طلبتكم ياصحاب الومينا 2007 والخبيرين ~

[ميشـSSـو]

السلام عليكم ورحمة الله وبركاتة

انا طالب توني متخرج من الثانوي وقبلتني احدى الجامعات بعيد عن المحافظه الي ساكن فيها
يعني اكيد كل اسبوعين وانا رايح جاي مع الخطوط ~


المهم ما لكم بالطويلة

انا و الله نويت على موتر وخاش مزاجي لومينـآ SS 2007

وخايف من كم ناحية

و ابيكم تجاوبوني وتعتبروني حسبة اخوكم الصغير <-- ماقلد احد :bigggrin:

1- هل الموتر يحتمل اجواءنا ..؟ كيف حرارة الموتر وهل فيها تاثير ؟؟

2 - كيف تبريد المكيف ؟؟

3 - كيف عزم الموتر بالخطوط ؟؟

4- كيف الموتر من ناحية الثبات و الامان ؟؟

5- هل واجهت مشاكل او سلبيات من السيارة ؟؟

كيف السياره وكيف التعامل معها ؟؟

:smile: افيدوني باشياء اخرى :smile:

[علي الشمري]

اخوي انا والله جربت كابرس ال اس 2009
وكيد انه مقاربه له

من ناحية الحراره مشالله ماتحتر ثابته
من ناحيه الرساوه راسيه لبعد الحدود
من ناحية المكيف ثلج ماتحمله مرات
ومن ناحية الخرابات الحمد لله ماوجهت شي

وانا انصحك تاخذ 6 سرندل احسن لك وخرابته قليله

واقتصاديه بالبانزين لبعد الحدود
ولا تنسى صلاة الاستخاره

والله يوفقك

[فهد من جدة]

8 سلندر التوب بس احسن استخدامه ولا تضغط على الموتر كثير راح يعيش معك

[فيفادول اكسترا]

نصيحتي ابعد عن شيفروليه

لومينا على كابريس وغيرها من سيارات شيفروليه خرابات وحراره


تبي اوتوماتيك شف لك ياباني ياكوري

اقسم بالله توبه اشتري امريكي سواء شيفروليه او جي ام سي او فورد وغيره

وتراك مو موظف كل شهر في صناعيه

بالتوفيق ان شالله

[O.Almazroo3y]

اللومينا حلوة وسيارة رياضية ..

انصحك فيها

[صلف الطبوع]

مرحبابك اخوي ..ميشـSSـو

نصيحه لوجه الله انحش عن الومينا ..

يسرع ماتحترق عليك ولا تعرف وش السبب الي خلاها تحترق ..

هذا ودمت بود يالغالي

[فيفادول اكسترا]

اللومينا حلوة وسيارة رياضية ..

انصحك فيها


اقسم بالله تعليقك عار من الصحه

اسف على المداخله

بس الصدق صدق ماني بجامل اي سياره شيفروليه توبه ماشتريها ابدا

قلق في قلق
والرساوه مافيه بالخطوط وخفيفه
لا توهقون الرجال

[ميشـSSـو]

والله تبون الصراحه !!

وهقتوني وزياده !!

مااقول غير الله يكتب الي فيه الخير

وبصلي استخاره ,,,

مشكورين اخواني

اتمنى ردود اخرى من شخص يكون عنده لومينا 2007 ومجربها

[الحنش الأسود]

أخوي لايهمك احد الي يقلك خربات وحراره ومو راسيه بالخطوط والله ماعنده سالفه ... اللومينا والكابرس معروفه بقوته ورساوته بالطريق وخاصة اس اس والخربات مافي سياره الا لازم تخرب بس لازم تحافظ عليها والكل يدري اللومينا والكابرس من موديل 2007 وفوق انحلت كل مشاكله ولله الحمد ...واذا انت عاجبتك لومينا اس اس توكل على الله وخذها وخاصة لون برتقالي أو احمر أو أسود... والله يوفقك...

[الحنش الأسود]

ونسيت ماقلك واحد من خوياني معه لومينا 2008 اس والله ماشاء الله ولا عمره اشتكى منها يمدح فيهاااا...

[soft-f16]

صدقني مهما قالوا لك وسبوا فيها وذموها

ماراح تغير رايك الا لما تشوف سيارة ثانيه حلوه وتعجب فيها

اسألني انا خخخ

[راعي الأمبالا]

انصحك تاخذ جوله على التشاليح وتشوفها اتوقع تغير رايك :bigggrin:

[الـعـلاء]

انا ما ابغى اقولك ابعد عن اللومينا انا اقولك قد ما تقدر بعد عن المستعمل

وغير كذا الي بياخذ اللومينا اس اس في ظنك بيحافظ عليها حتى تضمن انك تحصل نظيف

[red_sky]

السلام عليكم يا الربع كيف حالكم

انا صاحب لومينا 2004 وشارينها من سنه 2005 ولحد الحين معاي مشاء الله عليها سياره صح بس فيها بعض العيوب وهي ان السياره اذا حافظت عليها راح تقعد معاك اما اذا لعنت خيرها راح تداوم في الصناعيه وانت حافظ عليها وراح تشوف اما علي الرساوه فهي راسيه بالخط بس لا تزحف فيك وداعتك الله يا نظر عيني واذا تبي قير وماكينه فالومينا قويه والله وعليها عزم ملعون خير بس انت انتبه عليها وكل شهر سو لها فحص وتضبيط زيت وماي يعني سيرفس كامل ودربك خضررر واذا تبي تشوفها حياك بسيارتي وتشوف العزم صح وعلي الخطوط فهي حقت خطوووووووووط بس طيحها

[سري للغاية >]

ميشـــ SSــو ما شاء الله احسنت الاختيار لومينا SS :xyxthumbs:

1- من ناحية الحرارة ما ترتفع الحرارة ولكن انصحك تسئل واحد معه لومينا
2- تبريد المكيف ( ثلاجة )
3- العزم بالخط مرررررررررررريح وانصحك 8 سلندر
4- من ناحية الثبات والامان ثبات لكن موا مثل الماني
5- من ناحية المشاكل ما اوقع فيه مشاكل او سلبيات كثيرة

ولكن للنقطة 3 ترا 8 سلندر يلعب بنزين
اذا انت تبى اقتصادي خذ 6 سلندر :ch19:

[ميشـSSـو]

يعطيكم العافيه ,,

وان شاء الله صملت اخذهاـآ ..

[ksa92]

اوب اوب اوب

ما شاء الله تبارك الله


اللومينا اختيار مووووووفق


خذه بس وماعليك من احد ... واستمتـع مع الوحوش هـع


انا اعرف كثار معهم لومينات

كلهم يقولون انه تووب ,, بس المشكلة صرفيـة البنزين :(


لان مكينتـه جباااااره ( 6 لتر )

اذا حالتك الماديه تسمح لـك تعبي بنزين فـل ( 40 ريال ) خذه


واذا ماتقدر خذ لومينا S وحده

الشكل الخارجي والداخلي مثل الاس اس بس الفرق المكينة 6 سلندر ..

[Meshal.M.Y]

والله انا مجرب كابرس 2001 و كابرس 2009

كلهم في الخطووط ممتازة مره

واهم شي لاتقاوم ولا تدعس واجد

ترا حتى لو خذت مايباخ بتخرب معك اذا مااستعملتها زين

ولايهمك اللي يقول انها تخرب هو ماجربها ولاركبها

والافضل خذلك 2008 احسن من 2007

[ميشـSSـو]

يعطيكم العافيه ..

اللهم من نفعني فاجعلها في ميازين حسناته ..

[سري للغاية >]

يعطيكم العافيه ..

اللهم من نفعني فاجعلها في ميازين حسناته ..


خوي لا تقول احنا اخوان وهذا واجب علينا :ch19:

[المجنوني555]

انا عندي لومينا ss 2003 بصراحة ابعد ابعد ابعد عنها ولايغرك شكلها وقوتها ترى انواع المعاناة بتعيش معاها

[الحنش الأسود]

واحد من خوياني معه لومينا 2005 ماشاء الله ماشيه معه اوكي أهم شي تحافظ عليها... والله لومينا روعه روعه روعه وخاصة اس اس