محتار بين كراون فكتوريا و ميركوري مارودر

[ssjh]

السلام عليكم ورحمة الله تعالى وبركاته
انا اليوم عندي كم استفسار بخصوص كراون فكتوريا سبورت
وانا ما ادري وش اختار
هل اختار كراون فكتوريا او كراون فكتوريا (( سبورت ))
انا ابي واحده من فوق موديل 2004
رحت امس المعارض ولقيت الكراون فكتوريا العادية من فوق 35000
والكراون فكتوريا سبورت بـ 50000 تقريبا وما ادري هل هي غاليه او لا
لان تخصصي انا فقط ياباني (( تويوتا ))

واسئلتي حول الكراون فكتوريا العادية
هل هي ممتازة او لا
وهل يفرق الستاندر والفل الكامل او لا
هل المكينة قوية او لك عليها
هل تفرق عن الكران فكتوريا السبورت او لا
وهل اسعار القطع غالية او لا
وهل تصرف بنزين

واسئلتي حول ميركوري مارودر
سمعت ان مكينتها مكينه موستيخ على حسب ما سمعت
وهل في حال تعطلت اشتري لها نفس قطع الكراون فكتوريا او لا
وهل قطعها متوفرة هنا
وهل تنصحوني فيها او لا

وهل تنصحوني اشتري مستعمل من فوق 2004 او جديد
(( زاريد نبذة عن الاسعار ))

[مليّت]

يالغالي انت تقصد سبورت شكل فقط ولا قير ارضي وفتحة


على كل حال مافي اختلاف في القير الارضي الا الكرونة فقط وهي افضل اما باقي قطع المكينه كاملة نفس بعض حتى القطع الاخرى واللي قالك انها مكينة موستنق هذا نصاب محترف

اما وش تاخذ بكيفك انت وذوقك خاطرك في قير علاق ولا قير ارضي وكلها نفس بعض لاحد يقنعك ان القير الارضي خرابات كثير ومدري وش كلهن خوات


اما هل الفكتوريا تكد فهذا الجواب يفيدك فيه سيارات امن الطرق والدوريات اللي يسوقها في اليوم 5 عساكر وشغالة 24 ساعة تدور

ولاتنسى الاستخارة وانا اخوك

[ssjh]

يالغالي انت تقصد سبورت شكل فقط ولا قير ارضي وفتحة


على كل حال مافي اختلاف في القير الارضي الا الكرونة فقط وهي افضل اما باقي قطع المكينه كاملة نفس بعض حتى القطع الاخرى واللي قالك انها مكينة موستنق هذا نصاب محترف

اما وش تاخذ بكيفك انت وذوقك خاطرك في قير علاق ولا قير ارضي وكلها نفس بعض لاحد يقنعك ان القير الارضي خرابات كثير ومدري وش كلهن خوات


اما هل الفكتوريا تكد فهذا الجواب يفيدك فيه سيارات امن الطرق والدوريات اللي يسوقها في اليوم 5 عساكر وشغالة 24 ساعة تدور

ولاتنسى الاستخارة وانا اخوك

مشكور اخوي
وتم التعديل في الموضوع
بدل من كراون فكتوريا سبورت
الى ميكوري الرياضية

[عاشق CR8]

اخوي خذلك ميركوري مارودر لانها صحيح عليها مكينة الموستنج 32 بلف

302حصان صافي والسوبر شارجر 411 على ما اظن والمواصفات خيالية

هي افضل من الكراون فيكتوريا سبورت بالمواصفات وافضل من الماركيز

بالمكينة وعليها طبلون rpm اما الزيت زالحرارة فوق القير اما قطع الغيار لاتخاف

فهي نفس قطع الموستنج بالظبط بالنسبة للمحرك اما الداخلي فهو نفس الميركوري

ماركيز وازيد الا انة يصبر اكثر واطول عمر افتراضي من الكراون فيكتوريا

اما الكراون فيكتوريا قوتها شكمان واحد 224 حصان اما الشكمانين

حسب الاوبشن 239 حصان والفرق كبير بين الستاندرد والفل اوبشن

اولها ان فية تدفئة مقاعد وان المكيف ازرار مو فرار وفتحة سقف

اتمنى اني افدتك واسف على الاطاله

[bngo11]

المارودر مكينهـ موستينق واسأل اللي تبيـ

وصرااحهـ السيارهـ روعهـ مكينهـ + شكل خارجي جذااابـ

+ قطعـ

[ssjh]

بس هل قطع الميركوري مارودو قطعه متواجده هنا
وهل اسعار القطع غالية
دامها لها قطع ثانية غير قطع الميركوري يمكن تكون نادرة وغالية

[pikespeak]

الكراون فكتوريا سبورت شكل بس و المكينة نفس العادية و بعضها قير ارضي ومهي حقت مقاومات ودعس ابدا من ناحية قوة المكينة تسارعها 0-100 8 ثواني تقريبا لكن قيادة هادئة ومحركها مريح في الخط و قوته مرضية

المارودر مكينة موستنق 300 حصان و مالها قطع الا اذا كنت حتركب عليها قطع الموستنق او تجيب قطعها من برة (ماتسوى ماهي ذيك القوة الخارقة الا اذا كنت تبي النوع اللي فيه سوبر تشارجر)

والفكتوريا سيارة تتحمل عملية و صيانتها سهلة ورخصية وقطعها ارخص كانت عندي عشر سنين ماشاء الله بس زيت و بنزين وبريكات صيانة دورية

شكرا

[al.zaeem]

اخوي خذلك ميركوري مارودر لانها صحيح عليها مكينة الموستنج 32 بلف

302حصان صافي والسوبر شارجر 411 على ما اظن والمواصفات خيالية

هي افضل من الكراون فيكتوريا سبورت بالمواصفات وافضل من الماركيز

بالمكينة وعليها طبلون rpm اما الزيت زالحرارة فوق القير اما قطع الغيار لاتخاف

فهي نفس قطع الموستنج بالظبط بالنسبة للمحرك اما الداخلي فهو نفس الميركوري

ماركيز وازيد الا انة يصبر اكثر واطول عمر افتراضي من الكراون فيكتوريا

اما الكراون فيكتوريا قوتها شكمان واحد 224 حصان اما الشكمانين

حسب الاوبشن 239 حصان والفرق كبير بين الستاندرد والفل اوبشن

اولها ان فية تدفئة مقاعد وان المكيف ازرار مو فرار وفتحة سقف

اتمنى اني افدتك واسف على الاطاله
خذ مارودر لاتتردد انا مجربها حلوة جدآ زي ماقالك الاخ قطع المكينة حق موستنج كوبرا الواجهية نفس الماركوري والخلفية فكتوريا والمكينة موستنج يعني القطع متوفرة يعني لاتتردد والسعر حلو جدآ اذ كانت نظيفة انا الي عندي من امريكا ماخذها موديل 2003 طلعت علي تقريبا بــ 60 الف

[Meshal.M.Y]

انا بعيوني شايف كراون فيكتوريا سبورت مكينة موستنق