يا أخوان بشتري سيارة يا اهل الخبرة ادخلو يعلم الله من وين دبرت الفلوس بس دقايق تكفون

[سطيحه]

السلام عليكم ورحمة الله وبركاته يا اخوان معي 75 الف بيدي والله يعلم من وين جبتهااا

من هنا ومن هنااا لين ماجمعتها :rolleyes1: المهم ابي اسالكم تجيب لي كابرس اس اس 2007 و 2008

... وقولولي وش الاشياء الي اركز فيها لاجيت اشتري طبعا باخذ مستعمل الله يوفقكم دلوني ..

انا وحيد اهلي ولا في احد استشيره الله يوفقكم يارررب :confused1:

[سري للغاية >]

75 الف يجيب لك كابرس اس اس 2007 او 2008 :wink:

بس كابرس و اس اس ما اعتقد تلقى نظييييف

اكيد كابرس اس اس كان مع شاب قومات و درفت وسرعة اقل تلقى مبرمج


اي سؤال تحت امرك


تحياتي لك

[شي ثاني]

75 تجيب لك بس مو نظيف ومثل ماقال الا سبقني تلقاه حق درفتات وهجوله ومقاوم..
بعدين الكابريس صرفيه يا غالي ومو اي واحد قده ويطلب كثير ..
خذلك سياره وكاله على يدك والله يوفقك

[ميتسوبيشي اوبس]

لاتتهووووور انتضررررررررررررررررررررررررررر

انت معااك 75 الف وعلى قد حالك اذا مالك ومال الشفر ليت ؟؟؟؟؟؟
الكابرس خراباته خراب ومشاكله مشاكل وقطعه غاااالية

نصيحة واحد خايف عليك خد الك هونداي وكالة وارتاح

خدلك سوناتا جديده 2011 وكالة وقطعها رخيصة وماتخترب بلعكس حمارة شغل وواسعه ورخيصة

وانت الك الخيار تاخد سيارة وكالة وقطعها رخيصة او سيارة ماباعها صاحبها الا من تعب السيارة

[damar99]

اخوي نصيحة لا تاخذ مستعمل
خذلك سوناتا جديد بانوروما وتدللع

[AL SHARIF]

سوناتا - ازيرا - كورولا

سيارات بفلوسك وجديدة على يدك وحمارة كرف وقطع غيار متوفر ومريحة ..

افضل مليوووووووووون مرة من الكابرس ويكفي انها جديدة وموديل السنة ..

نصيحة ابعد عن الشفر المستعمل

[saudi4ever]

حرام تحط هالمبلغ في مستعمل وعندك خيارات أكثر عملية وأكثر توفير

مثلاً بمبلغك هذا تقدر تشتري كورولا 1.8
أو سوناتا نص فل بانوراما أو كيا اوبتيما كلها نفس الشي ونفس القطع تقريباً


http://pictures.topspeed.com/IMG/crop/200907/2010-suzuki-kizashi-53_460x0w.jpg
أو سوزوكي كيزاشي 2.4 تراها ممتازة وقوية ومحركها عالي الأداء وغير كذا يابانية 100% ومواصفاتها ما تلقاها في الكابرس ولا اللومينا

نصيحة يا اخوي لا تقرب الكابرس
والله اني صادق والاخوان الي فوق ما قصروا

كل هالخيارات عندك وتناسب ميزانيتك وغير كذا اقتصادية لأبعد الحدود

الله يوفقك

[aboanoof]

مثل ماقالو اخواني اشتري اي سيارة الاssلانو راح يجيك معدووم وهو اصلن فيلو مشاكل وعيوب

اشتري سوناتا_النترا_سيراتو_اوبتيما

مبرووك مقدما

[المطلق001]

السلام عليكم ورحمة الله وبركاته

كما احب اني اقول لصاحب الموضوع بأنه ليس وحيد بين هذا الجمع من الأخوان وشاكر لجميع من اسهم برأيه نيابة عن صاحب الموضوع كما اني احب ان اسهم بمشاركتي واتمنى ان تحوز على رضاك وانصحك بهذه السياره من ناحية القوه والأستخدام والراحه والسلامه والأمان وهو من عند الله رب العالمين بلا شك

http://hh7.net/Mar4/hh7.net_13005648611.jpg


ساب ايرو 3-SAAB AERO 9
موديل 2008
حجم المكينه 2,8 لتر 6 سلندر
ناقل حركة آلي 6 غيارات
دفع امامي
مقاعد جلد آليه مع خاصية الذاكرة
شاشه و نظام ملاحه (لايشمل سي دي الخرائط)
جنوط ١٨ انش
اطارات كونتيننتال


الآداء
255 حصان
0 – 100 في 6 ثواني
السرعه 270 كلم



الاضافات
في كول كامل شفاف
تلميع زيبارت شامل (لم تستخدم السياره بعد آخر تلميع)
عضوية زيبارت السنوية (خدمه تلميع بنصف السعر)


تم شراء السياره جديده من الجميح في شهر سبتمبر 2009
العداد 28,500 كلم



بعض الصور الأضافيه


http://hh7.net/Mar4/hh7.net_13005648613.jpg
http://hh7.net/Mar4/hh7.net_13005648614.jpg
http://hh7.net/Mar4/hh7.net_13005648615.jpg
http://hh7.net/Mar4/hh7.net_13005654001.jpg
http://hh7.net/Mar4/hh7.net_13005654002.jpg
http://hh7.net/Mar4/hh7.net_13005654003.jpg
http://hh7.net/Mar4/hh7.net_13005654004.jpg
http://hh7.net/Mar4/hh7.net_13005654005.jpg
http://hh7.net/Mar4/hh7.net_13005657171.jpg
http://hh7.net/Mar4/hh7.net_13005657172.jpg
http://hh7.net/Mar4/hh7.net_13005657173.jpg
http://hh7.net/Mar4/hh7.net_13005657174.jpg


http://hh7.net/Mar4/hh7.net_13005659511.jpg


http://hh7.net/Mar4/hh7.net_13005659513.jpg

على فكره الموتر مازال تحت
الضمان وعلى قد فلوسك اذا حبيت
الموضوع منقول للأمانه

صراحه موتر يستحق ان الواحد يقتنيه
والموتر معروض للبيع اذا حبيت باقي التفاصيل انا حاضر ومستعد
وتقبل مروري ولك مني اجمل تحيه
ومعتمنياتي لك بالتوفيق
واأسف على الأطاله
:ch19:

[ابوالروم88]

السلام عليكم ورحمته الله وبركاته

اخوي والله ذكرتني باحالتي

نصيحه اخو والله مـافيه زي الجديد قالها لي ابوي الله يحفظه

(( مافيه زي السيارة اللي تركبها و تشم فيها ريحة الخواجه )) تعبير مؤثررر خخخخ

اخوي بحكم انناااا شباب نبغى سيارة شبابيه حتى لو كان فيها عيوب لكن القلب و مايهوى

والحمدلله جبت سيارة مستعمله بس والله نظيفه من امريكاااا والوالد نصحني ابيعها و اخذ جديد

استعملتها فتره بسيطه و استخرت الله وبعتها و اشتريت جديد

والله ما فيه زي الجديد .....

اخوي ما حبيت اخرج و ما اعطيك النصيحه وترااا الكابرس الله أعلم بحالته وكمان مستعمل اكثر من 3سنوات والله قهرررر وبعد فتره يطلب قطع اقلها قطع استهلاكيه

بالسعر هذا شوف لك كامري أو سوناتا بانوراما و ألتيما و غيرها


بالتوفيق ان شاء الله والف مبروك والله يعطيك خيرها و يكفيك شرها مقدمااااااا

[الـراسـي]

مثل ماقالوو

بتلقى كابرس

لكن مفجرررررررررررررر

[BnDooRy]

والله صادقين الاعضاء الاعزاء الكابرس ما يصلحلك ( على كلامك)
وتراه يشرب بنزين شرب مو طبيعي لكن والله احلى شي تطق لك سوناتا
فل اوبشن وكــآآآآآلـــه اظن فلوسك تجيب فل اوبشن والله السوناتا حلوة
انصحك فيها وترى حلوة اذا قلت سيارتي وكالة 2011 روح للوكالة وشوف
السوناتا المجدوعي او الوعلان واترك الكابرس لان الكابرس يتعب شوي
وبالنسبة للكورولا والـ الانترا تراها صغيرة شوي ومو ثابته بالخط اذا اسرعت
فانصحك بالسوناتا زي ما قلت رح للوكالة وشفها وشف مميزاتها ومبروك مقدما
وبعدين لا تقول ما عندي احد استشيره شف النشامى الي بهالمنتدى الله يحفظهم
واذا احتجت اي شي ما عليك الا تفتح الجهاز وحنا تحت امرك والله يوفقك ان شاء الله
ويرزقك بالسيارة الي يحبها قلبك

[mesh--007]

شوف انت تبي حركات الكول دفع خلفي ودرفت وكذا خذلك فورد لان الفورد مايقول اح والشفر انا اعرفه زين انواع الخرابات ايذا صار مستعمل

ايذا تبي سياره شبابيه وحلوه وماتطلب وجديده خذلك كامري او سوناتا الجديده او التيما
والخيار لك

[Saudi Cars]

واناا ايضا أؤيد رأي الأخوان

ابعد عن الكابريس المستعمل

وخذلك شي جديد .. ياباني والا كوري :)

[T.3.S]

نصيييحه اخوي لاتدور مستعمل ولا بعد كابرس و ss بعد لا والله جآك الموت

اولا الكابرس خربآته كثيير وهو جديد وشلون مستعمل و ss مثل ماقالوا الشباب

انه بيصير مستخدم مع شباب درفت ومقاومات انا انصحك بالسوناتا 2011

جديد ورييح نفسسك

[بوغريب]

كلام الأخوه كله على العين والراس :smile:

انا اخوك كنت مالك كابريس موديل 2004 وكان جديد من الوكاله على يدي

ويقول المثل .. أسأل مجرب ولا تسأل طبيب .. انا راح اعطيك تجربتي وان شاء الله تستفيد منها

و في مثل ثاني يقول .. من سأل ما ضاع .. وانت سألت وان شاء الله تتوفق بسيارة على ذوقك


الكابريس .. تجميع استرالي .. و مع الوقت يتفكك وتطلع خراباته .. ( لاحظ أني أتكلم لك عن الجديد.. فما بالك بالمستعمل ) .. المهم ...

يعني اول سنه وثاني سنه يمشي معك زي الحلاوة .. والسنه الثالثه والرابعه يبدأ يطلب ..
وكل شوي يخترب شيء وانت مجبور تصلح لأن ماعندك الا هي ..
أما السنة الخامسه فـ حدّث ولا حرج .. أنواع الخرابات وانواع الأصوات .. من وين تطلع لك ماتدري ..
وربي وديته اسوي عليه تشييك كمبيوتر على كامل السيارة .. قلت ابي اشوف الاصوات هذي وش سالفتها ..
وطلّع لي لســـــته وش طولها يقول كل القطع هذي .. بعضها انتهى عمرها .. وبعضها شبه أنتهى .. وكلها غيرها افضل لك ..
<< لو أحصرها لك .. اتوقع .. قد ورقة الطابعة مرتين كلها قطع ..


وما أزيد على كلام الشباب .. انت تدور SS يعني استخدام شبابي .. فـ لازم يكون ماكل حقه من راعيه الأول واذا ما غيّر وعدّل فيه .. وما راح يبيعه الا أنه ذاق منه الويل ..

وطبعاً معروف عنها قطع الغيار .. الكابريس واللومينا من أغلى قطع غيار السيارات ..
ويعني ما تقل عنها نيسان و بي أم دبليو .. هذي الثلاث شركات اغلى قطع غيار ..


انا اشتريت سيارة مستعمله وراح اقولك تجربتي .. وان شاء الله تستفيد منها << تراك طولتها هههههههههه

بعد الكابريس .. أشتريت فورد كراون فكتوريا سبورت ..
والحمدلله شريته من صاله وشيّكت عليه كل شيء وفحصته كمبيوتر وكل شيء تمام .. والسيارة استخدام امريكي ..
ولكن نصيحه وخذها حلَق في الأذن مثل ما يقولون .. مافي مستعمل ما يخترب ..
والله خلال سنه تقريبا حطيت فيه حول 8ألاف ريال .. وطبعاً معروف ان الفورد من أرخص قطع الغيار من بين السيارات الثانيه ..
وعلى فكره ترا كلها قطع عاديه .. يعني دينمو واقمشه وكفرات وزيوت واكسسوارات كانت ناقصه ..

والآن بقولك تجربتي مع موستنج 2007 .. اشتريته مستعمل بعد ههههههههههههه << مايتوب هههههه

الحمدلله ماشي معي أوكي .. ولكن دام السيارة مو جديده فـ لازم بتكون ناقصه اشياء كثيره
والى الآن خسرت عليه 5آلاف ريال على اكسسوارات واشياء عاديه ..


خلاصة الكلام أخوي العزيز ..
مافي أفضل من السيارة الجديدة ..
يكفيك لما تقول سيارتي جديدة .. موديل السنه .. 2011 ..
ومن ناحيتك ماتتعبك كل شوي في ورشه .. ويضيع وقتك وتضيع فلوسك ..
ولما تمشي على تشييكات الوكاله ..
من 4 الى 5 سنين ان شاء الله ماتحط فيها ولا ريال بإذن الله ..
واذا لك نية في بيع السيارة بـ أي لحظه ..
فـ انصحك بالتويوتا .. لأنه يمسك سعره ..
يعني تشتريها .. وبعد سنه او سنتين ما ينزل من سعرها كثير ..
بخلاف بعض الوكالات الثانيه .. بس تستخدمها كم شهر .. ينزل من سعرها 20 او 30 ألف ..
واذا تبغى الراحه فـ انصحك بالفورد ..
واذا ودك بالقوة والهيبه فـ انصحك بـ الموستنج ههههههه << ما يمدح سيارته هههههههه
>> لا لا ترا امزح معك .. دامك وحيد أهلك .. خلك راكد و مالك بالسرعة وانا اخوك ^^

أتمنى أني أفدتك أخوي ..

وآسف على الإطاله . . .

وأي اسأله او استفسارات .. حنا حاضرين .. وعندك الرسائل الخاصه خذ راحتك ..

دمت بكل خير . . .

[basil almaymani]

يا ابن الحلال عندك 75 الف وتدور مستعمل

ب 76 الف احصل جديد ومواصفاته حلوة

مثلا انا عن نفسي امدح في الماليبو موصفاتها حلوة وشكل وكل شي

واذا ما تبغى شفر عندك فورد فيوجن

واذا ما تبغى عندك هيونداي سوناتا بانورما او كيا اوبتما نص فل

او تاخذ كادينزا اقل نووع يقولو بالسعر هذا

وانا افضلك تنزل المعارض وتلقى الجديد بالسعر الي ذكرته

نصيحة مجرب لا تاخذ مستعمل

انا اعرف واحد من اقاربي اخذ سيارة مستعملة ناسي ش اسمها كانت ماشية 15 الف فقط

وطلع الكمبيوتر خربان
الخلاصة ( خذلك جديد ولو اقل خرابات اربعة الي خمسة سنوات ولا تفكر في شي )

واهم شي الاستخارة

[عاشق كلايسلر]

التيما ستاندر قير عايدي وكاله 2011

كيا كادينزا ستاندر 2011

سوناتا نص فل بانوراما + جنوط + اوتماتيك = 74 الف من الوكاله 2011

وكلها مواتر فخمه + اشكال جديده + مواصفاتها رايقه جدآآ

[saudi4ever]

اخوي

المطلق001

مع احترامي لك انت كنك تقول له "طب في النار" !!

ساب السيارة الوحيدة التي لا يمكن أنصح أحد انه يشتريها مع كامل احترامي وتقديري لك

ليس انتقاصاً منها بقدر ما هو خوف على أخونا الي حط هالموضوع وهو يطمح في نصح واستشارة صادقة وهو أوضح بأنه على قد حاله فلا أعتقد بأنه على استعداد بأن يقتني سيارة قد يصرف عليها أكثر من قيمتها

الساب لها ناسها الي ترغبها وتبحث عنها وهم من يعرفها أكثر من غيرهم

بالتوفيق

[المطلق001]

اخوي

المطلق001

مع احترامي لك انت كنك تقول له "طب في النار" !!

ساب السيارة الوحيدة التي لا يمكن أنصح أحد انه يشتريها مع كامل احترامي وتقديري لك

ليس انتقاصاً منها بقدر ما هو خوف على أخونا الي حط هالموضوع وهو يطمح في نصح واستشارة صادقة وهو أوضح بأنه على قد حاله فلا أعتقد بأنه على استعداد بأن يقتني سيارة قد يصرف عليها أكثر من قيمتها

الساب لها ناسها الي ترغبها وتبحث عنها وهم من يعرفها أكثر من غيرهم

بالتوفيق


مع خالص الشكر والتقدير على التنبيه ويعلم الله اني مالي لا في الناقه ولا في الجمل
اول شي السياره قيمتها بالوكاله مقاربه لقيمة السي تي اس ونفس المكينه
والسياره تعتبر مثل الجديد خاصه اذا علمت ان الضمان تبع
الوكاله ينتهي بعد سنتين او تقريبا 100000 الف كيلو
وصيانه مجانيه طول فترة الضمان في الوكاله وانا اخك
وكأستخدام افضلها على الكوري والياباني وانواع
كثيره من الأمريكي
والرجال يبي له سياره يستخدمها لاكن اذا كان يبي
يبيع ويشتري انا اضم صوتي لصوتك
ولولا اختلاف الأذواق لبارة السلع
وبالتوفيق لصاحب الموضوع
ومع التحيه لجميع الأخوان

[GX-T.p.O]

فكر في غير الاس اس مستعمل..

[كابريس2005]

اخوي عندك مبلغ تجيب لك سياره جديده وحلوه ومواصفات روعه
افضل من سياره مستعمله مهما كانت ..
يعني ماراح تصلح فيها لانها جديده

[taurus sho 2012]

انا انصحك بالسوناتا نص فل بانوراما

ولا تشارجر 6 سلندر فل كامل