اصحاب الخبره (لنكن )

[مجروح المشاعر]

السلام عليكم ورحمة الله وبركاته
يشباب انا عندي 50 الف وافكر في النكن مستعمل من موديل2006 وفوق هل احصل بالقيمه هذي نظيف
وملاك النكن ماهيا عيوبه ومميزاته مع اني اسمع الناس مادمدحه باني اشوفه نفس مواصفات الفرد ميكانيكيا

[أنـــــس]

وعليكم السلام ورحمة الله وبركاته


اليوم شايف تاون كار لؤلؤي فل كامل بفتحه ماشي 100 الف كيلو تقريبا 2006 مطلوب فيه 55 الف.


ان شاء الله بميزانيتك تحصل .

والتاون كار سيارة عمليه من الدرجه الاولى وقطعها نفس الفكتوريا والماركيز ماعدا الاكسسوارات .

ايضا الاكسسوارات يوجد منها درجات فالانوار الاماميه قيمتها مثلا 300 ريال والشبك الامامي 100 ريال .

اهم شئ تختار سيارة نظيفه

موفق

[ابو نادر]

السياره معي الحمدلله ماشتكيت من شي موديل 2006

[يزيد]

اهم شي تفحص على اداء الماكينة سلندر سلندر وتشيك على كويلاته (محول الفولتات في كل سلندر) لان اغلب الأمريكان يهملون غيار زيت المكينة وهذا يسبب قل كفاءة عمل الكويلات وبالتالي يؤثر هذا على اداء صمامات السلندرز وتجييمها وتبدأ المكينة تعتمد على السلندرز السليمة وتلاحظ ضعف عزم الموتر ... هذا بعض من تجربتي مع اللنكن

[أسعد سعودي]

اللنكون تاون كار سيارة يعتمد عليها وخدومة
وأفضل فئاتها البرميوم وهي بدل الكارتيه سابقاً ثم السجانيتشر
لكن السيارة ليست شبابية صراحة ..
وهي مناسبة لمن هو في عمر الـ ٤٠ سنة او يزيد .. *

وللمعلومية مكائن اللغراند مركيز ، والكرون فكتوريا ، واللنكون تاون
جميعها تحمل نفس المحرك او الماكينة ..*

[ttoo]

توكل على الله ..
وطقلك احلى تاون كار السيارة ماشاء الله حقت كرف ..

يعني يكفيك انك تلاقي سيارة فخمة بقطع غيار رخيصة ونفس الميكانيك تبع الفورد والميركوري .

انا معاية تاون كار 2002 والحمد لله ماعليه وافضل من الماركيز والفكتوريا لاحد يتفلسف عليك ويقولك مايتحمل و و و ..

وبالنسبة للي يقول شكله مو شبابي:wink: هذي اليومين الشباب انتشروا باللنكون وكثير مركبين جنوط وتطلع رووعة ماشاء الله .

ع العموم استخير والله يكتبلك الي فيه الخير.

تحياتي .

[مجروح المشاعر]

يعطيكم العافيه
انا ان شاء الله بطقلي واحد مستعمل
حاط عيني على ثلاث الوان اللؤلؤي - الاسود - العنابي
لاني بصراحه شفت محركاته نفس الفرد وعندي بعض الاسئله
س / هل قطع الميكانيكيه في الفرد نفس اللنكن
س / فئات اللكن وايهم افضل والفرق من كل فئه

[أنـــــس]

الفئات من 2004 وفوق هي (اكزكيوتف - سقنتشر- شقنتشر ليمتد )


والقطع الميكانيكيه نفس الفكتوريا والماركيز ومافيه خوف منها ورخيصه

[أسعد سعودي]

حاط عيني على ثلاث الوان اللؤلؤي - الاسود - العنابي
لاني بصراحه شفت محركاته نفس الفرد وعندي بعض الاسئله
س / هل قطع الميكانيكيه في الفرد نفس اللنكن
س / فئات اللكن وايهم افضل والفرق من كل فئه

نصيحة ابعد عن الالوان الغامقة .. وخلك على الالوان الفاتحة
مثل الأبيض ودرجاته .. ، او السماوي ..

فئات اللنكون تاون كار :
- برميوم ( بدل فئة الكارتير ) وهذا نادر وتحصله فقط إستخدام أمريكي
وظهر من موديل 2003 إلى 2011
- سيجنتشر لمتيد ( كامل المواصفات )
- سيجنتشر
- اكزاكتيف ( سياحي - لوموزين )

للتذكير هناك مقاسين للنكون :
الأول / شاصه طويل لارج L وهو غير مرغوب جداً بسبب طوله وتلاحظ الابواب الخلفية طويلة
الثاني / شاص عادي وهو المقاس القياسي والمطلوب دائماً*