مشورتكم في شراء فورد.

[عزوز2009]

السلام عليكم ورحمة الله وبركاته :


أعضاء هذا المنتدى الكرام .... أسعد الله أوقاتكم بالخير والمسرات ...


حبيت أستشيركم في موضوع كونكم أهل الخبرة في هذا المجال.

أخواني الكرام:

مقر عملي يبعد عن مدينتي 1200 كيلو تقريبا وأبي أشترى سيارة جديدة ..

قررت أن أشترى فورد من الموديلات الأخيرة بدأ من 2010 .

لأن المسافة بعيده ويتطلب سياره مريحه مع الخط

أي نوع تنصحوني فيه وسمعت أن فيه أمريكي وسعودي وأيهما أفضل

أبي توضيح عن كل مايتعلق بهذا الموضوع.

وشاكر ومقدر لكم ...

[GT Blue 5.0]

كراون فكتوريا الكل يشهد انها حق كرف طبعا من فورد
التورس لسع محد يقدر يحكم عليها لانها لساعها جديده

[T.3.S]

اخوي خطر عليك كل يوم تقطع 1200 كيلوا

لو انا مكآنك اشتري لي شقه هنآك ولا استأجر واقعد فيها اذا جت اجازه ارجع مدينتك

بس ردي على موضوعك

انك تأخذ كراون فكتوريا حقت كرف ومريحة

[M.S.K-1990]

تبي سياره من قوة الراحه في الخط بيجيك النوم <<<انتبه لا تسويها وتورطنا :bigggrin:

خذلك لينكون( تون كار) مستعمل مديل 2006 وفوق سعودي فل
اسال مجرب ولا تسأل طبيب
شكل + قوة تحمل +فخامه +راحه +مواصفات حلوه للفل مثل الزنون والتدفئه وغيرها+قطع غيارها في كل مكان لان المكينه نفس الفكتوريا 100%

واذا تبي فورد عندك فورد تورس سياره حلوه وسعرها فيها واعتقد انها مريكه
لكن ما جربتها

[عزوز2009]

اخوي خطر عليك كل يوم تقطع 1200 كيلوا

لو انا مكآنك اشتري لي شقه هنآك ولا استأجر واقعد فيها اذا جت اجازه ارجع مدينتك

بس ردي على موضوعك

انك تأخذ كراون فكتوريا حقت كرف ومريحة

الله يعطيك العافية ....

أكيد أخوي أن أجلس وفي الإجازات أسافر لأهلي >> والله لو أني مثل معمر القذافي ماقطعت 1200 كـــ في اليوم .. هههههههههه

[عزوز2009]

كراون فكتوريا الكل يشهد انها حق كرف طبعا من فورد
التورس لسع محد يقدر يحكم عليها لانها لساعها جديده


طيب وقراند ماركيز >> فيه ناس تمدحه

[damar99]

كراون فكتوريا - قراند ماركيز - لينكولن تاون كار
كلهم 3 ااخوان
المكينة نفسها الشكل قرريب الداخلية نفسها تقرريبا كل شيء قريب
إلا الإسم فقـط
مثل التاهو- كاديلاك إسكليد- واليوكن

[NSA]

والله وانا اخوك اتوكل على الله وخذلك فورد وماراح تندم ان شاء الله

[عزوز2009]

والله وانا اخوك اتوكل على الله وخذلك فورد وماراح تندم ان شاء الله

قررت شراء قراند ماركيز 2010

أيش رأيك ؟

[SWEET SOUL]

اختيار في محله وع البركه مقدماا والله يعطيك خيره ويكفاك شره