ناوي أركب كت ألبينا على الـ740

[الوحش البافاري]

يعطيكم العافيه جميعاً .. عندي البي أم 740 Li موديل 2010 وناوي أركب لها كت الالبينا

http://www.glamcar.com/wp-content/uploads/2010/06/15.jpg

بس متردد ومتخوف من كذا شغله:


البودي كت من ناحية الثقل ما يأثر على عزم السيارة ؟
الجنوط بحجمهم الـ21 انج ما يضايقوني بالمطبات علماً انه اللي راكب عليها الحين جنوط 19 نفس اللي بالصورة تحت

http://www.autoline.com.au/photo.wsvc?size=800&pid=1&vid=1695385

وكم تكلفة البودي كت كامل بالريال ؟
وكم تكلفة الجنوط مع الكفرات ؟
وهل تركيب الكت سهل بالوكاله ولا فيه تعقيدات ؟

أفيدونا جزاكم الله خير

[IbRoOo]

اعتقد تكلفتها عادي جداً توصل ٣٠ الى ٤٠ الف والله اعلم !! اسأل بالوكالة ..
طبعاً ماانصحك تركبه برى الوكالة خل شغلك رسمي ..

اما من ناحية العزم سيارتك ٧٤٠ يعني ٨ سلندر ماتوقع عليها خوف ..يعني مكينتها وعزمها حلو !
و بصراحة كت الالبينا يعطيها منظر رهيب
اما الراحة اكيييييد تبي تفرق معاك لان الجنط بيكون كبير .. لكن اذا هاوي الكت و معجبك ماتوقع بيكون مشكلة كبيرة لك

بالتوفيق

[M.Suliman]

اخي العزيز
الكت خفيف جدا لن يأثر في عزم السيارة ابدا

الجنوط لازم تكون خفيف على المطبات يعني لا سمح الله لو اكلت مطب او حفره بسرعه قويه يمكن يروح الجنط يخرب

بس راح تأثر في مستوى الفخامه راح شوي تخف مو كثير
كل ما كبر الجنط وقل العجل الصدمات اقوى

وكم تكلفة البودي كت كامل بالريال ؟
يكلف الكت بحدود ال 30-35 الف ريال بالضبط

وكم تكلفة الجنوط مع الكفرات ؟
شامل مع السعر فوق

وهل تركيب الكت سهل بالوكاله ولا فيه تعقيدات ؟

لا ابدا مافي تعقيدات
اذا كان الكت متوفر ممكن يجلس اسبوعين بس
وسهل تركيبه

اتمنى اني افدك
تحياتي

[الوحش البافاري]

مشكووورين على تواصلكم ما قصرتو :)

حبيبي IbRoOo الـ740 بالشكل الجديد تجي 6 سلندر مو 8 بس توين تيربو

M.Suliman من أي ناحيه الكت يقلل من مستوى الفخامه ؟ بالعكس أتوقع راح يزيد من فخامتها الا اذا قصدك انه الوكاله ما يضبطونها عدل بالتركيب

ومعقوله الكت بس 35000 ريال مع الجنوط والكفرات ؟ عندنا بالكويت جنوط الـ20 مع الكفرات بروحهم 25500 !

[M.Suliman]

^^^^^^^^^^^^^
يقلل من نسبة الراحه بفارق بسيط جدا
قصدي على الجنوط فقط كل ما كبر الجنط قل نسبة الرحه
فقط الجنط له دخل اما الكت لا بالعكس يعطي السيارة انسيابيه اكثر وجمال اكثر ومافي اي مشاكل .
بالنسبة للسعر انا اذكر مره سألت كذا سعره طلع معي
وانت انسب شي اتصل في الناغي تلفون واسأل ما راح تخسر شي

تحياتي

[by-design]

http://www.adv1wheels.com/adv1wheels/advgal/cache/bmw/bmw-760li-adv7dc/5374267985_d273b3e172_b_w1024_h680.jpg

[الوحش البافاري]

أها مشكووور حبيبي M.Suliman

يعطيك العافيه حبيبي by-design لكن أنا أفضل كت الألبينا ما في شي مثله ولا تهوون تعديلاتكم :)

[ماهرالحربي]

الكت ماراح يؤثر على التسارع إلا بشيء لايذكر ( أقل من 0.1 ثانية في التسارع من 0-100 ) .....

لكن يؤثر على الراحة بشيء ملموس وليس بالكبير ....

والتركيب بسيط ... أما الأسعار فالأفضل تروح للوكالة بنفسك وتشوف ....

بالتوفيق .....

[M I X I S]

بالنسبة للكت ما عندي خليفه
و ما اعتقد انه موجود ..

اما الجنوط
اذكر مره اني شفتهم بالصيانه في قسم الاكسسوارات
بـ 37 الف اذا ما ني غلطان ..لكن بدون الكفرات ..

يعني اتوقع الكت
راح يكون بمبلغ كبير ..

انصحك تروح و تسال ..

اما بخصوص النصيحه في التركيب
فانا اشوفها خطوه ايجابيه و ما راح تعيق عزم السياره
لكن المشكله هي في القساوه
لان الجنط مره كبير و راح يعذبك في المطبات
وهذا الكلام عن تجربه ..

لذلك القرار في النهايه راجع لك ...

[الوحش البافاري]

يعطيكم ألف عافيه على التواصل انشالله بزور الوكاله وأسأل