ممكن أعرف أسوء موديلات من السيارات لتجنب شرائها

[alshammary1972]

السلام عليكم شباب
كل عام وأنتم بألف خير و يعوده الله علينا وعليكم بالأجر و الصحة والعافية

تعرفون دايما يكون فيه موديلات في أغلب السيارات سيئة من ناحية الخرابات وبالتالي تكون سمعتها سيئة في السوق وماتجيب مثل ماتجيب الموديلات الثانية

لو أحد عنده فكره عن الشي هذا يفيدنا

والسبب في كلامي هذا اني سمعته من ميكانيكي يتكلم عن موديل معين خراباته اكثر من الي قبله والي بعده مع انها نفس الشكل تقريبا

[مازداوي عراقي]

والله ياا خويه اشوف (الدايو) بالصداره
تحياتي...

[genes power]

الشفر:

باسثناء الجموس التاهو مثل الافيو والابيكا والكابرس واللومي

اوبل:

اسوء سيارة عرفها التاريخ

مرسدس:

بعض...سيارات مرسدس خراباتها تطلع عيونك وتكرهك في السيارة لدرجة انك تبيعها في خلال سنيتن وانت خسران 95% من القيمة الاصلية ونفس الشي لبعض بي ام

فورد:

معروفة خراباتها لكنها مو في كل السيارات

.

هذي ابرز السيارات اللي في بالي حاليا

[alshammary1972]

اخوي مازداوي عراقي لاتعلمني بالدايو الله يقطعها
اول ماخلص الضمان طاح القير عندي وبعدها بسنة خبطت المكينة

اخوي genes power
الأوبل محترمة جدا برا الخليج لأنهم يقطون التالف عندنا تعرف ماعندك احد

والمرسيدس من بعد الشبح لك عليه

يعطيكم العافية على التعقيب وننتظر باقي الشباب الي لهم خبرات او نكبات يفيدوننا

[hamte]

اسوى الموديلات في كل السيارات هي الدفعه الاول يعني اذا تغير شكل السياره ونزلت الدفعه الاول لتخذها لن فيه عيوب مصنعيه
اما اذا قصدك على الشركات كل شركه وفيه اعيوب يعني استحاله تحصيه
تقبل تحياتي
:wavey:*

[.:. مـمـيز .:.]

انا اعطيك معلومه جدآ مفيده ..

اذا نزل موديل انتبه تآخذ الدفعه الاولى . لان سيـآسة كل شركه ان الدفعه الاولى تحت مسمى التجربه واصلآح العيوب والاخطـآء .
الدفعه الثـآنيه هي دفعه تنزل بعد تصليح العيوب والاخطـآء بغض النظر عن بعض الشركـآت لا تعلن عن الاخطـآء لكي لا تشوه سمعتهـآ , ولكن تصحح اخطـآءهـآ في الدفعه الثـآنيه ,,

انا ولد عمي شريطي بحت . يبيع ويشتري في السيـآرآت .. ممكن اعطيك انوآع من السيـآرآت من كلآمه بأنهـآ افضل السيـآرآت :


اللكزس موديل 99_98
الكـآمري 2002 و 2008 الى 2010
سونـآتآ 2007 و2008 و 2009
فورد كروآن فكتوريـآ 2003 و2004

ــــــــــــــــــــــــــــــــــــــــــــــــــ ــ
سيـآرآت الدفع الربـآعي او العآئليه :

اللآندكروزر 2006 (بس ترآه غـآلي ) . 2008 و 2009
اليوكن و اليوكن اكس ال : 2008 و 2009 و 2010
التـآهو والسوبرر بان : 2008 و 2009 و 2020
ـــــــــــــــــــــ

للتوفير قبل تشتري لا تنظر للموديل , لان معظم الموديلآت من 2007 الى 2009 تكون اختلآفآتهـآ بسيطه جدآ وافرق الاسعـآر نــآآآآآر , يعني والله حرآم تـآخذ سيـآره 2009 بسعر دبل عن 2008 والفرق تلآقيه الاصطبات شرآئح ولا فيهـآ كآميرآ ,



محب لك .. وارجو انك مآتستعجل ,,

[myayh]

ابعد عن النيسان بكل موديلاته

بسبب وكيله السئ

[ttoo]

هذا الموضوع احس انه راح يسبب مشاكل ياخي خخخخخخ ..

والسيارة تعيش على حسب استخدامك :smilie16:

تحياتي .

[alshammary1972]

هذا الموضوع احس انه راح يسبب مشاكل ياخي خخخخخخ ..

والسيارة تعيش على حسب استخدامك :smilie16:

تحياتي .

المقصود التنبيه لا اكثر والشباب واعيين للنقطة هذي

عشان كذا طرحت الموضوع للفايده وبدون تعصب لموديل عن الثاني او لشركة معينه

يمكن نفيد احد او نحذره من غلطه قبل مايسويها وبعدين ماتنفع الحسايف

ومثل ماقال الاخ مميز فيه موديلات احسن من غيره بنفس السيارة لنفس الشكل

وسلامتكم

[Silent Sea]

السيارات تختلف في درجة السوء والجودة عن بعضها

فبعض السيارات جيدة في التحمل ولكنها سيئة من حيث الراحة والفخامة واعتقد هذا الكلام بنطبق على السوزوكي

والبعض الاخر مريح جدا من الداخل ولكنه سيء جدا من ناحية السلامة .. مثل الفورد

وكذلك المرسيدس والبي ام ممتازين جدا في عدة نواحي لكن مشاكلهم الكهربائية مزعجة جدا


فلهذا درجة الجودة والسوء تعتمد على اختيارك للسيارة التي ستستخدمها وفيما تستخدمها

فانت من تريد ان تكون السيارة جيدة في هذا الجانب ولا يهم ان كان الجانب الاخر سيء ام لا

فلكل شركة سياساتها واولوياتها في التصنيع .. وبالتاكيد سينعكس هذا على جودة منتجاتهم من جهة وردائتها من جهة اخرى


وامل اني قد افدتكم بهذا

وشكرا

[غن من شدى]

فيه موديلات في بعض الشركات معروفه بأن عزمها لك عليه
جيب تويوتا موديل 90 و 91 ...
والنيسان الجيوب 98 - 99 - 2000 - 2001 عزمها طايح ....ولا يزعل ملاكها
الكابرس 91