كم سعر الاوبترا الله لا يهينكم

[mood15]

شباب كم سعر الاوبترا 2007 وهل هي سيارة جيدة يعتمد عليها ولو أحد الاعضاء عنده من ها السيارة شرط النظافة يتفضل ويضع المواصفات والسوم.
وشكرا علي مروركم

[CrUzE-4evEr]

سعرها جديده حول 40 -45 الف ..

مستعمله 15-20 ..

السياره عند خويي سياره جيده نوعا ما وقومتها حلوه

قامت ع كامري - التيما - ابيكا طبعا قومه بسسسس في الخطوط ماتششمها

[راعي الرام]

والله يا اخوي انا عندي اوبترا 2006 قير عادي ... اشتريتها جديدة من الوكالة وماشية الان 120 الف ... من يوم ما اشتريتها وانا ما ارحمها ... ما افتكر اني قد عشقت قبل فصلة البلف ( يعني مع الخط الاحمر في الار بي ام ) كرفت السيارة كرف الحمير امشي طبلونها وانا مشغل المكيف وحارق على 6.5 ... المشاكل اللي واجهتني :
# طرمبة البنزين خربت عليا ثلاثة مرات ( بسبب اني اخلي البنزين على الـ E عشين السيارة تكون خفيفة وتعطيني افضل تسارع )

# الكمبروسر حق المكيف غيرته مرة وحدة بس ( لاني كنت اشغل المكيف واطفيه وانا ماشي بالسيارة وهذا غلط ... لازم توقف السيارة بشكل كامل وبعدين تشغل او تطفي المكيف )

# دبة الرصاص انسدت ( فرغتها و السيارة صارت انشط لكن تشرب بنزين كانها 10 سلندر )

# السيارة تجي بمروحة لديتر وحدة ... وهذا شي سيء ... دينمو المروحة عطل وصارت المروحة تفصل ... سخنت عليا السيارة وانفجر كوع المويا والخرطوش

# وللفت مروحة اضافية مع كتاوت وخليتها تشتغل مع السلف ...

خلاصة الموضوع ... السيارة لو كانت وكالة ولقت من يحافظ عليها رح تعيش 5 سنوات بدون اي مشاكل ... ماعليك الا انك تغير الحاجات الاستهلاكية ( اقمشة - فلتر زيت - سيور - ... الخ )

لو لقيت اوبترا ماشية اكثر من 40 الف لا تاخذها حتى اذا كانت قير عادي ( فمابالك بالاوتوماتيك ) جربت اوبترا قير اوتوماتيك وكانت جدا سيئة ... لو كانت السيارة الوحيدة في العالم ماراح اخذها وهيا اوتوماتيك ... ادقها مشي طول عمري ولا اخذ اوبترا اوتوماتيك

اما اذا تبغا تاخذها جديدة ... ولو انك انسان منتا راعي سرعة وتفحيط وتحافظ على السيارة ... اقولك خذها وانتا مغمض ( كلامي على القير العادي !!! )

[mood15]

مشكور علي الايضاح راعي الرام بس ما عيب الاوبترا الاوتوماتيك ارجو التوضيح

[راعي الرام]

مشكور علي الايضاح راعي الرام بس ما عيب الاوبترا الاوتوماتيك ارجو التوضيح

القير مايغير بسرعة ... يعني يعلّق ( يحتاج ثانيتين او ثلاثة احياناً عشان يعشق من الاول للثاني ) وهذا الشي رح يسبب لك مشكلة في البلوف
غير كذا القير صناعته رديئة يعني بعد فترة يبدأ يطلع اصوات وطقطقة ... وأحيانا ما يفك من الـ P ... يعني تدعس فرامل وتبغا تعشق من الـ P إلى الـ D ... القير ماراح ينزل معاك ( عصا القير ماتتحرك )
فـمن مبدأ الابتعاد عن القروشة والبقاء في السليم نصيحتي لك خذ قير عادي ...