وش اللي تحس فيه وانت طالع من المعرض بسيارتك الجديدة

[المجنوني555]

بصراحة احس الخوف ذابحني كأني توي متعلم سواقه وكأني احس ان كل السيارات بتدخل وتصدم فيني هل ينتابكم هذا الشعور وانت دوبك طالع بسيارتك الجديدة لأول مره من الوكالة او المعرض؟

[كادينزا 2010]

لاطلعتها بعلمك اهم شي سوق ولاتخاف

(قل لن يصيبنا الا ماكتبه الله لنا)

[Ibrahim-SS]

ادز فيها وقهر اخوياي:ch19:

[صاحب النترا2011]

انا معك اخوي المجنونى نفس الشعور
تخيل سيكل حق الافغان توني مطلعه امشى عليه اخاف لاحد يصدمنى :xyxwave:

[ALQSWRH]

والله نفس الشعور.. يا رجال لو يقرب منها سنتيمتر واحد قلت انصدمت خخخخ
وتلقى المسافة اللي بيني وبين السيارات اللي قدامي صارت ضعف المسافة العادية بسيارتي اللي قبلها من زود الخوف والقلق..
تحياتي

[khalidseas]

احس اني ما اعرف اسوق وما اكلم احد ولما اوصل البيت اتطمن
وثاني ييوم اخرب امها

[zolo]

احس اني ما اعرف اسوق وما اكلم احد ولما اوصل البيت اتطمن
وثاني ييوم اخرب امها
خخخخخخ نفس الشعور

[Meshal.M.Y]

احساسي غريب

اكون مااصدق انها سيارتي هههه احس انه سيارت مهوب لي مدري ليه

[أبو حظيظ]

أنا ما طلعت الا بسيارتين من المعارض

الأولى كيا ريو 2004م شريتها في سنتها على الزيرو

الثانية كراون فكتوريا 2003م أستعمال أمريكي شريتها في سنة 2009م

الصراحه الأحساس تكون مرتبك وتحس أنك ماتعرف تسوق وتمشي بشويش وأذكر يوم أشتري الفورد كان معي أخوي وكان يتعبث بالمكيف والمسجل وأنا أقوله لا تلمس أي شيء أجلس مكانك وأنت ساكت والا بنزلك

وكنت أعتني فيها عنايه كبيره خصوصا الكيا لو واحد يقرب لها كسرت راسه لدرجه حتى بصمات الاصابع الي على الباب والزجاج أمسحها وأنضفها أول بأول مو زي الحين غبارها عليها من 3 شهور ما غسلتها

أما الفورد فلأسف ماتهنيت فيها صكني واحد عين فيها وكتبت موضوع عنه بالمنتدى هذا والسياره ماكملت معي شهرين وبعدين بعتها

[c.Ronaldo.7]

خلها على الله اللي يشوفني يقول هذا أول مرة يسوق خخخخخخخ

[فكتوريا2000]

ههههههههههههههههههه ذكرتني بالجمس


والله من الخووووووووووووووف

[أبو محيوي]

أطلعها و أقولك شعوري :tongue: