ما رايكم بـ Maserati Coupe

[A.O.K]

السلام عليكم

اخواني انا معروض عليا Maserati Cupe زي اللي بالصوره

http://images.nysportscars.com/pictures/32573978.jpg

لونها احمر بس من جوا ما اعرف لسا

المهم السياره موديل 2010 ماشيه 10 الاف كيلو فقط

على كلام الرجال ان السياره سعرها جديد 700 الف ويبغى فيها 200 الف فقط وممكن توصل 190 او 185 الف

ما رايكم بالسعر ورايكم بالسياره

وهل صيانتها وقطعها غاليه ام لا لاني اخاف اشتريها واتورط :bigggrin:

واللي عندو علم عن سعر الصيانه وكل كم كيلو يالليت يفيدني

وللعلم ان بيكون طلعاتي بها كشخه بس لوجود سياره ثانيه وممشى السياره ما حيكون اكثر من 10 الاف في السنه

وانا الحين امتلك X5 تنصحوني ابيعها واشتري المازيراتي

[aldehmee]

والله اذا كانت جديده سعرها 700 وذحين توصل 185 لاااااااااااااااااااااااااااااااااتفوتك

[CAPRICE-84]

مزراتي يعني بتكون قطعها رخيصة ..!؟؟؟
^
مافي امل


شكل الرجال تورط فيها ولا سلامات يبيع السيارة بأقل من نص قيمتها ؟؟!

تأكد منها لاتكون مليانة خرابات ..

واستخر قبل لاتشتريها

ولا شريتها كل الي بـ الشارع عيونهم عليها :wink:

[عاشق الاوبل]

والله سعرها غريب جدا جدا

يعني انا اشوف مثيلاتها بسوق ما بين 280 الى 320 الف مستعمل موديل 2010 الى 2011

بس 190 الف غريب جدا السعر تأكد اخوي من السياره لا تكون مصدومه او فيها اعطال

اذا سليمه 100% لا تفوتك و بنسبه لـ اسعار قطع الغيار اكيد غاليه اغلا من المرسيدس و الـ BMW و الاودي

تحياتيـ

[A.O.K]

السياره سليمه 100 % على كلامه

والرجال اللي بيبيع السياره صاحب اخوي اكثر من 10 سنين يعني مضمون

غير بكشف عليها لزياده الامان

بس كيف خرباتها كثيره ولا لا عشان ما ابغى اشتري السياره وكل شهر تطلعلي بخراب جديد

انا بصراحه عاجبتني السياره مره لفخامتها وانها مو منتشره

[M I X I S]

اخوي السعر 100% مشكوك في امره
و مستحيل تجيك بهذا السعر في اي حال من الاحوال ..
الا اذا كانت مصدومه او فيها خراب قيمة تصليحه خرافيه ..

نبدا معاك حبه حبه ..
يقول قيمتها 700 الف
يعني السياره من فئة جراند توريزمو اس
وهذي الفئة مستحيل توصل الى 200 الف او 300
للموديل 2010 ..!!

سالت قبل فتره عن اسعار الصيانه
الصيانه الدوريه بدون تغيير اي قطع
يعني زيوت و فلاتر و تشييكات عامه ع السياره تكلف 9000 ريال كقيمة ابتدائية
وتزيد على حسب سعر القطع ..

نصيحتي :
لو السياره فعلا سلميه و عرضها عليك بالقيمه المذكوره
اشتريها و بيعها على طول
وانا اضمن لك
انك تحط في جيبك 200 الف ريال مكسب كحد ادنى
وفي النهاية انت الربحان ...

[A.O.K]

يعطيكم العافيه جميعاً ما قصرتو

خلاص الغيت فكره شراء السياره لاني ما اقدر اتحمل تكاليف صيانتها وقطعها وخصوصا ان ما عليها لا ضمان ولا صيانه

وبخصوص اني اشتريها واعرضها اخاف تجلس بالشهور معروضه ومحد يشتريها ووقتها اتورط فيها بالذات انها غير مرغوبه