تحذير من توكيلات الجزيره ( فورد )

[xXMANXx]

السلام عليكم
مساء\صباح الخير
انا بقلكم بموضوع حصل لي
وحاب اقوله لكم علشان الكل يتعض ولا يطيح في الي انا طحة فيه
انا طلعة لي سيارة فورد اكسبلورر 2009 من توكيلات الجزيره
وطبعن كنت اوديها صيانه بعد كل فتره
ويخلونها عندهم يومين واجي احصلها ماشيه والله مره حصلتها ماشيه حوالي 80 كيلو
ورحت اشتكيت قالو احنا نجربها ونشوف اذا فيه مشيها شي
طبعن مشيتها لهم
ومره والله ياجماعه حصلة العامل راح يجيب فيها غدا
ومشيتها
وكان ياخذوت علي مع كل صيانه حوالي 600 ريال
وامس رحت غيرت لها زيت في بنشر عادي
وجاني عامل البنشر قال انا بنصحك سيارتك جديده وحرام تسوي فيها كذا
قلت خير
قال الزيت لك حوالي سنه ماغيرته
والسيفون والله راح فيها ومعي القطع الان السيفون
قالي الحق سيارتك ترى اول مايخلص الضمان بتخبط
وانا بشتكيهم ان شاء الله
بس حبيت احذر الاخوان لانها و الله حاجه تقهر سياره جديده وياخذون شهرين حوالي 600 ريال
فاتمنى الكل يفحص سيارته ولا يثق فيهم ابدا
هذي صور السياره
http://www.sarab14.com/up/download.php?img=596 (http://www.sarab14.com/up/download.php?img=596)

http://www.sarab14.com/up/download.php?img=597 (http://www.sarab14.com/up/download.php?img=597)

http://www.sarab14.com/up/download.php?img=598 (http://www.sarab14.com/up/download.php?img=598)

[خليد عينين]

الله يعطيك خيره ويكفيك شره

والحذر واجب وانا اخوك وجزاك الله الف خير على نصيحتك للاخوان

بالنسبه لي لك الله من خذيت الموتر هي تشييكه وحده والباقي ماعاد شافو وجه الموتر الى يومك وماشي معاي 85000 الا الان والحمد لله ماشفت منه الا العافيه الله يبارك لنا وياك في مارزقنا
وسالفه التشييكات من عرفت السيارات وانا ماني مقتنع فيها احسها نصب وعمليه سحب فلوس على الفاضي وانا اخبر بموتري عن ابو هنود والفلبن الي في الوكاله وماعليك منهم خرابيط فاضيه بلا كمبيوتر بلا هم ان جاه شي اقرب ورشه وانت بعقلك تعرف وش خراب الموتر

[رنج بلو]

مرحبا بك اخي وشكرا لك على التنبيه..
ولكن قد لا يكون كلام البنشري في محله
انا هنا لا ادافع عن توكيلات الجزيرة فلم اسمع
عنها الا خير ولكن ان كنت متأكد بنفسك فأذهب عاجلا
بالشكوى..
وبالنسبه لقضاء حوائج العمال بسيارات
العملاء التي في الصيانة فهذا شيء شبه مؤكد في اغلب
مراكز الصيانة يخرجون بسيارة العميل بحجة التجربة ليقضوا
حاجاتهم في اوقات الضرورة القصوى فلا احد منهم يتحمل ان يحدث
مكروه لهذه السيارات , واستبعد ان يحدث في الوكالات هذا الامر..

[xXMANXx]

مرحبا بك اخي وشكرا لك على التنبيه..
ولكن قد لا يكون كلام البنشري في محله
انا هنا لا ادافع عن توكيلات الجزيرة فلم اسمع
عنها الا خير ولكن ان كنت متأكد بنفسك فأذهب عاجلا
بالشكوى..
وبالنسبه لقضاء حوائج العمال بسيارات
العملاء التي في الصيانة فهذا شيء شبه مؤكد في اغلب
مراكز الصيانة يخرجون بسيارة العميل بحجة التجربة ليقضوا
حاجاتهم في اوقات الضرورة القصوى فلا احد منهم يتحمل ان يحدث
مكروه لهذه السيارات , واستبعد ان يحدث في الوكالات هذا الامر..
هلا حياك اخوي
شاكر لك تعليقك على الموضوع
ولاكن انا شفة السيفون والزيت بعيوني
الزيت صار زي المويه مافيه اي لزوجه واسود
والسيفون شفته والله تقول مفتت من المشي
وبتوفيق يارب

[A7maD.M]

الله يعينك اخوي .. والله شي غريب ان وكيل ويسوي كذا .. !!

توكيلات الجزيرة ماكان كذا للاسف كل الشركات الحين كذا ..

الحمد لله انا مرتاح مع التوكيلات العالمية ..

[هنا وهناك]

الله يستر .. وما خفي كان أعظــم ؟؟؟

[abumuaz]

كل الوكلاء سيئين ...... مافيش حد احسن من حد

[سفير فوق العادة]

والله وانا اخوك حنا ما نعترف بالوكالة الا عند الشراء بس وقطع الغيار

[محبكم2010]

لا نستبعد هذا الامر

[hwi]

اشتكهم اخوي لاكن المشكله
كيف تثبت كلامك ؟
بيجحدونك سلام سلام !!!!!!!!!!
الله ييسر امرك وامر المسلمين

[+KoRn]

من جد شي لايغفر لهم

حتى ابسط الصيانه تغيير زيت

يلعبون على العالم وضحك على الذقون

حسبي الله عليهم لاني كنت متخيل ان توكيلات الجزيره ممتازه

طلعو اغلبهم اسوء من بعض

[ابو لمار وميار]

جزاك الله خير عالتنبيه..