وش رايكم بـ Porcshe Cayman ?

[بـآكـتـوهـ]

السلام عليكم و رحمة الله و بركاته



العنوان واضح ابي معلومات عن هالسياره و وش وضعها يعني حلوه ولا ما هي زينه و وش عيوبها ؟؟

[porsche fan]

اي نوع يا الغالي ؟ فيه منها انواع
هذا موقع البورش شوف النوع الي يعجبك وعلمنا ..

http://www.porsche.com/middle-east/_riyadh_/

[بـآكـتـوهـ]

اعلى نوع اللي هي R اظن

من ناحية السلندرات و قوة الاحصنه و الراحه و مميزاتها و التكنلوجيا اللي فيها الخ..

[بـآكـتـوهـ]

و هل السيارة تستاهل اني ادفع فيها سعر حدود 250 الف ؟؟

لان ما اشوفها في شوارع السعوديه ابد ما قد شفتها

[porsche fan]

لا بالعكس من قال ان السيارة مو موجودة بالسعودية .. اذا انت بالرياض روح التحلية مكان السيارات الفخمة والرياضية وشوف كم تلقى وحدة .. بالنسبة للسيارة اشوف انها ابداااع صراحة ويكفيك ان شركة البورش اخذت جائزة افضل سيارات اعتمادية وقله خرابات .. الكايمن R فيها 330 حصان يعني قوية قوية .. بالنسبة للتقنية فما ادري اذا تقنيتها عاليه او لا لكن كل الي اعرفه ان فيها شاشة وكاميرا خلفية لكن ما ادري عن الحساسات او لا .. لكن اتوقع فيها :) ..

بالتوفيق ان شاء الله ..

[بـآكـتـوهـ]

ابي معلومات زياده عنها لا هنتوا

[porsche fan]

يا الغالي الكايمن R توها جديدة وما كملت سنة من يوم نزلت يعني بالنت ما بتقدر تلقى كامل المواصفات عنها لأن على الاغلب للحين محد شراها .. افضل شئ تروح الوكالة وتشوفها بنفسك وتسأل عنها ..

[بـآكـتـوهـ]

اها ان شاء الله بروحله بكره

[SUPERCHARGED]

على مااظن ماتقدر تمتلكها الان
يمكن بعد 8 اشهر ! لان المصنع الان مقفل الطلبات
يعني كانهم لقوا لك وحده مانباعت او محجوزه وانفك الحجز منها كويس

[Energy]

صحيح ان الكايمن فئه صغيره من البورشه لكن ارقامها قدام المنافسين قويه

للمعلوميه الكايمن آر لايتوفر فيها مكيف !!! و ان ماخاب ظني لا مسجل ولا نافيقيشن لانها نسخه مخففه من الكايمن إس + اضافوا عليها كم حصان ...

يعني بالعربي سياره بدون مكيف ما تخارج في جونا الباريسي .

عندك الكايمن العاديه قوتها بقوه الكابرس و اللومينا إس إس تقريبا .

و الكايمن إس قوتها بقوه الـ bmw M3 الجيل القديم e46 ....

عن نفسي اقولك اتوكل على الله و اشتريها صدقني ماحد حط ريال في اي من سيارات بورش و ندم عليه ... أولا لانها قليله خرابات و عملانيه + تمسك سعرها خصوصا الكايين بس لازم يكون جيبك فيه فلوس تحسبا للمستقبل و ما يخبأه .

تحياتي لكـ