استفسار سريع،، الفرق بين الكابرس الرويال والـ SS فالمكينـة والأداء .. ؟

[DreAmS TeaM $]

السلام عليكـم ,,

ابغـى اعرف الفرق بين الكابرس الرويال والـ SS
من ناحيـة المكينـة ، القيـر ، الدفرنش .. الأداء .. وماهي الفروقات الأخرى غير الاكسسوارات والشكل

وياريـت لـو تتوفـر مصادر

لأن الشغلـة تحدي ..
أنا اقـول نفس المكينـه وصاحبي يقول مكينـه غير !

[M~أمير بكلمتي~M]

وعليكم السلام ورحمة الله وبركاته

يالغالي أعتقد مافيه أفضل من الوكالة عشان مايكون فيه شك ,, طبعا الماكينة واحده

سواء LS أو LTZ أو SS او حتى رويال اذا كانوا كلهم V8 6.0L

الفروقات في الرويال و SS هي نظام التعليق في SS مختلف عن الرويال

بمعنى SS تعليقي رياضي = رساوة = راحه اقل

أخوكـ

[كابريس العالمي]

اذا كنت تبي واو ناوي تشتري كابريس

فنصيحه اشتري ال اس وركب اللي تبي لان الكابريس مايختلف من الخارج بااي شي كاديكورات اتكلم .؟؟؟ علشان ماحد ينط علي ههههههـ

وكل الشعب السعودي ال اس ويركبون الي يبي

وفادك اخونا امير

[ملك الرمل]

الليترات للـ(V8) موحده .. والفرق في عدد الأحصنة والتعليق

ومن المستحيل أن يكون ( Ls) اسرع من (ss) .. ألا بالتعديل

ويفرق أيضاً عدد الشيفت للقير .. وليس لدي علم عن الموديلات

الجديده لـ(2009) وما فوق .. والرويال هو نفس محرك الـ(ss)

ولكن بدون تعليق رياضي .. وبوزن أكثر للفخامة والاكسسوارات

تحياتي .

[yo$$sss]

لا لا لا يا أخوااااان :wink:

أخوي DreAmS TeaM $

اسمـعها مني وما عليك من كلام باقي الناس (مع احترامي لأخواني الي فوق )



طبعا الكلام الي بقوله يتعلق عن موديل 2009 وطالع ,,


انت استفسرت عن الـ SS والرويال فبجاوبك عنهم

طبعـا انا الحمد لله عندي رويال 2009 مطلعه جديد

وخويي طلع بعدي SS 2009

طبعا بالنسبة للقوة ,, نفس الشي ,, القير والدفرنش والتعليق والمكينه كللللله نفس الشي

مافي اي أختلاف

والدليل .. تقاومت معاه قومات واجد ,, المستوى نفس الشي تقريبا ,, بس انا اطلع عليه ,, لأن جنط الرويال 17 .. والـ SS 18 .. بس الرويال اثقل

طبعا الفرق في الإكسسوارت .. صدام ,, جنوط .. إلخ

الرويال فيه زيادة على الـ SS :-

1- انوار خلفية LED
2- سنسر في الكفرات (ضغط الهواء)
3- نوعية الجلد تختلف
4-تخشيب
5-حساسات امامية
6-شاشات خلفية ,, مع تحكم مستقل للمكيف لركاب الخلفيين
7- المرآة ذاتية التعتيم
8-ذاكرة مقعد لسائق
9-نظام صوتي (ما شاء الله قوووووي جدا) BOSE ,, الـ SS مافيه هذا النظام ,, بس مو معناها النظام الي في الـ SS فاشل ,, لا بلعكس حلوو بعد
2 سابوفر+سماعه <<< مو موجودين في الـ SS


أتمنى اني كفيت ,, وإذا عندك اي استفسار انا حاضر


تحياتي

[dedo-vip]

كفيت ووفيت يا يوسف

[superdash]

اشكرك اخوي

[yo$$sss]

حياكم الله :smile:

[M~أمير بكلمتي~M]

حياكم الله :smile:

أهل مكه ادرى بشعابها ,, ماشاء الله عليك :xyxthumbs:

ولكن مازال في أعتقادي أن الـ SS يختلف عن الرويال في نظام التعليق ,, والسبب الراحه تختلف

وايضاً مستوى ارتفاع السيارة يختلف

بارك الله فيك

أخوكـ

[لحن المشاعر]

^

انا سمعت ماني متآكد

انهم كلهم سوى

اللهم الـ ss تقدر تقلبه تعليق رياضي

مدري الكلام صحيح ولا لا .