 290 ألف ريال .
هذا رابطها :

http://www.saudisale.com/SS_a_car.aspx?carid=6101

لكن يفضل قبل تشتري منهم تتأكد في الوكالة من مسألة الضمان والصيانة والمجانية .
وبالتوفيق لك ....

[M.K.BA]

مثل ما قالك الأخ بندر وحاب أنبهك لنقطة إن الدفعة الأولى الي وصلت للسعودية كانت ناقصة المواصفات الي ذكرها الأخ بندر بالإضافة إلى تبريد المقاعد ولكن الأخ سامي ذكر خلال تجربته لها في أحد المواقع العربية الأخرى إن الدفعة القادمة ((أتوقع راج توصل بنهاية شهر رمضان)) راح تكون كاملة المواصفات عكس الفئة الحالية ...
وبصراحة السيارة جبارة وتخطف العقل ورايقة جداً وبالذات لو كانت باللون الأسود من برا وتوفي من جوا يطلع كلام كبيييير .. الله يكتبلك الي فيه الخير وتوصل بالسلامة وأنصحك بالوكالة أكثر من إنك تشتري من المعارض

[porsche fan]

اخوي نصيحة فالله , اذا ناوي عليها خذها من امريكا لا تاخذها من الرياض
لأن حتى الفل كامل عندنا اسوأ من الفل كامل الي عندهم , تلقى الفل كامل عندنا فيه اشياء ماهي موجودة باللي عند الفل عند امريكا , ومع ذلك السعر عندكم اخرص , خذها من عندك اضمن وافضل وارخص :)

[الأنماء الأزرق]

الف شكر وماقصرتو ياشباب السعر عندنا في امريكا والله مايفرق كثير اذا كان من الوكاله ولاتنسون شي اسمه التكاس هنا مرة غالي
ونا بصراحة ناوي من الوكالة وكنت متوقع في المعارض ارخص بشكل كبير بس اذا الفرق بسيط ادفع كامل واخذها من الوكالة
وان شاءالله الدفعه الي راح تاصل الرياض الدفعة الجديدة تكون كامل المواصفات لأن هنا عندهم نوع واحد وكامل الماوصفات

والله يكتب الي فيه الخير للجميع يارب

[الأنماء الأزرق]

شباب في احد عنده معلومة عن الرينج روفر سبورت متى راح يتغير جذرياُ
لأن بصراحة هنا في امريكا اسعارة مستعمل ونظيف مرة رخيص وفيه كذا واحد من الشباب ناوي يشتري بس خايفين يتغير قريب
اذا احد عنده معلومة لايبخل علينا وياليت اذا فيه روابط عن تغير الرينج تنحط هنا عشان نقراء ونشوف

[الأنماء الأزرق]

شباب مافي خبر جديد عن الدفعة الثانية من اودي a7 وصلت ولا لا وايش الفرق بينها وبين الدفعة الأولى

[الأنماء الأزرق]

شباب ممكن احد يفيدني دركسون الأودي A7 يجي فيه تخشيب ولا لا
وهل الموجود في الوكالة من الأودي A7 فقط نوع واحد ولا عده انواع

[Ahmed 11]

هلا اخوي .. سعر السياره الان 285 الف منزلين من سعر السياره 20 الف تقريبا من اول سعر لها .. الدركسون غير مخشب والفئه الي تنزل بالسعوديه فئه واحده فقط
غير متوفره ( تسخين وتبريد مقاعد + نظام الرؤيه اليليه)
اشتري السياره من امريكا افضل بسبب امكانيه اختيار المواصفات وخيارات اكثر + ضمان السياره + التعامل الراقي والمحترم مقارنه بتعامل السعوديه والله يوفقك ان شالله

[Vio]

شباب هل الاودي A8 GT 2011 تجي قير عادي ولا فورملا1 فقط

[الأنماء الأزرق]

شباب ابي المساعدة الميزانية من 250 الف ريال الى 300 الف ريال
انا اشوف الأودي a7 خيار ممتاز للميزانية اذا فيه احد عنده اي خلفية ممكن اشتري سيارة بالمبغ هذا بشرط يكون الشكل جديد ومن موديل 2011 لا احد يبخل علي
انا متردد بخصوص الأودي لان شفت عليها اكثر من لون وكل لون يعطيها شكل اخر

[الأنماء الأزرق]

شباب ممكن احد يفيدني بخصوص سعر بورش كاين 2011 وكالة او مستعمل نضيف
وش الفرق بين كايين العادي وكاين S غير الماكينة
لأني قريت السعر يقارب 300 الف ريال