الي يشتكي من وكاله المتحده للسيارات هنا السبب

[c300 my dream]

السلام عليكم ورحمه الله وبركاته


الي كان يقول وكاله المتحده سيىه واذا وديت سيارتك عندهم مايطلعونها الا بعد كم يوم


السبب هو كثره السيارات عندهم سواء كرايسلر او دوج او جيب انا كنت رايح الوكاله وتحديدا قسم قطع الغيار كنت بسال عن جنط التشارجر عندهم بكم ومن باب اللقافه :smilie16:
لقيت باب مكتوب عليه يمنع دخول لغير المخصص لهم لقيته مفتوح قمت ودخلت القي نظره
تفاجىت بعدد كبير من السيارات داخل الصيانه هذا داخل غرفه الصيانه
بكيف لك الي في الانتظار ولاتنسون انتشار سيارات دوج وكرايسلر في السعوديه
انا فسرت تاخيرهم عن تسليم السياراه لك الا بعد كم يوم الى هذا السبب والله اعلم
:xyxwave:

[m.a.g]

طيب هذا مايبررر

يفتحون مركز صيانة ثاني مثل باقي الوكالات

[c300 my dream]

لللمعلوميه انا ماادافع عنهم
وزي ماقلت يفتحون فروع صيانه اخرى ولكن ماندري ليه مايفتحون

[HSV&RS]

هم لو يفتحون ورش صيانه اكثر واكبر لا كان انتشرت جيب وكرايسلر ودودج اكثر
بس محد حولك الله يهديم ويحسون في خلق الله

[Ahmed Hussin]

طيب اخوي صح كلامك وانا شفت هالشيئ بعيني لاكن شنو تفسر انتشار الكامري والتويوتا بشكل عام وهم وكالة تويوتا تعتبر خدماتها سريعه وممتازه فا مو شرط انت شفت وكالة المتحده فرع خريص كيف صغيير

[c300 my dream]

صحيح كلامك اخوي احمد
بس تويوتا لها اكثر من فرع صيانه ومنتشره بسبب سمعتها من زمان
ماتقارن بالدوج ولا كرايسلر
توويوتا لها سمعه من حوالي 18 سنه او اكثر
اما الدوج والكرايسلر توها مالها منتشره اكثر من 5 او 6 سنين

[المارودر 2004]

الزحام طبيعي في صيانة اي شركه

حتى لو كانت في صيانة تاتا :bigggrin: راح تجد زحمه

والمشلكه ليست في زحام الصيانه
بل في بعض توفر قطع الغيار واسعارها مواعيد الصيانه وقلة الفروع

تحياتي

[Durango2006]

الابتعاد عن صيانة المتحدة للسيارات غنيمة ،،،،،، من بعد ما انتهى الضمان ما رحت للصيانة والحمدلله مافي اي مشاكل تذكر واي شي ابغى ابدله او اصلحه ،،، في ورش ممتازة تقوم بالواجب واحسن ،،،، والصراحة استقبال زي الزفت وقطع غيار غير متوفرة للاسف :(

[KhaledALZahrani]

وعليكم السلام ورحمة الله وبركاته

سيارات كرايزلر وملحقاتها ليست بذاك السوء لكن الوكيل يزيد الطين بله

انا شيكت على الشيروكي في الوكالة قالوا السيارة تخلص بعد 5 ايام

استلمتها بعد 8 ايام تقريبا...غير اوقات الانتظار بالساعات عشان تقابل الموظف اللي يستقبل سيارتك

والانتظار حتى يتكرمون ويسلمونك السيارة

تخيل الرياض بكبره مافيه إلا فرع واحد فقط للشركة !

إذا ماتغيرت سياسة الشركة الام ماراح تتغير سياسة الوكيل

بالتوفيق

[c300 my dream]

صدقت اخوي برى هذي انا مستغرب من انهم متسوو للاحين فروع اخرى لهم مع ان سياراتهم منتشره في البلد الي هي الدوج والكرايسلر

لو احد يكلمهم يمكن يتقبلون الفكره

[ملك الرمل]

اقول اقسم بالله أنه وكيل نايم ويبي من يسحب منه الوكاله .. يخووي

انا شريت من عندهم .. وجيت اسوي صيانه لقيت الناس واقفين عند

مكاتب المهندسين (اربع مكاتب فاضيه) .. كأنهم يستنون أحد يجي

يعطيهم سيارات ببلاش .. وغير كذاا تخيل (الرياض) مالقيت فيها

إلا فرع واحد ! وووين ياحبيبي .. هذا تويوتا وهذا شفروليت مع

كثرة السيارات عندهم على الأقل فيه تنظيم وفيه ناس تستقبلك وفيه

اقسام كثيره متخصصه .. اما الدوج الله يخلف سيارات زينه مالقــت

وكيل صاحي يصونها .. وهذا هو سبب بعدي عن الدوج .

[S N E E K]

هو بس لو ينظم الاستقبال شوي حق الزباين
والقطع لو تصير متوفره وعنده باك اب يصير تمام غير كذا مايبي شئ
ولو يفتح ورشتين صيانه سريعه يكون وفر على نفسه شوي

[hebo]

الوكلاء السعوديين نوعين:
1- وكيل يساعد على انتشار السيارة تسويق وصيانة وقطع كله جاهز ومنظم مثل (صيانة عبداللطيف وتوكيلات الجزيرة) وأحيانًا تكون السيارة أقل من عادية...
2- وكيل يسيء الى سمعة السيارة لانه اخذ الوكاله ويبي يربح بدون مايدفع شي و تفكيرة المالي يصلح لـ سوبر ماركت أو مول صغير ...
الشركة الأم لو توصلها شكاوي الناس كان تغير الوضع،،
آسف عالاطالة بس بعض الوكلاء عندنا مااااااش

[لقائد الاعلى]

احتمال صاحب شركه مايعرف عن تسيب عماله يعني وضحولنا سبب تاخير مدير الفرع او كيف؟

[الوجيه 10]

سيارات كثيرة ماهي ناجحة عندنا بسبب الوكيل وللأسف الوكيل يتعلل بعدم وجود دعم من الشركة الأم يعني الشركة الأم تدعم أسواق سوريا والأردن واليمن والسودان مع إنه مبيعات الدول هذي مجتمعة تعادل مبيعات السعودية وممكن أقل = مع فائق احترام والتقدير لشعوب هذي الدول .

الوكيل عندنا عبارة عن صالة + مصري دبلوم تجارة ماعمره ساق سيارة موظف مبيعات + سوداني مهندس صيانة نفس المصري بس نظامه صامت
هذا حال أغلب الوكالات عندنا فشل في اختيار الموقع والموظفين مع انتشار سيئ في المملكة يقابله صيانة سيئة وقطع غالية .

مع الغياب التام لحماية المستهلك ووزارة التجارة اشتري وكيل ولا تشتري سيارة لأنك لو اشتريت مواصفات ممتازة بسعر ممتاز ماراح تلاقي خدمة وقطع بنفس القدر لذلك التضحية لا بد منها لأن العواقب غالبا تأتي غير سليمة

[ملك الرمل]

سيارات كثيرة ماهي ناجحة عندنا بسبب الوكيل وللأسف الوكيل يتعلل بعدم وجود دعم من الشركة الأم يعني الشركة الأم تدعم أسواق سوريا والأردن واليمن والسودان مع إنه مبيعات الدول هذي مجتمعة تعادل مبيعات السعودية وممكن أقل = مع فائق احترام والتقدير لشعوب هذي الدول .

الوكيل عندنا عبارة عن صالة + مصري دبلوم تجارة ماعمره ساق سيارة موظف مبيعات + سوداني مهندس صيانة نفس المصري بس نظامه صامت
هذا حال أغلب الوكالات عندنا فشل في اختيار الموقع والموظفين مع انتشار سيئ في المملكة يقابله صيانة سيئة وقطع غالية .

مع الغياب التام لحماية المستهلك ووزارة التجارة اشتري وكيل ولا تشتري سيارة لأنك لو اشتريت مواصفات ممتازة بسعر ممتاز ماراح تلاقي خدمة وقطع بنفس القدر لذلك التضحية لا بد منها لأن العواقب غالبا تأتي غير سليمة

هذا الصحيح :xyxthumbs:

[أشواق دفينة]

يارجل انا كان عندي شروكي جلس في الوكاله 32يوم وخسرة 13الف ومع هذا ماعرفوا علتة يعني وكيل فاشل وخساير مالية كبيرة يعني استغلال ونزف للعميل

[ابوغلا&]

السؤال الي يطرح نفسه ليه الواحد يروح للوكاله دائما !!
انا من وجهة نظري ان الذهاب دائما للوكاله هو من باب السذاجه مع احترامي للجميع لان الغالب من جميع الوكالات هو الاستغلال الاعمى لجيوب العملاء.!!والادهى من ذلك ان العماله الموجوده فيها هي العماله الموجوده في اي ورشه في اي صناعيه .؟؟ فلو ان العماله الموجوده في الوكاله هم من المصنع نفسه كان تنهضم لكن كلهم ابو هنود وفلبينيين .يعني وش الي حادك على الوكاله!!!

[أشواق دفينة]

ابو غلا الى حادني على الوكالة اني في منطقة مافيها ورش تجيد صيانة الجيب كلما رحة ورشة مباشرتا من عند الباب يقول مانعرف للشروكي هذا الى حدنا على الورش ياعزيزي ماعندنا ورش بالجنوب تعرف للسيارات كل الى عندنا برفسورات في تايويا الهيلوكس والاندكروزر وبس
تقبل مروري

[أشواق دفينة]

عل فكرة مع هذا كله رحة وبعة الشروكي بخسارة 36الف مع ان السيارة نظيفة وجيدة بس من قهري من وكالة شروكي وستغفالها ولعبها على العملا تصدق انهم ياخذون ثمن موقف السيارة عندهم بالوكاله على العميل اذا طولة عندهم يعني اضحك على هل العميل المغفل مع احترامي (حسبي عليهم ومن وكاله حرمييية وبغباء الله لا يربحهم)