ناوية أشتري سيارة بحدود 160-170 ألف، بشو تنصحوني؟

[redrose_87]

السلام عليكم..

من فترة وأنا أدور سيارة يابانية أو ألمانية زينة بحدود 160-170 ألف..

بس احترت وااااااايد:emot82: ( ناس تقولي خذي مورانو، انفينيتي G35، ليكزس ES)

وأنا بصراحة ما أفهم أبداً في السيارات..

فأتمنى تفيدوني شو أفضل سيارة فيهم؟؟ وإذا عندكم مقترحات ثانية ما أقول لأ :a120(37):

(ملاحظة: ما أحب السيارات الأمريكية، وماسحة الفولكس واجن والأودي من بالي لأن خدمتهم عندنا تعبانة )

بانتظار آراءكم..

[khaled054]

خذلك جــــينســـــــيس وضمان 5 سنوات وانت مرتاااااااااااح :smilie16:
وموتر صراحة فاق التوقعات ...

[مـــلـــوكـ]

جيب انفنتيG35

مره حلو ورـآئع وشكله نـآيس

ومركبه حلو والجيب دائم افضل من سيارات السيدان
لاكن عيب الـ انفنتي قطع غياره شوي غاليه

يعني لازم تكون معاك حق متاعب صيانه بالايام الجايه

مع انه مو كثير خراباته

بالتوفيق واي استفسار انا موجود وحاضر

[رآعي القرآندي]

بالنسبة .. للكزس Es و الأنفنتي G 35 ..


الانتفنتي تتفوق بالشكل و المواصفات و القوة !

انصحك فيها و بشششدة ..

و إذا تفضل السيارة تكون جيب .. عندك جيب بورش كاين مستعمل نظيف بـ حدود هاالسعر


تحياتي لك

[Al3as]-[iQ]

بورش كيان S

معروض هنـــــــــــــــــــــــــــا (http://ra7el.mstaml.com/) أعتقد محدود بـ 175.000 موديل 2008

بس حلو هالبورش .. وعنده اكس 6 معروض خبااال بس شكله غالي حبتين :)

بالتوفيق :)

[أبوقشيع]

خذي لك انفنتي G35

أقوى ـ أريح ـ أجمل شكل ـ رساوة على الطريق

حلوه وجدا رائعه ، واذا كنتي من الامارات قطع غيارها عندكم ارخص من الي عندنا

والبنات يفضلونها لجمال الديكور والشاشه .

وعلى فكرة الـ G35 مو جيب ، سياره سيدان فخمه مائلة للرياضه :

http://www.tirekick.com/TK06-May/images/07InfG35.jpg

والجديد منها تغير اسمها من G35 إلى G37

[Al3as]-[iQ]

من يركب تايوته هالايام هههههه لاحظ اسمها ( تايوته )

مع ان الحالة المادية عندي ما تساعدني اشتري لكزس ومن هالكلام .. لكن بالفعل ما اتنازل اركب تويوتا وارد عبد اللطيف جميل لو بريال ماعدا ( الشاص + كبسولة + هايلكس ) وغيره انسى

[fhad2007]

الورد الاحمر والله انت تتنقلين بين الجيوب والسيدان بشكل عادي !

يعني ما عندك مشكله لو شريتي جيب او سيدان مع ان المركب
مختلف جداً وكذلك الراحه !!

عندك مازداء CX9
جيب كروس اوفر راقي ومحترم ولحد الان ما جاء عليه
مشاكل ... يعيبه طيحة سعره عن اعادة البيع ووكيله لك عليه
شوي ... يعني معروف انه من الوكلاء القلق . وما ادري وش الوضع عندكم في الامارات ؟؟؟
بس ضمانه اقوى ضمان 200 الف كم او 5 سنوات


عندك الايدج من فورد
جيب كروس اوفر .. ودااااايم عليه عروض .. فما فيه سعر محدد .

عندك الماليبو الجديده من شفروليه ... تتميز بالتصميم الجديد والصنع
الامريكي من الى .... يعني ما فيها عرق كوري او استرالي

عندك المكسيما من نيسان .. تصميمها خاصة من الخلف تقول سيارة سباق !!

جيب اللكزس RX 350 بس ما ادري كم سعره صراحه ولا خيااااااالي

الافالون والارويون من تويوتا
الكادينزا من كيا خياااااااااااليه .... بس ما ادري وش وجهة نظرك بالكوري!!
فيه السوناتا والتوسان الجديدات ... ابداع من هيونداي
خذي المناسب ووفري الباقي ... ترى حرام هالمبلغ الي ذكريته يروح على حديد << وجهة نظر

وكل هالسيارات اقل من المبلغ الي ذكرته باستثناء الـ RX 350

تحياتي

[redrose_87]

خذلك جــــينســـــــيس وضمان 5 سنوات وانت مرتاااااااااااح :smilie16:
وموتر صراحة فاق التوقعات ...


مشكوووور أخوي عالنصيحة بس للأسف ما أحب السيارات الأمريكية :c0038:، ما أدري ليش ..
جزيت خيراً عالرد السريع..

[redrose_87]

جيب انفنتيG35

مره حلو ورـآئع وشكله نـآيس

ومركبه حلو والجيب دائم افضل من سيارات السيدان
لاكن عيب الـ انفنتي قطع غياره شوي غاليه

يعني لازم تكون معاك حق متاعب صيانه بالايام الجايه

مع انه مو كثير خراباته

بالتوفيق واي استفسار انا موجود وحاضر


صح كلامك والله.. أنا وايد تعجبني الانفنيتي.. أحسها فخمة وراقية وسعرها مناسب..

إن شاء الله بروح أجوفها فالوكالة..

مشكووووووووووووور وما تقصر..

[سكسبال]

مرسديس اي كلاس او بي ام 5 سريس

[fhad2007]

مشكوووور أخوي عالنصيحة بس للأسف ما أحب السيارات الأمريكية :c0038:، ما أدري ليش ..
جزيت خيراً عالرد السريع..

الجينسس كوريه من هونداي وليست امريكيه :smile:

[Al3as]-[iQ]

اضم صوتي لصوت الأخ فهد في سالفة الـ ( ماليبو )
اويليييه من جد خيال
وسعرها جدا حلو ومعقول مع اني مقدر اشتريها لكن مقارنة بالوسط الفني في تزايد الاسعار الغير منطقي فهي تعتبر أقل الاسعار

مثلا :
الكامري الفل كامل والي كلها زحمه قيمتها اكثر من 90.000 ريال بالنسبه لنا بالسعودية
نشوف الماليبو السياحية الي مافيه اي مواصفات تعتبر قريبه من مواصفات الكامري الفل كامل وقيمتها بـ 75.000
في هالحالة اشتري ماليبو سياحية ولا اشتري كامري فل كامل
والماليبو الفل كامل قيمتها تقريبا توصل الى 115000 .. نسيت والله كم قالو لي بالوكالة بس اعتبر الفل الكامل تفوق اللكزس 300 ES في مواصفاته ونشوف اللكزس قيمتها بـ 130.000 تقريبا .. شوف الفرق
من جد فرق موب طبيعي
يعني اترك ماليبو واطب في كامري او لكزس بهالمبلغ الخيالي !!

فورد فايف هاندرد ، ومونديو ، فيوجن ...
للكشخه الزايدة ( لينكن تاون كار ) جناان
هذا مقطع لبعض سيارات فورد :
http://www.youtube.com/watch?v=EZmTuXuSq98&feature=player_embedded

وهنا خذي نضره على تورس :
http://www.fordvehicles.com/cars/taurus/
خيااال بصراحة تغيرت كليا وقمة الفخامة فيها

بالتوفيق اختي
انا بروح ادور لي سيارة بـ 20 الف هههههههه عساني الاقي

[redrose_87]

بالنسبة .. للكزس Es و الأنفنتي G 35 ..


الانتفنتي تتفوق بالشكل و المواصفات و القوة !

انصحك فيها و بشششدة ..

و إذا تفضل السيارة تكون جيب .. عندك جيب بورش كاين مستعمل نظيف بـ حدود هاالسعر


تحياتي لك


مشكووووووووووور أخوي ما قصرت..

الانفنتي الآن وبعد مدح الجميع تصدرت بقية الخيارات.. وقاعدة أفكر فيها بجدية :smile:

[redrose_87]

-[iQ;2244438']بورش كيان S

معروض هنـــــــــــــــــــــــــــا (http://ra7el.mstaml.com/) أعتقد محدود بـ 175.000 موديل 2008

بس حلو هالبورش .. وعنده اكس 6 معروض خبااال بس شكله غالي حبتين :)

بالتوفيق :)


تسلم أخوي عالرد :smile:.. يعطيك العافية

[redrose_87]

خذي لك انفنتي G35

أقوى ـ أريح ـ أجمل شكل ـ رساوة على الطريق

حلوه وجدا رائعه ، واذا كنتي من الامارات قطع غيارها عندكم ارخص من الي عندنا

والبنات يفضلونها لجمال الديكور والشاشه .

وعلى فكرة الـ G35 مو جيب ، سياره سيدان فخمه مائلة للرياضه :

http://www.tirekick.com/TK06-May/images/07InfG35.jpg

والجديد منها تغير اسمها من G35 إلى G37

مشكوووور أخوي عالرد.. والله الصورة وااااايد حمستني :smilie16:

وشكلي بجوفها فالوكالة وإذا عجبتني بتوكل على الله..

[شي ثاني]

أنا أشوف الكاديلاك CTS الخيار الأنسب...

موتر ولا أحلى يكفيك إنه من أقوى سيرات السيدان بالعالم...

أو شوف لك ليكزس 430LS مستعمل 2006 -2007

وتحياتي لك...

[speeed1]

انصحك قبل ما تشتري اي سيارة تجربها باي طريقة
انا جربت اللكزس اي اس 350 بانوراما وسعرها 179الف جيدة ومقبولة واتوقع شكلها بيتغير عام 2012 وعزمها جيد وعندك جيب اللكزس والمازدا cx-9 فل
والانفنتي اذا بتعجبك ما ما ادري كيف جودتها وصيانتها g37

[Ngorogoro]

السلام عليكم ,,

لو تلاحظوا هذي أول مشاركة لي لأني تحمست للموضوع :smilie16:

أنا مادري كيف تفكيرجَ بالموضوع و لـكن اعتقد بالنسبة لبنت سيارات السيدان أحلى ^^الجيوب خلوها لنا

انا سيارة وحدة شاغلة بالي و انتي شوفيها و شوفي رايج فيها

Ford Taurus للآن السيارة لاقت نجااح فاق التوقعات و اهي قنبلة فورد الجديدة ,, صحيح امريكي و لـكن شوفيها و احكمي ,, سعرها حلو و أغلى فئة بحدود 150 هذي مع نظام اسمه تويني تيربو ,, بكل بساطة سيارة 6 سلندر تعطي قوة الـ 8 سلندرا

احس راح تكوني مميزة في الطريق بها و مع اللون العناابي ,, خياآآل

آسف ع الاطالة و هذي رابط لها
http://www.fordvehicles.com/cars/taurus/

و هذا الموضوع عندنا بس مو أعلى فئة لأن اتجي بشاشة و تشغيل بزر و شوية اضافات بس مي موجودة في السعودية للأسف
http://www.assayyarat.com/forums/thread189800.html

اتمنى أني افدت و لو اني كنت متعصب لهذي السيارة :rolleyes1:

[كادليك dts]

عندك الجنسيس من هونداي ((كوري))

حلوه جدا من جوا تحس كأنك راكبه بي ام دبليو الفئه السابعه

ومن برى شكلها رائع جدا ورسمي مع بعض الشكل الرياضي ((سبورت))

انا انصحك تروحين لوكالة هونداي وتشوفينها على الطبيعه وانا متاكد انها بتعجبك :)

على فكره ترى سعرها ((للفل الكامل)) تقريبا 160 الف

ولكن مواصفاتها فخمة ((جدا))

واذا تبين تشوفين صورتها ابحثي في قوقل للصور عن genesis

وهاذي بعض الصور

http://www.edmunds.com/pictures/VEHICLE/2010/Hyundai/2010.hyundai.genesis.20310424-396x249.jpg

http://cdn-www.rsportscars.com/images/hyundai/2009-hyundai-genesis-v8/hyundai-genesis-2009-interior-nav-system.jpg

http://www.kharjauto.com/infimages/myuppic/4b631e88e913c.jpg


http://images.motortrend.com/features/auto_news/2008/112_0801_05z+2009_hyundai_genesis_sedan+interior_v iew.jpg

http://img377.imageshack.us/img377/8048/43677799rn6.jpg


ايضا هذا الموصوع راح يفيدك كثيير

http://www.assayyarat.com/forums/thread187576.html

[MBS]

الانفنتي G37 :xyxthumbs:

[ملك الرمل]

السعر الي معاك يجيبلك سيارة من ماركة فخمة (( يعني كشخة)) ..

وأذا تبي سيدان ارشح لك (( الكزس)) أذا كنت هادئ .. و(( أنفينيتي)) اذا

كنت تعشق الريس أو السرعة بحكم الرساوة الي فيها .

أما أذا كان تبي جيب ارشح لك (( الباترول الجديد)) بصراحة جبار .

والاستخارة أهم شيئ .

[genes power]

بس ماحددت المواصفات اللي تبغاها

يعني رياضية او فخمة او كرف وتبغاها جيب والا سيدان

لكن انا اشوف ان افضل سيارة بهذا السعر هي لانسر رالي ارت 114000 ريال

وهي عند جارنا هو طالب وكل اسبوع المدينة-جدة كارفها كرف وزي الفل ماشاء الله وطبعا سيارته 2010

http://blog.niot.net/blog-images/08_Aug/mitsubishi-lancer-ralliart-priced-at-26-490.jpg

او ليجاسي gt سعرها 138000

السيارة مايعيبها شي ابدا ابدا غير عدم وجود شاشة لكنها تجي طلبية

http://khazn.com/uploads/images/a-0c5816b6f595461894cdad5477e1aa08.jpg

ارجو ان اكون قد افدتك^_^

[mso]

وش رايك في انفنتي EX ?

اعتقد مناسبه وبناتيه

[Al3as]-[iQ]

هذي بنوته تركبونها سيارات مدري وش سالفتها ههههههه

كل هالحنيه واخرتها لانسر !!
والله لو انها مدرسة كيمياء او فيزياء والا مدرسة رياضيات خصوصي تركب لانسر هههههههه

[SUPERCHARGED]

زيدي شوي وخوذ لي لك مرسيدس بنز C كلاس

او بي ام دبليو Z4 الجديد

لان لو تجربينهم بتطيح من عينك جميع صناعات السيارات الثانيه موفقه

[petit prince]

ستروينc5 قيمتها 135 ألف ريال - باساتcc كوبيه قيمتها 150 ألف ريال- فولفو c70 كوبيه كشف قيمتها 185 ألف ريال - انفينيتي g37 سيدان قيمتها 170 ألف -اودي TT قيمتها 145 ألف ريال
هادي السيارات من وجهة نظري أجمل السيارات وبنفس القيمة تقريبا الي دكرتها . ولو عندي المبلغ الآن أشتري C70 على طول ..اتمنى لك التوفيق

[walb]

يعتمد تبغين اربع ابواب (لكز ESاو المرسدس الفئة C او بي ام الفئة 3
بابين (كوبية) هوندا اكورد كوبية او مرسدس CLK او لكزس IS كوبية
جيب انفنتي FX او لكزس RX او مرسدس GL.

سيارات عملية وجميلة من وجهت نضري وتكاليف الصيانة مقبولة الي حد ما

ويمكن تطلب تقارير من موقع www.cars خانة السيارات الجديدة ويوضح لك السلبيات والاجبيات واراء المستخدمين للسيارات

[الاداء التقني]

انا اقوال سيارات انفنيتي تناسب البنات و مورانو و لكزس ES,GS,RXوهذا سيارات

عندنا طايحات عليهن البنات