ضمان للسيارات المستورده

[_ Z o o M 3 _]

السلام عليكم ورحمه الله وبركاته

كيف الحال جمعيا ؟


انا بإذن الله بطلب سياره مستعمله من امريكا موديل 2008

طبعا الضمان ماراح يكون له مفعول لما اجيبها هنا


ف نصحني كم واحد من الأخوان اني اوديها لأوتو ستار ويوسون عليها تشييك ويعطوني عليها ضمان

هل هالكلام صحيح ؟ وكيف ضمان اوتو ستار ؟

وإذا هالكلام مو صحيح وين اقدر اجيب ضمان للسياره ؟

لان السياره الي بطلبها دودج وقيمتها كبيره وقطع غيارها هنا ناااار ف ما ابي اتوقع واخذها بدون ضمان


وسلامتكم

[Guitariano]

من باب العلم بالشيء .. شركة أوتوستار تابعة لشركة عبد اللطيف العيسى

أما عن تساؤلاتك .. فللأسف ما عندي خبر .. ولكن الله يوفقك وينولك اللي في بالك :)

[_ Z o o M 3 _]

يعطيك العافيه ماقصرت

بانتظار اصحاب الخبره

[وضح النقاء]

اخوي ،
انتبه للمستورد اغلبه معدوم يعني الله يعينك تصلحه يجيك احيانا فيه اعطال خطيرة ومايسلم الا القليل ... لذلك ان كان ولابد فاطلب عن طريق اشخاص هناك يفحصون السيارة ويتولون ارسالها وان كان ماتقدر فالغى الموضوع

[_ Z o o M 3 _]

هلا اخوي وضاح

بالنسبه للفحص ف انا اعرف شركه يطلبون سيارات من امريكا .. قبل مايطلبها لي يرسل مندوب هناك يتاكد منها ويرسلي تقرير شامل للسياره

وفيه شباب كثير اعرفهم جربو هالشركه ومشا حالهم

هو يضمنها لك لما توصل ... ويضمن لك ان مايكون فيها شي خربان ماوضحه البائع غير كذا مافيه ضمان

انا الي مخوفني اني لو بعد فتره من الإستعمال خرب علي شي .. بتوهق فيها

انا سمعت ان بعض الوكالات تدفعلهم فلوس ويضمنون لك السياره

مدري إذا المتحده تبع دودج عندهم نفس الطريقه ولا لا !!؟

[moode_7]

حبيبي خوي معه كلايسلر
أمريكي ويدخله الوكالة ويسوي صيانة
كأنه سعووودي أشتر وأتوكل على الله
والله الأمريكي أنظف من الخليجي والسعودي
ناس تحافظ على السيارات ولهم قاعدة بيانات تبين لك المسمار لو كان خربان
وغيروووه بجديد وبعدين أسمع في شركة الضمان الدولي للسيارات تضمن حتى
ثلاث سنين يعني توكل على الله وأشتري السيارة

[_ Z o o M 3 _]

حياك اخوي

والله انا عارف بعد ان الأمريكي انظف وارخص من الي هنا وهذا الي محمسني

عندك معلومات اكثر عن هالشركه ؟ ياليت لو عندك تزودنا فيها لا هنت

ويعطيك العافيه

[moode_7]

لا أبد لكن إذا شريت
سيارتك مرهم وهم يفكون لها ملف
وتسير تدخل الصيانة كأي سيارة

[عنابي89]

هلا اخوي وضاح

بالنسبه للفحص ف انا اعرف شركه يطلبون سيارات من امريكا .. قبل مايطلبها لي يرسل مندوب هناك يتاكد منها ويرسلي تقرير شامل للسياره

وفيه شباب كثير اعرفهم جربو هالشركه ومشا حالهم

هو يضمنها لك لما توصل ... ويضمن لك ان مايكون فيها شي خربان ماوضحه البائع غير كذا مافيه ضمان

انا الي مخوفني اني لو بعد فتره من الإستعمال خرب علي شي .. بتوهق فيها

انا سمعت ان بعض الوكالات تدفعلهم فلوس ويضمنون لك السياره

مدري إذا المتحده تبع دودج عندهم نفس الطريقه ولا لا !!؟


اخوي وش الشركة الي تعاملت معها اذ تكرمت تعطينا فكرة عنها او عنوانها

وبالنسبة لسؤالك عن الضمان اسئل عن ضمان المصنع هل يجبر وكيلها يضمنها هنا

بالتوفيق

[_ Z o o M 3 _]

انا سمعت فيه ضمان اقليمي تقدر تطلبه من نفس المعرض الي بامريكا

بس مادري عن الي هنا يقبلونه ولا لا :(