السيارات الجديدة "كراتين" مقولة دائم نسمعها [الأرشيف]

مساير الليل

08-09-2010, 09:25 AM

السلام عليكم ورحمة الله وبركاته

دائما نسمع مقولة

السيارات الجديدة كراتين
وأنها مع أقل صدمة تنعدم وتصبح تالفه

وكثير من الأخوان يعتقد أن الأمان في كثرة الحديد وثقلة

تجد البعض إذا وجد كابرس من النوع القديم أول مايتبادر إلى ذهنه
"الله من الحديد والقوة ماهو مثل السيارات التالية التنك"

خلال تجولي في اليوتيوب وجدت مقطع غريب سوف يغير نظرتك
بأن القوة ليست في الحديد فقط

هذا مقطع أختبار تصادم ماليبو مع سيارة قديمة جدا جدا من النوع كثيرة الحديد :smilie16:

http://www.youtube.com/watch?v=joMK1WZjP7g&feature=related

لا تحرمنا من وجهة نظرك وتعليقك :xyxthumbs:

أتمنى أن يكون المقطع غير مكرر
:wavey:

Ahmad Al-Sabban

08-09-2010, 12:31 PM

السلامة في تطور

والهيكل وتصميمه مهمين

غريبة السيارة القديمة (الحديد) تهشمت بشكل اكبر من الجديدة !!

وتعليقي الاخر على الاير باج تراها جدا مهمة ومعاها حزام الامان

انا سويت حادث بسيارتي من 9 سنوات ولولا الله ثم الاير باج كان راسي اخذ خبطة جااااااااامدة

وشكراعلى الموضوع

المشكلة ان البعض سيزعم ان هياكل السيارات الموجودة لدينا مختلفة عن امريكا واليابان واوروبا !!!

ابو مرجي

08-09-2010, 01:49 PM

طيب لو معك اكسنت وصدمك راعي كابرس من القديمه تتوقع وش يصير الشنطه حقت الاكسنت تحصلها في المقعده الخلفيه وراعي الكابرس منكسر بس الاسطب وهذي الحقيقهصحيح ان في الحوادث الجامده ان كثرة الحديد يضر بس يظل فيه امان اكثر من سيارات الكرتون ولو اتجهز بايرباق ماينعجن بالطريقه اللي بالفيديووالله ماشفناه لكن عرفناه بالعقل

O.Almazroo3y

08-09-2010, 02:00 PM

والله شي العجيب

الفيديو مو صاحي خخخخخخخخخ

البيل اير انعجن عجن !!!

انا اقول صحيح انها كراتين ...

لكن فيها توزيع للصدمات ....

وحماية للراكب

صحيح ممكن السيارة تنعجن وتروح فيها لكن الراكب ما يصيبه شي

وبعض السيارات القديمة ...صحيح قوية لكن لو صارلها حادث قوي شوي

ممكن الراكب يتأذى بشدة ...لان الحديد ممكن يخش عليه او الحديد يكوون قوي

بحيث يصعب خروجه من السياره

واسف على الاطاله

ويعطيك الف عافيه على المقطع

NOT HEMI

08-09-2010, 02:18 PM

ابو مرجي
تقارن سيارة عامل الطول راح يساعدها !!
كان قلت كابريس قديم مع كابريس جديد .. وتشوف من الاكثر امان :) .

الفجرالساطع

08-09-2010, 04:02 PM

احس ان السيارة القديمه بالفديو ليست ذات حديد قوي وصنعت لعمل هذا الفديو وكلها عملية تسويق للسيارة الجديدة فقط

كابريس معذبني

08-09-2010, 07:09 PM

وعليكم السسلـآم

آلمقولة شبه صحيحة ، فعـلـ ـآ فيه سيآرآت جديدة مجرد صدمـة خفيفة تنعـدم .

يعتبر آمآن آلحديد لمـآ يكون قوي مرهـ وثقيل ،

مثآل : آلحين بـ جيب تريلـه < تهور > وآنت جب أي سيآرهـ جديدة وكلهآ إيربآقآت وآصدمنيَ

قبل لآ تصدمني لآ تنسى ـآ تكتب على جبهتك [ قيم أوفرَ ] وأحفر جنب الحـآدث قبر لك :bigggrin: :bigggrin:. .

وآنآ بـ نزل أنـآظر التريله حقتي وش جـآهـإ بـطلع بس فيهـآ حكه بـ سيطـه وبـ مشي وأصلي على ـآ قبركَ . < أمزح :bigggrin:

بـ نسبة لـ آلمقطع ، أتوقع حتى مآليبو حديدهـآ قويَ .

وموضوعك حلو فيه نقـآش ووجهة نظر وإن شآء الله تتقبل وجهـة نظريَ

وكل عآم وآنت بخيرَ

Omar F1

08-09-2010, 07:39 PM

اذا سيارة جديدة مع جديدة ما في مشكلة في السرعات المنخفضة
جديد مع قديم, الجديد حيتهشم تهشيم

أبـــوبـــدران

08-09-2010, 08:25 PM

السيارات الجديده أغلبها "كراتين" لكنها أفضل في امتصاص الصدمات وعدم ايصالها لمقصورة الركاب.

بعكس السيارات القديمه ذاك البنيه القويه جدآ، فمبجرد صدمة عاديه قد تصل الى مقصورة الركاب وتأثر عليهم !

مجالات الأمان والسلامه في تطور ووله الحمد، لكن العيب في وكلائنا وعدم توفير بعض الوسائل في بعض سياراتها !

:)

مساير الليل

09-09-2010, 06:07 AM

حياكم الله وآسعدني تواجدكم وإثراء الموضوع بخبراتكم

mso

09-09-2010, 06:45 AM

التسعاوي بيفيدك بس اذا صدمت على 40 - 50

ولا فوقها الحديد يدخل عليك والدركسون يبقس وجهك

وعلى فكره جارنا عنده نفس السياره هذي بس موديل 60 .. نفس الشكل تقريباً وباب واحد

يسولف لي يقول السياره وزنها 4 طن !! طبعاً الرجال هاوي سيارات قديمه عنده اكثر من سياره والرجال كبير يعني ما عنده حركات كذب ومزح عمره تقريباً 55

ALTAMIMI

09-09-2010, 07:27 AM

اشكرك اخوي على هالنقطه الموهمه الي مو راضين يفهمومها كثير من الناس الا وهي ان السيارات الجديده فيها امان اكثر من القديمه 100% والقصد في خفة الحديد انوه يمتص الصدمات وبرضو يعزز من بيع قطع الغيار طبعا هذي وجهة نظري وسلامتكم

khaled n

09-09-2010, 08:03 AM

السيارات القديمه صحيح كلها حديد في حديد .. وقوية جدا ,, ولكن من ناحية السلامه اعتبرها عقيمه ,

لكن السيارات الجديده .. الهيكل الداخلي من الحديد المقوى .. مدروس ومصمم بعناية فائقة ليمتص الصدمات ويبعدها عن المقصوره .. والصدامات فقط شكل لانها في الصدمات القويه الهيكل الداخلي هو اللي يمتص الصدمه

عموما وجود الفيبر في الصدامات اعتبره ميزه حلوه بصراحه .. خصوصا في الصدمات الخفيفه جده بحيث ان الفيبر يعود لطبيعته ومايتاثر .. بعكس الحديد اللي يبغالك تسمكره وتصبح المسأله مكلفه

back2you

09-09-2010, 08:08 AM

أكيد السلامة في الجديدة أفضل

ولكن كقوة في الهيكل

القديمة وبدون أدنى شك

مثال بسيط ويمكنك تجربته

اركب كابرس تسعاوي وخلك ماشي 20 كيلومتر
بالمقابل و وجها لوجه اصدم كابرس موديل 2010 ؟

ماذا سوف يحدث للسيارتين؟

ولا ننسى تكلفة التصليح .. هذي يبيلها كلام ثاني

التجربة خير برهان

أبــو ســعــود

09-09-2010, 01:16 PM

مشكووووووووور اخوي

NOT HEMI

09-09-2010, 01:41 PM

الامان في الموديلات الجديدة ,, لكن السيارة راح تتهشم اكثر من القديم .

زاهر77

09-09-2010, 03:13 PM

احس ان السيارة القديمه بالفديو ليست ذات حديد قوي وصنعت لعمل هذا الفديو وكلها عملية تسويق للسيارة الجديدة فقط
__________________

يعني نكذب الواقع والمشاهد عندنا ونصدق مقطع فديو !!

كان معي جيب باترول وكنت أدف الزباله ( وأنتم بكرامه ) إذا قربت من الباب ولا يجيب ولا مخش ولا شي ، والآن السوناتا في صدامها مخوش من سياكل البزران إذا مرو من جنبها ههههه

تحياتي لك وللماضي الجميل ( والباترول )

:)

التسعاوي911

09-09-2010, 03:36 PM

وعليكم السلام ورحمة الله وبركاته

والله صدقت القديم ما مثله في الحديد لكن كحماية الله يخلف ,,

والله وأنا موقف في سرا أبي ألف يوتيرن ويجيك راعي سيفيك ما شي 80-100 ويجيك طال عمرك ويلحم في الكابرس من وراه وتخيل المنظر عاد ,,

والله اني طرت على السقف من قوة الصدقمة وكنت ماسك في الطارة من قلبي والله الطارة انعوجت:bigggrin:

ونزلت ياطويل العمر الا راعي السيفك الوجهية كلها راحت سيارته كنها صارت نص , والرجال مهو قادر يتنفس لكن الحمدلله لحقناه وربنا نجاه ,,

والكبرس ما شاء الله ماوصله إلا الصدام انعوج "الجهة اليسار بس" .

وطبعا الغلط عليه 100% , وتم تصليح الكابرس ,.

ع العموم الله يحفظنا وياكم من الحوادث وشرورها ,,

التسعاوي911

10-09-2010, 03:32 AM

بعدين وراكم على التسعاوي كلكم هدو اللعب عليه تراه مسكين :bigggrin:

عاشق دايو

10-09-2010, 07:37 AM

ليش ما يسوون مقارنة بين كابرس 88 مع مايلو

صدقنى ماشي أمل للمايلو تطلع سليمه هه

أما موضوع حقيقتا أفضل تكون سيارة بديها خفيف عسب عند أصتدام تخفف صدمة

في جسم سيارة مش فيك ك شخص داخل سيارة ...وهشكل

لهذا في وقت حالي تجد واحد كثيرة وقوية يطلع صاحب سيارة من بشكل أو باخر سالم

هذا بسب حفظ الله ثم تصميم سيارة كرتون مقوى إلى ناس ما تعجبها...

يعني شركة كأنها تقول فلوسك ولا روحك...

temsu

10-09-2010, 01:40 PM

السلام عليكم ورحمة الله وبركاته

المقولة على أن السيارات الحديثة كراتين .. هو أن المكينة تروح مع الصدمة ( أي تنفعط , تنحرف وغير صالح للعمل ) ..بعكس السيارات القديمة ..
لكن يقابل ذلك أن منطقة الركاب في السيارات الحديثة لا تنكمش بسرعة عن السيارات القديمة ..
والسبب في ذلك أن وجه السيارة الحديثة (قابلة للإنكماش بسرعة مع الصدمات ) وبذلك تمتص جزء كبير من القوة المضادة وتحمي جزء الركاب من الإنكماش ..
عكس القديمة في أن وجه السيارة أقسى من الركاب ( فمع الصدمة ) لا تنكمش المحرك وترتد قوة مضادة جدا لا توجد إلا على الركاب ( نحن ^^ )!!!
فلذا الكراتين مفيدة جدا لحماية الأرواح عنها عن المركبة ^^ ..

لكن المشكلة التي نواجهها مع السيارات الحديثة عنها عن القديمة .. أن صيانتها باهظة جدا (بسبب أضرار الجزء المركزي للسيارة والخارجي) والقديمة الخارجي فقط ونادرا الداخلي لذا فهي غير مكلفة وقد تكون شبه مجاني مقارنة بالحديثة ^^..

speeed1

11-09-2010, 08:11 PM

سبب المقولة لما تنصدم سيارتين تلاقي كل السيارة راحت فيها بسرعة وتحس السيارة فعلا كرتون مقوى
الصراحة احس هذه المقولة تنطبق تماما على التويوتا خاصة لما تخبط الباب تحسه فاضي وخفيف بشكل رهيب
الامان الحمد لله زاد في الموديلات الجديدة هذا شيء اكيد ولله الحمد اولا واخرا

مساير الليل

14-09-2010, 03:13 AM

الله يعطيكم العافية على مروركم

كوكو 99

14-09-2010, 03:43 AM

السيارات القديمة قوتها في الحديد و اذا صار حادث على 20 او 40 ما راح يتضرر كثير مثل السيارات الجديده

لكن الاشكاليه في سلامة الركاب و المغزى كيف توزع قوة الصدمة من دون ما يضر الركاب

و هنا نشوف السيارات الجديده تتفوق على القديمة من هذه الناحية

احب اشير الى نقطه الكثير من الناس غافل عنها و هي ان الشركات تبحث في صناعة السياره عن خفه في الوزن + هيكل قوي للسياره

و كذا نشوف بدي السيارات فيه خليط من المعادن مما يعطي خفه و قوه

و بصراحه انا كنت اقول نفس الكلام ان السيارات الجديده كراتين

بس المشكله فينا نحب المظاهر و ننسى السلامه و اول دقشه لاي سياره جديده تشوف الصدام انفك شوي و على طول نقول ان السياره مالها امان و الدعوه حاجه بسيطه و حكمنا على جميع السيارات

بس اذا كنا بنتكلم عن السلامه فالسيارات الجديده اثبتت فاعليتها

على العموم اسف على الاطاله

{الجنوب707}

14-09-2010, 04:34 AM

السيارات مهي زي بعض يعني مهو كل السيارات الجديده كراتين يعني عندك فرق بين كامري 2009 ومرسيدس 2009 فا ماهي كل السيارات الجديده كراتين
شوفو التصنيع حق فورد تورس كيف الامان مع انها2010

ومعليش على الاطاله

Made for ksa

14-09-2010, 05:15 AM

أخوي المقوله ذي ما تقاس على سرعة 200 كيلو في الساعة .. حتى الباص لو صدم بالسرعه العالية ذي ما سلم لا الباص ولا راعيه ..

المقوله هذه يقولونها الشيبان في الغالب .. لأنهم بطبعهم محافظين على سياراتهم وملتزمين بالقيادة المرورية السليمه .. لكن يتفاجأ صاحب السيارة الجديده أن سيارته رجع عليها واحد وصدمه صدمه بسيطه إلا أن الصدام طاح .. وإلا الرفرف أنطعج وإلا الأسطب نقز من مكانه وهذه تحدث في السيارات الجديدة يعني تحس الأسطب مو ماسكه شي .. بينما السيارات القديمه اللي بيلتزم بقوانين المرور ويحافظ على الموتر بيعيش معه حتى لو حصلت له دقشات بسيطه الموتر ما يتضرر وإصلاحه بسيط وغير مكلف .

نقطه أخرى : اللي يقول أن السيارات الجديده آمنه أكثر من قبل .. لا تقيس على هذا الفيديو فقط واليوتوب مليان من حوداث السيارات الحديثه .... أنا ما أبي أنزل مقاطع لحوادث لناس ما أعرفهم ولا يصلح ذلك .. لكن اليوتوب أكبر شاهد على إنعدام سلامه السيارات الحديثه

والمعذره على الإطالة

United We Stand

10-12-2010, 11:21 AM

بالفعل مواصفات الامان اعلى حاليا
فكيف تجد سيارة قديمة تمشي 250 مثلا
بس هذا كله وهم ناس تموت
هو العيب بالبشر مو بالسيارة

أبو معاذ 2006

11-12-2010, 01:02 PM

مستحيل يمكن السيارة كلها سمكره وحديدها ضعيف :bigggrin: الله يكفينا الشر يا رب وعلى فكرة السيارات القديمة في الحوادث اللي على سرعة خطيرة مرة لكن الصدمات في حدود سرعة 60 -80 مسكين اللي بينصدم سيارته بتروح تشليح وقانا الله وإياكم من الحوادث ومصارع السوء