هل تقوم بغسيل سيارتك بنفسك؟

[الجوهرةES350]

السلام عليكم ورحمة الله وبركاته

كل عام وانتم باتم الصحة والعافيه ان شاء الله تعالى

في البداية انا اقوم بغسيل سياراتي بالمغسلة كل يوم اربعاء اوديها للمغسله واغسلها واحيانا مرتين بالأسبوع ... على حسب الجو وكل ماكان الجو سيء غسلتها...

لكن صراحة غسيل المغاسل مايرضى طموحي ولازم تحصل فيه عيوب مع الاسف ولامغسلة من مغاسل السيارات عجبتني الا مغسلة وحدة مغسلة محطة العربة بالتحلية وماجربتها لكن شفت سيارة صديقي ويقول مغسلها هناك وغسيلهم روعه وسعره 50 ريال...

وبما ان والدي صاحب مؤسسة دعاية والاعلان وفنان تشكيلي يشتغل ببعض المعارض بنفسه صحيح فيه عمال لكن صدقني ماحد يصلح الشيء الا صاحبه ويوكلهم بالعمل لكن بعض الامور الدقيقة لازم يشرف عليها بنفسه

من هالمنطلق قررت اغسل سيارتي بنفسي ولااشوف فيها اي عيب بالعكس مع ان كثير من الاصدقاء يقول اكثر ماكثر الله المغاسل ولا خل السواق ولا الي يقول ولله انك فاضي :confused1:

مااثر فيني هالكلام بالعكس زادني متعه بالغسيل :bigggrin: خصوصا اذا كان معاك شاي وناسة

رحت لمحلات ساكو وشريت مناشف شركة ترتل واكس وعددها 6 وشريت صابون ماقوايرز وعدد 2 كبار و صراحة ممتازة جدا جدا جدا وايضا شريت مواد ماقوايرز خاصة بالغسيل عن طريق الرش وظيفتها تلمع الدهان وتزيد العمق و بنفس الوقت تحمي السيارة

والسعر كل هذا ب300 ريال يمكن وبالنهاية الواحد يستمتع بشغل يدة

ماشاء الله تبارك الرحمن

الله يوفقنا واياكم لكل خير

اخوكم الجوهرةes350 :xyxthumbs:

[mso]

كلآمك في محله اخوي

بس بيني وبينك الشغله متعبه شوي يعني عشان تطلع بالنتيجه المرضيه يبي لك اقل شي 45 دقيقه


صح ان المغاسل ما تفي بالغرض بس كلها 20 ريال و تطلع السياره تلمع

[الجوهرةES350]

حاولت اعدل عنوان الموضوع وماقدرت ياليت احد المشرفين يعدل العنوان

الموضوع لنقاش عن غسيل السيارة

المواد المستخدمة؟صابون سيارات.فيري.غسيل بالمويا فقط؟ غسيل بالفيري

هل يغسل السيارة بنفسه؟ او لا ؟

والموضوع مفتوح لنقاش

[genes power]

لو سيارتي ددسن 85 لازم اغسلها بنفسي

لاني انا اعرف من البنقالي او الغسال بسيارتي خصوصا اذا كان لونها مميز ويحتاج عناية

ودائما استخدم منشفة تكون ناعمة ومالها نمش او اثر وماتحك في البوية

اما المنظف مااعرفه بس شفتها زماااان عند ابوي والى الان موجود واستخدمه ومتاز ويلمع صح بدون اثر

اما الحارس منشفته سودت ويمسح بفيري والحالة حالة

ورغم اني كل 3 او 6 ايام بالكثير اغسلها لكني احس بمتعة ومافي ملل خصوصا اننا على شارع كبير يعني تتسلى شوف واحد رايح وواحد جي وتطق معهم سوالف وشوي الا القى نفسي خلصت

يعني الشغلة بسيطة وومتعة ونتايجها ممتازة

اما محلات الغسيل

99% منهم من جنبها ولايهتم لنوع السيارة وايش تحتاج او ينظفها باخلاص

ومااروح لهم الا نادرا للتلميع فقط

.

وشكرا على الموضوع^^"

[AL-Quanass]

انا كنت أغسل في المغاسل بس ما كان يرضيني , والحين من يوم شريت السيارة وانا بديت أغسل بنفسي وكل الأغراض من ساكو

[alshammary1972]

مافيه لياقة لغسيل السيارة
بعدين مافيه سيارة اصلا هههههههههههه

[الحنووووني]

وعليكم السلام ورحمة الله وبركاتة

اما اني اغسلها انا مره مشكله ههههه

[abood-7]

انا دايم اغسلها عـ باب البيت تاخذ مني ساعة بس

على انه لونها لون العذاب كحلي

بس اذا الجو زفت والسيارهـ زفت وصخه مرهـ اوديها المغسله

والشي اللي يخليني دايم اروح للمغسله هو

انه الشغاله حقت اهلي جت ورمت المكنسه الكهربائية

تقول ما تكنس عدل داخل البيت

ولاهنت

[Night]

السلام عليكم ورحمة الله وبركاته

اخي الفاضل غسيل المحطات افضل من غسيل البيت وذلك لان الغسيل بالبيت قد يتعب السياره بالخدوش ، حيث ان قوه الماء التي توجد بالمحطات لاتوجد بالبيت احيانا

انت لاترى الزيوت والشحوم على السياره وايضا الغيار الا بدفع الماء القوي وموضوع الغسيل بالبيت انا اراها متعبه وقد لاتؤدي الى الغرض المطلوب لازاله الشحوم والاوساخ اعزكم الله من اسفل السياره ومابين الاطارات وهذا يحتاج الى قوه دفع وشفط المكينه من الداخل ايضا يجب ان تتوفر هذه الامور ،،

وفي الاخير انا اقول ان المحطه هي الافضل وغسيل البيت لايأتي بالنتيجة المرغوبه بالاضافه الى ان موضوع الغسيل يحتاج الى سرعه للغسل ورش الرغوه والغسيل قبل ان يجف الصابون من عليها ويحتاج الى ماء سريع على كامل المركبه ..

مع التحية

Night

[ze.2009jup]

دايم والله

[zo6-q8]

انا اغسلل سيارتي بيدي
لن المغاسل مافيها امان يكمن يكون هندي نذل يشخط بالسيارة
واخر مرة غسلتها بمغسلة قبل 3 سنين او 4 و اذكر اول ما طلعت من المغسلة ولا اشوف شاحن نوكيا حق السيارة الهندي كان يشحن جواله
ومشكور اخوي عالموضوع

[al_bader_1]

انا احس بمتعه في غسيل سيارتي بس ماعندي وقت ولوكان في وقت سيارتي كبيره ومتعبه في الغسيل حيل

يعني العامل البنغالي يقوم بالواجب صحيح ان غسيله مثل وجهه بس مو مشكله اهم شي انها نظيفه ويغسل لي السياره يوم ويترك يوم طول الشهر وكل هذا بسبعين ريال يعني مايسوا اتعب نفسي

[شهاب السحيباني]

والله ما فيها اي عيييييب... والله اني استمتع بالغسيل خاصه لا صارو معك بزران :bigggrin: تسحب اقرب كرسي و تجلس و تلعن خير المبزره بالتلميع...:bigggrin: و تقعد تطقط بالبلاك بيري

[عاآفاكـ الخآطر]

^^^^^^^^
هههههههههههههههههههههههه الله يرجك فقعت بطني من الضحك

برفع شكوى للحقوق الانسان

انا اكره ماعندي وانا اغسل السياره يجيك البزره عندك على طوول يتغير الحال 180 اقرب ليفه او منشفه في وجهه

وبخصوص الغسيل في البيت (محلي)
والله ماهو عيب او قعرطه(قعيطي)

تراه راس مالها 40-80 ريال في ماتسوا شي إذا بغسلها في مغسله

بالنسبه لي على ايام المكسيما 97 الي كنت لعن خيرها الي كنت اطير بها من فوق المطبات كنت اغسلها في المغسله (لاتعليق)

لكن الحال اختلف بعد شراء المكسيما 2010 مافيه الا غسيل في البيت خاايف عليها حتى مسوي لها موقف خاص قدام البيت الي يشوفها يقول مايباخ

والغسيل في البيت بصراحه متعه لكن متعب وياخذ وقت طويل

[الجوهرةES350]

حياكم الله جميعا

انا اغسل سيارتي بالمغاسل من اول ماشريتها مااخلي السواق يغسلها ابد ابد
لكن مع الاسف المغاسل غسيلهم فاشل وانواع الخدوش

وصرت اغسلها بالبيت

[kaka84]

في امريكا توفر محطات لغسيل السيارت يدويا انا اقوم بها افضل من غسيل المحطات

http://www.ultimatewasher.com/images/how_to_washing/dryers-tire-inflators_lg.jpg

[نـاصر]

اذا صرت فاضي والجو بارد افكر ههههههههه

يارجال 10 ريال بالمغسله والشي الى مايعجبك قله امسحه ولا غسله
انشب لام امه
وبس

[الجوهرةES350]

اخوي والله فكرة حلوة مره ياليت لو تنزل لنا تقرير عنها اذا انت فاضي

[moood]

الجووهرهـ تسلم ع الموضوع الحلو ،،

وبخصوص غسيل السيارهـ كآن زمآن أغسلها أنا بنفسي وبصراحه مافي أحسن من الشخص يغسل سيارتهـ لأنه رآح يبدع ويمسح ويوصل لأماكن ينظفها أفضل من المغاسل بس أنا كآن مشكلتي المويه أوصلها لآخر الحارهـ:bigggrin:،، لكن ألحـين الوضع تغير محطآت الغسيل ياكثرها وكلهم يتنافسون ع الغسيل الزين ،، وخصوصا إن التكارين كثروا ومعروفين بالغسيل ،، فأنا ألحـين أغسل بالمغاسل لأن أشوف إنها أفضل وأوفر وقت وجهد وكلها 15 ريآل بس ،،

شاكر لك موضوعكـ ،،

وتقبل مروري ،،

أخوكــ

[جرهد]

الصراحه تغسيل السيارات عندكم غالي

عندنا بالشمال تغسل سيارتك 10 ريال او 15 للسيارات الكبيرة جيب جمس

ومع ذلك اغسل سيارتي بالشهر مرة

يعني مع الراتب هههههه

[sweetness]

انا اتمني اغسل سيارتي بس مشكله بنيه ونص شارع بيطالعون لووول