اصحاب الكوابرس واللومينات من 7 الى 2010 الله لا يهينكم

[فوااز]

سلام عليكم ورحمه الله وبركاتهـ

انا مخطط اشتري لومينا S 2011

عاد انا ناس كثار قالو لي خرابات وخرابات وناس قالو لي ممتازة

انا الحين ابي اسال اصحاب اللومينات والكوابرس 2008 و 2009 و 2010 و 2011

يعني لا يجيني واحد عنه فورد او غيرهـ ولا هو حول اللومينا ويتفلسف على مخي ويقولي يلا توكل على الله وخذها

لان كذا منتدى ادخل عليه اطلب رايهم يجيني واحد عندهـ كيا ويقولي الكابرس ممتاز وهو مو حول الكابرس حتى يقولي ماعرف عنها شي طيب دام ماعندك سالفه ليه تتفلسف على مخي

المهم ماعلينا من هالموضوع

انا ابي اعرف عن المكينة والقير والكمبيوتر وهالخربطه يعني الاشياء الاساسية
كيف هل هي ممتازة ولا لا
لان اشوف ناس تقول عندهم مشاكل في المكينة الي هي يطفي الموتر فجأهـ
ابي اعرف وش مشاكلها


شباب تكفون افهمو سؤالي ما اسال عن مميزاتها وكسسواراتها فتحه ولا جلد ولا زنن ولا جنوط

لا المكينة والقير والكمبيوتر كيف وضعهـ؟؟؟؟

ويعطيكم العافية

[nissan A]

سلام عليكم ورحمه الله وبركاتهـ

انا مخطط اشتري لومينا S 2011

عاد انا ناس كثار قالو لي خرابات وخرابات وناس قالو لي ممتازة

انا الحين ابي اسال اصحاب اللومينات والكوابرس 2008 و 2009 و 2010 و 2011

يعني لا يجيني واحد عنه فورد او غيرهـ ولا هو حول اللومينا ويتفلسف على مخي ويقولي يلا توكل على الله وخذها

لان كذا منتدى ادخل عليه اطلب رايهم يجيني واحد عندهـ كيا ويقولي الكابرس ممتاز وهو مو حول الكابرس حتى يقولي ماعرف عنها شي طيب دام ماعندك سالفه ليه تتفلسف على مخي

المهم ماعلينا من هالموضوع

انا ابي اعرف عن المكينة والقير والكمبيوتر وهالخربطه يعني الاشياء الاساسية
كيف هل هي ممتازة ولا لا
لان اشوف ناس تقول عندهم مشاكل في المكينة الي هي يطفي الموتر فجأهـ
ابي اعرف وش مشاكلها


شباب تكفون افهمو سؤالي ما اسال عن مميزاتها وكسسواراتها فتحه ولا جلد ولا زنن ولا جنوط

لا المكينة والقير والكمبيوتر كيف وضعهـ؟؟؟؟

ويعطيكم العافية
والله مدري

[O.Almazroo3y]

اللومينا والكابريس من موديل 2000 ولآآن فيها بعض المشاكل

لكن فوق الـ 2008 كلها انحلت تقريبا

[ااااالنت]

اخوي مكينه وقير من عندي بإذن الله انا اضمنها لك من خلال تجربه لي في كابريس واخوي في لومينا وولد عمي في لومينا10 سنين اذا منت براعي تفحيط ومطارحات اما الكمبيوتر والله ماقد سمعت احد عنده مشاكل في كمبيوتر
الكابريس من هالناحيه تطمن اما القير خذ من الموديلات الجدد اللي صارت 6 نمر احرص انك تاخذ من الموديل اللي طلع فيه واذا ماقدرت ترى الاربع نمر ممتاز بس مايبيك تجور عليه وتفحط عليه وتطارح به واتمنى الله يوفقك اخوي وشكرا

[Cap2009]

اخي الكريم

خير الكلام ماقل ودل

لكي اوضح لك الفكره : عندنا بالبيت كابريس 2009 ltz ولومينا 2008 SS

اما لومينا انت تقول ابي اخذ S >>>انا بنظري اثنتين فقط...يا SS او LTZ ولحين صار فيه القير بـ 6 سرعات . تعدل نظام الكهرباء في السيارة بشكل كبير , الصناعة صارت أفضل و أجود من السابق , الدفرنس صار أفضل و الترانزقو مشدود .


بصراحة انا اشوف الومينا سيارة رائعه والاداء عالي والمحرك حقها متطورة القير ماشاء الله

وماعمرها خربت علينا والناس اللي تقول لك انحش فيها مشاكل ..اساله اول شي شوف معه لومينا ولا كابريس

الكابريس 2009 خرب علينا ....طرنبت البنزين والكل عارف الخطا ..وديتها الوكاله وسوها لنا

والحمدلله وماشاء الله بس الحين اغير زيت لها مادخلت مشاكل ثانيه

اغلب الناس تعيب على الشي وهو ماعنده امريكي

وبنسبه لكلامك حول الفتحه والجلد والزنون والجنوط

انا بحكم عمري اشوف ماتهمتني بخصوص الفتحه اذا انت من اهل الرياض ماتصلح الفتحه نهائيا
من زين الاجواء عندنا غبار وبعد فتره تصير الفتحه تعلق

اما الجلد ...في البرد بارد وفالصيف حار..

بخصوص الزنون والجنوط : انت ورايك


وفيه النهاية/: صلاه الاستخارة افضل...لانك راح تتعب من كلام الناس والاختيارات

وبالتوفيق لك

[فوااز]

طيب يا اخوان الصرفية كيف يعني بالاسبوع
طبعا اكلم الحين الي مجربها ولا يجر عليها ولا يدعس عليها كم تتم معكم سبوع ولا اقل؟؟

[نـاصر]

^^

انا الفل بالرياض يجلس معاي 4 ايام

بس دووران

[ماجد ال اس]

عزيزي انا املك كابرس موديل 2007 ماشي 95 الف ماشاء الله

ماغيرت فيه غير رمانة كفر خلفي فقط سعرها 340 ريال (هذا غير الاشياء الاستهلاكية طبعا)

السياره ماعليها اي كلام من ناحية القير والمكينة

اقمشة الفرامل تدوم معك حتى 60 الف كيلو

واي استفسار انا حاضر

[فوااز]

طيب الصرفية معك كيف؟؟

[Caprice1411]

عندي كابرس رويال 2008 ماشي 70 ألف (ماشا الله)
ما غيرت فيه إلا الأقمشة مرة وحدة والمساحات الأمامية مرة وحدة
وزيت القير مرة وحدة
بالنسبة لزيت القير احرص انك تغيره في الوكالة لأن الزيت الأصلي لايوجد سوى في الوكالة واللي يقول عنده مشاكل في قير الكابرس أو اللومينا فالمشكلة من زيت القير المقلد

أما استهلاك البنزين: أعبيها فل 95 بحوالي 40 ريال أمشي عليه 400 كيلو تقريبا داخل المدينة.

لا تتردد أبدا بشراء اللومينا
وبالتوفيق

[علي الشمري]

اخوي انا معي كابرس ال اس 2009 الحين ماشي 60 الف الحمدلله
ماغيرت فيه شي وكااااله
والي يقول خرابات شف وش معه اول شي
واخر شي السياره على الاستخدام

[احمد 999]

اخوي فواز انا املك لومينا LTZ 2007 والحمدلله ماشتكيت منها ولا شي وماشي معي زي الحلاوه ماغيرت لا القطع الاستهلاكيه والسياراه تطورت مو زي الموديلات السابقه وماعليك من اللي يقول كلها مشاكل وخربات