تشارجر VS SE بي أم 530 ؟؟؟

[GN6]

السلام عليكم ،،،

الحمدلله الله قدرني و طلعت تشارجر SE من الوكالة و السيارة ما شالله ما يحتاج.

لكن خويي قالقني فالـ بي أم 530 حقتة ، ويستهبل علينا من الصبح ويقول قايم عليك قايم عليك '' مزودها شوي "

المهم الحين أنا مرنت السيارة الحمدلله و كلش تمام و أبي أورجي خويي قيمه ، بس من تتوقعون اللي يقوم الثاني ؟ أنا ولا هو .

أنا أبي أصور القومة بس أبغى أخذ رايكم بالأول لأن البي أم ماشالله سيارة قومات بالخصوص ال530 و بالمناسبة هي موديل 2003.

ومشكورين ،،،

[آنـت آلـهـدآيـآ]

اذا التشارجر حقكـ 8 سلندر اتوقع القومه راح تكون من نصيبكـ ,,
اما اذا 6 سلندر اتوقع بيروح عليكـ ,,

وترى كلامي مجرد توقع غير مبني ع خبرهـ ’’

[ابو سعود 1]

لالالا يابيي
530 يمشي وتراة طيارة
اذاموترك 8 همي نعم تاكلة وبالراحة
بس تذكر قبل ماتقاومة وبعدين ممكن تكون لاقدرالله اخرقومة لك او لة
ممكن تبدامشاكل في سيارتك انت بغنى عنها
كل دعسة تدعسها على مكينت سيارتك تراها تنقص من عمرها وتسرع خرباتها وتنفض جيبك

[GN6]

مشكور عالرد أخوي ... تراني مو براعي مقاومات بس ترى خويي غثني هههه و أنا ناوي أحافظ على السيارة صراحة بس مهو بغلط الواحد يستمتع بمقاومة و لا ثنتين بالشهر خخخ .

[v8-5700]

^^^^^^^^^^^^^^^^^^^^^^^^^^^^
طبعا بدون كلام التشارجر يروح سواء كان 6 او 8
البي ام ثقييل لكن خط اتوقع يروح عليك

[lumi2008na]

البي ام يروح عليك وانت جرب موخسران شي تراه خويك

[عاشق مونديو]

2003 ما يجيب التشارجر :wink::a1120(82):

[PC Master]

اذا موديل 2003 ماعندي فكرة بس اتوقع نفس الأداء

اما 2004 وطالع انسى

[SHADOW V6]

وعليكم السلاام

خذ الكلااام من هنا :)

الموديل القديم للبي ام دبليو تطمن راح تطلع عليه إن شاء الله اذا ماهو مزود ,

اما إذا جديد راح يشـد معـاك :)

بالتوفيق إن شاء الله وخبرنا منهو الي طلع للإفادهـ

[GN6]

مشكورين يا اخوان على التفاعل الكبير ،،،

ان شالله بتوكل على الله و اشوف ايش آخرتها هههه ،،، لكن على كلامه انه مقطع لومينات 6 سرندل 2006 و 2007 ،، أنا ما شفت بس هو يقول كذه. أنا ما اتوقع اللومينا تقوم التشارجر أو ال 530 ولا إيش رايكم.

[عاشق الـDODGE]

والله وانا اخوووك حيرتني:c0214:

لكن انت جرب ومو خسران ان شاء الله الدودج راح ينطح البي ام بقرونة خخخخخ

ولاتنسى تعلمنا وش راح يصير

اخووووك


ابونورة الشهريــ:bigggrin:

[DODGE R/T]

صور فيديو خلنا نشووووف :)

[SHADOW V6]

ماصارت قومه الموضوع صار له شهر :mad1:

[GN6]

معليش يا اخواني :blue:... الموتر حق خويي ال530 اخترب عليه و شايلة بسطحة ذاك اليوم (من كثر المقاومات خخخخ) سبحان الله النصيب.

والله مدري متا يطلعه من التصليح بس الظاهر ان مشكلته كبيرة شوي الله يعينه على هالبلوه.

شكلي بقعد ادرو بالشوارع أدرولي على 530 أقاومة علشان ما أتفشل معاكم (أول مشاركة لي و أول تفشيلة بعد)

معليش كمان مرة. :a1120(86):

[أبو عابــد]

خخخخخخخخخخخ خلاص جرب معي عشان يرضو اعضاء المنتدى:xyxthumbs:

[ابو خلود.]

خط


انسى غرامك تروح عنه


قومه مدري بس اخبر البي ام القديم ثقيل بالقومه مدري عن الجديد

[aghiatoo]

ههههههههههههه اخواني الي ما جرب السيارات الألمانية .. ترى اسمحولي .. ماهو عراف شي عن قوتها ولا عن قومتها .. سوءا خط او قومة

انا معاي مرسيدس 1990 الي هو فرخ الشبح 300 ...

لا تقلي ماكسيما .. ولا تقلي كامري .. ولا تقلي اكورد .

والله منتفهم تتييييييييييييييييييييف

لا تستهينو بالألماني .. فيه قوة غريبه ببطنه .. يوم تدوس على الاخر .. تحس بشي غريب .. شكله جني يعطيك باور ههههههههههههه

شوف اخوي .. لو البي ام 530 الي من قدام يجيك عدسات .. هذا قوته رهيبه االصراحه

و انت جرب مانت خسران ^^

[عاشق الـDODGE]

يارجال الله يعينة على ماصابة
ولكن لاتتفشل ولا شئ وان شاء الله ان موتر خويك يطلع بالسلامة ونشوف المقاومة
وهذا يعتبر انتصار لك لانه وعدك بشئ ولكن موتره خرب وانت الفايز خخخخ

تحياتي

[GN6]

اليوم كنت ماسك خط الزلفي وقلت خلني أجرب قومة السيارة ... طبعا صورت بالفيديو لكن مدري ليش أحس القومة ثقيلة شوي و بالمناسبة ترى هذى أول قومة صح أسويها (يعني أول مرة أدز للآخر) ، تتوقعون الثقل هذا عشان هذى أول قومة للموتر ؟؟

أترككم مع الفيديو وقولوا ما شالله ...

http://www.youtube.com/watch?v=XQkxMhYHW8I&feature=player_embedded#!

بس على كذا ما أتوقع أقوم ال 530 أبد لاقومة ولا خط ... خخخ

[أبو عابــد]

0-100 في عشر ثوان تسارع جيد.
بس ياريت تكون اول واخر تجربة تسارع موترك مشاء الله مو ماشي شي حافظ عليه .

[GN6]

مشكور عالنصيحة أخ أبو عابد ... بس أنت عارف الواحد يكون مرات متحمس يختبر أداء السيارة.