المساعد الشخصي الرقمي

مشاهدة النسخة كاملة : ابي رايكم اللي هو مهم لي


warrior1936
16-09-2010, 09:45 PM
سلام عليكم.
انا افكر في مشروع صغير على كدي اللي هو اني اشتري سطحه صغيره واجرها على سواق مو على كفالتي وعرض علي الفين في الشهر؟ وش رايكم؟
فديت اللي ينصحني,,,,,,والله ادعي له
Abu Ghada
16-09-2010, 10:36 PM
والله يا أخوي ما أنصحك لأنه لو السواق على كفالتك قلت الله يقويك لاكن السواق مو على كفالتك وانت عارف النظام يعتبر ضدك ولو يمسك على سيارتك راح تدفع غرامه كبيره بالألاف وانت غني عنها وكمان لو يعمل شيء خطء وانت ماتدري راح يسحبونك للشرطه انت مو العامل اللي مأجره لأن الشغله كلها مو نظاميه ولو يصير حادث دعس ووفاة لاقدر الله راح يجيبونك انت مو العامل لأنهم مايعرفون اللى انت العامل مايعرفون عنه اي معلومه فأ فضل انك تستشير كمان لو كان هناك فكرة ان النظام يسمح بموافقة كفيل العامل فهذا شيء طيب كل اللي ذكرته انا والله خوفاً عليك وحمايه لك قبل كل شيء انك تحمي جانبك النظامي ومو عيب أنك تسئل كمان.
Abu Ghada
16-09-2010, 10:37 PM
ونعتذر على عدم رد السلام قبل الأجابه وعليكم السلام ورحمة الله وبركاته لكى مني أجمل تحية وأتمنى لك التوفيق فيما يحبه الله ويرضاه.
warrior1936
17-09-2010, 04:27 PM
ونعتذر على عدم رد السلام قبل الأجابه وعليكم السلام ورحمة الله وبركاته لكى مني أجمل تحية وأتمنى لك التوفيق فيما يحبه الله ويرضاه.

اهلا,لا عادي والله يعطيك الف عافيه على المعلومات اللي كنت اجهلها صراحه:a1120(82): والله يكثر من امثالك.:xyxwave:
أبو زنيفر
17-09-2010, 04:43 PM
السلام عليكم
شوف اخوي دام انها بتسببلك مشاكل كفاله
شوف اشترلك بوكلين او شيول او اي شي من هذا النوع واجره على شركات مقاوله
اضمنلك واحسن
ويجيك مبلع جامد لانه يتاجر بالساعه
المدفعـ
17-09-2010, 05:30 PM
تصدق بالله ان الوالد يفكر مثلك ..بس مو سطحه

دباب اربع عجلات بشتري لواحد يمني يشتغل عليه ويعطيه كل شهر 1500

وانا لي الايام ضاغط عليه انه ما يشتري ..خايف عليه ..


نصحية ابعد عن مشاكل وغنيله