أسعار تعديل برابوس ؟؟!!

[صعـب المنـال]

بسم الله الرحمن الرحيم
السلام عليكم ورحمة الله وبركاته وبعد
أنا إن شاء الله راح أشتري مرسيدس E Class 350 coupe 2011
كنت راح آخذ عليها كت AMG لكن يوم شفت البودي كيت حق الـ برابوس صرفت النظر عن الـAMG
حبيت أسأل فيه حد يعرف كم أسعار البودي كيت حق البرابوس
أو أسعار تعديل داخليه السيارة (طبلون ولون الجلد وغيره )
ياليت تفيدوني بأي معلومه تعرفونها
ومشكورين مقدما ^_^
محبكم / صعـب المنـال

[Night]

تم نقل الموضوع من قسم ارشيف الاستفسارات الى نادي السيارات الالمانية والاوروبية

[Hurricane]

إلي أقدر أفيدك فيه أن تعديلات برابوس

مرة مرة غالية ( أضعاف AMG )

إذا تبغى تعديل داخلية السيارة مرة صعب

ولكن لو لقيت من الخارج ( جنوط وكت )

ما يقل عن 70,000 ألف

[SUPERCHARGED]

نعم مثل ماقال اخوي Hurricane
اذا تبي جنوط وكت مارح يقل على 80 او يزيد عن 80 الف !
واذا تبي مراتب مع محرك مارح يقل عن 500 الف غير قيمة السياره

يعني اذكر الرنج بالوكاله يقول سعر الرنج السبورت 390 الف واذا تبي عليه كت خان تزود 400 الف غير قيمة السياره يعني راح يطلع بـ790 الف ريال !
اروح ادور لي بنتلي ولا روز مستخدم احسن لي !!

ماانصحك تركب البرابوس خذ لك اي ام جي ووفر فلوس والاي ام جي جميل وبنظري اجمل من البرابوس

[شبيه الريح CLS]

تعديل AMG هو الاجمل بنظري .. وبإمكانك تطلب بعض الاضافات اللي مو موجوده في بعض سيارات ... مثلا تخلي لون الجنوط بنفس لون الهيكل ...

وبصراحه اختيارك للسياره جدا رائع ولو تاخذها ستاندر بدون اي اضافات راح تعطيك تميز واناقه فوق ماتتصور ..

ربي يوفقك ويكتب لك اللي فيه الخير ومبارك عليك مقدما ويعطيك خيرها ويكفيك شرها ..

[صعـب المنـال]

مشكورين إخواني على مساعدتكم وشكلي باخذ بودي كيت AMG وكافي
خير وبركة ^_^