||| حصريا : أول صور تجسسيه لجديدة BMW 6 Gran Coupe |||..!

[SUPERCHARGED]

بسم الله الرحمن الرحيم ..

.
.
.
.

http://www.gulf4cars.com/vb/attachment.php?attachmentid=49322&stc=1&d=1308828094

http://www.gulf4cars.com/vb/attachment.php?attachmentid=49323&stc=1&d=1308828094

بتشتعل المنافسه وبنشوف مين بيغلب الثاني يامرسيدس ويابورشه ويا أودي
وبتولع المنافسه خصوصا بين البي ام دبليو والبورشه !

ننتظرها على أحمر الجمر

[B A N D A R]

رهيبة صراحة .
بس تمنيت يكون فيه إختلاف بينها وبين الفئة السادسة , مو مطابقة تماماً لها , كنت أفضل يكون فيه تميز بالإسطبات الأمامية والخلفية , مثل التميز بين الـ CLS والـ A7 والباناميرا , فيه إختلاف بينها وبين باقي الفئات من سياراتها .

الشيء اللي لفت نظري //
- حركة فتحة السقف , نفس تصميم فتحة سقف الباسات CC .
- الكاميرا الخلفية أعتقد راح تكون بالعلامة الخلفية مثل الباسات CC وبي أم الفئة السادسة .

ألف شكر لك أخوي سوبرشارج على الصور ولا هنت ,,

[ماهرالحربي]

الله يعطيك العافية وليد ....

ننتظرها ونشوف انجازاتها .....

[porsche fan]

شكلها بتطلع وحش وحش وحش
بأنتضار نزولها الرسمي وبأنتضار الأرقام بعد :) ..

يعطيك العافية وليد .

[الوحش البافاري]

مادري اشوفها عاديه وغير ملفته للانتباه ليتهم خلوها مثل شكل الكونسبت

[حازم HZM]

^^^^^^^^
من جد والله ,,, ليتهم خلوها على الكونسيبت كذا والله شكلها عادي جدا كانها الفئه السادسه كوبيه بس زادوها بابين بالخلف ,,, اذا نزلت زي كذا فانا اشوف انها زيها زي الاودي A5 و A5 SPORTBACK من ناحية انها نفس الشكل ولكن ببابين خلفية ولا ترتقي لمنافسة الباناميرا والـ A7 وغيرها ,,, تحياتي

[عجز الوصف]

^^^^^^^^^^^^

أنا ماني عارف تدخل ترد على مواضيع البي ام ليه مافي شي عندهم عاجبك


بصراحه أنا شفت الفئة السادسه على الطبيعه والسيارة جداً رائعه وراقيه بالتصميم لابعد الحدود وأتوقع هذي الفئة بتكون في نفس جمالها

[Rashod]

شكرا و ليد على الصور....
للأمانة أ نا ما هضمت شكل البي أم من نزول الفئة السادسة و الآن هذه السيارة مطابقة لها يعني ما هضمتها بزيادة.......
أنا ما أشوف (في رأيي الشخصي) انها بتنافس ال CLS أو الPanamera و ال A7 ما هضمتها كمان
مشكورعلى الصور

[IbRoOo]

Mercedes and Porsche هم التوب بنظري
البي ام بتطلع حلوه مره على الطبيعه ! ننتظرها ونشوف

[α3ž εℓ ηαss]

الفئه السادسه على الطبيعه رووعه بصراحه ..

اتوقع هالفئه ايضا بتكون راائعه ..

لكن للحين اشوف البورش و المرسيدس هم في قمة هالفئه :xyxthumbs:

يعطيك العافيه

[جني 92]

والله أشوفها رااائعة !!
بالعكس ... الفئة السادسة أكثر فئة عاجبتني في البي ام .. هي والفئة السابعة !!
ولو تطلع هذي تشبه الفئة السادسة .. صحيح مافيها شيء يميزها عنها .. بس بصراحة روووعة !!

* خاصة الداخلية !! لو تصير مثلها ... أجمل داخلية في بي ام !! *

مشكور أخوي على الصور التجسسية ! :xyxthumbs:

[SUPERCHARGED]

حياكم الله جميعا كلا بااسمه

انا لي وجهة نظري اخرى .. اتفق بعض الشي مع اللي قالوا لو فيها على الاقل تميز بسيط من برا كان افضل وعلى فكره ترا تقريبا بنسبة 90 بالميه نفس الكونسيبت

لاكن خل نجي ونحسبها .. انا من الناس اللي احب السيارات الدفع الرباعي بالمرتبه الاولى والمرتبه الثانيه السيدان الرسمي الفخم الكبير وثم الكوبيه

مثلا : انا عاجبني جدا تصميم الفئه السادسه الجديده صراحه شي خرافي وراقي جدا !
لاكن امامي حاجز ! اللي هو انها كوبيه ! وانا عندي مبدء مااتوقع بيجي يوم بشتري سياره كوبيه سعرها فوق 300 الف مهما كان نوعها !

بي ام دبليو وفرت لي الان " مب لي بالحالي :D" نفس التصميم على سيدان او ان جاز التعبير كوبيه بااربع ابواب .. خطوه جدا رائع

وعلى فكره بتكون اهيب من منافسيها من حيث الضخامه ! انا اشوف الضخامه بالسياره تعطي هيبه عجيبه ! لان مثل ماقريت مسبقا انها بتكون اعرض من الفئه السابعه واكثر نزول للارض وسقفها نازل كذالك وتحمل نفس محركات الفئه السابعه ..!

فيه شي اتمناهـ بس متاكد مارح يصير خصوصا بعد ماشفت الفئات الجديده من بي ام خخخ وطمعهم بالماده قبل كل شي !

اللي هو مايوفرون V6 بحيث يحدون من انتشارها وتصير جدا مميزه بالشارع ويكون سعر الـ640 بـ420 الف وانت طالع

تحياتي للجميع :)

[snksnok]

كويس تزيد المنافسة ونشوف الاروع,,وهذا اكبر دليل على نجاحة الكوبي اربع ابواب
من ناخية التميز فيكفي تميز بي ام
من ناحية المنافسين فكل يقول الزود عندي من وجهة نظري مرسيدس ثم بورش البي ام لما نشوفها نحكم

[الوحش البافاري]

فيه شي اتمناهـ بس متاكد مارح يصير خصوصا بعد ماشفت الفئات الجديده من بي ام خخخ وطمعهم بالماده قبل كل شي !

اللي هو مايوفرون V6 بحيث يحدون من انتشارها وتصير جدا مميزه بالشارع ويكون سعر الـ640 بـ420 الف وانت طالع

تحياتي للجميع :)


بالضبط ! الـ730 مثلاً منتشره عندنا بشكل فضيع وشكلها جداً قبيح مع جنوط الـ17 وين ما تلتفت تشوف وحده مادري ليش البي أم تقلل من هيبتها بالشكل هذا شوف المرسيدس مثلاً حتى الأس 350 شكله فخم والجنوط اللي تجي عليه شكلها مقبول أما الـ730 مع جنوط 17 أحط عليها علامة أكس كبيييييره لكن جنط 19 مثلا يغير السياره تماماً هذا غير الشكامين

يا أخي مو لازم الكل يشتري بي أم :) يا يقرقرش فلوسه ولا يشوفله سيارة أرخص :) لكن غير مقبول انك تقلل من هيبة سياراتك علشان والله الكل يقدر يشتري هذي أشوفها نقطة سلبيه تحسب على البي أم

[جني 92]

أعتقد والله أعلم أن سبب الانتشار هو العروض "وربما التقسيط" ...

اللي أعرفه ان المرسيدس ما كان أحد ياخذها غير كاش !! وهذا كان سبب عدم انتشارها سابقًا !! واللي كان معطيها هيبة !!

هل المعلومة صحيحة ؟؟؟ :c0214:

[SUPERCHARGED]

حياكم الله اخواني جميعا ..

الوحش البافاري تعال عندنا الرياض شف المرسيدس والبي ام وقسم كثر التراب !!

ترا حتى المرسيدس يجي جنوط صغيره تقل طيس ولا بعد وش الطامه ؟

والله بحارتنا هذاك اليوم مرسيدس أس جديد قصير مره طول الـE كلاس تقريبا ومافيه لا فتحته ولا شي ولا زينون وجنوط طيس او هي طيس صدق تشوفه تستحقره والله اخذ لي E كلاس اكشخ !

جني : ماعندي خلفيه بس اللي يبي اقساط يقسط عن طريق البنك ياخذ كاش من البنك ويسدد لهم :D

حياكم الله

[حازم HZM]

^^^^^^^^^^^^

أنا ماني عارف تدخل ترد على مواضيع البي ام ليه مافي شي عندهم عاجبك


بصراحه أنا شفت الفئة السادسه على الطبيعه والسيارة جداً رائعه وراقيه بالتصميم لابعد الحدود وأتوقع هذي الفئة بتكون في نفس جمالها

اخوي انا اعترفلك اني اكره البي ام لحد الجنون :a1120(82): باستثناء الـ X6 ولكن اقول رأيي بكل صراحه و بدون تحيز ,,, والسيارة فعلا من ناحيتي اراها اقرب لـ A5 SPORTBACK من A7 والباناميرا وارا ايضا ان اغلب الاعضاء ويفضلون بالبداية الباناميرا اولا وثم الـ A7 واخيرا البي ام ,,, عموما هذا الكلام مبدئي ولا يحكم على السيارة الا لمن نشوفها على الطبيعه ,,, تحياتي

[snksnok]

اخوي انا اعترفلك اني اكره البي ام لحد الجنون :a1120(82): باستثناء الـ X6 ولكن اقول رأيي بكل صراحه و بدون تحيز ,,, والسيارة فعلا من ناحيتي اراها اقرب لـ A5 SPORTBACK من A7 والباناميرا وارا ايضا ان اغلب الاعضاء ويفضلون بالبداية الباناميرا اولا وثم الـ A7 واخيرا البي ام ,,, عموما هذا الكلام مبدئي ولا يحكم على السيارة الا لمن نشوفها على الطبيعه ,,, تحياتي
وانت الصادق البورش والمرسيدس ثم الباقي

[SUPERCHARGED]

حياكم الله ..

من ناحيتي بعد ماشفت المنافسين على الطبيعه
1- الباناميرا المرتبه الاولى بدون منازع جميله خارجيا وداخليا وتدعس على المنافسين !
2- الأودي اجمل من المرسيدس خارجيا حتى لو كان كت AMG بعد ماشفته على الطبيعه ماعجبني مره بكل صراحه
3- فيه تنافس شديد بين الاودي والمرسيدس بالداخليه مع اني أميل للمرسيدس بنسبة 1 بالميه , بكل صراحه أودي بموديلاتها الجديده بدت تعجبني وبقوه أول تقريبا كانت مهمشه عندي ولا ترتقي للمرسيدس والبي ام دبليو !