ببيع الفكتوريا وبشتري سياره غيرها .....لا تحرمونا من مساعدتكم

[saab_415]

بسم الله الرحمن الرحيم

السلام عليكم ورحمة الله وبركاته


انا اكتب الموضوع وانا منقهرر مرره

السياره اقلقتني بالخرابات الحين حطيت فيها حدود 5000 ريال وبرضوا الى الحين خربانه بس فيها تفتفه فقط وودي ابيعها
السياره موديلها 2005 سياحي سعوديه.... وتعتبر جديده :( بس الخرابات وما ادراك ما الخرابات
عاد الخرابات تخليك تشتري اكسنت من القهر :blue:
المهم انا كتبت الموضوع هذا ابي حل للأسئلة التاليه :

س1 / لو ابيع الفورد بكم تجيب لي ؟
س2 / وش اشتري بقيمتها اذا بعتها ؟


تكفون لا تحرموني من ارائكم

تحياتي لكم ..

|587||587|

[Night]

تم نقل الموضوع من منتدى السيارات العام الى نادي السيارات اليابانية

[كوكو507]

من 32000ريال الى 40000او اقل شوي


شووف ازيرا و اوبيروس خقق وحلوة بتلاقي مثل اسعارها

[frgfg]

حبيبي خذ سوناتا 2011 او اشتري فورد موردر

[شرقااووي]

خذ لك سوناتا بس مهب الشكل الجديد
اللي قبله وماشالله اثبتت جودتها بالسوق السعودي

[Nice_Man]

دور واحد من اصحابك وبادله بموتر نفس موترك .. او دور في احد مشتهي موترك وقوله خذه هه

الله يعينك والله ... وخذ نفس موترك

[المارودر 2004]

ماهو الخراب الي يكلف 5000 الاف ريال بموديل 2005 ..!!

توضيب مكينه ام ماذا..

واذا على التفتفه امرها بسيط
اما سلك البخاخ يتحرك ولا احد الكويلات عطلان او تحتاج تصفية مكينه

بالنسبه للسعر اسعار الفرود مرتفعه هذه الايام تزامنا مع وقت الاجازه
بالاضافه الى انها بعد اربع اشهر يتم منع استيراد موديلات 2005

وبما ان سيارتك مستعمله وعليها لوحات وليست استخدام امريكي (بطاقه جمركيه )
اذا كانت نظيفه من 40 الى 45 الف ريال اذا وقفتها بمعرض

واذا نزلتها للميكروفون ( حراج ) الشريطيه يبخسونها لك ويقسمون لك السعر على 2 :bigggrin:

[saab_415]

ماهو الخراب الي يكلف 5000 الاف ريال بموديل 2005 ..!!

توضيب مكينه ام ماذا..

واذا على التفتفه امرها بسيط
اما سلك البخاخ يتحرك ولا احد الكويلات عطلان او تحتاج تصفية مكينه

بالنسبه للسعر اسعار الفرود مرتفعه هذه الايام تزامنا مع وقت الاجازه
بالاضافه الى انها بعد اربع اشهر يتم منع استيراد موديلات 2005

وبما ان سيارتك مستعمله وعليها لوحات وليست استخدام امريكي (بطاقه جمركيه )
اذا كانت نظيفه من 40 الى 45 الف ريال اذا وقفتها بمعرض

واذا نزلتها للميكروفون ( حراج ) الشريطيه يبخسونها لك ويقسمون لك السعر على 2 :bigggrin:


اخوي المارودر

انا قصدي ان مجموع الفلوس اللي حطيت فيها 5000 ريال مهب خراب واحد بس يعني كل الخرابات اللي فيها صلحتها بـ 5000 ريال اتمنى المعلومه وصلت

بعدين انا اقولك فيها تفتفته ما قلنا شي بس انا اقولك كل الكويلات غيرتها جديده وصفاية البنزين جديده و البواجي جديده بالعربي سويت لها تصفيه بس ما فاااد معها التفتفه موجوده سويت فحص كمبيوتر طلع لي 2 كويل عطلانه غيرتهن ولا فاد وش تبي اسوي اقسم بالله طلع الشيب في راسي
ورحت عند ورشة وصف لي واحد من العيال عليها وقالي شف ما دام كل شي غيرته ان شاء الله انه 100% منظم الدعسه انا هنا حسيت انه صادق بس توقع وش الطامه الكبرى منظم الدعسه بحدود 3000 ريال أًصلي

ومدري شكلي بروح التشليح اشوف ان كان عندهم ولا لا ؟

وش رايك انت في الكلام ذا ؟؟

تحياتي لك

اسف على الإطاله

[المارودر 2004]

88

الله يكون بعونك
والسيارات توافيق من الله والاستخدام له دور كبير

وعندنا كراون فكتوريا 99 كويلات شد بلدها للان

ومادام الكومبيوتر اعطاك ان السبب موجود في كويلين فقط
خله الفني يحدد لك ارقام الكويلات الي فيها المشكله

وشيك على سلك البخاخ الموجوده اعلاها اذا كان الكليبس المثبت له يتحرك او مكسور راح يسبب لك تفتفه
ايضا البواجي لها دور الاستخدام الامريكي الافضل له fm والسعودي pm

اذا فيها اختلاف احتمال تسبب لك تفتفه ولاحظت ان المشكله هذي تكثر في موديلات 2003 فما فوق

ايضا لاتنسى تشيك على الثلاجه والكوع ربما هناك تهريب مويه على البواجي ويسبب لك التفتفه

تحياتي

[saab_415]

ما قصرت اخوي المارودر

بس الكويلين صلحتهم والثلاجه جديده ههههههه

يعني اقولك كل شي صلحته بس التفتفه مدري من ايش

تتوقع منظم الدعسه له دور فيها لاني اذا جيت ادعس بقوه يصير فيه تأخير في الدعسه بعدين تستجيب السياره للدعسه

تحياتي لك

[أنـــــس]

كويلين ما ينفع ..!

الكهرباء لن تكون متساويه على بقية الكويلات القديمه.

الأفضل تغيير طقم كامل بـ 1200 ريال تقريبا مع بواجي واذا كانت سيارتك استخدام أمريكي فالرمز المخصص لها FM واذا كانت استخدام سعودي PM

لو لخبطت هذي البواجي وركبت ماليس مخصص لها فترة وترجع تتفتف .

وأنا أضمن بمشيئة الله اذا غيرت طقم كامل ترجع السيارة وكاله .

ولاتنسى ان الكمبيوتر ربما لايكتشف أي شقوق في جلد الكويلات القديمه .. وبذلك تتسرب منها الكهرباء وتسبب تفتفه.


كذلك قم بتنظيف حساس الهواء .. وهو حساس الدعسه .ولايكلف شيئا.

تأكد أن قربة الهواء التي فيها فلتر الهواء لايوجد بها كسر أو تسريب.

وسيارتك جديده ماشاء الله .. وبنظري تبقى عليها ولاتبيعها لمجرد سبب بسيط وحله بسيط كذلك .

وتمنياتي لك بالتوفيق

[moood]

ياخي بديت ازعل عليك ،، وشلون تبيع سيارتكـ من الطفش ،،

كل مشكله ولها حل ،،

شووف حبيبي انا كنت مثلك ونفس حالتكـ ،، وخسرت حتى طفشت ،،

تصدق طلع بالأخير الفيش اللي يجي بالبخاخ راخي شوي << وكشفه فلبيني بالصدفة ضغط ع الكليبس وشبك ورآحت التفتفه ،،

يعني مثل ما تفضل وذكر أخوي ماردور يمكن يطلع من الكليبس مو مآسكـ مضبوط بمكانه ،،

النقطه الثانية أنا أؤيد رأي أخوي جذاب أنو الكويلات لازم تتغير كلها مرهـ وحدهـ ،،


عموما أخوي صاحب الموضوع لا تستعجل ولا تعصب نفسك ،، وخلي عندكـ نظام إنك ما تغير أي شي ينقالك ،، رووح مـر على ورش فورد كلها وأعرض مشكلتكـ صدقني أحيان يطلع لك وآحـد مخـه دآهيه ومرت عليه حاله مثل حالتكـ ويخلص لك الشغلة ويريحكـ منها ،،

أتمنى لك التوفيق ،،

[سعد555]

خذلك فورد ماركيز وبس خذ الشور أو خذلك ماكسيما وكاله الجديده

[Marauder 2003]

هلا بك اخوي العزيز

واتمنى ماتبيع الفورد لانك صرفت عليه ومابقي الا اشياء بسيطة وبيكون مثل الحصان

شوف عندك انا سويت التفتفه هذي وكلفتني حدود 1200 مع شغل اليد طبعا

هذي الطلبات عندك
1- بواجي كامله
2- كويلات كامله
3- صفاية بنزين
4- فلتر هواء
5- منظم هواء
6- شامبو لغسيل البخاخات (لاتنسى تشوف حال البخاخات والاسلاك ......الخ)
7- منظم للسرعة والافضل تاخد مستعمل أصلي بحدود ال300 او اكثر لان الجديد تجاري ب700 او اكثر حسب السوق

أتمنى تقارن اللي سويته وتشوف ايش اللي ناقص عشان ماتعيد كل شي من جديد

تحياتي لك واتنمى اكون افدتك ولو بمعلومه بسيطة
:ch19:
Marauder 2003

[saab_415]

يعطيكم العافيه وما قصرتوا

بديت ارجع عن قراري خخخخخ

والله السياره عزيزه علي لها الحين سنه وشوي معي بس كل ما جيت ابيعها اتردد احس قطعه من جسدي بتروح هههههههه

الله يعين بس ويعين كل مسلم

شكرا لكم..

[aziz93]

خلك عليها افضل وضبطها لانك ما بتحصل مثل راحته وانت اخذت اكورد او شي ثاني راح تفرق معك الراحة مليون