المساعد الشخصي الرقمي

مشاهدة النسخة كاملة : مساعدة في 740LI مستعمل ..


تاهو 71
05-07-2011, 09:03 PM
السلام عليكم و رحمة الله و بركاته ..

انا صار لي فترة ادور عن بي ام 740 مستعمل , ميزانيتي تقريباً 240 الف , لقيت وحده اليوم في معارض النسيم بـ 240 الف 740 .. ماشية 40 الف , بس مرشوش الباب الخلفي الايمن .. و الرش موب واضح وش رايكم فيها ؟

و لقيت وحده لونها ابيض في نفس المعرض 2010 بـ 240 بعد يقول توها جايتنا و ما ندري عنها شي

عموماً , لقيت 740 اسود من جوا بيج ماشيه 42 الف بالتمام و سعرها 230 الف !

لقيت كثير بس في شي محيرني و ابي اسألكم عنه جزاكم الله خير


شفت كثير 740 و 730 خليجي , و اغلبها كويتي , فـ السؤال هنا اقدر ادخلها الضمان ولا لازم افتح لها ملف ؟

و اذا فتحت لها ملف كم يطلبون مني مبلغ ؟ :confused1: و وش رايكم في الـ 740 بـ شكل عام اذا ممشاها تحت الـ 40 الف ؟


و جزاكم الله خير
porsche fan
05-07-2011, 09:37 PM
والله شوف .. انا صراحة ما أأيد انك تاخذ مستعمل وميزانيتك حلوة كذا ..
لأن على قد ما تشوف انها نضيفة ما تدري الي قبلك كيف كان يستخدمها ويمكن ما يمديك تطلعها يومين الا وبدت المشاكل بالسيارة .. انا اقول فكر واستخر .. وبعطيك خيارات بميزانيتك وراح تكون وكالة ان شاء الله .. عندك اول شئ الأودي A6 .. وهذا موضوع تجربه عن السيارة شوفها وشوف رأي سامي الله يجزاه خير عن السيارة
http://www.assayyarat.com/forums/thread241167.html (http://www.assayyarat.com/forums/thread241167.html)

وهذي صورة للسيارة :
http://www.saudishift.com/wp-content/uploads/2010/12/04-2012-audi-a65-620x413.jpg
تاهو 71
05-07-2011, 09:43 PM
حياك الله اخوي , الاودي ركبتها و سويت تيست درايف لها في وكالة الضباب , ما عجبتني ابداً ماعرف ليش

انا جاط عيني على البي ام و ما ابي غيرها , بس ابي اعرف كيف افتح لها ملف اذا كانت خليجية !
ماهرالحربي
05-07-2011, 11:22 PM
740 رائعة من جميع النواحي ....

واللي إنت لقيت سعرها مقبول نوعا ما بشرط أن تكون كاملة المواصفات ....

بالنسبة للضمان ماعندي خلفية عنه لكن يفيدوك الإخوان إن شاء الله ....

بالتوفيق .....
تاهو 71
05-07-2011, 11:30 PM
حياك الله اخوي ماهر و يعطيك العافية , و في منها كثير و بنقي الانظف و الافضل بس محتار في الضمان و كيفية فتح ملف

افيدوني الله يعافيكم :)
تاهو 71
06-07-2011, 04:13 AM
.................................
M I X I S
06-07-2011, 08:16 PM
اللي اعرفه ان البي ام عليه ضمان خليجي سنتين و محلي 3
لكن لا اعلم اذا هو داخل في الصيانه المجانيه او لا .؟؟

بالنسبه للي شفته بالمعرض
اذا كنت متاكد انه سليم 100%
و ان الرش خارجي ما اثر على الاجزاء الداخليه و شاصي السياره
توكل على الله
لان عليه الصيانه المجانيه و ما راح تدفع غير الفحمات و الكفرات ..

و طالما انها 740 فهذا شي مشجع كونها كامله المواصفات
و اسياتها تختلف عن ال730 و اكثر راحه ..

بالتوفيق في اختيارك ...
المحترم!
07-07-2011, 02:51 AM
الـbmw عليها ضمان سنتين من المصنع ..خليجي ولا سعودي مايفرق بالضمان ..

اللي يفرق الصيانة المجانية ..بس بالسعودي ..
والـ740 لها سنيتن عندنا ..رائعة ..بس فيها عيب الكفرات ..حاول إنك تشتري جنط 19 اللي مكحل ..شكله مقبول + مايحبل ..
لأنه عندنا جنط 20 الكفرات الخلفية غيرنا طقم 3 مرات خلال سنتين !! ..الأمامية هي اللي عليها المشكلة ..يمكن غيرنا 5 أطقم ماني متذكر بالضبط ..
والله لو إننا نفحط بالسيارة تفحيط ونحرق الكفرات حرق ماتوصل للدرجة هذي ..بس الحمدلله أغلبها تغيرت على الضمان ومجاني ..
IbRoOo
07-07-2011, 03:11 PM
توكل على الله و لكن دوّر النظيف ... إتعب شوي لكن إن شاءالله يجيك شيء أنت نفسك مقتنع فيه إقتناع تام ..
بصراحة انا ما أشوف فيها شيء أبد إنك تاخذ سيارة مستعملة بهالسّعر .. دامها داخله مزاجك استخير وتوكل على الله : )

الـ ٧٤٠ الي لونها أسود و جوّا بيج .. بصراحة اختيار حلو جداً للألوان .. شف عنها وهل هي نظيفة او لا و كاملة المواصفات او لا ..

الله يوفقك ويكتب لك الي فيه الخير ..